حكاﻳﺔ " ﻳﺎ ﺑﻴﺮ ﺃﻋﻄﻴﻨﻲ ﻛﺮﻣﻮﺳﺘﻲ

ﻳﺤﻜﻴﻮ، ﺃﻧّﻮ ﻛﺎﻥ ﻓﻲ ﺯﻣﺎﻥ ﺍﻟﺨﻴﺮ ﻭ ﺍﻟﺨﻤﻴﺮ، ﺭﺍﺟﻞ ﻻ ﻋﺮﻓﺘﻮ ﻭ ﻻﻋﺮﻓﻮ ﺃﺟﺪﺍﺩﻛﻢ ﻣﺸﺤﺎﺡ ﻛﻴﻔﻮ. ﻳﻘﻮﻟﻮ ﻛﺎﻥ ﻋﻨﺪﻭ ﺟﻨﺎﻥ ﻓﻴﻪ ﺁﺵ ﻭﻣﻴﺔ ﺷﺠﺮﺓ ﻛﺮﻣﻮﺱ ﻻ ﻋﻤﺮﻭ ﻛﻼ ﻣﻨﻬﻢ ﻛﻌﺒﺔ ﻻ ﻫﻮّ ﻻ ﻣﺮﺗﻮ ﻻﺻﻐﺎﺭﻭ . ﻭ ﻋﻠﻰ ﻗﺪ ﻣﺎ ﻛﺎﻧﻮ ﻫﺎﻙ ﺍﻟﻜﺮﻣﻮﺳﺎﺕ ﻣﻨﺰّﻝ ﻓﻴﻬﻢ ﺭﺑّﻲﺍﻟﺒﺮﻛﺔ، ﻭ ﻋﻠﻰ ﻗﺪّ ﻣﺎ ﺻﻮّﺭ ﻓﻲ ﺟﺮّﺗﻬﻢ ﺍﻟﺨﻴﺮ ﻭ ﺍﻟﺒﺮﻛﺔ، ﻋﻠﻰ ﻗﺪّﻣﺎ ﺯﺍﺩ ﻓﻲ ﺷﺤّﻮ ﻭ ﻛﻨﺰﻭ ﻟﻸﻣﻮﺍﻝ.ﺁﻫﻮ ﻧﻬﺎﺭ ﻣﻦ ﺍﻟﻨﻬﺎﺭﺍﺕ، ﻣﺎﺷﻲ ﺑﺠﻨﺐ ﺟﻨﺎﻧﻮ، ﻳﻐﺰﺭ ﻭ ﻳﺼﻠّﻲﻋﺎﻟﻨﺒﻲّ، ﺍﺷﺘﻬﻰ ﻛﺮﻣﻮﺳﺔ. ﺿﺮﺑﻬﺎ ﻧﺺ ﺳﺎﻋﺔ ﻫﻮّ ﻳﺨﻤﻢ ﻳﻨﺤّﻴﻬﺎ ﻭﺍﻟّﺎ ﻣﺎ ﻳﻨﺤّﻴﻬﺎﺵ ﻭ ﺑﻌﺪ ﻗﺎﻝ ﺑﻴﻨﻮ ﻭ ﺑﻴﻦ ﺭﻭﺣﻮ ": ﻣﺤﺴﻮﺏ، ﺍﻟﺪﻧﻴﺎﻓﻴﻬﺎ ﺍﻟﻤﻮﺕ، ﻳﺎﺧﻲ ﻣﺶ ﻧﻌﻴﺶ ﻣﺮّﺗﻴﻦ! ؟"ﻣﺸﻰ ﻧﺤّﻰ ﻛﻌﻴﺒﺔ ﺍﻟﻜﺮﻣﻮﺱ ﻭ ﺗﻢّ ﻗﺎﺻﺪ ﺭﺑّﻲ. ﻓﻲ ﺛﻨﻴﺘﻮ، ﻗﺒﻞ ﻣﺎﻳﺎﻛﻠﻬﺎ ﻋﺮﺿﺘّﻮ ﺑﻴﺮ، ﻭﻫﻮّ ﻋﻄﺸﺎﻥ، ﺣﻂّ ﺍﻟﻜﺮﻣﻮﺳﺔ ﻋﻠﻰ ﺣﺎﻓّﺔ ﺍﻟﺒﻴﺮﻭ ﻣﻠﻰ ﻣﺎﻟﺒﻴﺮ ﻭ ﺷﺮﺏ. ﻫﻮّ ﻳﺸﺮﺏ، ﻣﻮﺵ ﻣﺘﻌﻤّﺪ ﺩﺯّ ﻛﻌﺒﺔﺍﻟﻜﺮﻣﻮﺱ ﻃﺎﺣﺖ ﻓﻲ ﺍﻟﺒﻴﺮ ...ﻃﺎﺡ ﻳﻨﺪﺏ ﻓﻲ ﺧﺪﻭﺩﻭ ﺑﺤﺬﺍ ﺍﻟﺒﻴﺮ، ﻭ ﻳﻨﻮّﺡ ﻭ ﻳﺒﻜﻲ ﺣﺘّﻰ ﻟﻴﻦ، ﻓﻲﻟﺤﻈﺔ، ﻃﻠﻌﻠﻮ ﺟﻦّ ﻣﺎﻟﺒﻴﺮ

ﻫﺎﻙ ﺍﻟﺠﻦّ ﻗﺎﻟّﻮ ": ﺷﺒﻴﻚ، ﻣﺎﻭ ﻻﺑﺎﺱ ؟؟؟"ﻗﺎﻟّﻮ ": ﻛﺮﻣﻮﺳﺘﻲ ﻃﺎﺣﺖ ﻓﻲ ﺍﻟﺒﻴﺮ ﺗﻮّ ﺗﻬﺒﻂ ﺗﻄﻠّﻌﻬﺎﻟﻲ"ﺟﺎﻭﺑﻮ ﺍﻟﺠﻨّﻲ ":ﺍﺳﻤﻊ ﻳﺎ ﻋﺒﺪ ﺭﺑّﻲ، ﺭﺍﻫﻲ ﻛﺮﻣﻮﺳﺘﻚ ﻛﻼﺗﻬﺎ ﻣﺮﺗﻲ،ﻭ ﺁﻧﺎ ﺑﺎﺵ ﻧﺮﺟّﻌﻠﻚ ﺣﻘّﻚ، ﺁﻫﻲ ﺩﺭﺟﻴّﺔ ﺳﺤﺮﻳّﺔ، ﻛﻞّ ﻣﺎ ﺗﺤﺮّﻛﻬﺎﺗﺴﻤﻊ ﻓﻴﻬﺎ ﺻﻮﺕ ﺍﻟﺬﻫﺐ، ﻭ ﺳﺎﻣﺤﻨﺎ ﻓﻲ ﻛﺮﻣﻮﺳﺘﻚ"ﺭﺟﻊ ﺍﻟﺮّﺍﺟﻞ ﻓﺮﺣﺎﻥ ﻟﺪﺍﺭﻭ، ﺟﺎﺏ ﻣﺮﺗﻮ ﻭ ﺑﻨﺘﻮ ﻭ ﻗﺎﻟﻬﻢ ﻋﺎﻟﺤﻜﺎﻳﺔﺍﻟﻜﻞّ. ﻭ ﻭﺻّﺎﻫﻢ ﺑﺎﺵ ﻣﺎ ﻳﻘﻮﻟﻮ ﻟﺤﺪّ .ﺁﻫﻲ ﺑﻨﺘﻮ ﺗﻠﻌﺐ ﻣﻊ ﺑﻨﺖ ﺍﻟﺠﻴﺮﺍﻥ، ﺣﻜﺎﺗﻠﻬﺎ ﻋﺎﻟﺪﺭﺟﻴّﺔ ﺍﻟﺴّﺤﺮﻳّﺔ ﻣﺘﺎﻉﺟﻦّ ﺍﻟﺒﻴﺮ ﺇﻟّﻲ ﻋﻨﺪ ﺑﻮﻫﺎ. ﻭ ﺍﻟﺼﻐﺎﺭ ﻣﺎﻭ ﻣﺎ ﻳﺨﺒّﻴﻮ ﺷﻲّ، ﻣﺸﺎﺕﺍﻟﻄّﻔﻠﺔ ﻗﺎﻟﺖ ﻷﻣﻬﺎ .ﺑﻴﻨﻬﺎ ﻭ ﺑﻴﻦ ﺭﻭﺣﻬﺎ، ﻋﺰﻣﺖ ﺍﻟﺠﺎﺭﺓ ﺑﺎﺵ ﺗﺴﺮﻗﻬﺎﻟﻬﻢ. ﻧﻬﺎﺭ ﻋﻴّﻨﺖﻋﻠﻴﻬﻢ ﻻ ﻓﻲ ﺍﻟﺪّﺍﺭ ﺣﺪّ، ﺩﺧﻠﺖ ﻓﻲ ﻳﺪّﻫﺎ ﺩﺭﺟﻴّﺔ ﻗﺪﻳﻤﺔ، ﺑﺪّﻟﺘﻬﻢ،ﻫﺰّﺕ ﺍﻟﺪﺭﺟﻴّﺔ ﺍﻟﺴﺤﺮﻳّﺔ ﻭ ﺭﺟﻌﺖ ﻟﺪﺍﺭﻫﺎ.ﺭﺟﻊ ﺍﻟﺮّﺍﺟﻞ ﺻﺎﺣﺒﻨﺎ ﺍﻟﻤﺸﺤﺎﺡ، ﺣﺮّﻙ ﺩﺭﻳﺠﻴﺘﻮ ﻣﺎ ﻟﻘﺎ ﻓﻴﻬﺎ ﺷﻲّ.ﻣﻦ ﺣﻴﻨﻮ ﺧﺮﺝ ﺣﺎﻓﻲ ﻳﺠﺮﻱ ﻟﻠﺒﻴﺮ ﺍﻟﻠﻲ ﻃﻠﻌﻠﻮ ﻣﻨﻬﺎ ﺍﻟﺠﻨّﻲ، ﻗﻌﺪﻳﻨﺎﺩﻱ ﻓﻴﻪ ﻳﻨﺎﺩﻱ ﻓﻴﻪ ﺣﺘﻰ ﻟﻴﻦ ﻃﻠﻌﻠﻮ.ﺍﻟﺠﻨﻲ ﺗﻔﺠﻊ ﻗﺎﻟّﻮ ﺷﺒﻴﻚ ﻻﺑﺎﺱ، ﻗﺎﻟّﻮ ﺗﻮّ ﺗﺮﺟّﻌﻠﻲ ﻛﻌﺒﺔ ﺍﻟﻜﺮﻣﻮﺱ.ﻳﺎ ﻭﻟﺪﻱ ﻣﺎﻧﻲ ﻋﻄﻴﺘﻚ ﺍﻟﺪّﺭﺟﻴﺔ، ﻗﺎﻟّﻮ ﻳﺎ ﺣﺴﺮﺓ ﻣﺎ ﻋﺎﺩﺵ ﻓﻴﻬﺎﺫﻫﺐ. ﻭ ﻟﻮ ﺃﻧّﻮ ﺍﻟﺬﻫﺐ ﺍﻟﻠّﻲ ﻫﺒﻄﻠﻮ ﻣﺎﻟﺪﺭﺟﻴّﺔ ﻗﺪ ﺣﻖّ ﻛﺮﻣﻮﺳﺘﻮﺁﻻﻑ ﺍﻟﻤﺮّﺍﺕ، ﺃﻣﺎ ﻣﺎﻫﻮ ﻳﻘﻠّّﻚ ﺳﻴﺪﻱ ﺑﻦ ﺁﺩﻡ ﻣﺎ ﻳﺸﺒﻌﺶ

ﻫﺎﻙ ﺍﻟﺠﻨّﻲ ﻣﺴﻜﻴﻦ ﻏﻠﺐ ﻋﻠﻰ ﺃﻣﺮﻭ، ﻏﺎﺏ ﻣﺪﻳﺪﺓ ﻭ ﻃﻠﻌﻠﻮ ﺑﻤﻨﺪﻳﻞﻭ ﻗﻠّﻮ ": ﻫﺬﺍ ﺍﻟﻤﻨﺪﻳﻞ ﺭﺩّ ﺑﺎﻟﻚ ﻋﻠﻴﻪ، ﻛﻞّ ﻣﺎ ﺗﻨﻔﻀﻮ ﻳﺨﺮﺝ ﻣﻨّﻮﺍﻟﺬﻫﺐ، ﻭ ﺻﻠﻚ ﺣﻘﻚ؟" ، ﻗﺎﻟّﻮ " ﻭﺻﻠﻨﻲ ﺍﻟﻠﻪ ﻳﺮﺣﻢ ﻭﺍﻟﺪﻳﻚ "ﻭ ﺭﺟﻊ ﻓﺮﺣﺎﻥ ﻟﺪﺍﺭﻭ . ﻛﻴﻤﺎ ﺻﺎﺭ ﺍﻟﻤﺮّﺓ ﺍﻷﻭﻟﻰ ﺻﺎﺭ، ﻭﺻﻞ ﺍﻟﺨﺒﺮﻟﻠﺠﺎﺭﺓ (ﺍﻟﻠّﻲ ﻫﻲّ ﺯﺍﺩﺓ ﻣﺎ ﺗﺸﺒﻌﺶ ) ﻭ ﺷﻜﻮﻥ ﻳﻌﺮﻑ ﻋﻠﻴﻬﺎ ﻛﻴﻔﺎﺵﻋﻤﻠﺖ ﻭ ﻛﻨﺒﺼﺖ، ﺑﺪّﻟﺖ ﺍﻟﻤﻨﺎﺩﻝ ﻭ ﺣْﺼُﻞ ﻓﻴﺪﻳﻬﺎ ﻣﻨﺪﻳﻞ ﺍﻟﺬﻫﺐ ﻭﺧﻼّﺕ ﻫﺎﻙ ﺍﻟﺮّﺍﺟﻞ ﻣﺎﺵ ﻳﻤﻮﺕ ﺑﺎﻟﻐﻴﺾ .ﻛﺎﻟﻌﺎﺩﺓ، ﻳﺠﺮﻱ ﻟﻠﺒﻴﺮ ﻭ ﻃﺎﺡ ﻳﺼﻴﺢ ﻟﻠﺠﻨّﻲ . ﺍﻟﻤﺮّﺓ ﻫﺎﺫﻱ ﺍﻟﺠﻨّﻲﻓﻬﻢ ﺍﻟﻠّﻲ ﺍﻟﺤﻜﺎﻳﺔ ﻓﻴﻬﺎ ﺳﺮﻗﺔ . ﺑﻌﺪ ﻣﺎ ﻫﺒﻂ ﻃﻠّﻌﻠﻮ ﻋﺼﺎ ﺧﺸﻴﻨﺔ ﻭﻗﺎﻟّﻮ ":ﻫﺎﺫﻱ ﺍﻟﻌﺼﺎ ﻛﻞّ ﻣﺎ ﺗﺴﻤّﻲ ﻋﻠﻴﻬﺎ ﺑﺴﻢ ﺍﻟﻠﻪ ﺗﻄﻴﺮ ﻭ ﺗﻘﻌﺪﺗﺪﻭﺭ ﻓﻲ ﺍﻟﻬﻮﺍ ﻭ ﺗﺪﺭّ ﺍﻟﺬﻫﺐ، ﻭ ﻣﺎﻋﺎﺩﺵ ﻧﺤﺐّ ﻧﺮﺍ ﻭﺟﻬﻚ ."ﺭﺍﺟﻊ ﻓﻲ ﺍﻟﺜﻨﻴّﺔ، ﺣﺐّ ﻳﺠﺮّﺏ. ﺣﻄّﻬﺎ ﻋﺎﻟﻘﺎﻋﺔ ﻭ ﺳﻤّﻰ ﺑﺴﻢ ﺍﻟﻠﻪﻃﺎﺭﺕ ﻫﺎﻙ ﺍﻟﻌﺼﺎ ﻭ ﻭﻛّﻠﺘّﻮ ﻣﺎ ﻛﻼ ﺍﻟﻄّﺒﻞ ﻧﻬﺎﺭ ﺍﻟﻌﻴﺪ، ﻭ ﻛﻼ ﺟﺰﺍﺀﺷﺤّﻮ ﻭ ﺑﺨﻠﻮ ﻭ ﻋﺰﻡ ﺑﺎﺵ ﻳﺒﻄّﻞ ﻫﺎﻙ ﺍﻟﺼّﻨﻌﺔ .ﺃﻣﺎ ﻫﻮّ ﻃﻠﻊ ﺧﺒﻴﺚ، ﻣﺸﺎ ﻟﻤﺮﺗﻮ ﻭ ﺑﻨﺘﻮ ﻭ ﻗﺎﻟّﻬﻢ ﺇﻟّﻲ ﺍﻟﻌﺼﺎ ﺗﺪﺭّﺍﻟﺬﻫﺐ . ﻭ ﺑﺎﻟﻄّﺒﻴﻌﺔ ﺳﻤﻌﺖ ﺟﺎﺭﺗﻮ ﺑﺎﻟﺤﻜﺎﻳﺔ، ﻭﺟﺎﺕ ﺗﺴﺮﻕ ﻓﻲﺍﻟﻌﺼﺎ.ﻣﻦ ﺩﺍﺭﻭ، ﻳﺴﻤﻊ ﻓﻲ ﺟﺎﺭﺗﻮ ﺗﺎﻛﻞ ﻓﻲ ﻃﺮﻳﺤﺔ ﻣﻠﻴﺤﺔ، ﻭ ﻭﻗﺘﻬﺎ ﻓﻬﻢﺍﻟﺤﻜﺎﻳﺔ، ﻭ ﻫﻜّﺎ ﻫﻲّ ﺯﺍﺩﺓ ﻧﺎﻟﺖ ﺟﺰﺍﺀ ﺃﻓﻌﺎﻟﻬﺎ.ﻛﻲ ﺭﺟﻌﻮﻟﻮ ﺍﻟﺪّﺭﺟﻴﺔ ﻭ ﺍﻟﻤﻨﺪﻳﻞ ﻭ ﺍﻟﻌﺼﺎ، ﻫﺰّﻫﻢ ﻣﻦ ﻏﺪﻭﺓ ﻭﻃﻴّﺸﻬﻢ ﻓﻲ ﺍﻟﺒﻴﺮ، ﻭ ﺻﺎﺭ ﻣﻦ ﺃﻛﺮﻡ ﺍﻟﻨّﺎﺱ، ﻣﺎ ﻳﺤﺮﻣﺶ ﺻﻐﺎﺭﻭ، ﻭﻳﺘﺬﻛّﺮ ﺍﻟﻔﻘﺮﻯ ﻭ ﺍﻟﻴﺘﺎﻣﻰ ﻭ ﺍﻟﻤﺴﺎﻛﻴﻦ.ﺍﻥ ﺷﺎﻟﻠﻪ ﺗﻜﻮﻥ ﻋﺠﺒﺘﻜﻢ