حكاية " ﺍﻟﺘﺎﺟﺮ ﻭ ﺍﻟﻮﺻﻴﺔ "

ﻳﺤﻜﻴﻮ ﻋﻠﻰ ﺗﺎﺟﺮ ﻭ ﻛﻞ ﺗﺎﺟﺮ ﻋﻠﻰ ﻣﺎﻟﻮ ﻓﺎﺟﺮ، ﻋﺮّﺱ ﺑﺒﻨﺖ ﻋﻤّﻮ ﻭﺑﺤﻜﻢ ﻫﻮ ﺗﺎﺟﺮ ﻭ ﻓﻲ ﺍﻟﻘﺪﻳﻢ ﺍﻟﺘﺠﺎﺭ ﻳﺴﺎﻓﺮﻭﺍ ﺑﺎﻟﺴﻨﻴﻦ ﺧﻠﻰ ﺯﻭﺟﺘﻪﻓﻲ ﺩﺍﺭﻫﺎ ﻭ ﻋﻄﺎﻫﺎ ﻓﻠﻮﺱ ﻭ ﺷﺮﺍﻟﻬﺎ ﻛﻞ ﺍﻟﺨﻴﺮﺍﺕ ﺑﺎﺵ ﻣﺎ ﺗﺴﺘﺤﻖﺣﺘﻰ ﺃﺣﺪ ﻓﻲ ﻏﻴﺎﺑﻪ، ﻭ ﻫﻮ ﻗﺼﺪ ﺭﺑﻲ ﻣﺸﻰ ﻟﺒﻼﺩ ﺃﺧﺮﻯ، ﻭﻳﺨﺪﻡﻭ ﻳﻨﻬﺎﺕ ﻭ ﻳﻘﻮﻝ ﻳﺎ ﻗﻠّﺔ ﺍﻟﺼﺤﺔ، ﻳﺘﺎﺟﺮ ﻣﻦ ﺍﻟﺸﺎﻡ ﻟﺴﻜﻨﺪﺭﻳﺔ ﻟﻴﻦﻃﺎﺡ ﺑﻄﻔﻠﺔ ﺑﻨﺖ 18 ﺳﻨﺔ ﻋﺠﺒﺎﺗﻮ ﻭﻏﻠﻂ ﻣﻌﺎﻫﺎ ﻭ ﺟﺎﺑﺖ ﻃﻔﻞ ﻭﻭﻗﺖ ﻭﻟﺪﺕ ﻣﺎﺗﺖ ﻋﺎﺩ ﻃﻔﻞ ﻣﻼﻳﻜﺔ ﻣﺎﺣﺒﺶ ﻳﻄﻴﺸﻮ ﺳﻤّﺎﻩ " ﻣﺤﻤﺪ"ﻭ ﺭﻭّﺡ ﻟﺰﻭﺟﺘﻪ ﻗﺎﻟﻬﺎ ﺭﺑﻲ ﺣﻠﻠّﻨﺎ 4 ﻧﺴﺎﺀ ( ﻓﻲ ﺍﻟﺴﺎﺑﻖ ) ﻭﻋﺮﺳﺖ ﻭ ﺭﺍﻫﻲ ﻣﺮﺗﻲ ﻣﺎﺗﺖ ( ﻛﺬﺏ ﻋﻴﻬﺎ ﺧﺎﻃﺮ ﻣﺶ ﻓﺎﻟﺤﻼﻝ ) ﻭﻗﺎﻟﻬﺎ ﺳﻤﻴﺘﻮ ﻣﺤﻤﺪ، ﻗﺎﺗﻠﻮ ﺣﺘﻰ ﺃﻧﺎ ﻓﻲ ﻏﻴﺎﺑﻚ ﺭﺍﻧﻲ ﻭﻟﺪﺕ ﻭ ﺟﺒﺖﺗﻮﺍﻣﺎ ﺯﻭﺯ ﺃﻭﻻﺩ ﻭ ﻣﻦ ﺣﺒﻲ ﻓﻲ ﺍﻟﺮﺳﻮﻝ ﺳﻤﻴﺘﻬﻢ ﻣﺤﻤﺪ ﻭﻣﺤﻤﺪ ، ﻗﺎﺗﻠﻮ ﺯﻭﺟﺘﻪ ﻳﻠﻲ ﻳﺴﺄﻟﻚ ﻗﻮﻝ ﺍﻟﺜﻼﺗﺔ ﺃﻭﻻﺩ ﺇﺧﻮﺍﺕ ﻭﻭﻻﺩﻱ ﺃﻧﺎ، ﻫﻴﺎ ﻳﺎ ﺳﻴﺪﻱ ﺍﻟﺜﻼﺗﺔ ﺃﻭﻻﺩ " ﻣﺤﻤﺪﺍﺕ ﺍﻟﺜﻼﺗﺔ " ﺣﺒﻮﺍ ﻭﺩﺑﻮﺍ ﻭ ﺷﺪﻭﺍ ﻓﻲ ﺍﻟﺤﻴﻂ ﻭ ﺇﻣﺸﻮﺍ

ﻓﻲ ﺍﻟﻨﻬﺎﺭ ﺃﺑﻮﻫﻢ ﺗﻮﻓّﻰ ﻣﺎﺕ، ﻭ ﻫﻮﻣﺎ ﺍﻟﺜﻼﺛﺔ ﺃﻭﻻﺩ ﻛﺒﺮﻭﺍ ﻏﻠﻘﻮﺍﺍﻟﻌﺸﺮﻳﻦ ﺳﻨﺔ ﻛﻞ ﻭﺍﺣﺪ، ﺇﻣﺸﻮﺍ ﻣﻊ ﺃﻣﻬﻢ ﻟﻠﺸﻴﺦ ﺑﺎﺵ ﻳﺄﺧﺬﻭﺍﺍﻟﻮﺻﻴﺔ ﻣﺘﺎﻉ ﺃﺑﻮﻫﻢ، ﺳﻲ ﺍﻟﺸﻴﺦ ﺟﺒﺪ ﻭﺭﻗﺔ ﺍﻟﻮﺻﻴﺔ ﻳﻠﻘﻰ ﻓﻴﻬﺎﻣﻜﺘﻮﺏ " ﻣﺤﻤﺪ ﻳﻮﺭﺙ ﻭ ﻣﺤﻤﺪ ﻳﻮﺭﺙ ﻭ ﻣﺤﻤﺪ ﻣﺎ ﻳﻮﺭﺛﺶ" ﺧﺰﺭﻭﻟﺒﻌﻀﻬﻢ ﺷﻜﻮﻥ ﻳﻮﺭﺙ ﻭ ﺷﻜﻮﻥ ﻻ، ﺣﺎﺭﻭﺍ ، ﻗﺎﻟﻬﻢ ﺍﻟﺸﻴﺦﺇﻗﺴﻤﻮﻫﺎ ﻋﻠﻰ ﺛﻼﺛﺔ ﺍﻟﺘﺮﻛﺔ ﻭ ﺇﺭﺗﺎﺣﻮﺍ ﺧﺎﻃﺮ ﺇﻧﺘﻮﻣﺎ ﺍﻟﺜﻼﺗﺔﺃﺳﺎﻣﻴﻜﻢ ﻣﺤﻤﺪ ﻭ ﺍﻟﻮﺻﻴﺔ ﺗﻘﻮﻝ ﻣﺤﻤﺪ ﻳﻮﺭﺙ ﻭ ﻣﺤﻤﺪ ﻳﻮﺭﺙ ﻭﻣﺤﻤﺪ ﻣﺎ ﻳﻮﺭﺛﺶ، ﻣﺎﻧﺎﺵ ﺑﺎﺵ ﻧﻌﺮﻓﻮﺍ ﺷﻜﻮﻥ ﻣﻨﻜﻢ ﻣﺎ ﻳﻮﺭﺛﺶ،ﻗﺎﻡ ﺳﻲ ﻣﺤﻤﺪ " ﻭﻟﺪ ﺍﻟﺤﺮﺍﻡ " ﻭﻟﺪ ﻫﺎﻙ ﺍﻟﻄﻔﻠﺔ ﻳﻠﻲ ﻏﻠﻂ ﻣﻌﺎﻫﺎﺍﻟﺘﺎﺟﺮ ﻭ ﻫﻮ ﻣﺎ ﻳﻌﺮﻓﺶ ﻋﻠﻰ ﻧﻔﺴﻪ ﻳﻠﻲ ﻫﻮ ﻭﻟﺪ ﺣﺮﺍﻡ ( ﺭﺑﻲﻳﺴﺘﺮﻧﺎ ) ﻗﺎﻝ : ﻻ ﻣﺎ ﻳﺴﺎﻋﺪﻧﻴﺶ ﺃﻧﺎ ﻛﻨﺖ ﺑﺎﺵ ﻧﺎﺧﺬ ﺍﻟﻨﺼﻒ ﺣﺴﺐﻣﺎ ﻗﺎﻟﺖ ﺍﻟﻮﺻﻴﺔ ﻣﺶ ﺍﻟﺜﻠﺚ، ﺣﺎﺭﻭﺍ ﻓﻲ ﺃﻣﺮﻫﻢ ﻭ ﻗﺎﻟﻮﺍ ﻧﻤﺸﻮﺍﻟﻠﻘﺎﺿﻲ ﻳﺤﻜﻢ ﺑﻴﻨﺎﺗﻨﺎ

ﻫﻮﻣﺎ ﻣﺎﺷﻴﻦ ﻭ ﻗﺎﺻﻴﻦ ﺻﺤﺎﺭﻱ ﻭ ﺑﺮﻭﺭ ﺣﺘﻰ ﻟﻘﺎﻭ ﻧﺨﻠﺔ، ﻗﻌﺪﻭﺍﺗﺤﺘﻬﺎ ﺑﺎﺵ ﻳﺮﺗﺎﺣﻮ ﺷﻮﻱ، ﺗﻜﻠﻢ ﻭﺍﺣﺪ ﻣﻨﻬﻢ ﻗﺎﻝ ﻫﺬﻱ ﺟُﺮّﺓ ﻣﺘﺎﻉﻧﺎڨﺔ ﻛﻨﺖ ﺭﺍﻗﺪﺓ ﻫﻮﻧﻲ ﻭ ﻛﺎﻧﺖ ﻫﺎﺯﺓ ﻟﻌﺴﻞ ﻭ ﺳﻤﻦ ﻭ ﻋﻮﺭﺓﺑﻌﻴﻦ ﺑﺮﻙ، ﻗﺎﻟﻮﻟﻮ ﻛﻴﻔﺎﻩ ﻋﺮﻓﺖ؟ ﻗﺎﻟﻬﻢ ﻫﻮﻧﻲ ﺍﻟﻨﻤﻞ ﺗﺪﺑﻲ ﺗﺎﻛﻞﻓﺎﻟﻌﺴﻞ، ﻭﻓﻲ ﺑﻼﺩﻧﺎ ﻣﺎ ﻳﻄﻠﻊ ﻛﺎﻥ ﻣﻌﺎﻩ ﺳﻤﻦ ﻭ ﻫﻨﺎ ﺍﻟﺤﺸﻴﺶﺟﻨﺐ ﻣﺄﻛﻮﻝ ﻭ ﺟﻨﺐ ﻻ، ﻣﻌﻨﺎﻫﺎ ﻋﻮﺭﺓ ﻭ ﻗﻠﻮﺍ ﺃﺧﻮﻩ ﺻﺤﻴﺢ ﻭﻧﺰﻳﺪﻛﻢ ﺯﻳﺎﺩﺓ ﺍﻟﻨﺎﻗﺔ ﻫﺎﺫﻱ ﻳﺴﻮﻕ ﻓﻴﻬﺎ ﺭﺍﺟﻞ ﺑﺼﺤﺘﻮﺍ ﻭ ﺃﻋﺮﺝﻭﻓﻲ ﻳﺪﻭ ﻋُﻜﺎﺯ ﻭ ﺍﻟﺪﻟﻴﻞ ﺇﻧﻮ ﺳﺎﻗﻴﻪ ﺩﺍﺧﻠﻴﻦ ﻓﺎﻟﺮﻣﻞ ﺃﻛﺜﺮ ﻣﻨﻲﻳﻌﻨﻲ ﺑﺼﺤﺘﻮ ﻭﺳﺎﻗﻮﺍ ﻟﻴﻤﻴﻦ ﺃﻛﺜﺮ ﻣﺎﻟﻴﺴﺎﺭ ﻳﻌﻨﻲ ﺃﻋﺮﺝ ﻭ ﺑﻴﻦ ﺟﺮﺗﻮﻓﺎﻟﺮﻣﻞ ﻓﻤﺎ ﻧﻘﺒﺔ ﻳﻌﻨﻲ ﺑﻌﻜﺎﺯﻭ، ﻭ ﺗﻜﻠﻢ ﺳﻲ ﻣﺤﻤﺪ ﺍﻟﺜﺎﻟﺚ ﻗﺎﻟﻬﻢﻛﺎﻧﺖ ﻣﺎﺷﻴﺔ ﻟﻠﺸﺎﻡ ﺧﺎﻃﺮ ﺟﺮﺗّﻬﺎ ﻣﻘﺒﻠﺔ ﻟﻠﺸﺮﻕ، ﻭ ﻗﺎﻣﻮﺍ ﻭ ﻛﻤﻠﻮﺍﻃﺮﻳﻘﻬﻢ ﻳﺒﺤﺜﻮﺍ ﻋﻠﻰ ﺍﻟﻘﺎﺿﻲ ﻭ ﻳﻀﺤﻜﻮﺍ ﻋﻠﻲ ﺫﻛﺎﺋﻬﻢ، ﻳﺨﻲﻋﺮﺿﻬﻢ ﺭﺍﺟﻞ ﺑﺎﺏ ﺩﺍﺭ ﻣﻴﺪﺧﻠﻮﺵ، ﻗﻠﻬﻢ ﺭﻳﺘﻮﺵ ﻧﺎﻗﺔ، ﻗﺎﻟﻮ ﻋﻮﺭﺓﻭ ﻫﺎﺯﺓ ﻟﻌﺴﻞ ﻭ ﺍﻟﺴﻤﻦ، ﻗﺎﻝ ﺍﻟﺮﺟﻞ : ﺍﻱ ﻧﻌﻢ، ﻭ ﻗﺎﻟﻮﻟﻮ :ﻳﺴﻮﻕ ﻓﻴﻬﺎ ﺭﺍﺟﻞ ﺃﻋﺮﺝ ﻭ ﺑﺼﺤﺘﻮ ﻓﻲ ﻳﺪﻭﺍ ﻋﻜﺎﺯ؟ ﻗﺎﻟﻬﻢ ﻭﺍﻟﻠﻪﻫﻴﺎ، ﻗﺎﻟﻮﻟﻮ ﻛﺎﻥ ﻣﺎﺷﻲ ﻟﻠﺸﺎﻡ؟ ﻗﺎﻟﻬﻢ ﻫﺬﺍ ﻫﻮ ﺻﺎﺣﺒﻲ! ﻭ ﻳﻨﻮ ؟ﻗﺎﻟﻮﻟﻮ ﻭ ﺍﻟﻠﻪ ﻣﺎ ﺭﻳﻨﺎﻩ ﺃﻳﺎ ﺷﺪﻫﻢ ﺑﻴﺪ ﻭﺍﺣﺪﺓ ﻭ ﻫﺰﻫﻢ ﻟﻠﻘﺎﺿﻲ، ﻭﻗﻠﻬﻢ ﺍﻟﻘﺎﺿﻲ ﺗﻮ ﺗﺮﺟﻌﻮﻫﺎﻟﻮﺍ ﻭ ﺇﻻ ﻧﺤﻄﻜﻢ ﻓﻲ ﺍﻟﺤﺒﺲ، ﺳﻲﻣﺤﻤﺪ ﻭﻟﺪ ﻟﺤﺮﺍﻡ ﻗﺎﻟﻮﺍ ﻟﺤﻈﺔ ﻧﻔﺴﺮﻟﻚ ﻭ ﺣﻜﺎﻟﻮ ﻟﻲ ﻗﻠﺘﻬﻮﻟﻜﻢ ﻟﻜﻞﻋﺎﺩ ﺑﻘﻰ ﺑﺎﻫﺖ ﻓﺎﻟﺬﻛﺎﺀ ﻣﺘﺎﻋﻬﻢ

ﻭ ﺳﻴﺒﻬﻢ ﻗﺎﻟﻮﻟﻮ، ﺃﺣﻨﺎ ﻋﻨﺪﻧﺎ ﻣﺸﻜﻠﺔ ﻣﻔﻬﻤﻨﺎﻫﺎﺵ، ﻗﺮﺃ ﺍﻟﻘﺎﺿﻲﺍﻟﻮﺻﻴﺔ ﻭ ﻗﺎﻟﻬﻢ ﺳﺎﻫﻠﺔ ﺑﺮﺷﺎ ﺇﻟﻲ ﻣﻮﺵ ﺧﻮﻛﻢ ﻣﺎ ﻳﻮﺭﺛﺶ،ﻗﺎﻟﻮﻟﻮﻧﺤﻦ ﺃﺧﻮﺓ ﺍﻟﺜﻼﺛﺔ ﻭ ﺣﺘﻲ ﺃﻣﻬﻢ ﻣﺎﺣﻜﺘﻠﻬﻤﺶ ﻗﺼﺘﻬﻢ، ﻋﺎﺩﻗﺎﻝ ﺍﻟﻘﺎﺿﻲ ﻗﺎﻧﻮﻥ ﺍﻟﻀﻴﺎﻓﺔ ﻣﺘﺎﻉ ﺍﻟﺮﺳﻮﻝ 3 ﺃﻳﺎﻡ، ﺃﺑﻘﻮ ﺑﺤﺬﺍﻳﺎﻟﻴﻦ ﻧﻌﻄﻴﻜﻢ ﺣﻞ ﻭ ﻧﺎﺩﻯ ﻟﺴﺎﺭﺡ ﻭ ﻗﺎﻟﻮ ﺃﺫﺑﺤﻠﻬﻢ ﻟﻌﻠﻮﺵ ﻟﻤﺪﻟﻞ ﻭﺃﻓﺮﺡ ﺑﻴﻬﻢ ﻫﻴﺎ ﻃﻴﺒﻠﻬﻢ ﻛﺴﻜﺴﻲ ﻭ ﺣﻄﻬﻢ ﻓﻲ ﺑﻴﺖ ﻭ ﻗﻌﺪ ﻳﺘﺠﺴﺲﻋﻠﻴﻬﻢ ﻳﻔﻬﻤﺶ ﻗﺼﺘﻬﻢ، ﺗﻜﻠﻢ ﻣﺤﻤﺪ ﻷﻭﻝ ﻗﺎﻝ ﺍﻟﻜﺴﻜﺴﻲ ﺑﻠﺤﻢﺍﻟﻜﻼﺏ ﻭ ﺍﻟﻘﺎﺿﻲ ﻳﺴﻤﻊ، ﺗﻜﻠﻢ ﺍﻟﺜﺎﻧﻲ ﻭﻟﺪ ﻟﺤﺮﺍﻡ ﻗﺎﻟﻬﻢ ﻧﻘﻮﻟﻜﻢﺣﺎﺟﺔ : ﺍﻟﻘﺎﺿﻲ ﻫﺬﺍ ﻇﺎﻫﺮ ﻓﻴﻪ ﻭﻟﺪ ﺣﺮﺍﻡ !ﻭﺩﺧﻞ ﺍﻟﻘﺎﺿﻲ ﻳﺠﺮﻱ ﻭ ﻗﺎﻝ ﺳﻤﻌﺘﻜﻢ ﺷﺘﺤﻜﻮﺍ ﺗﻲ ﻛﻴﻔﺎﺵﻧﺬﺑﺤﻠﻜﻢ ﺍﻟﻌﻠﻮﺵ ﻟﻤﺪﻟﻞ ﻭ ﺗﻘﻮﻟﻮﺍ ﻟﺤﻢ ﻛﻼﺏ؟ ﻗﺎﻟﻮ ﺳﻲ ﻣﺤﻤﺪﺭﺍﻧﻲ ﻣﻦ ﻟﺤﻢ ﺍﻟﻔﺎﺭ ﻟﻠﺤﻠﻮﻑ ﻟﻜﻞ ﻛﻠﻴﺘﻬﻢ ﻭ ﻫﺎﺫﺍ ﻟﺤﻢ ﻛﻼﺏ !ﺍﻟﻘﺎﺿﻲ ﻧﺎﺩﻯ ﻟﻠﺴﺎﺭﺡ ﻗﺎﻟﻮ ﻳﺨﻲ ﺫﺑﺤﺖ ﺍﻟﻌﻠﻮﺵ ﻭ ﺇﻻ ﻛﻠﺐ ؟ ﻗﺎﻝﺍﻟﺴﺎﺭﺡ ﻳﺎ ﺳﻴﺪﻱ ﺭﺍﻫﻮ ﺍﻟﻌﻠﻮﺵ ﻫﺬﺍ ﻭﻗﺖ ﻣﺎﺗﺖ ﺃﻣّﻮ ﻭ ﻫﻮ ﺻﻐﻴﺮﺣﻄﻴﺘﻮ ﺣﺬﻯ ﺍﻟﻜﻠﺒﺔ ﺭﺿﻊ ﻣﻦ ﺣﻠﻴﺒﻬﺎ ! ﺃﻣﺎ ﻳﻌﻄﻴﻪ ﺍﻟﺼﺤّﺔ ﻛﻴﻔﺎﻩﻋﺮﻑ !!!ﺍﻟﻘﺎﺿﻲ ﻭﻟّﻰ ﻳﺮﻋﺶ، ﻣﻦ ﺫﻛﺎﺋﻬﻢ ﻭ ﺧﺎﻑ ﺧﺎﻃﺮ ﺳﻤﻌﻬﻢ ﻗﺎﻟﻮﺍ :ﺍﻟﻘﺎﺿﻲ ﻫﺬﺍ ﻭﻟﺪ ﺣﺮﺍﻡ، .. ﻗﺎﻟﻬﻢ ﻛﻴﻔﺎﻩ ﺗﻘﻮﻟﻮ ﻋﻠﻴﺎ ﻭﻟﺪ ﺣﺮﺍﻡ ؟ﻗﺎﻟﻮﻟﻮ ﺗﻲ ﺗﻘﻮﻝ ﻗﺎﻧﻮﻥ ﺍﻟﻀﻴﺎﻓﺔ 3 ﺃﻳﺎﻡ ﻭ ﻣﺎ ﺗﺠﻴﺶ ﺗﺄﻛﻞ ﻣﻌﺎﻧﺎ ﻭﺯﻳﺪ ﺗﺘﺠﺴﺲ ﻋﻠﻴﻨﺎ، ﺳﺎﻣﺤﻨﺎ ﺃﻣﺎ ﺭﺍﻙ ﻣﺎ ﺗﻄﻠﻊ ﻛﺎﻥ ﻭﻟﺪ ﺣﺮﺍﻡ ..ﺗﻔﺠﻊ ﺍﻟﻘﺎﺿﻲ ﻭ ﻣﺸﻰ ﻳﺠﺮﻱ ﻷﻣﻮ ﻭ ﺟﺒﺪ ﻋﻴﻬﺎ ﺳﻜﻴﻨﺔ ﺗﻮﺍ ﻗﺎﻟﻬﺎﺗﻘﻮﻟﻴﻠﻲ ﺃﻧﺎ ﻭﻟﺪ ﺷﻜﻮﻥ ﻣﺎﻛﺎﻧﺶ ﺭﺍﺳﻚ ﻳﻠﻌﺐ ﺑﻴﻦ ﺳﺎﻗﻴﻚ، ﻣﻦﺍﻷﻭﻝ ﻧﻜﺮﺕ ﻭ ﻟﻜﻦ ﻣﻦ ﺑﻌﺪ ﻗﺎﺗﻠﻮ ﺭﺍﻙ ﻭﻟﺪ ﺍﻟﺠﻨﺎﻳﻨﻲ ..ﻫﻴﺎ ﻳﺎ ﺳﻴﺪﻱ ﺭﺟﻌﻠﻬﻢ ﻭ ﻗﺎﻟﻬﻢ ﺍﻟﻘﺎﺿﻲ : ﻟﻘﻴﺘﻠﻜﻢ ﺣﻞ ﻟﻠﻮﺻﻴﺔﻣﺘﺎﻋﻜﻢ ﺭﺍﻧﻲ ﺣﻠﻴﺘﻬﺎ، ﻗﺎﻟﻮﻟﻮ ﻛﻴﻔﺎﺵ ؟ ﻗﺎﻟﻬﻢ : ﻣﺤﻤﺪ ﻳﻮﺭﺙ ﻭﻣﺤﻤﺪ ﻳﻮﺭﺙ ﻭ ﻣﺤﻤﺪ ﺇﻧﺖ ﻣﺎﺗﻮﺭﺛﺶ ﻭ ﻣﺎ ﻳﻌﺮﻑ ﻭﻟﺪ ﻟﺤﺮﺍﻡ ﻛﺎﻥﻭﻟﺪ ﻟﺤﺮﺍﻡ ﻭﺇﻧﺘﻲ ﻫﻮ ﻭﻟﺪ ﻟﺤﺮﺍﻡ ﻳﻠﻲ ﻣﺎ ﺗﻮﺭﺛﺶ ..ﻭﻓﺖ ﺍﻟﺤﻜﺎﻳﺔ ﻭ ﺍﻧﺸﺎﺀ ﺍﻟﻠﻪ ﺗﻜﻮﻥ ﻋﺠﺒﺘﻜﻢ