ﺣﻜﺎﻳﺔ " ﺭﺑﻲّ ﻳﺴﺨﺮ

ﻓﻤﺎ ﺯﻭﺯ ﺇﺧﻮﺓ ﻭﺍﺣﺪ ﻓﻘﻴﺮ ﻭ ﻭﺍﺣﺪ ﻏﻨﻲ، ﻭ ﺍﻟﻐﻨﻲ ﻫﻮ ﺍﻟﻠﻪ، ﻭ ﻫﺎﻙﺍﻟﻘﻠّﻴﻞ ﻋﻨﺪﻭ ﺷﺒﻌﺔ ﺃﻭﻻﺩ ﻭ ﻧﻬﺎﺭ ﻛﺎﻣﻞ ﻭﺍﺣﻞ ﻓﻲ ﻗﻮﺗﻬﻢ ﻳﻬﺰ ﺳﺎﻕﺗﻐﺮﻕ ﺳﺎﻕ، ﺳﺎﻋﺎﺕ ﻳﻤﺸﻲ ﻷﺧﻮﻩ ﺍﻟﻐﻨﻲ ﻳﻘﻮﻟﻮ ﻳﺎ ﺧﻮﻳﺎ ﻋﺎﻭﻧﻲﺭﺍﻧﻲ ﻓﻲ ﺃﺷﺪ ﺗﻌﺐ، ﺍﻟﺒﺎﺭﺡ ﺍﻟﻮﻟﻴﺪﺍﺕ ﻣﻦ ﻏﻴﺮ ﻋﺸﺎﺀ، ﺧﻮﻩ ﺍﻟﻐﻨﻲﻳﻘﻮﻟﻮ ﺭﺑﻲ ﻳﺴﺨّﺮ ( ﻣﻌﻨﺎﻫﺎ ﺭﺑﻲ ﻳﻨﻮﺏ ) ﻭ ﻃﻮﻝ ﻋﻤﺮﻩ ﻣﺎ ﻧﻬﺎﺭﺣﻦّ ﻋﻠﻴﻪ ﻭ ﻋﻄﺎﻩ ﺣﺘﻰ ﻓﺮﻧﻚ، ﻣﺎ ﻳﻌﺮﻑ ﻛﺎﻥ ﻛﻠﻤﺔ ﺭﺑﻲ ﻳﺴﺨﺮ ﺃﻭﺭﺑﻲ ﻳﻨﻮﺏ، ﻭ ﻛﻴﻤﺎ ﻗﺎﻟﻮﺍ ﻧﺎﺱ ﺑﻜﺮﻱ ﻛﺎﻥ ﺍﻟﺨﻮ ﻳﻨﻔﻊ ﺧﻮﻩ ﻣﺎ ﻳﺒﻜﻲﺣﺘﻰ ﺃﺣﺪ ﻋﻠﻰ ﺑﻮﻩ ..ﻫﻴﺎ ﺣﺘﻰ ﻧﻬﺎﺭ ﻫﺎﻝ ﺍﻟﻤﺴﻜﻴﻦ ﺍﻟﺰﻭﺍﻟﻲ ﻗﺎﻝ : ﺗﻮﺍ ﺃﻧﺎ ﻛﻞ ﻭﻳﻦ ﻧﻜﻠﻢﺧﻮﻳﺎ ﻳﻘﻮﻟﻲ ﺭﺑﻲ ﻳﺴﺨّﺮ، ﺷﻜﻮﻧﻮ ﻫﺬﺍ ﺭﺑّﻲ ﻳﺴﺨﺮ ﻭ ﻭﻳﻨﻮ ﺯﻋﻤﺎ ﻭﺧﻠﻴﻘﺔ ﺃﻭ ﺻﻨﻴﻌﺔ ، ﻣﺴﻜﻴﻦ ﻣﻦ ﻛﺜﺮ ﺍﻟﻔﻘﺮ ﻭ ﺍﻟﺤﺎﺟﺔ ﻭ ﻳﺸﻮﻑ ﻓﻲﺻﻐﺎﺭﻩ ﻻ ﻳﻔﺮﺣﻮﺍ ﺑﻌﻴﺪ ﻭ ﻻ ﻳﻠﺒﺴﻮﺍ ﻛﻴﻒ ﺃﻭﻻﺩ ﺍﻟﻨﺎﺱ ﻭ ﻻ ﻳﻌﺮﻓﻮﻟﺤﻢ ﻭ ﻻ ﻣﺎﻛﻠﺔ ﺗﻨﻔﻊ .. ﺗﻤﺲ ﻓﻲ ﻋﻘﻠﻪ ﻭ ﻗﺮﻳﺐ ﻳﻜﻔﺮ .. ﻫﻴﺎ ﻗﺎﻝﻻﺯﻣﻨﻲ ﻧﻤﺸﻲ ﻧﻠﻮﺝ ﻋﻠﻴﻪ ﻫﺬﺍ ﺭﺑﻲ ﻳﻨﻮﺏ ﻭﻳﻨﻮ ..ﻫﻴﺎ ﺧﺮﺝ ﻣﻦ ﺍﻟﺒﻼﺩ ﻭ ﺷﺪ ﺍﻟﺜﻨﻴﺔ، ﻫﺎﻭ ﻣﺎﺷﻲ ﻣﺎﺷﻲ .. ﺗﻌﺪّﻯﻗﺪﺍﻡ ﺑﻴﺖ ﺻﻐﻴﺮﺓ ﻭ ﻳﻠﻘﻰ ﻗﺪﺍﻣﻬﺎ ﻋﺰﻭﺯﺓ ﻗﺎﻋﺪﺓ، ﻗﺎﻟﻬﺎ ﺳﻼﻡﻗﺎﺗﻠﻮ ﻋﻠﻴﻜﻢ ﺍﻟﺴﻼﻡ ﻭﻳﻦ ﻗﺎﺻﺪ ﺭﺑﻲ ﻳﺎ ﻭﻟﺪﻱ ؟ ﻗﺎﻟﻬﺎ ﺳﻤﻌﺖﺑﺮﺑﻲ ﻳﻨﻮﺏ ﺣﺒﻴﺖ ﻧﻤﺸﻴﻠﻮ ﻧﺸﻮﻑ ﺷﻨﻮﺍ ، ﻗﺎﺗﻠﻮ ﻟﻌﺰﻭﺯﺓ ﺑﺮﺍﺱﻭﻟﺪﻱ ﻣﺎﻻ ﻛﺎﻥ ﻟﻘﻴﺘﻮﺳﻠﻤﻠﻲ ﻋﻠﻴﻪ ﻭ ﻗﻮﻟﻮ ﻋﻨﺪﻱ 7 ﺑﻨﺎﺕ ﻛﻴﻒﺍﻷﻣﻴﺮﺍﺕ ﻛﺒﺮﻭﺍ ﻭ ﺣﺘﻰ ﻭﺍﺣﺪﺓ ﻣﻨﻬﻢ ﻣﺎ ﺗﺨﻄﺒﺖ ﻭ ﺇﻻ ﻋﺮﺳﺖ ..ﺑﻘﺎﻫﺎ ﺑﺨﻴﺮ ﻭ ﻣﺸﻰ ﻋﻠﻰ ﺭﻭﺣﻮ

ﻫﺎﻭ ﻣﺎﺷﻲ ﻫﺎﻭ ﻣﺎﺷﻲ .. ﻳﻠﻘﻰ ﻣﺮﺃﺓ ﺃﺧﺮﻯ ﺗﺤﻤﻲ ﻓﻲ ﺍﻟﺨﺒﺰ ﻓﻲﺍﻟﻄﺎﺑﻮﻧﺔ، ﻗﺎﺗﻠﻮﺍ ﻭﻳﻦ ﻗﺎﺻﺪ ﺭﺑﻲ ﻳﺎ ﻭﻟﺪﻱ، ﻗﺎﻟﻬﺎ ﻣﺎﺷﻲ ﻟﺮﺑﻲﻳﺴﺨﺮ ( ﺭﺑﻲ ﻳﻨﻮﺏ ) ، ﻗﺎﺗﻠﻮ ﺳﻠﻤﻠﻲ ﻋﻠﻴﻪ ﻭ ﻗﻮﻟﻮ ﺭﺍﻧﻲ ﻋﻨﺪﻱﻫﺎﻟﻄﺎﺑﻮﻧﺔ ﻣﺎ ﺗﻠﻘﺎﺵ ﺣﺘﻰ ﻃﺎﺑﻮﻧﺔ ﻛﻴﻔﻬﺎ ﻭ ﻟﻜﻦ ﺍﻟﺨﺒﺰ ﻧﺮﻣﻴﻪ ﻋﺠﻴﻨﺔﻳﻄﻠﻊ ﻋﺠﻴﻨﺔ ﻣﺎ ﻳﻄﻴﺒﺶ ، ﻗﺎﻟﻬﺎ ﺑﺎﻫﻲ ﻳﺎ ﻣﻴﻤﺘﻲ ﺗﻮ ﻧﻘﻮﻟﻮ ﻭ ﺑﻘّﺎﻫﺎﻋﻠﻰ ﺧﻴﺮ ﻭ ﺯﺍﺩ ﻣﺸﻰ ﻋﻠﻰ ﺭﻭﺣﻮ ..ﻫﺎﻭ ﻣﺎﺵ ﻣﺎﺷﻲ ﻳﻠﻘﻰ ﻧﺨﻠﺔ، ﺳﻠﻢ ﻋﻠﻴﻬﺎ ﻗﺎﺗﻠﻮ ﻭﻳﻦ ﻣﺎﺷﻲ ﻳﺎﻭﻟﺪﻱ ؟ ﻗﺎﻟﻬﺎ ﻟﺮﺑﻲ ﻳﺴﺨّﺮ ( ﺭﺑﻲ ﻳﻨﻮﺏ ) ﻗﺎﺗﻠﻮ ﺑﺮﺑﻲ ﺳﻠﻢ ﻋﻠﻴﻪﻭ ﻗﻮﻟﻮ ﺃﻧﺎ ﻧﺨﻠﺔ ﻧﺎﺑﺘﺔ ﻓﻲ ﺃﻋﺰ ﺗﺮﺍﺏ ﻟﻜﻦ ﻋﻤﺮﻱ ﻣﺎ ﺟﺒﺖ ﻛﻌﺒﺔﺗﻤﺮ، ﻗﺎﻟﻬﺎ ﺑﺎﻫﻲ ﻭ ﺯﺍﺩ ﻣﺸﻰ ﺍﻟﻘﺪﺍﻡ ..ﻫﺎﻭ ﻣﺎﺷﻲ ﻋﺮﺿﻮ ﺭﺍﺟﻞ ﻓﻲ ﺇﻳﺪﻭ ﻗﻔﺺ ﻓﻴﻪ ﻋﺼﻔﻮﺭ، ﻗﺎﻟﻮ ﺃﻧﺎﺭﺍﺟﻞ ﻛﺜﺮ ﻋﻠﻴﺎ ﺍﻟﺨﻴﺮ ﻭ ﻣﺎ ﻋﺎﺩﺵ ﻋﺎﺭﻑ ﺃﺵ ﻧﻌﻤﻞ ﺑﻴﻪ ..ﻭ ﺯﺍﺩ ﻣﺸﻰ ﺍﻟﻘﺪﺍﻡ ﻟﻘﻰ ﺑﺤﺮ، ﻗﺎﻟﻮ ﻭﻳﻦ ﻣﺎﺷﻲ ؟ ﻗﺎﻟﻮ ﻣﺎﺷﻲﻟﺮﺑﻲ ﻳﺴﺨﺮ، ﻗﺎﻟﻮ ﺃﻧﺎ ﺑﺤﺮ ﺗﺮﺍﺑﻲ ﻛﻼﻓﻀﺔ ﻭ ﻣﻮﺟﻲ ﻳﻌﺸﻖﺍﻟﻨﺎﺿﺮﻳﻦ ﻭ ﻟﻜﻦ ﻣﺎ ﻓﻴﺎﺵ ﺣﺘﻰ ﺣﻮﺗﺔ

ﻫﻴﺎ ﻫﺎﻭ ﻣﺎﺷﻲ ﺳﻲ ﻭﺧﻴﻨﺎ ﺣﺘﻰ ﻟﻘﻰ ﺭﻛﻞ ﻋﺠﻮﺯ ﻛﺒﻴﺮﻗﺎﻋﺪ ﻋﻠﻰﺯﺭﺑﻴﺔ، ﺳﻼﻡ ﻋﻠﻴﻜﻢ ، ﻗﺎﻟﻮ ﻭ ﻋﻠﻴﻜﻢ ﺍﻟﺴﻼﻡ، ﻗﺎﻝ : ﻭﻳﻦ ﻣﺎﺷﻲ ﻳﺎﻭﻟﺪﻱ ؟ ﻗﺎﻟﻮ ﻣﺎﺷﻲ ﻟﺮﺑﻲ ﻳﺴﺨﺮ .. ﻗﺎﻟﻮ ﻫﻴﺎ ﺃﻗﻌﺪ ﺃﻗﻌﺪ ﺃﺵﺣﺎﺟﺘﻚ ﺑﻴﻪ ﺇﻧﺖ ؟ﻗﺎﻟﻮ ﻋﻠﻰ ﺣﻜﺎﻳﺔ ﻟﻌﺰﻭﺯﺓ ﺃﻡ ﺍﻟـ 7 ﺑﻨﺎﺕ ﻭ ﻋﻠﻰ ﺍﻟﻄﺎﺑﻮﻧﺔ ﻭ ﻋﻠﻰﺍﻟﻨﺨﻠﺔ ﻭ ﻋﻠﻰ ﺍﻟﺮﺍﺟﻞ ﻣﻮﻟﻰ ﺍﻟﻘﻔﺺ ﻭ ﻋﻠﻰ ﺍﻟﺒﺤﺮﻗﺎﻟﻮ ﻟﻌﺰﻭﺯﺓ ﻗﻮﻟﻬﺎ ﺭﺍﻫﻮ ﻗﺪﺍﻡ ﻋﺘﺒﺔ ﺩﺍﺭﻫﺎ ﻓﻤﺎ 7 ﺳﺒﺎﻳﻚ ﺫﻫﺐ،ﺗﺤﻔﺮ ﻭ ﺗﻨﺤﻴﻬﻢ ﻣﻦ ﻓﻤﺎ ﺗﻮ ﺑﻨﺎﺗﻬﺎ ﻳﺠﻮﻳﻬﻢ ﺍﻟﺨﻄﺎﺑﺔﻭ ﻗﺎﻟﻮ ﺍﻟﻨﺨﻠﺔ ﻓﻤﺎ ﺻﻨﺪﻭﻕ ﻟﻮﻳﺰ ﻣﺪﻓﻮﻥ ﺗﺤﺘﻬﺎ، ﻭ ﻣﻮﻻﺓ ﺍﻟﻄﺎﺑﻮﻧﺔﻗﻮﻟﻬﺎ ﺗﺤﻔﺮ ﺗﺤﺖ ﺍﻟﻄﺎﺑﻮﻧﺔ ﺗﻮ ﺗﻠﻘﻰ ﺟﺮّﺓ ﻣﻠﻴﺎﻧﺔ ﺑﺎﻟﺬﻫﺐ، ﻭ ﻣﻮﻟﻰﺍﻟﻘﻔﺺ ﻳﻘﻮﻟﻮ ﻣﺎ ﻋﺎﺩﺵ ﻳﺤﻤﺪ ﺭﺑﻲ ﺗﻮ ﻳﻨﻘﺺ ﻋﻠﻴﻪ ﺍﻟﺨﻴﺮ، ﺍﻟﺒﺤﺮﻗﻮﻟﻮ ﻳﺄﻛﻞ ﺍﺑﻦ ﺃﺩﻡ ﺗﻮ ﻳﻮﻟﻲ ﻓﻴﻪ ﺍﻟﺤﻮﺕ .. ﻭ ﻣﺴﻜﻴﻦ ﻗﺎﻟﻮ ﺑﺎﻫﻲﻭ ﻗﺼﺪ ﺭﺑﻲ ﺭﺍﺟﻊ ﻋﻠﻰ ﺛﻨﻴﺘﻮ ﻭﻣﻦ ﻏﻴﺮ ﻣﺎ ﺳﺄﻟﻮ ﻫﻮ ﻋﻠﻰ ﺃﺣﻮﺍﻟﻪﻟﻜﻦ ﺭﺑﻲ ﻣﺎ ﻳﺨﻠﻲ ﺑﺤﺘﻰ ﺃﺣﺪ

 

ﻫﺎﻱ ﻭﺻﻞ ﻟﻤﻮﻟﻰ ﺍﻟﻘﻔﺺ، ﻗﺎﻟﻮ ﻻﺯﻣﻚ ﺗﻨﻘﺺ ﻣﻦ ﺍﻟﺤﻤﺪ ﻭ ﺍﻟﺸﻜﺮﻟﺮﺑﻲ ﺗﻮ ﻳﻨﻘﺺ ﻋﻠﻴﻚ ﺍﻟﺨﻴﺮ، ﻗﺎﻟﻮ ﺃﻧﺎ ﻧّﻘﺺ ؟ ﻻ ﻳﺎ ﺳﻴﺪﻱ ﺃﻋﻮﺫﺑﺎﻟﻠﻪ ﻭ ﺑﺪﺃ ﻳﻘﻮﻝ ﺍﻟﺤﻤﺪﻟﻠﻪ ﺍﺣﻤﺪﻟﻠﻪ ﺍﻟﺤﻤﺪﻟﻠﻪ ..ﻭ ﺑﺪﺃ ﺍﻟﻘﻔﺺﻳﺘﺤﻮﻝ ﻟﺬﻫﺐ ﻭ ﺍﻟﻌﺼﻔﻮﺭ ﻭﻟﻰ ﻳﺎﻗﻮﺗﺔ، ﻗﺎﻟﻮ ﻫﺰﻫﻢ ﺧﻮﺫﻫﻢ ﺣﻼﻝﻋﻠﻴﻚ، ﻫﻴﺎ ﻫﺰﻫﻢ ﻫﺎﻙ ﺍﻟﺮﺍﺟﻞ ﻭ ﻣﺸﻰ، ﻭ ﻭﺻﻞ ﻟﻠﻌﺰﻭﺯﺓ ﻗﺎﻟﻬﺎﺭﺍﻫﻮ ﻗﻠﻚ ﻓﻤﺎ 7 ﺳﺒﺎﻳﻚ ﺫﻫﺐ ﺗﺤﺖ ﺍﻟﺒﺎﺏ، ﺩﺧﻠﺖ ﻭ ﺟﺎﺑﺘﻠﻮ ﻓﺄﺱﻗﺎﺗﻠﻮ ﺃﺣﻔﺮ ﻭ ﺑﺪﺃ ﺳﻲ ﻭﺧﻴﻨﺎ ﻳﺤﻔﺮ، ﺣﺘﻰ ﻃﻠﻊ ﺍﻟـ 7 ﺳﺒﺎﻳﻚ ﺫﻫﺐﻭ ﻗﺎﺗﻠﻮ ﺧﻮﺫﻫﻢ ﺣﺮﺍﻡ ﻋﻠﻴﺎ ﻭ ﺣﻼﻝ ﻋﻠﻴﻚ، ﻫﺰﻫﻢ ﻭ ﻣﺸﻰ ﻭ ﺗﻌﺪﻯﻋﻠﻰ ﺍﻟﻨﺨﻠﺔ ﻭ ﻗﺎﻟﻬﺎ ﻋﻠﻰ ﺻﻨﺪﻭﻕ ﺍﻟﻠﻮﻳﺰ ﻳﻠﻲ ﻣﺪﻓﻮﻥ ﺗﺤﺘﻬﺎ ﻭ ﻗﺎﺗﻠﻮﺃﺣﻔﺮ ﻭ ﺣﻔﺮ ﻭ ﻃﻠﻊ ﺍﻟﺼﻨﺪﻭﻕ ﻗﺎﺗﻠﻮ ﺧﻮﺫﻭ ﺣﻼﻝ ﻋﻠﻴﻚ، ﻭ ﺑﻌﺪﺗﻌﺪﻯ ﻋﻠﻰ ﻣﻮﻻﺓ ﺍﻟﻄﺎﺑﻮﻧﺔ ﻗﺎﻟﻬﺎ ﻋﻠﻰ ﺟﺮّﺓ ﺍﻟﺬﻫﺐ ﻗﺎﺗﻠﻮ ﺧﻮﺫﻫﺎ،ﻭ ﺭﻭﺡ ﻟﻠﺒﻼﺩ ﻭ ﺩﺧﻞ ﻓﻲ ﺍﻟﻠﻴﻞ ﺑﺎﻟﺴﺮﻗﺔ ﻭ ﻣﻌﺎﻩ ﻛﻞ ﺍﻟﺨﻴﺮ،ﺻﻨﺪﻭﻕ ﻟﻠﻮﻳﺰ ﻭ ﺍﻟﺬﻫﺐ ﻭ ﺳﺒﺎﻳﻚ ﺍﻟﺬﻫﺐ ﻭ ﺍﻟﺠﺮﺓ ﺫﻫﺐ ﻣﺎ ﻳﻐﻨﻲﺍﻟﺒﺸﺮ ﻃﻮﻝ ﺍﻟﻌﻤﺮ، ﻭ ﻣﻦ ﻏﺪﻭﺓ ﺻﺒﺤﺖ ﺍﻟﻬﺪﺍﺩﺓ ﺗﻬﺪ ﻭ ﺍﻟﺒﻨﺎﻳﺔ ﺗﺒﻨﻲﻭ ﺑﻨﻰ ﻗﺼﺮ ﻭ ﺑﻨﻰ ﺩﻳﺎﺭ ﻭ ﺣﻨﺎﻭﺕ ﻭ ﻫﺒﻂ ﺍﻟﺰﺭﺍﺑﻲ ﻭ ﺍﻟﺘﺤﻒ ﻭﺍﻟﻤﻮﺑﻴﻠﻴﺎ ..

ﻫﻴﺎ ﺟﺎﺀ ﺍﻟﻌﻴﺪ، ﻟﻴﻠﺔ ﺍﻟﻌﻴﺪ ﺯﻭﺟﺔ ﻫﺎﻙ ﺍﻟﺨﻮ ﺍﻟﻐﻨﻲ، ﻗﺎﻟﺖ ﻟﻠﺨﺎﺩﻣﺔﻫﺰ ﺻﺤﻦ ﺣﻠﻮ ﻭ ﻫﺰﻭ ﻟﻬﺎﻙ ﺧﻮ ﺭﺍﺟﻠﻲ ﺍﻟﻔﻘﻴﺮ ﺍﻟﻤﻐﺒﻮﻥ ﺧﻠﻲﺃﻭﻻﺩﻩ ﻳﻔﺮﺣﻮﺍ ﻏﺪﻭﺓ ﻣﺴﺎﻛﻦ .. ﻫﻴﺎ ﺧﺮﺟﺖ ﺍﻟﺨﺎﺩﻣﺔ ﻭ ﺗﻌﺠﺒﺖ ﻣﻦﻳﻠﻲ ﺷﺎﻓﺎﺗﻪ ﻋﻴﻨﻴﻬﺎ ﻭ ﻗﻌﺪﺓ ﺑﺎﻫﺘﺔ ﺗﻘﻮﻝ ﻓﻲ ﻗﺼﺮ ﺳﻼﻃﻴﻦ ﻭﺯﻭﺟﺔ ﻫﺎﻙ ﺍﻟﺨﻮ ﻳﻠﻲ ﻛﺎﻥ ﻗﺒﻞ ﻓﻘﻴﺮ ﻓﺮﺣﺖ ﺑﺎﻟﺨﺎﺩﻣﺔ ﻭ ﻋﻄﺘﻬﺎﻗﻤﺎﺵ ﺣﺮﻳﺮ ﻭ ﻛﻌﺒﺔ ﻟﻮﻳﺰ ﻭ ﻗﺎﻟﺘﻠﻬﺎ ﺳﻠﻢ ﻋﻠﻰ ﻟﻼﺗﻚ ﻭ ﺭﻭﺣﺖﻗﺎﻟﺘﻠﻬﺎ ﻋﻠﻰ ﺍﻟﺤﻜﺎﻳﺔ ﺍﻟﻜﻞ .. ﻣﺸﺎﺕ ﺗﺠﺮﻱ ﻟﺮﺍﺟﻠﻬﺎ ﻗﺎﺗﻠﻮ ﻗﻮﻝﺷﻮﻑ ﺧﻮﻙ ﻳﻠﻲ ﻛﺎﻥ ﻳﺸﻬﻖ ﻣﺎ ﻳﺨﻠﻂ ﻭﺍﻟﻔﻘﺮ ﻋﺎﻣﻞ ﻣﻌﺎﻫﺪﺓ ﻣﻌﺎﻩﻛﻴﻔﺎﻩ ﺃﺻﺒﺢ ﺗﻘﻮﻝ ﺳﻠﻄﺎﻥ ﻭ ﺇﻧﺖ ﺭﺍﻗﺪ ! ﻗﺎﻟﻬﺎ ﺷﻨﻮﺍ ؟؟ﻫﻴﺎ ﻣﺸﺎﻟﻮ ﻗﺎﻟﻮ ﺧﻮﻳﺎ ﻣﻨﻴﻦ ﻟﻴﻚ ﻫﺬﺍ ؟ ﻗﺎﻟﻮ ﻣﻦ ﻋﻨﺪ ﺭﺑﻲ ﻳﺴﺨﺮﻳﻠﻲ ﻗﻮﺗﻠﻲ ﻋﻠﻴﻪ .. ﻗﺎﻟﻮ ﺇﻱ ﻗﻮﻟﻲ ﻭﻳﻨﻮ ﺣﺘﻰ ﺃﻧﺎ ﻧﺤﺐ ﻧﻤﺸﻴﻠﻮ ..ﻭ ﺍﻟﺪﻧﻴﺎ ﻣﺎ ﻳﺸﺒﻊ ﻣﻨﻬﺎ ﺣﺘﻰ ﺣﺪ، ﻗﻌﺪ ﻳﺠﻲ ﺟﻤﻌﺔ ﻭ ﻫﻮ ﻛﻞ ﻧﻬﺎﺭﻳﺠﻴﻪ ﻳﻘﻮﻟﻮ ﺑﺠﺎﻩ ﺭﺑﻲ ﻗﻮﻟﻲ ﻭﻳﻨﻮ ﻫﺬﺍ ﺭﺑﻲ ﻳﺴﺨﺮ ﻧﺤﺐ ﻧﻤﺸﻴﻠﻮﺣﺘﻰ ﺃﻧﺎ ﻛﻴﻔﻚ، ﻭ ﻫﻴﺎ ﻳﺎ ﺳﻴﺪﻱ ﻗﺎﻟﻮ ﺑﺎﻫﻲ ﻭ ﺭﻛﺒﻮ ﺷﺪﻭ ﺍﻟﺜﻨﻴﺔ،ﻟﻘﺎﻭ ﻟﻌﺰﻭﺯﺓ ﺳﺄﻟﻬﺎ ﻋﻠﻰ ﺃﺣﻮﺍﻟﻬﺎ ﻗﺎﻟﻬﺎ ﺑﻨﺎﺗﻲ ﺍﻟﻜﻞ ﻋﺮﺳﻮ، ﻭﺗﻌﺎﺩﻭﺍ ﻋﻠﻰ ﻣﻮﻻﺓ ﺍﻟﻄﺒﻮﻧﺔ ﻭ ﻟﻘﺎﻫﺎ ﺗﺨﺮﺝ ﻓﻲ ﺧﺒﺰ ﻧﻮﺩﻛﻢ ﻭ ﻻﻧﺸﻬﻴﻜﻢ، ﻭ ﺗﻌﺎﺩﻭﺍ ﻋﻠﻰ ﺍﻟﻨﺨﻠﺔ ﻳﻠﻘﺎﻭ ﺍﻟﺘﻤﺮ ﻓﻴﻬﺎ ﻛﻴﻒ ﺍﻟﺬﻫﺐﻣﺎﺷﺎﺀ ﻟﻠﻪ، ﻭ ﻟﻘﺎﻭ ﺍﻟﺮﺍﺟﻞ ﻣﻮﻟﻰ ﺍﻟﻘﻔﺺ ﻓﻲ ﺧﻴﺮ ﻭ ﻧﻌﻤﺔ ، ﺯﺍﺩﻭﺍﺍﻟﻘﺪﺍﻡ ﺣﺘﻰ ﻭﺻﻠﻮ ﻟﻠﺒﺤﺮ

ﻗﺎﻟﻮ ﻭﻟﻠﻪ ﺳﺎﻣﺤﻨﻲ ﺭﺍﻧﻲ ﻧﺴﻴﺘﻚ، ﻭ ﺭﺍﻭﻩ ﻗﺎﻟﻚ ﻻﺯﻣﻚ ﺗﺄﻛﻞ ﺍﺑﻦﺃﺩﻡ ﺑﺎﺵ ﺍﻳﻮﻟﻲ ﻳﻌﻴﺶ ﻓﻴﻚ ﺍﻟﺤﻮﺕ ..ﻗﺎﻝ ﺍﻟﺒﺤﺮ ﺍﻱ ﻋﺎﺩ ﻣﺎ ﻓﻤﺎﺵ ﻣﺎ ﺧﻴﺮ ﻣﻦ ﻫﺎﻙ ﺍﻟﻄﻤﺎﻉ ﻳﻠﻲ ﺑﺠﻨﺒﻚ ﻭﺧﺮﺟﺖ ﻣﻮﺟﺔ ﻋﺎﻟﻴﺔ ﻭ ﺧﻄﻔﺖ ﻫﺎﻙ ﺍﻟﺨﻮ ﺍﻟﻄﻤﺎﻉ، ﻭ ﻣﺎ ﻟﻘﻰﻣﺎﻗﻴﻌﻤﻞ ﻫﺎﻝ ﺍﻟﺨﻮ ﻭ ﻭﻟﻰ ﺻﻠﻰ ﻋﻠﻰ ﺧﻮﻩ ﺻﻼﺓ ﺍﻟﺠﻨﺎﺯﺓ ﻭ ﺭﺟﻊﻟﻠﺒﻼﺩ ﻭ ﻟﻘﻰ ﺯﻭﺟﺔ ﺃﺧﻮﻩ ﺍﻟﻄﻤّﺎﻉ ، ﻗﺎﻟﻬﺎ ﺭﺍﺟﻠﻚ ﻣﺎﺕ، ﺷﻬﻘﺖﺷﻬﻘﺔ ﻭﺍﺣﺪﺓ ﻭ ﺭﻭﺣﻬﺎ ﻃﻠﻌﺖ ﻭ ﻣﺎ ﻋﻨﺪﻫﻤﺶ ﺻﻐﺎﺭ ﻭﻟﻰ ﺯﺍﺩﻭﺧﻴﻨﺎ ﻭﺭﺙ ﺍﻟﻠﻤﺔ ﻭ ﻣﺎ ﻓﻤّﺎ .. ﻭﻓﺎﺕ ﺍﻟﺤﻜﺎﻳﺔ ﺍﻥ ﺷﺎﺀ ﺍﻟﻠﻪ ﺗﻜﻮﻥﻋﺠﺒﺘﻜﻢ