ﺣﻜﺎﻳﺔ " ﺍﻟﺠﺮﺡ ﻳﺒﺮﻯ ﻳﺎ ﺟﺒﺮﻯ "

ﻳﺤﻴﻜﻮ ﻋﻠﻰ ﻣﺮﺃﺓ ﻃﻠّﻘﻬﺎ ﺭﺍﺟﻠﻬﺎ، ﻛﺎﻥ ﻓﻲ ﺍﻟﺴﺎﺑﻖ ﺍﻟﻄﻼّﻕ ﻗﻠﻴﻞ ﻭﻋﻴﺐ، ﻭ ﺃﻭﻻﺩ ﺍﻷﺻﻮﻝ ﻣﺎ ﻳﻄﻠّﻘﻮﺵ، ﻭ ﺣﺘﻰ ﺇﺫﺍ ﻛﺎﻥ ﻭﺍﺣﺪ ﻗﺪّﺭﻋﻠﻴﻪ ﺭﺑّﻲ ﻭ ﻃﻠّﻖ ﺯﻭﺟﺘﻪ ﻳﺒﺪﺍ ﺣﺎﺷﻢ ﻭ ﻣﺎﺫﺍ ﺑﻴﻪ ﻣﺎ ﻳﺴﻤﻊ ﺑﻴﻪ ﺣﺘﻰﺃﺣﺪ ..ﻫﺎﻟﻤﺮﺃﺓ ﻳﻠّﻲ ﻃﻠّﻘﻬﺎ ﺭﺍﺟﻠﻬﺎ ﻗﻮﻟﻨﺎ، ﺇﺳﻤﻬﺎ " ﺟﺒﺮﻯ " ﻗﺪّﺭ ﺭﺑّﻲﺣﻀﺮ ﺍﻟﺸﻴﻄﺎﻥ ﺑﻴﻨﻬﺎ ﻭﺑﻴﻦ ﺭﺍﺟﻠﻬﺎ ﻭ ﻃﻠّﻘﻬﺎ، ﺣﺎﺭﺕ ﺃﺵ ﺑﺎﺵ ﺗﻌﻤﻞ،ﻭﻻّﺕ ﺣﻠّﺖ ﺑﺎﺏ ﺍﻟﺪﺍﺭ ﻭ ﺧﺮﺟﺖ ﻣﺎ ﺗﻌﺮﻓﺶ ﻭﻳﻦ ﺑﺎﺵ ﺗﻤﺸﻲ، ﻣﺎﺗﻨﺠﻤﺶ ﺗﻤﺸﻲ ﻟﺪﺍﺭ ﺃﺑﻮﻫﺎ ﺧﺎﻳﻔﺔ ﻣﻦ ﺃﻫﻠﻬﺎ ﻭ ﺣﺎﺷﻤﺔ ﻣﻦ ﺍﻟﺠﻴﺮﺍﻥﺃﺵ ﺑﺎﺵ ﻳﻘﻮﻟﻮ، ﻭ ﺍﻟﻨﺴﺎﺀ ﻣﺎﻫﻮ ﻛﻼﻣﻬﻢ ﻳﺎﺳﺮ ﻭ ﻛﻞ ﺷﻲﺀ ..

ﺪﺍﺕ ﻣﺎﺷﻴﺔ ﺑﺎﻟﺨﻄﻮﺓ ﺑﺎﻟﺨﺘﻮﺓ ﺣﺘﻰ ﻭﺻﻠﺖ ﻟﻠﻐﺎﺑﺔ، ﺯﺍﺩﺕ ﺍﻟﻘﺪّﺍﻡﺗﻮﻏﻠﺖ ﻓﻲ ﺍﻟﻐﺎﺑﺔ ﻫﺎﺫﻳﻜﺎ، ﻋﺸّﺎﺕ ﺍﻟﻌﺸﻴﺔ، ﻃﺎﺡ ﺍﻟﻠﻴﻞ، ﺟﺎﺕ ﺗﺤﺖﺷﺠﺮﺓ ﻭ ﻗﻌﺪﺕ، ﻫﻲ ﻗﺎﻋﺪﺓ ﻭ ﺗﺴﻤﻊ ﻓﻲ ﺍﻟﺰﻫﻴﺮ ﻭ ﺗﺸﻮﻑ ﻓﻲﻫﺎﻟﺼﻴـــﺪ ﺟﺎﻱ ﻳﺰﻫﺮ ﻭ ﺣﺘﻰ ﻭﺻﻠﻠﻬﺎ ﻗﺎﻟﻬﺎ ﺃﺵ ﺟﺎﺑﻚ ﻟﻬﻮﻧﻲ ؟ﺃﺣﻨّﺎ ﻧﺠﻴﻮ ﻟﺒﻼﺩﻛﻢ ؟ ﻋﻼﻩ ﺟﺎﻳﺔ ﻟﻠﻐﺎﺑﺔ ﺗﺤﺐ ﺗﻤﻮﺕ ﻭ ﺇﻻ ﺷﻨﻮﺍ ؟ﻗﺎﻟﺖ ﺍﻟﻤﺴﻜﻴﻨﺔ : ﻻ ﻣﺎ ﻧﺤﺒﺶ ﻧﻤﻮﺕ ﻭ ﻟﻜﻦ ﺭﺍﺟﻠﻲ ﻃﻠّﻘﻨﻲ . ﻗﺎﻝﺍﻷﺳﺪ : ﻭ ﺇﻧﺘﻲ ﺍﺀﺵ ﻋﻤﻠﺘﻠﻮ ﺑﺎﺵ ﻳﻄﻠّﻘﻚ ؟ﻗﺎﻟﺖ : ﻣﺎ ﻋﻤﻠﺖ ﺷﻲﺀ، ﻇﻠﻤﻨﻲ. ؛ ﻭ ﻗﺎﻟﺖ : ﺇﺫﺍ ﻛﺎﻥ ﻫﻮ ﻇﻠﻤﻨﻲ،ﺗﺰﻳﺪ ﺇﻧﺘﻲ ﺗﺄﻛﻠﻨﻲ ؟ ﻳﺨّﻲ ﺃﻧﺎ ﺃﺵ ﻋﻤﻠﺖ ﻗﺪّﺍﻡ ﺭﺑّﻲ ؟؟ﻗﺎﻝ ﺍﻟﺼﻴﺪ : ﻻﺑﺎﺱ .. ﺃﻗﻌﺪ ﻋﻠﻴﻚ ﺍﻷﻣﺎﻥ ، ﺗﺤﺐ ﺗﻌﻴﺶ ﻣﻌﺎﻳﺎ ﻭﺗﻌﺮﺱ ﺑﻴّﺎ ؟ﻗﺎﻟﺖ ﺟﺒﺮﻯ : ﻳﻠّﻲ ﻋﻤﻠﺖ ﻣﺒﺮﻭﻙ ..ﻗﺎﻣﺖ ﻭ ﺑﺪﺍﺕ ﺇﺗﺒّﻊ ﻓﻴﻪ ﻭ ﻳﺎ ﺳﻴﺪﻱ ﻭﻟّﺎﺕ ﻋﺎﻳﺸﺔ ﻣﻌﺎﻩ ﻭ ﻛﻞ ﻧﻬﺎﺭﻫﻮ ﻳﺨﺮﺝ ﻳﺼﻄﺎﺩ ﻭ ﻳﺠﻴﺐ ﺃﺭﻧﺐ، ﻏﺰﺍﻟﺔ.. ﻭ ﻫﻲ ﺗﺸﻌﻞ ﺍﻟﻨﺎﺭ ﻭﺇﻃﻴّﺐ ﻭ ﻋﺎﻳﺸﺔ ﻣﻌﺎﻩ ﻓﻲ ﺧﻴﺮ ﻭ ﻧﻌﻤﺔ ﻭ ﻛﻠﻤﺔ ﺃﻋﻮﺫ ﺑﺎﻟﻠﻪ ﻣﺎﺟﺎﺗﺶﺑﻴﻨﺎﺗﻬﻢ ..ﻟﻴﻠﺔ ﻳﺎ ﺳﻴﺪﻱ ﺭﻭّﺡ ﺳﻲ ﺍﻟﺼﻴﺪ، ﻳﻠﻘﻰ ﺟﺒﺮﻯ ﺳﺎﻛﺘﺔ، ﻛﻴﻒ ﻣﺎﻳﻘﻮﻟﻮ ﺗﺘﻜﻠﻢ ﺑﺎﻟﻤﺴﺎﺳﻚ، ﻗﺎﻟﻬﺎ ﺷﺒﻴﻚ ﻣﺎﻫﻮ ﻻﺑﺎﺱ ؟ﻗﺎﺗﻠﺖ : ﻣﺎ ﺑﻴّﺎ ﺷﻲﺀ .. ﻭ ﻣﻦ ﻏﺪﻭﺓ ﻛﻴﻒ ﻛﻴﻒ .. ﻗﺎﻟﻬﺎ ﺗﻲﺷﺒﻴﻚ ؟ ﺣﺎﺟﺘﻚ ﺑﺤﺎﺟﺔ ؟ ﻓﻤﺎﺵ ﺷﻜﻮﻥ ﺗﻌﺪّﻯ ﻋﻠﻴﻚ ﻓﻲ ﺍﻟﻐﺎﺑﺔ ؟ﺗﻲ ﺷﺒﻴﻚ ﺗﻄﻠﻌﺶ ﺗﻮﺣﺸﺖ ﻧﺎﺳﻚ ﻭ ﺃﻫﻠﻚ ؟ﻗﺎﻟﺖ : ﺇﻳﻪ ﻧﻌﻢ ﺍﻟﺤﻘﻴﻘﺔ ﺗﻮﺣﺸﺖ ﺩﺍﺭﻧﺎ ﻧﺤﺐ ﻧﺰﻭﺭﻫﻢ .. ﺗﻮﺣﺸﺖﺃﻣﻲ ﻭ ﺃﺧﻮﺍﺗﻲ ..ﻗﺎﻟﻬﺎ : ﺇﻳﻪ ﺷﺒﻴﻚ ﻣﺎ ﻗﻮﺗﻠﻴﺶ ! ﻏﺪﻭﺓ ﺃﻧﺎ ﻧﻮﺻﻠﻚ ﺗﺰﻭﺭ ﺃﻫﻠﻚ ﻳﺎﻟِﻠَّﺔ ..ﻫﻴّﺎ ﻣﻦ ﻏﺪﻭﺓ، ﻗﺎﻣﻮﺍ ﺷﺪّﻭ ﺍﻟﺜﻨﻴﺔ، ﻭﺻﻠﻬﺎ ﻷﺧﺮ ﺍﻟﻐﺎﺑﺔ ﻭ ﻗﺎﻟﻬﺎ :ﻫﻴّﺎ ﺯﻳﺎﺭﺓ ﺍﻟﻨﺒﻲ 3 ﺃﻳﺎﻡ ! ﺍﻟﻨﻬﺎﺭ ﺍﻟﺜﺎﻟﺚ ﻣﻊ ﺍﻟﻔﺠﺮ ﻧﺠﻴﻚ ﻭ ﻧﺮﻭّﺡﺑﻴﻚ .. ﺗﻠﻘﺎﻧﻲ ﻧﺴﺘﻨﻰ ﻓﻴﻚ ﻫﻮﻧﻲ ، ﺗﻔﺎﻫﻤﻨﺎ ؟ ﻗﺎﻟﺖ ﻣﻠﻴﺢ ﻭ ﺧﻼّﺗﻮﻭ ﻣﺸﺎﺕ

ﺩﺧﻠﺖ ﻫﻲّ ﻟﻠﺒﻼﺩ، ﻭﺻﻠﺖ ﻟﻠﺰﻧﻘﺔ، ﺩﻗّﺖ ﺍﻟﺒﺎﺏ، ﻗﺎﻟﻮ ﺷﻜﻮﻥ، ﻗﺎﻟﺖﺟﺒﺮﻯ، ﺃﻩ ﺟﺒﺮﻯ ﺟﺎﺕ ﻳﺎ ﻣﺮﺣﺒﺎ، ﺧﺮﺟﻮﺍ ﻳﺠﺮﻳﻮ ﺃﻣّﺎ ﻭ ﺃﺧﻮﺍﺗﻬﺎﻳﺒﻮﺳﻮ ﻭ ﻳﻌﻨﻘّﻮ، ﺍﻟﺠﻴﺮﺍﻥ ﺳﻤﻌﻮﺍ ﺟﺎﻭ ﻳﺠﺮﻳﻮ .. ﻟﻴﻠﺔ ﻛﺎﻣﻠﺔ ﻓﺮﺡ ﻭﻣﺸﺮﻭﺑﺎﺕ ﻭ ﺍﻟﻨﺎﺱ ﺗﺴﺄﻝ ﻭﻳﻦ ﻛﻨﺖ ؟ ﻓﻲ ﺃﻧﻮ ﺑﻼﺩ ﺗﻌﻴﺶ ؟ﻗﺎﻟﺖ : ﻳﺰﻳﻨﻲ ﻣﻦ ﺍﻟﻌﺒﺎﺩ، ﺭﺍﻧﻲ ﻣﻌﺮﺳّﺔ ﺑﺼﻴﺪﻗﺎﻟﻮﺍ : ﺷﻨﻮﺍ ؟ !! ﻛﻴﻔﺎﻩ ﺻّﻴﺪ ؟ﻗﺎﻟﺘﻠﻬﻢ : ﺷﻨﻮﺍ ﻛﻴﻔﺎﻩ ؟ ﺗﻲ ﺻﻴﺪ ! ﻧﻌﻴﺶ ﻣﻌﺎﻩ ﻓﻲ ﺍﻟﻐﺎﺑﺔ ! ﻭﺑﺪﺍﺕ ﺗﺤﻜﻲ ﻭ ﺗﺸﻜﺮ ﻓﻴﻪ ﺍﻟﻘﻮﺓ ﻭ ﺍﻟﺸﺠﺎﻋﺔ ﻭ ﺍﻟﺸﻼﻏﻢ ﺍﻟﻤﺒﺮﻣﺔ ﻭﺍﻟﻬﻮﺵ ﺍﻟﻜﻞ ﺗﺨﺎﻑ ﻣﻨﻪ ﻭ ﻋﺎﻳﺸﺔ ﻣﻌﺎﻩ ﻋﻴﺸﺔ ﺍﻟﻬﻨﺎﺀ ﻭ ﻻ ﻳﻌﺮﻑﺳﻬﺮﻳﺔ ﻭ ﻻ ﻫﻤﻠﺔ ﻛﻴﻒ ﺍﻟﺮﺟﺎﻝ ..ﻭ ﻫﺎﻙ ﺍﻟﻨﺴﺎﺀ ﻳﺴﻤﻌﻮﺍ ﻭ ﺣﺎﻟﻴﻦ ﺃﻓﺎﻣّﻬﻢ، ﻳﺴﻤﻌﻮﺍ ﻓﻲ ﻋﺠﺐ ﺭﺑّﻲ،ﻭﺍﺣﺪﺓ ﺗﻘﻮﻝ ﻣﻮﺵ ﻛﺎﻥ ﺧﺬﻳﺖ ﺻﻴﺪ ﺧﻴﺮﻟﻲ ﻣﻦ ﺃﻙ ﻣﻜﺒﻮﺏ ﺍﻟﺴﻌﺪ،ﻭ ﻭﺍﺣﺪﺓ ﺗﻘﻮﻝ ﻫﺎﻭ ﺍﻟﺴﻌﺪ ﺍﻟﺼﺤﻴﺢ .. ﻭ ﻫﻲ ﺍﻟﻨﻬﺎﺭ ﺍﻟﻜﻞ ﺗﺸﻜﺮ ﻭﺗﻤﺠّﺪ ﻓﻴﻪ .

ﻟﻜﻦ ﺍﻷﻡ ﻣﺎﻫﻲ ﺩﻳﻤﺎ ﻣﺸﻜﺎﻛﺔ، ﺗﺨﻠّﻲ ﺍﻟﻨﺴﺎﺀ ﺍﻟﻜﻞ ﻳﺮﻭّﺣﻮﺍ ﻭ ﺗﺸﺪﺑﻨﺘﻬﺎ ﻭ ﺗﺒﺪﻯ ﺗﺴﺄﻝ ﻓﻴﻬﺎ ؛ ﺑﺎﻟﻚ ﺑﻨﻴّﺘﻲ ﻣﻮﺵ ﻋﺎﻣﻠﻚ ﻗﺪﺭﻙ، ﺑﺎﻟﻚﻳﺨﻮﻓﻚ .. ﻭ ﻫﻲ ﺗﻘﻮﻝ ؛ ﻻ ﻳﺎ ﻣﻴﻤﺘﻲ ﺭﺍﻫﻮ ﺭﺍﺟﻞ ﻭ ﺃﺣﻠﻰﺍﻟﺼﻔﺎﺕ ﻓﻴﻪ .. ﻭ ﻫﺎﻙ ﺍﻷﻡ ﻛﻞ ﻧﻬﺎﺭ ﺗﺴﺄﻝ ﻓﻴﻪ ﻭ ﺗﺒﺮﺑﺶ .... ﺣﺘﻰﺍﻟﻠﻴﻠﺔ ﺍﻷﺧﺮﺓ، ﺍﻷﻡ ﻛﺜﺮﺕ ﻣﻦ ﺍﻷﺳﺌﻠﺔ .. ﻭﻻّﺕ ﺟﺒﺮﻯ ﻗﺎﻟﺖ ﻳﺎﻣﻴﻤﺘﻲ ﺭﺍﻫﻮ ﻓﻴﻪ ﺣﺎﺟﺔ ﻭﺍﺣﺪﺓ ﺧﺎﻳﺒﺔ، ﺭﺍﻫﻮ ﺃﺑﺨﺮ، ﻳﻌﻨﻲ ﻓﻤّﻮﺃﺑﺨﺮ، ﻭ ﺑﺎﻟﺼﺪﻓﺔ ﺍﻟﺼﻴﺪ ﻣﺎﻫﻮ ﻗﻠّﻬﺎ ﻣﻊ ﺍﻟﻔﺠﺮ ﻧﺠﻴﻚ، ﻫﻮ ﻟﻴﻠﺘﻬﺎﻗﻠﻖ ﻭﻟّﻰ ﺟﺎﺀ ﻣﻊ ﺍﻟﻠﻴﻞ ﺑﻜﺮﻱ ﻭ ﺳﻤﻌﻬﺎ ﻛﻴﻔﺎﻩ ﻗﺎﻟﺖ " ﺃﺑﺨﺮ " ﻭﺭﺟﻊ ﻋﻠﻰ ﺛﻨﻴﺘﻮ، ﻭ ﻋﺎﻭﺩ ﺟﺎﺀ ﻣﻊ ﺍﻟﻔﺠﺮ ﻛﻴﻒ ﻣﺎ ﺗﻔﺎﻫﻤﻮ ..ﺧﺮﺟﺘﻠﻮ، ﺷﺪﻭﺍ ﺍﻟﺜﻨﻴﺔ ﺭﺟﻌﻮﺍ ﻟﻠﻐﺎﺑﺔ، ﻟﻜﻦ ﺍﻟﻬﻴﺌﺔ ﻣﺘﺎﻉ ﺍﻷﺳﺪﺗﺒﺪﻟﺖ، ﻭ ﻋﺮﻕ ﺍﻟﻐﻀﺐ ﺑﻴﻦ ﻋﻴﻨﻴﻪ، ﻫﻲّ ﺗﻘﻮﻟﻮ ﺷﺒﻴﻚ ﻳﺎ ﺳﻴﺪﻱ ﻭﻫﻮ ﻳﻘﻮﻟﻬﺎ ﺣﺘﻰ ﺷﻲﺀ .. ﺣﺘﻰ ﻧﻬﺎﺭ ﻭ ﻫﻮ ﻳﺪﻭﺭ ﻫﻮ ﻭﺍﻳّﻬﺎ ﺇﻟﻘﺎﻭ "ﻓﺄﺱ " ﻣﻄﻴﺶ ﻓﻲ ﺍﻟﻐﺎﺑﺔ، ﻗﺎﻟﻬﺎ ﺍﻷﺳﺪ : ﻳﺎ ﺟﺒﺮﻯ ﺷﺪ ﺍﻟﻔﺄﺱﻫﺎﺫﺍﻛﺎ ﻭ ﺇﻳﺠﺎ ﺃﺿﺮﻧﻲ ﺑﻴﻪ ﻣﺎ ﺑﻴﻦ ﺍﻟﻌﻴﻨﻴﻦ .. ﺑﺪﺍﺕ ﺟﺒﺮﻯ ﺗﻀﺤﻚ ﻭﻗﺎﻟﺖ ﻭﻭﻭﻭﻩ ﻛﻴﻔﺎﻩ ﻧﻀﺮﺑﻚ ﻭ ﺑﻔﺄﺱ ﺯﺍﺩﺓ ؟ ﻗﺎﻝ ﺍﻟﺼﻴﺪ : ﻗﻮﺗﻠﻚﺃﺿﺮﺑﻨﻲ !! ﻗﺎﻟﺖ ﺷﻨﻮﺍ ﺻﺎﺭ ﻫﻮ ﺑﺎﻟﺤﻖ ؟ ﻗﺎﻟﻬﺎ ﺃﺿﺮﺏ ! ﻗﺎﻟﺖﻫﺎﺫﺍﻛﺎ ﻳﻠّﻲ ﻣﺎﺯﺍﻝ ﻧﻀﺮﺏ ﺯﻭﺟﻲ ﻭ ﺳﻴﺪﻱ ﺑﻔﺄﺱ ! ﻻ ﺳﺎﻣﺤﻨﻲ ﻣﺎﻧﺠﻤﺶ ..ﻭﻟّﻲ ﺍﻷﺳﺪ ﺗﻐﺸﺶ ﻭ ﺣﻤﺎﺭﺕ ﻋﻴﻨﻴﻪ ﻭ ﻗﺎﻟﻬﺎ ﻗﻮﺗﻠﻚ ﺃﺿﺮﺏ ﺧﻴﺮ ﻣﺎﻧﻘﻮﺻﻠﻚ ﺭﺃﺳﻚ ..ﻭﻟّﺎﺕ ﺧﺎﻓﺖ ﺟﺒﺮﻯ ﻭ ﺷﺪﺕ ﺍﻟﻔﺄﺱ ﻭ ﺗﻀﺮﺑﻮ ﺿﺮﺑﺔ ﻣﺎ ﺑﻴﻦ ﺍﻟﻌﻴﻨﻴﻦﻭ ﺑﺪﺃ ﺍﻟﺪﻡ ﻳﺠﺮﻱ ﻭ ﺑﺪﺍﺕ ﺟﺒﺮﻯ ﺗﺠﺮﻱ ﻭ ﺗﺠﻴﺐ ﻓﻲ ﺍﻟﺤﺸﺎﻳﺶ ﻭﺗﺤﻄّﻠﻮ ﻓﻮﻕ ﺍﻟﺠﺮﺡ ﺣﺘﻰ ﺑﻘﻰ 30 ﻳﻮﻡ ﺑﺎﺵ ﺑﺮﺍ ﺍﻟﺼﻴﺪ ﻭ ﻟّﻲﻻﺑﺎﺱ ..ﺑﺪﺍﺕ ﺟﺒﺮﻯ ﺗﺰﻏﺮﺩ ﻭ ﺗﻘﻮﻝ ﺍﻟﺤﻤﺪﻟﻠﻪ ﻋﻠﻴﻞ ﻳﺎ ﺳﻴﺪﻱ ﺍﻟﺤﻤﺪﻟﻠﻪﻫﺎﻟﻨﻬﺎﺭ ﺍﻟﻤﺒﺮﻭﻙ، ﻳﺨّﻲ ﻗﺎﻝ ﺍﻟﺼﻴﺪ :ﺃﺳﻜﺖ، ﺃﺳﻜﺖ، ﺍﻷﺑﺨﺮ ﻣﺎ ﻳﺰﻏﺮﺗﻮﺵ ﻋﻠﻴﻪ ..ﻗﺎﻟﺖ ﻭﻭﻭﻭﻩ ﺷﻨﻮﺍ ﻫﺎﻟﻜﻼﻡ ؟ﻗﺎﻟﻬﺎ : ﻟﺴﺎﻧﻚ ﺻﻮّﺍﻧﻚ، ﺇﺫﺍ ﺻُﻨﺘﻮ ﺻَﺎﻧﻚ، ﻭ ﺇﺫﺍ ﺧُﻨﺘﻮ ﺧﺎﻧﻚ، ﺍﻟﺠﺮﺡﻳﺒﺮﺍ ﻳﺎ ﺟﺒﺮﻯ ﺗﺒﺮﻯ ﻋﻠﻴﻪ ﺍﻟﻀﻤﻴﺪﺓ، ﻭ ﻛﻠﻤﺔ ﺍﻟﺴﻮﺀ ﻳﺎ ﺟﺒﺮﻯ ﺗﻤﺴﻰﻭﺗﺼﺒﺢ ﺟﺪﻳﺪﺓ..ﻭ ﺗﺮﻣﻰ ﻋﻠﻴﻬﺎ ﻗﺘﻠﻬﺎ ﻭ ﺃﻛﻠﻬﺎ ..ﻭﻓــــــﺎﺕ ﺍﻟﺤﻜﺎﻳﺔ .. ﺍﻥ ﺷﺎﺀ ﺍﻟﻠﻪ ﺗﻜﻮﻥ ﻋﺠﺒﺘﻜﻢ