حﻜﺎﻳﺔ " ﻭﻟﺪ ﺍﻟﺴﻠﻄﺎﻥ ﻭ ﻭﻟﺪ ﺍﻟﻔﻼّﺡ "

ﻳﺤﻜﻴﻮ ﻋﻠﻰ ﻭﻟﺪ ﺳﻠﻄﺎﻥ ﻭ ﻭﻟﺪ ﻓﻼﺡ ﻣﻦ ﻭﻗﺖ ﻳﻠّﻲ ﻫﻮﻣﺎ ﺻﻐﺎﺭﺃﺻﺤﺎﺏ، ﺩﻳﻤﺎ ﻳﻠﻌﺒﻮ ﻣﻊ ﺑﻌﻀﻬﻢ ﻃﻮﻝ ﺍﻟﻨﻬﺎﺭ ﻓﻲ ﺍﻟﺤﺪﻳﻘﺔ ﻣﺘﺎﻉﺍﻟﻘﺼﺮ ﻭ ﻫﺎﻙ ﻭﻟﺪ ﺍﻟﺴﻠﻄﺎﻥ ﺣﺎﺳﺐ ﻭﻟﺪ ﺍﻟﻔﻼّﺡ ﻛﻴﻤﺎ ﺃﺧﻮﻩ ﻭ ﺣﺘﻰﻟﻴﻦ ﻛﺒﺮﻭ ﻭ ﻛﻠﻤﺔ ﺃﻋﻮﺫ ﺑﺎﻟﻠﻪ ﻣﺎﺟﺎﺗﺶ ﺑﻴﻨﺎﺗﻬﻢ، ﺃﺻﺤﺎﺏ ﻣﺎﻳﺘﻔﺎﺭﻗﻮﺵﻫﻴﺎ ﻳﺎ ﺳﻴﺪﻱ ﻧﻬﺎﺭ ﺧﺮﺟﻮ ﻟﻠﻐﺎﺑﺔ ﺑﺎﺵ ﻳﺼﻄﺎﺩﻭ، ﻣﻊ ﻧﺼﻒ ﺍﻟﻨﻬﺎﺭﺗﻌﺒﻮ ﻭ ﻗﺎﻟﻮ ﻫﻴﺎ ﻧﺮﺗﺎﺣﻮ ﺷﻮﻱ ﻭ ﺗﻤﺪّﻭ ﺗﺤﺖ ﺷﺠﺮﺓ ﻭ ﻗﻌﺪﻭ ﻳﺤﻜﻴﻮﺣﺘﻰ ﻟﻴﻦ ﻫﺰﻫﻢ ﺍﻟﻨﻮﻡ ﻭ ﺭﻗﺪﻭ .. ﺳﻲ ﻭﻟﺪ ﺍﻟﻔﻼﺡ ﻓﻲ ﺍﻟﻤﻨﺎﻡﻳﺸﻮﻑ ﻓﻲ ﺯﻭﺯ ﺣﻤﺎﻣﺎﺕ ﺣﻄّﻮ ﻓﻮﻕ ﺍﻟﺸﺠﺮﺓ ﻭ ﻗﺎﻋﺪﻳﻦ ﻳﺤﻜﻴﻮ ،ﻗﺎﻟﺖ ﺍﻟﺤﻤﺎﻣﺔ ﺍﻷﻭﻟﻰ ﻣﺴﻜﻴﻦ ﻭﻟﺪ ﺍﻟﺴﻠﻄﺎﻥ ﻋﻠﻰ ﻗﺮﻳﺐ ﺑﺎﺵﻳﻤﻮﺕ ﺑﺎﺵ ﺗﺠﻴﻪ ﻗﺎﺭﻭﺭﺓ ﻓﻴﻬﺎ ﺍﻟﻌﺴﻞ ﻭ ﻓﻴﻪ ﺍﻟﺴﻢّ ، ﻭ ﺇﺫﺍ ﻛﺎﻥ ﻣﺎﻣﺎﺗﺶ ﻭ ﻣﻨﻊ ﺭﺍﻫﻮ ﺑﻌﺪ ﺑﺠﻤﻌﺔ ﺑﺎﺵ ﺇﻳﺠﻴﻪ ﺣﺼﺎﻥ ﻫﺪﻳﺔ ﻭ ﺑﺎﺵﻳﻤﻮﺕ ﻭﻗﺖ ﻳﺮﻛﺐ ﻓﻮﻕ ﺍﻟﺤﺼﺎﻥ ﺇﻳﻄﻴﺢ ﻳﻤﻮﺕ، ﻭ ﺇﺫﺍ ﻛﺎﻥ ﻣﻨﻊ ﻣﺮّﺓﺃﺧﺮﻯ ﻣﻦ ﺍﻟﻤﻮﺕ ﺭﺍﻫﻮ ﺑﻌﺪ ﺑﺄﺳﺒﻮﻉ ﻟﻴﻠﺔ ﻋﺮﺳﻮ ﺑﺎﺵ ﻳﺪﺧﻞ ﻋﻠﻴﻪﺛﻌﺒﺎﻥ ﻛﺒﻴﺮ ﻭ ﻳﻠﺴﻌﻮ ﺣﺘﻰ ﺍﻟﻤﻮﺕ .. ﻭ ﻗﺎﻟﺖ ﺍﻟﺤﻤﺎﻣﺔ ﺍﻟﺜﺎﻧﻴﺔ : ﻳﻠّﻲﻳﺤﺬﺭ ﻭﻟﺪ ﺍﻟﺴﻠﻄﺎﻥ ﻣﻦ ﺍﻟـ 3 ﻣﺨﺎﻃﺮ ﻫﺎﺫﻱ ﺭﺍﻫﻮ ﻳﺘﺤﻮﻝ ﻟﺤﺠﺮﺓﻃﻮﻝ ﺣﻴﺎﺗﻮ ..ﻭ ﻓﻲ ﻟﺤﻈﺔ ﻗﺎﻣﻮﺍ ﻭﻟﺪ ﺍﻟﺴﻠﻄﺎﻥ ﻭ ﻭﻟﺪ ﺍﻟﻔﻼّﺡ ﻣﻦ ﺍﻟﻨﻮﻡ ﻭ ﻟﻜﻦﺍﻟﻤﻔﺎﺟﺄﺓ ﺃﻥ ﻭﻟﺪ ﺍﻟﻔﻼّﺡ ﻫﺰّ ﺭﺃﺳﻪ ﺍﻟﻔﻮﻕ ﺷﺎﻑ 2 ﺣﻤﺎﻣﺎﺕ ﻗﺎﻋﺪﻳﻦﻓﻮﻕ ﺍﻟﺸﺠﺮﺓ .. ﻗﻌﺪ ﺑﺎﻫﺖ ﻭ ﺧﺎﻑ ﻭ ﻗﺎﻝ ﺃﻧﺎ ﻛﻨﺖ ﻧﺤﻠﻢ ﻭ ﺇﻻﺑﺎﻟﺤﻖ .. ! ﻟﻴﻦ ﺭﻭﺣﻮﺍ ﻭ ﻫﻮ ﺇﻳﺨﻤﻢ ﺯﻋﻤﺎ ﻳﻠﻲ ﺷﺎﻓﻪ ﻭ ﺳﻤﻌﻮ ﺣﻠﻢﻭ ﺇﻻ ﺣﻘﻴﻘﺔ .. ﻫﺎﻙ ﻭﻟﺪ ﺍﻟﻔﻼﺡ ﻻ ﻳﺮﻗﺪ ﻭ ﻻ ﻳﻌﺮﻑ ﻧﻮﻡ، ﺇﻳﺨﻤﻢﻓﻲ ﻫﺎﻷﻣﺮ ﺍﻟﻌﺠﻴﺐ ﻳﻠّﻲ ﺷﺎﻓﻮ ..ﻫﻴّﺎ ﺑﻌﺪ ﺑﺠﻤﻌﺔ ﻭﻟﺪ ﺍﻟﺴﻠﻄﺎﻥ ﻭ ﻟﺪ ﺍﻟﻔﻼﺡ ﻗﺎﻋﺪﻳﻦ ﻳﻠﻌﺒﻮ ﻓﻲﺍﻟﺤﺪﻳﻘﺔ ﻣﺘﺎﻉ ﺍﻟﻘﺼﺮ ﺑﺎﻟﺴﻴﻮﻑ ﻳﺘﺒﺎﺭﺯﻭ .. ﻭ ﺟﺎﺋﺖ ﺍﻟﺴﻠﻄﺎﻧﺔ ﻭ ﻓﻲﺇﻳﺪﻫﺎ ﻗﺎﺭﻭﺭﺓ ﻋﺴﻞ ﻭ ﻗﺎﻟﺖ ﻟﻮﻟﺪﻫﺎ : ﻫﺎﺫﻱ ﻫﺪﻳﺔ ﺟﺎﺗﻚ ﻣﻦﺭﺍﺟﻞ ﻣﻦ ﺍﻟﻤﺪﻳﻨﺔ، ﻭ ﻫﺎﻙ ﻭﻟﺪ ﺍﻟﻔﻼﺡ ﻗﻌﺪ ﺑﺎﻫﺖ ﻭ ﻣﺎ ﻋﺮﻓﺶ ﺃﺵﻳﻌﻤﻞ، ﻛﺎﻥ ﺑﺎﺵ ﻳﺤﺬﺭ ﻭﻟﺪ ﺍﻟﺴﻠﻄﺎﻥ ﺑﺎﺵ ﻳﺘﺤﻮﻝ ﻫﻮ ﺇﻟﻰ ﺣﺠﺮﺓ ﻭﻛﺎﻥ ﺑﺎﺵ ﻳﺴﻜﺖ ﺑﺎﺵ ﻳﻤﻮﺕ ﻭﻟﺪ ﺍﻟﺴﻠﻄﺎﻥ ﺻﺎﺣﺒﻮ ﻭ ﻛﻴﻒ ﺃﺧﻮﻩ( ﺣﺴﺐ ﻣﺎ ﺳﻤﻊ ﺍﻟﺤﻤﺎﻣﺎﺕ ) .. ﻭ ﺃﺧﺬ ﻭﻟﺪ ﺍﻟﺴﻠﻄﺎﻥ ﻗﺎﺭﻭﺭﺓﺍﻟﻌﺴﻞ ﻭ ﻓﺘﺤﻬﺎ ﻭ ﻫﻮ ﺟﺎﺀ ﺑﺎﺵ ﻳﺄﻛﻞ ﻣﻨﻬﺎ ﺑﻄﺮﻑ ﺇﺻﺒﻌﻪ ﺷﻮﻱ ﻭﻫﺎﻙ ﻭﻟﺪ ﺍﻟﻔﻼﺡ ﻓﻲ ﺇﻳﺪﻩ ﻋﺼﺎ ﺑﺴﺮﻋﺔ ﻳﻀﺮﺏ ﺑﻴﻬﺎ ﻫﺎﻙ ﺍﻟﻘﺎﺭﻭﺭﺓﻣﺘﺎﻉ ﺍﻟﻌﺴﻞ ﺇﺗﻄﻴﺢ ﺗﺘﻜﺐ ﻋﻠﻰ ﺍﻷﺭﺽ ﻓﻮﻕ ﺍﻟﺘﺮﺍﺏ ﻭ ﺗﻮﺳﺦ ﺍﻟﻌﺴﻞﻛﻠﻮ ﺑﺎﻟﺘﺮﺍﺏ .. ﻭﻟﺪ ﺍﻟﺴﻠﻄﺎﻥ ﻗﻌﺪ ﺑﺎﻫﺖ ﻭ ﻗﺎﻝ : ﻋﻼﻩ ؟ ﻋﻼﻩﻛﺴﺮﺗﻬﺎ ؟ ﻭ ﻭﻟﺪ ﺍﻟﻔﻼﺡ ﻣﺎ ﻧﺠﻤﺶ ﻳﻘﻮﻝ ﺷﻲﺀ .. ﻭ ﺗﻐﺸﺶ ﻭﻟﺪﺍﻟﺴﻠﻄﺎﻥ ﺍﻟﻨﻬﺎﺭ ﻫﺬﺍﻛﺎ ﻭ ﺩﺧﻞ ﻟﻠﻘﺼﺮ ﻭ ﻭﻟﺪ ﺍﻟﻔﻼﺡ ﺭﻭّﺡ ﻟﻠﻤﻨﺰﻝﻣﺘﺎﻋﻮ

ﻫﻴﺎ ﻳﺎ ﺳﻴﺪﻱ ﺃﻳﺎﻣﺎﺕ ﺃﺧﺮﻯ ﻭ ﺭﺟﻌﻮ ﺃﺻﺤﺎﺏ ﻭ ﻭﻟﺪ ﺍﻟﺴﻠﻄﺎﻥ ﻧﺴﻰﺣﻜﺎﻳﺔ ﻗﺎﺭﻭﺭﺓ ﺍﻟﻌﺴﻞ ﻭ ﺭﺟﻌﻮ ﺃﺻﺤﺎﺏ، ﻭ ﺑﻌﺪ ﺃﺳﺒﻮﻉ ﻳﺸﻮﻑ ﻓﻲﺣﺼﺎﻥ ﻣﻦ ﺃﺣﺴﻦ ﻣﺎ ﻳﻜﻮﻥ ﻣﺪﺧﻠﻴﻨﻮ ﺍﻟﺤﺮّﺍﺱ ﻟﻠﺴﺎﺣﺔ ﻣﺘﺎﻉ ﺍﻟﻘﺼﺮ،ﻭ ﻗﺎﻝ ﺍﻟﺴﻠﻄﺎﻥ ﻫﺎﺫﻱ ﻫﺪﻳﺔ ﺟﺎﺗﻚ ﻣﻦ ﺍﻟﻤﻤﻠﻜﺔ ﺍﻟﻔﻼﻧﻴﺔ، ﻭﻟﺪﺍﻟﻔﻼﺡ ﺗﺬﻛﺮ ﻛﻼﻡ ﺍﻟﺤﻤﺎﻣﺎﺕ ﻭ ﺧﺎﻑ ﻭ ﻣﺎ ﻋﺮﻓﺶ ﺍﺀﺵ ﺑﺎﺵﻳﻌﻤﻞ .... ﻭ ﻭﻟﺪ ﺍﻟﺴﻠﻄﺎﻥ ﺟﺎﺀ ﺑﺎﺵ ﻳﺮﻛﺐ ﻓﻮﻕ ﺍﻟﺤﺼﺎﻥ ﺑﺎﺵﻳﻌﻤﻞ ﻋﻠﻴﻪ ﺩﻭﺭﺓ ﻭ ﻳﺠﺮﺑّﻮ ﻭ ﻟﻜﻦ ﻭﻟﺪ ﺍﻟﻔﻼﺡ ﻋﻨﺪﻭ ﺍﻟﻘﻮﺱ ﻭﻳﻀﺮﺏ ﺑﺰﻭﺯ ﺃﺳﻬﻢ ﺍﻟﺤﺼﺎﻥ ﻗﺘﻠﻮ .. !!! ﻭ ﻫﺎﻙ ﺍﻟﺤﺮﺍﺱ ﺷﺪﻭﺍﻭﻟﺪ ﺍﻟﻔﻼﺡ ﻭ ﻭﻭﻟﺪ ﺍﻟﺴﻠﻄﺎﻥ ﻏﻀﺐ ﻏﻀﺐ ﺷﺪﻳﺪ ﻭ ﺍﻟﺴﻠﻄﺎﻥﺗﻐﺸﺶ ﻭ ﺑﺪﺃ ﻳﺼﻴﺢ ﻋﻼﻩ ﺗﻘﺘﻞ ﻓﻲ ﺍﻟﺤﺼﺎﻥ ؟ ﻭ ﻭﻟﺪ ﺍﻟﺴﻠﻄﺎﻥﻳﺼﻴﺢ ﻭ ﻫﻮ ﻣﺘﻐﺸﺶ ﺑﺎﺵ ﻳﺘﻘﻄﻌﻠﻮ ﻋﺮﻕ : ﻋﻼﻩ ﺗﻘﺘﻞ ﻓﻲﺍﻟﺤﺼﺎﻥ ؟ ﻭ ﻫﺎﻙ ﻭﻟﺪ ﺍﻟﻔﻼﺡ ﺳﺎﻛﺖ ﻣﺎ ﺑﺎﺵ ﻳﻘﻮﻝ ﺷﻲﺀ .. ﻭﻃﺮﺩ ﺍﻟﺴﻠﻄﺎﻥ ﻭﻟﺪ ﺍﻟﻔﻼﺡ ﻭ ﻗﺎﻟﻮ ﻣﺎﻋﺎﺩﺵ ﻧﺤﺐ ﻧﺮﺍﻙ ﻓﻲ ﻗﺼﺮﻱﻭ ﺍﻻ ﻣﻊ ﻭﻟﺪ ﻭ ﺇﺣﻤﺪ ﺭﺑّﻲ ﻳﻠّﻲ ﻣﺎ ﺣﻜﻤﺘﺶ ﻋﻠﻴﻚ ﺑﺎﻟﻤﺸﻨﻘﺔ ! ﺧﺮﺝﻭﻟﺪ ﺍﻟﻔﻼﺡ ﺣﺰﻳﻦ ﻭ ﻟﻜﻦ ﻣﺎ ﻧﺠﻤﺶ ﻳﻘﻮﻝ ﺷﻲﺀ ﻭ ﻳﻔﺴﺮﻟﻬﻢ ﻋﻼﻩﻫﻮ ﻋﻤﻞ ﻫﻜﺎ

ﻫﻴﺎ ﻳﺎ ﺳﻴﺪﻱ ﺑﻌﺪ ﺇﺳﺒﻮﻉ ﺍﻟﻌﺮﺱ ﻣﺘﺎﻉ ﻭﻟﺪ ﺍﻟﺴﻠﻄﺎﻥ، ﺳﺨﻒ ﻗﻠﺒﻮﻋﻠﻰ ﻋﺸﻴﺮﻭ ﻭﻟﺪ ﺍﻟﻔﻼﺡ ﻭ ﻗﺎﻝ ﺻﺎﺣﺒﻲ ﻭ ﻏﻠﻂ ﻭ ﺃﻧﺎ ﻻﺯﻡ ﻧﺴﺎﻣﺤﻮﻭ ﻧﺴﺘﺪﻋﺎﻩ ﻟﻠﻌﺮﺱ ﻣﺘﺎﻋﻲ .. ﻫﻴﺎ ﻳﺎ ﺳﻴﺪﻱ ﺇﺳﺘﺪﻋﺎﻩ ﻭ ﺣﻀﺮﻟﻠﻌﺮﺱ .. ﻭ ﻟﻜﻦ ﻭﻟﺪ ﺍﻟﻔﻼﺡ ﺗﺬﻛﺮ ﻛﻼﻡ ﺍﻟﺤﻤﺎﻣﺎﺕ ﺇﻧﻪ ﻟﻴﻠﺔ ﻋﺮﺱﻭﻟﺪ ﺍﻟﺴﻠﻄﺎﻥ ﺑﺎﺵ ﻳﺪﺧﻞ ﻋﻠﻴﻪ ﺛﻌﺒﺎﻥ ﻭ ﻳﻘﺘﻠﻮ ... ﻭﻟّﻰ ﻫﺎﻙ ﻭﻟﺪﺍﻟﻔﻼﺡ ﻋﻠﻰ ﻏﻔﻠﺔ ﻣﻦ ﺍﻟﻨﺎﺱ ﺍﻟﻜﻞ ﻭ ﺍﻟﺤﺮّﺍﺱ ﺩﺧﻞ ﻟﻠﻐﺮﻓﺔ ﻣﺘﺎﻉﻭﻟﺪ ﺍﻟﺴﻠﻄﺎﻥ ﻭ ﺯﻭﺟﺘﻪ ﻭ ﺭﻗﺪ ﺗﺤﺖ ﺍﻟﺴﺮﻳﺮ ﻣﺘﺨّﺒﻲ .. ﻫﻴﺎ ﻛﻤﻞﺍﻟﻌﺮﺱ ﻭ ﺟﺎﺀ ﻭﻟﺪ ﺍﻟﺴﻠﻄﺎﻥ ﻭ ﺍﻟﻌﺮﻭﺳﺔ ﻣﺘﺎﻋﻮ ﺩﺧﻠﻮ ﻟﻠﻐﺮﻓﺔ ، ﻭﻓﺠﺄﺓ ﻭﻟﺪ ﺍﻟﻔﻼﺡ ﺗﺤﺖ ﺍﻟﺴﺮﻳﺮ ﻳﺸﻮﻑ ﻓﻲ ﺣﻨﺶ ﺃﺳﻮﺩ ﺳﺒﺤﺎﻥ ﺍﻟﻠﻪﺍﺀﺵ ﻳﺨﻠﻖ ، ﺣﻨﺶ ﺃﺳﻮﻭﻭﺩ ﻭ ﻋﻴﻨﻮ ﺗﺸﻌﻞ ﻧﺎﺭ ﻭ ﺧﺮﺝ ﻫﺎﻙ ﻭﻟﺪﺍﻟﻔﻼّﺡ ﻣﻦ ﺗﺤﺖ ﺍﻟﺴﺮﻳﺮ ﻭ ﺟﺒﺪ ﺍﻟﺴﻴﻒ ﻭ ﺟﺎﺀ ﺑﺎﺵ ﻳﻘﺘﻞ ﺍﻟﺤﻨﺶ ﻭﻟﻜﻦ ﺍﻟﺤﻨﺶ ﺑﺴﺮﻋﺔ ﺧﺮﺝ ﻭ ﻭﻟﺪ ﺍﻟﺴﻠﻄﺎﻥ ﻣﺎ ﺷﺎﻑ ﺷﻲﺀ ﻓﻘﻂﺗﻠﻔﺖ ﻳﻠﻘﻰ ﻭﻟﺪ ﺍﻟﻔﻼﺡ ﻓﻲ ﺍﻟﻐﺮﻓﺔ ﻣﺘﺎﻋﻮ ﻭ ﻓﻲ ﺇﻳﺪﻳﻪ ﺳﻴﻒ ،،،ﻓﺰﻉ ﻭﻟﺪ ﺍﻟﺴﻠﻄﺎﻥ ﻭ ﺯﻭﺟﺘﺔ ﻭ ﺻﺎﺡ ﻓﺎﺵ ﺗﻌﻤﻞ ﻫﻨﺎ ﻭ ﻧﺎﺩﻯﻟﻠﺤﺮﺍﺱ ﺷﺪﻭ ﻭﻟﺪ ﺍﻟﻔﻼﺡ ﻭ ﺟﺎﺀ ﺍﻟﺴﻠﻄﺎﻥ ﻳﺠﺮﻱ ﻭ ﻗﺎﻝ ﻫﺎﻟﻜﻠﺐﻓﺎﺵ ﻳﻌﻤﻞ ﻓﻲ ﺑﻴﺖ ﻭﻟﺪﻱ ﻟﻴﻠﺔ ﻋﺮﺳﻮ .. ﻭ ﻫﺎﻙ ﺍﻟﻨﺎﺱ ﺍﻟﻜﻠﻬﺎﺗﺴﺐ ﻓﻲ ﻭﻟﺪ ﺍﻟﻔﻼﺡ ﻣﺎ ﺗﺤﺸﻤﺶ ﻭ ﺍﻟﺸﻲﺀ ﻳﻠﻲ ﺗﻌﺮﻓﻮﻩ .. ﻟﻜﻦﻭﻟﺪ ﺍﻟﻔﻼﺡ ﻣﺎﻋﺎﺩﺵ ﺇﻳﻨﺠﻢ ﻳﺘﺤﻤﻞ ﻭ ﻗﺎﻝ ﺧﻠّﻲ ﻧﻘﻮﻝ ﻭ ﻧﺮﺗﺎﺡ ﻭﺣﺘﻰ ﻋﺎﺭﻑ ﻣﻮﺵ ﺑﺎﺵ ﻳﺼﺪﻗﻨﻰ ﺣﺘﻰ ﺃﺣﺪ ﺃﻣّﺎ ﺧﻠﻲ ﻧﻘﻮﻝ ﻭﻧﺮﺗﺎﺡ .. ﻗﺎﻝ ﻭﻟﺪ ﺍﻟﻔﻼﺡ ﺳﺎﻣﺤﻮﻧﻲ ﺃﻣﺎ ﺭﺍﻭ ﻫﺎﻙ ﺍﻟﻨﻬﺎﺭ ﺍﻟﻔﻼﻧﻲﺃﻧﺎ ﺭﺍﻗﺪ ﻭ ﺷﻮﻓﺖ ﺍﻟﺤﻤﺎﻣﺘﻴﻦ ﻭ ﻗﺎﻝ ﻋﻠﻰ ﺣﻜﺎﻳﺔ ﻗﺎﺭﻭﺭﺓ ﺍﻟﻌﺴﻞ ﻭﺍﻟﺤﺼﺎﻥ ﻭ ﺍﻟﺜﻌﺒﺎﻥ ﻟﻴﻠﺔ ﺍﻟﻌﺮﺱ .. ﻭ ﻗﺎﻝ ﻳﻠّﻲ ﺍﻟﺤﻤﺎﻣﺎﺕ ﻗﺎﻟﻮ ﻳﻠّﻲﻳﺤﺬﺭ ﻭﻟﺪ ﺍﻟﺴﻠﻄﺎﻥ ﻳﺘﺤﻮﻝ ﻟﺤﺠﺮﺓ .. ﻭ ﻓﻲ ﻟﺤﻈﺔ ﺇﺗﺤﻮﻝ ﻫﺎﻙ ﻭﻟﺪﺍﻟﻔﻼﺡ ﻟﺤﺠﺮﺓ ﺻﻐﻴﺮﺓ ﻭ ﺍﻟﻨﺎﺱ ﺍﻟﻜﻞ ﺑﺎﻫﺘﺔ ﻭ ﺻﺪّﻗﻮﺍ ﺍﻟﺤﻜﺎﻳﺔ .. ﻭﺯﻭﺯ ﺣﺮّﺍﺱ ﻟﻘﺎﻭ ﺍﻟﺤﻨﺶ ﻓﻲ ﺍﻟﺤﺪﻳﻘﺔ ﻗﺘﻠﻮﻩ ﻭ ﺻﺪّﻗﻮ ﻭﻟﺪﺍﻟﻔﻼﺡ .. ﻧﺪﻡ ﻭﻟﺪ ﺍﻟﺴﻠﻄﺎﻥ ﻧﺪﻡ ﺷﺪﻳﺪ ﻭ ﻗﺎﻝ ﻛﻴﻔﺎﻩ ﻭﻟﺪ ﺍﻟﻔﻼﺡﻋﻤﻞ ﻣﻌﺎﻩ ﺍﻛﺨﻴﺮ ﻭ ﺿﺤّﻰ ﺑﺤﻴﺎﺗﻮ ﻋﻠﻰ ﺧﺎﻃﺮﻱ

ﻗﻌﺪ ﻫﺎﻙ ﻭﻟﺪ ﺍﻟﺴﻠﻄﺎﻥ ﻳﺒﻜﻲ ﻋﻠﻰ ﺻﺎﺣﺒﻮ ﻭ ﻛﻞ ﺍﻟﻮﻗﺖ ﻭ ﻫﺎﻙﺍﻟﺤﺠﺮﺓ ﻓﻲ ﺇﻳﺪﻩ .. ﻭ ﻧﻬﺎﺭ ﻣﺸﻰ ﻟﻠﻐﺎﺑﺔ ﻭ ﺑﺎﻟﺼﺪﻓﺔ ﺭﺟﻊ ﺭﻗﺪﺗﺤﺖ ﻫﺎﻙ ﺍﻟﺸﺠﺮﺓ ﻳﻠﻲ ﺳﻤﻊ ﻓﻴﻬﺎ ﻭﻟﺪ ﺍﻟﻔﻼﺡ ﺍﻟﺤﺎﻣﺘﻴﻦ ، ﻭ ﺇﺗَّﻜَّﻰﻭﻟﺪ ﺍﻟﺴﻠﻄﺎﻥ ﺣﺘﻰ ﻫﺰﻭ ﺍﻟﻨﻮﻡ ﻭ ﻳﺸﻮﻑ ﻓﻲ ﺯﻭﺯ ﺣﻤﺎﻣﺎﺕ ﻓﻮﻕﺍﻟﺸﺠﺮﺓ ﻳﺤﻜﻴﻮ ﻭﺍﺣﺪﺓ ﻟﻮﻧﻬﺎ ﺃﺑﻴﺾ ﻭ ﺍﻷﺧﺮﻯ ﺃﺳﻮﺩ، ﻗﺎﻟﺖﺍﻟﺤﻤﺎﻣﺔ ﺍﻟﺴﻮﺩﺍﺀ : ﻭﻟﺪ ﺍﻟﻔﻼﺡ ﺇﺗﺤﻮﻝ ﺇﻟﻰ ﺣﺠﺮﺓ ﻷﻧﻪ ﺣﺬّﺭ ﻭﻟﺪﺍﻟﺴﻠﻄﺎﻥ .. ﻭ ﻗﺎﻟﺖ ﺍﻟﺤﻤﺎﻣﺔ ﺍﻟﺒﻴﻀﺎﺀ : ﺻﺤﻴﺢ ﻭ ﻟﻜﻦ ﺩﻭﺍﺀ ﻭﻟﺪﺍﻟﻔﻼﺡ ﻓﻲ ﺍﻟﺪﻡ ﻣﺘﺎﻋﻚ ﺇﺫﺍ ﻛﺎﻥ ﻳﻘﺘﻠﻮﻙ ﻭ ﻳﺤﻄﻮ ﺍﻟﺪﻡ ﻣﺘﺎﻋﻚ ﻓﻮﻕﺍﻟﺤﺠﺮﺓ ﻳﺮﺟﻊ ﻭﻟﺪ ﺍﻟﻔﻼﺡ ﺍﻟﻰ ﺷﻜﻠﻪ ﺍﻟﻄﺒﻴﻌﻲ، ﻭ ﻗﺎﻟﺖ ﺍﻟﺤﻤﺎﻣﺔﺍﻟﺴﻮﺩﺍﺀ : ﺍﺳﻜﺖ ﻭ ﺩﺑّﺮ ﻋﻠﻰ ﺭﻭﺣﻚ ﺗﺤﺒﻨّﻲ ﻧﻤﻮﺕ ؟ ﻭ ﻓﺠﺄﺓ ﻗﺎﻡﻭﻟﺪ ﺍﻟﺴﻠﻄﺎﻥ ﻣﻦ ﺍﻟﻨﻮﻡ ﻭ ﻗﺎﻝ ﺷﻨﻮﺍ ﻫﺎﻟﺤﻠﻢ ﺍﻟﻐﺮﻳﺒﻮ ﻓﺠﺄﺓ ﻫﺰﺭﺃﺳﻪ ﺍﻟﻔﻮﻕ ﻳﺸﻮﻑ ﻓﻲ ﺯﻭﺯ ﺣﻤﺎﻣﺎﺕ ﺳﻮﺩﺍﺀ ﻭ ﺑﻴﻀﺎﺀ .. ﻗﺎﻝﺷﻨﻮ ﻛﻨﺖ ﻧﺤﻠﻢ ﻭ ﺇﻻ ﺑﺎﻟﺤﻖ ﻭ ﺑﺎﻟﻘﻮﺱ ﻭ ﺍﻟﺴﻬﻢ ﻣﺘﺎﻋﻮ ﻳﻀﺮﺏ ﻫﺎﻙﺍﻟﺤﻤﺎﻣﺔ ﺍﻟﺴﻮﺩﺍﺀ ﻗﺘﻠﻬﺎ ﻭ ﺑﺴﺮﻋﺔ ﺣﻂ ﺍﻟﺪﻡ ﻣﺘﺎﻋﻬﺎ ﻓﻮﻕ ﺍﻟﺤﺠﺮﺓ ﻭﻓﻲ ﻟﺤﻈﺔ ﺇﺗﺤﻮﻟﺖ ﺍﻟﺤﺠﺮﺓ ﻭﺭﺟﻊ ﻭﻟﺪ ﺍﻟﻔﻼﺡ ﺇﻧﺴﺎﻥ ﻛﻴﻒ ﻣﺎﻛﺎﻥ .. ﻭ ﻋﻨﻘﻮﺍ ﺑﻌﻀﻬﻢ ﻳﺒﻜﻴﻮ ﻭ ﺭﺟﻌﻮ ﻟﻠﻘﺼﺮ ﻭ ﻗﺎﻣﺖ ﺍﻹﺣﺘﻔﺎﻻﺕﻭ ﺍﻟﻤﻔﺮﺣﺎﺕ ﺃﺳﺒﻮﻉ ﻛﺎﻣﻞ ﻓﻲ ﺍﻟﻤﻤﻠﻜﺔ .. ﻭ ﻓﺎﺕ ﺍﻟﺤﻜﺎﻳﺔ ﻭ ﻫﻲﻣﺜﺎﻝ ﻟﻠﺼﺪﺍﻗﺔ ﻭ ﺍﻟﺘﻀﺤﻴﺔ