حكاية ﻌﺼﻔﻮﺭ ﻭ جريدة

ﻗﺎﻟﻚ ﻳﺎ ﺳﻴﺪﻱ ﻓﻤّﺎ ﻣﺮﺃﺓ ﺇﺳﻤﻬﺎ " ﺍﻟﺠﺮﺍﺩﺓ " ﻫﺠّﺎﻟﺔ ﻣﺎﺕ ﺭﺍﺟﻠﻬﺎﻭ ﺗﺮﻛﻬﺎ ﻭﺣﻴﺪﺓ ﻋﺎﻳﺸﺔ ﺗﻐﺰﻝ ﻓﻲ ﺍﻟﺼﻮﻑ ﻓﻲ ﺍﻟﺪﺍﺭ ﻭ ﺗﺼﻊ ﻣﻨﻪﻗﻄﻦ ﻭ ﺗﺼﻨﻊ ﻣﻦ ﺍﻟﻘﻄﻦ ﻟﺒﺎﺱ ﻭ ﺗﺒﻴﻌﻪ ﻓﻲ ﺍﻟﺴﻮﻕ، ﻫﺎﺫﻳﻜﺎﺍﻟﺨﺪﻣﺔ ﻋﺎﻳﺸﺔ ﻧﻬﺎﺭ ﺑﻨﻬﺎﺭ .ﻫﻴّﺎ ﻳﺎ ﺳﻴﺪﻱ ﻗﺮُﺏ ﺍﻟﺸﺘﺎﺀ، ﻗﺎﻟﺖ ﺍﻟﺠﺮﺍﺩﺓ ﺧﻠﻴﻨﻲ ﻧﻤﺸﻲ ﻧﺸﺮﻱﺷﻜﺎﺭﺓ ﻓﺤﻢ ﺟﺎﻱ ﺍﻟﺸﺘﺎﺀ ﻭ ﺍﻟﺒﺮﺩ ﻭ ﺍﻟﻤﻄﺮ ﻭ ﺍﻟﺮﻋﺪ ﻣﺎ ﻳﻨﻔﻊ ﻛﺎﻥﻛﺎﻧﻮﻥ ﻓﺤﻢ ﻧﻬﺎﺭ ﻛﺎﻣﻞ ﻓﻲ ﺍﻟﺪﺍﺭ ﻳﺸﻌﻞ ﻭ ﻳﺪﻓّﻲ ﺍﻟﺪﻭﻳﺮﺓ. ﻣﺸﺎﺕﻟﻠﺴﻮﻕ ﻭ ﺷﺮﺍﺕ ﺷﻜﺎﺭﺓ ﻓﺤﻢ ﻟﻜﻦ ﻣﺎﻟﻘﺎﺕ ﻛﻴﻔﺎﻩ ﺗﺠﻴﺒﻬﺎ ﻫﻴّﺎ ﻗﻌﺪﻋﻨﺪﻫﺎ ﺭﺑﻊ ﺩﻳﻨﺎﺭ ﻗﺎﻟﺖ ﻧﺸﻮﻑ " ﺣﻤّﺎﻝ " ﻳﻌﻨﻲ ﺍﻟﺮﺍﺟﻞ ﻳﻠﻲ ﻳﺤﻤﻞﺍﻟﺒﻀﺎﺋﻊ ﻓﻲ ﻫﺎﻙ ﺍﻟﺰﻣﺎﻥ ﻣﻦ ﻣﻜﺎﻥ ﻟﻤﻜﺎﻥ ﺑﻤﻘﺎﺑﻞ ﻣﺎﺩﻱ، ﻫﻴّﺎ ﺟﺎﺕﻟﻠﺤﻤّﺎﻝ ﺍﻷﻭﻝ ﻭ ﻛﻴﻒ ﻗﺎﻟﺖ ﺍﻷﺟﺮﺓ ﺭﺑﻊ ﺩﻳﻨﺎﺭ، ﻗﺎﻟﻬﺎ ﻳﺎ ﺣﺎﺟﺔﻻﻫﻲ ﻋﻨﺪﻱ ﻣﺎ ﻧﻌﻤﻞ، ﻗﺎﻝ ﺭﺑﻊ ﺩﻳﻨﺎﺭ ﺃﺵ ﺑﺎﺵ ﺑﻌﻤﻞ ﺑﻮﻫﻢ، ﻫﻴّﺎﺟﺎﺕ ﻟﻠﺤﻤﺎﻝ ﺍﻟﺜﺎﻧﻲ ﻭ ﻧﻔﺲ ﺍﻟﺸﻲﺀ ﻗﺎﻟﻬﺎ ﻣﺸﻐﻮﻝ ﺳﺎﻣﺤﻨﻲ،ﺍﻟﺤﻤّﺎﻝ ﺍﻟﺜﺎﻟﺚ ﺷﻲﺀ، ﺍﻟﺮﺍﺑﻊ، ﺍﻟﺨﺎﻣﺲ ..ﺣﺘﻰ ﻟﻘﺎﺕ ﺭﺍﺟﻞ ﺣﻤّﺎﻝ ﻗﺎﻋﺪ ﻓﻮﻕ ﺍﻟﻤﺎﺩﺓ ﻇﺎﻫﺮ ﻓﻴﻪﻣﺎﺯﺍﻝ ﻣﺎ ﺇﺳﺘﻔﺘﺤﺶ، ﻗﺎﻟﻬﺎ ﺍﻟﻠﻪ ﻳﺒﺎﺭﻙ ﻫﺎﺕ ﻧﺤﻤﻠﻚ ﺷﻜﺎﺭﺓﺍﻟﻔﺤﻢ .. ﻭ ﺑﺎﻟﻔﻌﻞ ﻫَﺰ ﺍﻟﺸﻜﺎﺭﺓ ﻓﻮﻕ ﻛﺘﻔﻪ ﻭ ﻣﺸﻰ ﻳﺘﺒﻊ ﻓﻲﺍﻟﻤﺮﺃﺓ ﺣﺘﻰ ﻭﺻﻞ ﻟﻠﺪﺍﺭ، ﺩﺧﻞ ﻣﻌﺎﻫﺎ ﻭ ﻗﺎﺗﻠﻮ ﺣُﻄﻬﺎ ﻓﻲ ﺍﻟﺒﻴﺖﺍﻟﺪﺍﺧﻞ، ﻭ ﻗﺎﺗﻠﻮﺍ ﻫﺎﻙ ﺃﺷﺮﺏ ﺷﺮﺑﺔ ﻣﺎﺀ ﺃﺭﺗﺎﺡ .؛ ﻭ ﺳﻲ ﻭﺧﻴﻨﺎﻳﻠﻬﺚ ﻣﻦ ﺍﻟﺘﻌﺐ ﻗﻌﺪ ﻳﺸﺮﺏ ﻓﻲ ﺍﻟﻤﺎﺀ ﻭ ﻳﺮﺗﺎﺡ ﺷﻮﻱ ..ﺍﻟﻨﺴﺎﺀ ﻓﻲ ﻃﺒﻴﻌﺘﻬﻢ ﺩﻳﻤﺎ ﻳﺤﺒﻮﺍ ﻳﺴﺄﻟﻮﺍ ﻭ ﻳﺒﺮﺑﺸﻮﺍ .. ﻳﺨّﻲ ﻗﺎﻟﺖﺍﻟﻤﺮﺃﺓ : ﺃﺵ ﺇﺳﻤﻚ ﻳﺎ ﻋﻤّﻲ ﺍﻟﺮﺍﺟﻞ ؟ﻗﺎﻟﻬﺎ ﻋﺒﺪ ﺍﻟﻠﻪ ﻭ ﻓﻲ ﺍﻟﺤﻘﻴﻘﺔ ﻳﻘﻮﻟﻮﻟﻲ " ﺍﻟﻌﺼﻔﻮﺭ " ﻭ ﺇﻧﺘﻲ ﻳﺎﻣﺮﺃﺓ ﺃﺵ ﺇﺳﻤﻚ ؟ﻗﺎﻟﺖ ﺃﻧﺎ ﺍﻟﺠﺮﺍﺩﺓ .. ﻭ ﻗﺎﻟﺖ ﻋﻨﺪﻙ ﺃﻭﻻﺩ ؟ﻗﺎﻝ ﺍﻟﻌﺼﻔﻮﺭ : ﻻ ﻣﺎ ﻧﻴﺶ ﻣﻌﺮﺱ ﻣﺎ ﻋﻨﺪﻱ ﺣﺘﻰ ﺃﺣﺪ ﻛﺎﻥ ﻭﺟﻪﺭﺑّﻲ .. ﻭ ﺍﻧﺘﻲ ﻳﺎ ﺟﺮﺍﺩﺓ ؟ﻗﺎﻟﺖ : ﺣﺘﻰ ﺃﻧﺎ ﻫﺠّﺎﻟﺔ .. ﻭ ﺳﻜﺘﺖ ﻭ ﻗﺎﻟﺖ : ﻳﺎ ﻋﺼﻔﻮﺭ ﺃﺵ ﻗﻮﻟﻚﺗﻌﺮّﺱ ﺑﻴّﺎ ﻭ ﻧﺘﻌﺎﻭﻧﻮﺍ ﻋﻠﻰ ﻫﻢّ ﺍﻟﺪﻧﻴﺎ ﺟﻤﻴﻊ..ﺳﻜﺖ ﺍﻟﻌﺼﻔﻮﺭ ﻭ ﻗﺎﻝ : ﺃﻧﺎ ﺭﺍﻧﻲ ﻣﺎ ﻋﻨﺪﻱ ﺷﻲﺀ ﻟﻴﻦ ﻧﺼﺮﻑﻋﻠﻰ ﺭﻭﺣﻲ ﺑﺎﺵ ﻧﺰﻳﺪ ﻧﻌﺮﺱ ﻭ ﻧﺼﺮﻑ ﻋﻠﻰ ﻣﺮﺃﺓ !ﻗﺎﻟﺖ : ﻳﺪﺑّﺮﻫﺎ ﻳﻠّﻲ ﻣﺎ ﻳﻨﺎﻡ ﺍﻟﻠﻴﻞ، ﻣﺎﻧﻴﺶ ﻃﺎﻟﺒﺔ ﺷﻲﺀ، ﻓﻘﻂ ﻧﺤﺐﺭﺍﺟﻞ ﻭ ﻧﺘﻌﺎﻭﻧﻮﺍ ﻋﻠﻰ ﻫﻢّ ﺍﻟﺪﻧﻴﺎ .. ﻗﺎﻟﻬﺎ ﺍﻟﻠﻪ ﻳﺒﺎﺭﻙ ..ﻫﻴّﺎ ﻳﺎ ﺳﻴﺪﻱ ﻣﺨﺘﺼﺮ ﺍﻟﻜﻼﻡ ﺟﺎﺀﻭ ﺍﻟﺸﻬﻮﺩ ﻭ ﺑﺎﺗﻮﺍ ﻟﻴﻠﺘﻬﺎﻣﻌّﺮﺳﻴﻦ

ﻣﻦ ﻏﺪﻭﺓ ﺍﻟﺼﺒﺎﺡ، ﻓﺎﻕ ﻭ ﻗﺎﻟﻬﺎ ﻳﺎ ﻣﺮﺃﺓ ﻫﺎﻧﻲ ﺧﺎﺭﺝ ﻧﺨﺪﻡ، ﻗﺎﻟﺖﺍﻟﺠﺮﺍﺩﺓ ﺑﺮﺑﻲ ﺃﺧﻄﺎﻙ ﻣﻦ ﺧﺪﻣﺔ ﺍﻟﺘﻌﺐ ﻭ ﺍﻟﺸﻘﺎﺀ ﻭ ﺷﻮﻑ ﺧﺪﻣﺔﻣﺎ ﺧﻴﺮ ﻭ ﺃﺭﺗﺢ ! ﻓﻲ ﻫﺎﻟﻌﻤﺮ ﺑﺎﺵ ﺗﺨﺪﻡ ﺣﻤّﺎﻝ !ﻗﺎﻟﻬﺎ ﺃﺵ ﺑﺎﺵ ﻧﺨﺪﻡ ؟ ﻗﺎﻟﺖ ﺷﻮﻑ ﺧﺪﻣﺔ ﺃﺧﺮﻯ، ﺗﺼﺮﻑ ﺃﻣﺎﺣﻤّﺎﻝ ﻻ ! ﻭ ﺳﻜﺘﺖ ﻭ ﻗﺎﺗﻠﻮﺍ ﺗﻲ ﺇﺧﺪﻡ " ﺗڨﺎﺯ " ﻳﻌﻨﻲ ﻋﺮّﺍﻑ ..ﻗﺎﻟﻬﺎ ﺷﻨﻮﺍ ؟!! ﻫﺒﻠﺖ ﺇﻧﺘﻲ ﻳﺎ ﺟﺮﺍﺩﺓ ﺗﻲ ﻛﻴﻔﺎﻩ ﺗڨﺎﺯ ؟ ﻓﻴﺒﺎﻟﻚﺳﺎﻫﻤﺔ ﻫﻲّ ﺍﻟﺘڨﺎﺯﺓ ؟ﻗﺎﺗﻠﻮ : ﺃﺧﻄﺎﻙ ﻳﺎ ﺭﺍﺟﻞ ﺗﻲ ﺇﺳﻤﻊ ﻛﻼﻣﻲ ﻭ ﻟﻠﻪ ﻣﺎ ﻓﻴﻬﺎ ﺷﻲﺀ،ﺇﻳﺠﺎ ﻓﻲ ﺑﻄﺤﺔ ﻭﺳﻂ ﺍﻟﻤﺪﻳﻨﺔ ﻭ ﺃﻧﺸﺮ ﺷﻮﻱ ﺭﻣﻞ ﻭ ﺇﺑﺪﻯ ﺗڨﺰﺃﺵ ﻓﻴﻬﺎ ﺻﻌﻴﺐ ﻫﺎﺫﻱ .. ؟؟؟ﻫﻴّﺎ ﻳﺎ ﺳﻴﺪﻱ ﻣﺨﺘﺼﺮ ﺍﻟﺤﺪﻳﺚ ﺇﺳﻤﻊ ﻛﻼﻣﻬﺎ ﻭﺟﺎﺀ ﺳﻲ ﺍﻟﻌﺼﻔﻮﺭﻓﻲ ﻭﺳﻂ ﺍﻟﺒﻄﺤﺔ ﻣﺘﺎﻉ ﺍﻟﻤﺪﻳﻨﺔ ﻭ ﻧﺼﺐ ﺳﻤﻞ ﻗﺪﺍﻣﻮﺍ ﻭ ﺷﺎﺩﺳﺒﺤﺔ ﻓﻲ ﺇﻳﺪﻩ ..ﻫﻮ ﻗﺎﻋﺪ ﻭ ﺟﺎﺀ " ﺑﺎﺑﺎ ﺗﺮﻛﻲ " ﻫﺬﺍ ﺭﺍﺟﻞ ﻣﻦ ﺍﻷﺗﺮﺍﻙ ﻋﺎﻳﺶ ﻓﻲﺗﻮﻧﺲ ﻭﻣﻌﺮﻭﻑ ﻓﻲ ﺍﻟﻤﺪﻳﻨﺔ ﻣﺎ ﻳﻌﺮﻓﺶ ﻃﺮﻑ ﺧﻼﻩ ﻓﻴﻦ، ﺭﺍﺟﻞﻣﻴﺴﻮﺭ ﻭ ﻣﻦ ﺃﻛﺎﺑﺮ ﺍﻟﺘﺠّﺎﺭ، ﻗﺎﻝ ﺳﻲ ﺑﺎﺑﺎ ﺗﺮﻛﻲ : ﻳﺎ ﺗڨﺎﺯﺷﻤﻮﻓﻞ ﻋﻨﺪﻱ ﺳﻔﻴﻨﺔ ﻓﻲ ﻭﺳﻂ ﺍﻟﺒﺤﺮ ﺟﺎﻳﺔ ﻣﻦ ﺑﻴﺮﻭﺕ ﻭ ﺳﻤﻌﺖﻓﻤّﺎ ﻋﺎﺻﻔﺔ ﻓﻲ ﻭﺳﻂ ﺍﻟﺒﺤﺮ ﻭ ﻗﻮﻟﻲ ﺑﺎﺵ ﺗﻮﺻﻞ ﺳﺎﻟﻤﺔ ﻟﻤﻴﻨﺎﺀﺗﻮﻧﺲ ﺃﻭ ﻻ ؟ﺳﻲ ﺍﻟﻌﺼﻔﻮﺭ ﻗﺎﻝ ﺗﻲ ﺃﺵ ﺑﺎﺵ ﻧﻘﻮﻝ ﺃﻧﺎ ﺗﻮّﺍ ؟ ﺣﺎﺭ ﻭ ﻗﺎﻝ ﺃﺵﺑﺎﺵ ﻧﻌﻤﻞ ﻣﻌﺎﻩ ﻫﺬﺍ ؟ ﻛﻠﻮ ﻣﻦ ﺟﺮﺍﺩﺓ ﻫﻲّ ﻳﻠّﻲ ﻗﺎﺗﻠﻲ ﺇﺧﺪﻡﺗڨﺎﺯ !! ﻭ ﻗﺎﻝ : ﻳﺎ ﺑﺎﺑﺎ ﺗﺮﻛﻲ ﺍﻟﺴﻔﻴﻨﺔ ﺟﺎﻳﺔ ﺟﺎﻳﺔ ﺟﺎﻳﺔ ﻻﺑﺎﺱﻋﻠﻴﻬﺎ ﻣﺎ ﺗﺨﺎﻓﺶ !ﻗﺎﻡ ﺳﻲ ﺑﺎﺑﺎ ﺗﺮﻛﻲ ﻓﺮﺣﺎﻥ ﻭ ﻋﻄﺎﻩ 100 ﺩﻳﻨﺎﺭ ﻭ ﻗﺎﻝ ﻟﻮﻛﺎﻥﺗﻮﺻﻞ ﺑﺎﻟﺤﻖ ﺍﻟﺴﻔﻴﻨﺔ ﺳﺎﻟﻤﺔ ﻧﺰﻳﺪﻙ 400 ﺩﻳﻨﺎﺭ !ﻗﺎﻡ ﺳﻲ ﺍﻟﻌﺼﻔﻮﺭ ﺑﺎﺵ ﻳﻬﺒﻞ ﻣﻦ ﺍﻟﻔﺮﺣﺔ ﺃﻭﻝ ﻣﺮﻩ ﻓﻲ ﺣﻴﺎﺗﻮ ﺑﺎﺵﻳﺸﺪ ﻓﻲ ﺇﻳﺪﻩ 100 ﺩﻳﻨﺎﺭ ﻭ ﻣﺸﻰ ﻳﺠﺮﻱ ﻟﻠﻔﻨﺪﻕ ﺍﻟﻐﻠﺔ ﻭ ﺷﺮﻯﺍﻟﻐﻼﻝ ﻭ ﺍﻟﺨﻀﺮﺓ ﻭ ﺍﻟﻠﺤﻢ ﻭ ﺭﻭّﺡ ﻟﻠﺪﺍﺭ، ﺩﺧﻞ ﻳﺼﻴﺢ ﻳﺎ ﺟﺮﺍﺩﺓ ﻳﺎﺟﺮﺍﺩﺓ ﺇﻳﺠﺎ ﺷﻮﻑ ﺍﻟﺨﻴﺮﺍﺕ ﺍﻟﻜﻞ، ﻧﺤﺒﻚ ﺗﻌﺮﻱ ﻋﻠﻰ ﺫﺭﺍﻋﺎﺗﻚ ﻭﺇﻃﻴّﺒﻠﻨﺎ ﺃﺣﻠﻰ ﻓﻄﻮﺭ ﺍﻟﻴﻮﻡ، ﻭ ﺍﻟﺠﺮﺍﺩﺓ ﻓﺮﺣﺎﻧﺔ ﻭ ﺗﻘﻮﻝ ﺷﻮﻓﺖﻛﻴﻒ ﻗﻮﺗﻠﻚ ﺇﺧﺪﻡ ﺗڨﺎﺯ ! ﻫﺎﻭ ﺭﺑﻲ ﺣﻠﻬﺎ ﻓﻲ ﻭﺟﻮﻫﻨﺎ، ﻭ ﻭﻩ ﻳﻘﻮﻝﺍﻟﻠﻪ ﻳﺨﻠﻴﻚ ﻟﻴّﺎ ﻳﺎ ﺟﺮﺍﺩﺓ ﻭ ﻓﺮﺣﺎﻧﻴﻦ

ﻣﻦ ﻏﺪﻭﺓ ﻗﺎﻝ ﺃﻩ ﻧﺴﻴﺖ ﺑﺎﺑﺎ ﺗﺮﻛﻲ! ﺍﻩ ﻟﻮﻛﺎﻥ ﻣﺎ ﺗﻮﺻﻠﺶ ﺍﻟﺴﻔﻴﻨﺔﻣﺘﺎﻋﻪ ﺳﺎﻟﻤﺔ ! ﻭﻟﻠﻪ ﻳﻘﺘﻮﻟﻨﻲ ﺍﻷﺗﺮﺍﻙ ﺻﻌﺎﺏ ﻭ ﻣﺎ ﻳﻀﺮﺑﻮﺍ ﻛﺎﻥﺑﺎﻟﺒﺎﺭﻭﺩ " ﺍﻟﺴﻼﺡ " ، ﺍﻟﻜﻠﻮ ﻣﻨﻚ ﻳﺎ ﺟﺮﺍﺩﺓ ﺍﻟﻠﻪ ﻳﻬﻠﻜﻚ ﻳﺎ ﻋﺰﻭﺯﺓﺍﻟﺴﺘﻮﺕ ﺷﻜﻮ ﻗﺎﻟﻲ ﺇﻧﺘﺒﻌﻚ ﻭ ﻧﺴﻤﻊ ﻛﻼﻣﻚ، ﻭ ﻗﺎﻋﺪ ﻳﺨﻤﻢ ﻭ ﺣﺎﻳﺮﻭ ﺧﺎﻳﻒ.. ﻫﻴّﺎ ﺩﻕ ﺍﻟﺒﺎﺏ، ﺧﺮﺟﺖ ﺟﺮﺍﺩﺓ ﺣﻠّﺖ ﺍﻟﺒﺎﺏ ﺗﻠﻘﺎﻩ ﺑﺎﺏﺗﺮﻛﻲ ﻗﺎﻟﻬﺎ ﻋﻴّﻄﻠﻲ ﻟﺮﺍﺟﻠﻚ ﺍﻟﻌﺼﻔﻮﺭ .. ﺩﺧﻠﺖ ﻗﺎﺗﻠﻮ ﺑﺎﺑﺎ ﺗﺮﻛﻲﻳﻌﻴﻄﻠﻚ، ﻭ ﺳﻲ ﺍﻟﻌﺼﻔﻮﺭ ﺳﺎﻕ ﺍﻟﻘﺪﺍﻡ ﻭ 10 ﺍﻟﺘﺎﻟﻲ ﺧﺎﻳﻒ ﻭﻳﺴﺐ ﻭ ﻳﻠﻌﻦ ﻓﻲ ﺍﻟﺠﺮﺍﺩﺓ ..ﻫﻮ ﺧﺮﺝ ﻭ ﻳﻠﻘﻰ ﺑﺎﺑﺎ ﺗﺮﻛﻲ ﻭ ﺍﻟﺮﺍﺟﻞ ﺗﺮﻣﻰ ﻓﻲ ﺣﻤﻠﺘﻮ ﻭ ﺑﺪﺍﻳﺒﻮﺱ ﻓﻴﻪ ﻭ ﻳﻌﻨﻖ ﻭ ﻗﺎﻟﻮ ﻳﺎ ﻋﺼﻔﻮﺭ ﺑﺎﺭﻙ ﺍﻟﻠﻪ ﻓﻴﻚ ﺍﻟﺴﻔﻴﻨﺔﻭﺻﻠﺖ ﺳﺎﻟﻤﺔ ﻻﺑﺎﺱ ﻋﻠﻴﻬﺎ ﻭ ﻫﺎﻱ 400 ﺩﻳﻨﺎﺭ ﻛﺎﻣﻠﺔ ﺃﺧﺮﻯ ﻟﻴﻚ ﻭﺭﺑﻲ ﻳﺨﻠﻴﻚ ﻭ ﺇﺩﻋﻴﻠﻨﺎ ﻳﺎ ﺷﻴﺦ ﺍﻟﻌﺼﻔﻮﺭ ﻭ ﻣﺸﻰ ﺑﺎﺏ ﺗﺮﻛﻲ ..ﻋﺎﺩ ﺳﻲ ﺍﻟﻌﺼﻔﻮﺭ ﻭﻳﻦ ﺗﻠﻘﺎﻩ ؟ ﻓﺮﺣﺎﻥ ﻳﺼﻴﺢ ﻭ ﻳﺸﻄﺢ ﻓﻲ ﻭﺳﻂﺍﻟﺪﺍﺭ 400 ﺩﻳﻨﺎﺭ !!!!! 400 ﺩﻳﻨﺎﺭ !!!! ﻳﺎ ﺟﺮﺍﺩﺓ ﻭ ﻫﻲّ ﺗﻤﻴّﻞ ﻭﺗﺸﻄﺢ ﻣﻌﺎﻩ ﻭ ﺧﺮﺝ ﻳﺸﺮﻱ ﻭ ﻳﺠﻴﺐ ﻓﻲ ﺍﻟﻐﻠّﺔ ﻭ ﺍﻟﺨﻀﺮﺓ ﻭ ﺍﻟﻠﺤﻢﻭ ﺳﻲ ﺍﻟﻌﺼﻔﻮﺭ ﻋﺎﻳﺶ ﻫﻮ ﻭ ﺍﻟﺠﺮﺍﺩﺓ ﻓﻲ ﺧﻴﺮ ﻭ ﻧﻌﻤﺔ، ﻫﻴﺎ ﻳﺎﺳﻴﺪﻱ ﺗﻨﺸﺮﺕ ﺣﻜﺎﻳﺔ ﺍﻟﻌﺼﻔﻮﺭ ﻓﻲ ﺍﻟﻤﺪﻳﻨﺔ ﻭ ﺍﻟﻨﺎﺱ ﺍﻟﻜﻞ ﻗﺎﻟﻮﺍﻋﻠﻴﻪ ﻫﺬﺍ ﻋﺮّﺍﻑ ﻣﺎ ﻛﻴﻔﻮ ﺃﺣﺪ

 

ﻫﻴّﺎ ﻳﺎ ﺳﻴﺪﻱ ﺍﻟﺴﻠﻄﺎﻥ ﻗﺎﻡ ﻳﻠﻘﻰ ﺍﻟﺨﺎﺗﻢﻣﺘﺎﻋﻪ ﻣﺎ ﻓﻤﺎﺵ ﺗﺴﺮﻕ ! ﻗﺎﻝ ﺟﻴﺒﻮﻫﻮﻟﻲ ﻭ ﺇﻻ ﻧﻘﺘﻞ ﻭ ﻧﻌﻤﻞ ﻭﻧﻌﻤﻞ .. ﻭ ﺍﻟﻮﺯﻳﺮ ﻳﻬﺪّﻱ ﻓﻴﻪ ﻳﺎ ﺳﻴﺪﻱ ﻭﺳّﻊ ﺑﺎﻟﻚ ﻳﺎ ﺳﻴﺪﻱ ﺗﻮﻧﻠﻘﺎﻭﻩ، ﺣﺘﻰ ﻗﺎﻡ ﻭﺍﺣﺪ ﻣﻦ ﺟﻠﺴﺎﺀ ﺍﻟﺴﻠﻄﺎﻥ ﻭ ﻗﺎﻝ ﻳﺎ ﺳﻴﺪﻱﺍﻟﺴﻠﻄﺎﻥ ﻫﺎﻭ ﺳﻤﻌﺖ ﻓﻤّﺎ ﺭﺍﺟﻞ ﻓﻲ ﺍﻟﻤﺪﻳﺔ " ﺗڨﺎﺯ " ﻧﺠﻴﺒﻮﻩ ﻭﻫﻮ ﻳﻄﻠﻌﻠﻚ ﺍﻟﺨﺎﺗﻢ ﻣﺘﺎﻋﻚ ! ﻗﺎﻝ ﺍﻟﺴﻠﻄﺎﻥ ﺍﻷﻥ ﺟﻴﺒﻮﻩ ﻟﻠﻘﺼﺮ !ﻫﻴّﺎ ﻳﺎ ﺳﻴﺪﻱ ﻣﺸﻰ 4 ﺟﻨﻮﺩ ﻟﺪﺍﺭ ﺍﻟﻌﺼﻔﻮﺭ، ﺩﻕ ﺍﻟﺒﺎﺏ، ﺧﺮﺝ ﺳﻲﺍﻟﻌﺼﻔﻮﺭ، ﺍﻟﺴﻼﻡ ﻋﻠﻴﻜﻢ ﺃﻫﻼ ﻣﺮﺣﺒﺎ، ﻗﺎﻝ ﻭﺍﺣﺪ ﻣﻦ ﺍﻟﺠﻨﻮﺩ ؛ ﻳﺎﺳﻴﺪﻱ ﺍﻟﺸﻴﺦ ﺭﺍﻫﻮ ﻭﻻﻧﺎ ﺍﻟﺴﻠﻄﺎﻥ ﻳﺴﻠﻢ ﻋﻠﻴﻚ ﻭ ﻭﻗﺎﻟﻚ ﻣﺎﺫﺍﺑﻴﺎﺗﺘﻔﻀﻞ ﺣﺬﺍﻳﺎ ﻟﻠﻘﺼﺮ!ﻗﺎﻝ ﺍﻟﻌﺼﻔﻮﺭ : ﻣﻮﻵ ﺍﻟﺴﻠﻄﺎ ﻳﺴﻠﻢ ﻋﻠﻴﻬﺎ ﺃﻧﺎ ؟؟!! ﻭ ﻳﺤﺒﻨﻲ ﻧﺠﻲﺣﺬﺍﻩ ﻟﻠﻘﺼﺮ ؟؟؟! ﺇﺳﺘﻐﺮﺏ ﺍﻟﻌﺼﻔﻮﺭ ﻭ ﻓﺮﺡ ﻭ ﻗﺎﻝ ﺍﻟﻠﻪ ﻳﺒﺎﺭﻙﺩﻗﻴﻘﺔ ﻧﺒﺪﻝ ﺣﻮﺍﻳﺠﻲ ﻭ ﻧﺠﻴﻜﻢ، ﺩﺧﻞ ﻳﺼﻴﺢ ﻭ ﻓﺮﺣﺎﻥ ﻳﺎ ﺟﺮﺍﺩﺓﻃﻠّﻊ ﺷﻜﻮﻥ ﻋﻴّﻄﻠﻲ ؟ ﻗﺎﺗﻠﻮ ﺷﻜﻮﻥ ؟ ﻗﺎﻟﻬﺎ ﻣﻮﻻﻧﺎ ﺍﻟﺴﻠﻄﺎﻥ ﺿﺮﺑﺔﻭﺍﺣﺪﺓ ! ﻭ ﻓﺮﺣﺎﻥ ﺳﻲ ﺍﻟﻌﺼﻔﻮﺭ ﻭ ﻟﺒﺲ ﺣﻮﺍﻳﺠﻮ ﻭ ﺧﺮﺝ ﺭﻛﺐ ﻓﻲﺍﻟﻜﺮﻭﺳﺔ ﻣﻊ ﺍﻟﺠﻨﻮﺩ ﻭ ﻣﺸﺎﻭ ﻟﻠﻘﺼﺮ، ﻫﻴّﺎ ﻓﻲ ﺍﻟﺜﻨﻴﺔ ﻗﺎﻝ ﺍﻟﻌﺼﻔﻮﺭﻷﺣﺪ ﻣﻦ ﺍﻟﺠﻨﻮﺩ : ﻣﺎﻫﻮ ﻻﺑﺎﺱ ﺳﻴﺪﻱ ﺍﻟﺴﻠﻄﺎﻥ ﺷﺒﻴﻪ ﺯﻋﻤﺎ ﻧﺎﺩﺍﻧﻲﺑﺎﺵ ﻧﺠﻴﻪ ﻟﻠﻘﺼﺮ، ﻗﺎﻝ ﺍﻟﺠﻨﺪﻱ : ﻣﺎ ﻓﻴﺒﺎﻟﻜﺶ ؟ ﺗﻲ ﻣﺎﻫﻮ ﻣﻮﻻﻧﺎﺍﻟﺴﻠﻄﺎﻥ ﺿﺎﻋﻠﻮ ﺍﻟﺨﺎﺗﻢ ﻣﺘﺎﻋﻪ ﻭ ﺍﻟﻘﺼﺮ ﻣﻘﻠﻮﺏ ﻋﻠﻰ ﺑﻌﻀﻪ ﻭ ﺑﺮﺑﻲﻳﺎ ﺳﻴﺪﻱ ﺍﻟﺸﻴﺦ ﻣﺎ ﺗﻘﻮﻟﻮﺵ ﻳﻠّﻲ ﻧﺤﻨﺎ ﻗﻮﻟﻨﺎﻟﻚ ﻋﻼﻩ ﻋﻴّﻄﻠﻚ، ﻗﺎﻝﺍﻟﻌﺼﻔﻮﺭ ﺗﻬﻨّﻰ ﺗﻬﻨّﻰ ﻳﺎ ﻭﻟﺪﻱ !ﻫﻴّﺎ ﻭﺻﻞ ﻟﻠﻘﺼﺮ، ﺩﺧﻞ ﻟﻠﺪﻳﻮﺍﻥ ﻣﺘﺎﻉ ﺍﻟﺴﻠﻄﺎﻥ، ﻗﺪّ ﻭﺧّﺮ ﻭ ﻋﻄﻰﻛﺎﺭ ﺍﻟﺴﻠﻄﻨﺔ ﻭ ﻗﺎﻝ ﺍﻟﺴﻼﻡ ﻋﻠﻴﻚ ﻳﺎ ﻣﻮﻻﻧﺎ ﺍﻟﺴﻠﻄﺎﻥ ..ﻗﺎﻝ ﺍﻟﺴﻠﻄﺎﻥ ﻣﺮﺣﺒﺎ ﺑﻴﻚ ﻳﺎ ﺷﻴﺦ .ﻗﺎﻡ ﺳﻲ ﺍﻟﻌﺼﻔﻮﺭ ﻭ ﻣﺎﻫﻮ ﻓﻲ ﺑﺎﻟﻮ ﻋﻼﻩ ﺟﺎﻱ .. ﻗﺎﻡ ﻭ ﻗﺎﻝﻣﻮﻻﻧﺎ ﺍﻟﺴﻠﻄﺎﻥ ﻗﺎﻋﺪ ﻧﺸﻮﻑ ﻓﻴﻚ ﻣﺎﻛﺶ ﻻﺑﺎﺱ؟ ﻣﻮﻻﻧﺎ ﺍﻟﺴﻠﻄﺎﻥﻓﻤّﺎ ﺳﺮﻗﺔ ﻗﺎﻋﺪ ﻧﺸﻮﻑ ﻓﻴﻬﺎ ..ﻗﺎﻡ ﺍﻟﺴﻠﻄﺎﻥ ﻣﺒﻬﻮﺭ ﻭ ﻗﺎﻝ ﺑﺎﻟﻔﻌﻞ ﻳﺎ ﺷﻴﺦ ﺍﻟﺨﺎﺗﻢ ﻣﺘﺎﻋﻲ ﺗﺴﺮﻕ ﻭﻧﺤﺒﻚ ﺇﻃﻠﻌﻠﻲ ﺷﻜﻮﻥ ﻳﻠّﻲ ﺳﺮﻗﻪ !ﻗﺎﻝ ﺍﻟﻌﺼﻔﻮﺭ ﻓﻲ ﻗﻠﺒﻪ ﺗﻲ ﻣﻨﻴﻦ ﺑﺎﺵ ﻧﺠﻴﺒﻬﻮﻟﻮ ﺃﻧﺎ ﺍﻟﺨﺎﺗﻢ ﻣﺘﺎﻋﻪ،ﻣﺎﺷﻲ ﻓﻴﺒﺎﻟﻮ ﺃﻧﺎ ﺗڨﺎﺯ ﺑﺎﻟﺤﻖ، ﻭ ﺑﺪﺃ ﻳﺴﺐ ﻭ ﻳﻠﻌﻦ ﻓﻲ ﺑﻨﺖ ﺍﻟﻜﻞﺍﻟﺠﺮﺍﺩﺓ ﻫﻲّ ﻳﻠّﻲ ﻗﺎﺗﻠﻮﺍ ﺇﺧﺪﻡ ﻫﺎﻟﺨﺪﻣﺔ ﻭ ﺇﻻ ﺭﺍﻫﻮ ﻣﺮﺗﺎﺡ ﻓﺎﺵﻗﺎﻡ ﻋﻠﻴﻪ ﻫﻜّﺎ ﻭ ﻫﺬﺍ ﺳﻠﻄﺎﻥ ﻣﺎ ﻣﻌﺎﻫﻮﺵ ﻟﻌﺐ، ﺑﺎﻟﺴﺎﻫﻞ ﻳﺤﻜﻢﻋﻠﻴﻪ ﺑﺎﻟﻤﺸﻨﻘﺔ، ﻭ ﻗﺎﻝ ﺧﻠﻴﻨﻲ ﻧﻄﻠﺐ ﺃﺟﻞ ﻭ ﻧﻮّﻟﻲ ﻧﻬﺮﺏ ﺑﺠﻠﺪﻱﻣﻦ ﻫﺎﻟﺒﻼﺩ..ﻭ ﻗﺎﻝ ﺍﻟﻌﺼﻔﻮﺭ ﻟﻠﺴﻠﻄﺎﻥ : ﻳﺎ ﻣﻮﻻﻧﺎ ﺍﻟﺴﻠﻄﺎﻥ ﻟﻮ ﺗﺴﻤﺢ 3 ﺃﻳﺎﻡﺃﺟﻞ ﻭ ﺃﻧﺎ ﻭﻟﻠﻪ ﻧﺠﻴﺒﻠﻚ ﺍﻟﺨﺎﺗﻢ ﻣﺘﺎﻋﻚ..ﻗﺎﻝ ﺍﻟﺴﻠﻄﺎﻥ : ﺍﻟﻠﻪ ﻳﺒﺎﺭﻙ ﻳﺎ ﺷﻴﺦ 3 ﺃﻳﺎﻡ ..ﺧﺮﺝ ﺳﻲ ﺍﻟﻌﺼﻔﻮﺭ، ﺣﺎﻳﺮ ﺃﺵ ﺑﺎﺵ ﻳﻌﻤﻞ ﻭ ﺭﻭّﺡ ﺩﺧﻞ ﻋﻠﻰﺍﻟﺠﺮﺍﺩﺓ ﻭ ﻳﺴﺐ ﻭ ﻳﺼﻴﺢ ﻋﻠﻴﻬﺎ ﻗﺎﻟﻬﺎ ﻓﻲ ﺟﺮﺗﻚ ﺭﺃﺳﻲ ﺑﺎﺵﻳﺘﻘﻄﻊ، ﻣﻨﻴﻦ ﺑﺎﺵ ﻧﺠﻴﺐ ﺃﻧﺎ ﺧﺎﺗﻢ ﺍﻟﺴﻠﻄﺎﻥ ﻳﺎ ﺑﻨﺖ ﺍﻟﻜﻠﺐ، ﻳﺎ ﺃﺵﺑﺎﺵ ﻳﻘﻮﻝ ﻓﻤّﻲ.. ﻭ ﻫﻲ ﺗﻘﻮﻟﻮ ﺗﻲ ﺃﺳﻜﺖ ﺗﻲ ﻳﺪﺑﺮﻫﺎ ﻳﻠّﻲ ﻣﺎ ﻳﻨﺎﻡﺍﻟﻠﻴﻞ

ﺍﻟﻨﻬﺎﺭ ﺍﻟﺜﺎﻧﻲ ﻋﻠﻰ ﺍﻟﺼﺒﺎﺡ، ﻓﻲ ﺍﻟﻘﺼﺮ، ﺍﻟﺴﺎﺭﻗﺔ ﻃﻠﻌﺖ ﻭﺍﺣﺪﺓ ﻣﻦﺍﻟﺠﻮﺍﺭﻱ ﻭ ﻭﻗﺖ ﺳﻤﻌﺖ ﻳّﻠّﻲ ﺍﻟﻌﺼﻔﻮﺭ ﺟﺎﺀ ﻟﻠﻘﺼﺮ ﻭ ﺍﻟﺴﻠﻄﺎﻥﻛﻠﻔﻪ ﺑﺎﺵ ﻳﻄﻠﻊ ﻭﻳﻦ ﺍﻟﺨﺎﺗﻢ، ﺧﺎﻓﺖ ﺍﻟﺠﺎﺭﻳﺔ ﻭ ﻗﺎﻟﺖ ﺍﻟﻌﺼﻔﻮﺭ ﻫﺬﺍﺍﻟﻤﺪﻳﻨﺔ ﺍﻟﻜﻞ ﺗﺤﻜﻲ ﻋﻠﻴﻪ ﻳﻄﻠﻊ ﺍﻟﺠﻦ ﻭﻳﻦ ﻳﺴﻜﻦ .. ﺧﺎﻓﺖ ﻭ ﻗﺎﻟﺖﺑﺎﺵ ﻳﻌﺮﻑ ﻳﻠّﻲ ﺃﻧﺎ ﺳﺮﻗﺖ ﺍﻟﺨﺎﺗﻢ ﻭ ﻣﺸﺎﺕ ﺗﺠﺮﻱ ﻟﻠﺴﻴﺪﺓﺍﻟﻤﺘﻜﻠﻔﺔ ﻋﻠﻰ ﺍﻟﺠﻮﺍﺭﻱ ﻓﻲ ﺍﻟﻘﺼﺮ ﻭ ﻗﺎﻟﺘﻠﻬﺎ ﻳﺎ ﻣﻴﻤﺘﻲ ﺃﻧﻘﺬﻧﻲﺭﺍﻫﻮ ﻏﺮّﻧﻲ ﺍﻟﺸﻴﻄﺎﻥ ﻭ ﻏﻠﻄﺖ ﻏﻠﻄﺔ ﻛﺒﻴﺮﺓ، ﺭﺍﻧﻲ ﺃﻧﺎ ﻳﻠّﻲ ﺳﺮﻗﺖﺍﻟﺨﺎﺗﻢ، ﺍﻟﻠﻪ ﻏﺎﻟﺐ ﻏﻠﻄﺖ ﻭ ﺭﺍﻧﻲ ﻧﺎﺩﻣﺔ، ﺑﺎﻟﻠﻪ ﺭﺍﻧﻲ ﺧﺎﻳﻔﺔ ﻣﻦﺍﻟﻌﺼﻔﻮﺭ، ﺑﺮﺑﻲ ﺑﺮّﺍ ﺇﻣﺸﻴﻠﻮ ﻭ ﺃﻋﻄﻴﻪ ﺍﻟﺨﺎﺗﻢ ﻭ ﻗﻮﻟﻮ ﺭﺍﻫﻲ ﻃﻔﻠﺔﺻﻐﻴﺮﺓ ﻭ ﻏﻠﻄﺖ ﻭ ﻗﻮﻟﻮ ﻣﺎ ﻳﻔﻀﺤﻨﻴﺶ ﻗﺪﺍﻡ ﺍﻟﺴﻠﻄﺎﻥ ﺭﺍﻫﻮﻳﺸﻨﻘﻨﻲ.. ﻫﻴّﺎ ﺍﻙ ﺍﻟﻤﺮﺃﺓ ﻭﻟّﺎﺕ ﻫﺰﺕ ﺍﻟﺨﺎﺗﻤﻮ 1000 ﺩﻳﻨﺎﺭ ﺍﺑﺶﺗﻌﻄﻴﻬﻢ ﻟﻠﻌﺼﻔﻮﺭ ﺑﺎﺵ ﻣﺎ ﻳﻘﻮﻟﺶ ﺑﺎﻟﻄﻔﻠﺔ ﺍﻟﺨﺎﺩﻣﺔ..ﺍﻟﻌﺼﻔﻮﺭ ﻗﺎﻋﺪ ﻳﺤﻀﺮ ﻓﻲ ﻧﻔﺴﻪ ﻭ ﻗﺎﻝ ﺍﻟﻠﻴﻠﺔ ﻓﻲ ﺍﻟﻈﻼﻡ ﻧﻬﺮﺏﻧﻬﺞ ﻣﻦ ﻫﺎﻟﺒﻼﺩ، ﻟﻜﻦ ﻓﺠﺄﺓ ﺩﻕ ﺍﻟﺒﺎﺏ، ﺩﺧﻠﺖ ﺍﻟﺴﻴﺪﺓ ﺍﻟﻤﺘﻜﻠﻔﺔﻋﻠﻰ ﺍﻟﺠﻮﺍﺭﻱ ﻓﻲ ﺍﻟﻘﺼﺮ ﻭ ﺃﻭﻝ ﻣﺎ ﺩﺧﻠﺖ ﺑﺪﺍﺕ ﺗﺒﻮﺱ ﻓﻲ ﺇﻳﺪﺍﻟﻌﺼﻔﻮﺭ ﻭ ﺗﻘﻮﻝ ﻳﺎ ﺷﻴﺦ ﺳﺎﻣﺤﻬﺎ ﺭﺍﻫﻲ ﻏﻠﻄﺖ.. ﻭ ﺍﻟﻌﺼﻔﻮﺭﺑﺎﻫﺖ ﻭ ﻣﺴﺘﻐﺮﺏ !!! ﻗﺎﺗﻠﻮ ﻳﺎ ﺳﻴﺪﻱ ﺍﻟﺸﻴﺦ ﺑﺒﺮﻛﺘﻚ ﻭ ﺑﺮﻛﺔﺍﻟﻘﺮﺃﻥ ﻳﻠّﻲ ﻓﻲ ﺻﺪﺭﻙ ﻫﺎﻭ ﺍﻟﺨﺎﺗﻢ ﻣﺘﺎﻉ ﺍﻟﺴﻠﻄﺎﻥ ﻭ ﺭﺍﻫﻲ ﻃﻔﻠﺔﺳﺮﻗﺎﺗﻮ ﺗﺨﺪﻡ ﻓﻲ ﺍﻟﻘﺼﺮ ﻭ ﺧﺎﻳﻔﺔ ﻟﺘﻘﻮﻝ ﺑﻴﻬﺎ ﻟﻠﺴﻠﻄﺎﻥ ﻭ ﻫﺎﻱ1000 ﺩﻳﻨﺎﺭ ﻛﺎﻣﻠﺔ ..ﺳﻲ ﺍﻟﻌﺼﻔﻮﺭ ﻋﺎﺩ ﻭﻳﻦ ﺗﻠﻘﺎﻩ ؟؟ ! ﻗﺎﻡ ﻭ ﻗﺎﻝ ﺗﻲ ﻓﻴﺒﺎﻟﻲ ﺑﻴﻬﺎ ﻭﻧﻌﺮﻓﻬﺎ ﺃﻧﺎ ﺍﻟﻄﻔّﻠﺔ ﻭ ﺟﺎﺏ ﺭﺑﻲ ﻫﺎﻱ ﺟﺎﺕ ﻭ ﻃﻠﺒﺖ ﺍﻟﻌﻔﻮ ﻭ ﺟﺎﺑﺖﺍﻟﺨﺎﺗﻢ .. ﻭ ﻗﺎﻟﻬﺎ ﺇﻣﺸﻲ ﻳﺎ ﻭﺧﻴﺘﻲ ﻭ ﻋﻠﻴﻚ ﺃﻣﺎﻥ ﺍﻟﻠﻪ ..ﻭ ﺳﻲ ﺍﻟﻌﺼﻔﻮﺭ ﻓﺮﺡ ﻭ ﻣﻦ ﺣﻴﻨﻪ ﺧﺮﺝ ﻭ ﻣﺸﻰ ﻟﻠﻘﺼﺮ، ﺩﺧﻞﻟﻠﺴﻠﻄﺎﻥ

ﺍﻟﺴﻠﻄﺎﻥ ﻗﺎﻝ ﻻﺑﺎﺱ ﻣﺎﻫﻮ ﻳﺎ ﺷﻴﺦ ﺭﺍﻙ ﻃﻠﺒﺖ ﺃﺟﻞ 3 ﺃﻳﺎﻡ ﻭﺟﺎﻳﻨﻲ ﻣﻦ ﺍﻟﻨﻬﺎﺭ ﺍﻟﺜﺎﻧﻲ ؟ﻗﺎﻝ ﺍﻟﻌﺼﻔﻮﺭ ﻣﺎﻫﻮ ﻳﺎ ﺳﻴﺪﻱ ﺍﻟﺴﻠﻄﺎﻥ ﻭﻗﺖ ﺇﻧﺘﻲ ﺗﺒﺪﺍ ﺭﺍﻗﺪ ﺃﻧﺎﻧﺒﺪﺍ ﻓﺎﻳﻖ ﻭ ﺳﺎﻫﺮ ﻭ ﻧﻘﺮﻯ ﻭ ﻧﺘﻌﺐ ﺑﺎﺵ ﺳﻴﺎﺩﺗﻜﻢ ﺗﺮﺗﺎﺣﻮ ﻭﺗﻄﻤﺄﻧﻮ ﻭ ﻫﻮ ﻣﺎﻫﻮ ﻳﻌﺮﻑ ﻓﻲ ﺍﻟﻘﺼﺮ ﻓﻤّﺎ ﻛﻞ ﺷﻲﺀ ﻗﺎﻝ ﻳﺎ ﻣﻮﻻﻧﺎﺍﻟﺴﻠﻄﺎﻥ ﻟﻮ ﺗﺴﻤﺢ ﻓﻤّﺎ ﺳﺮﺩﻭﻙ ﺃﻛﺤﻞ ﻓﻲ ﺍﻟﻀﻴﻌﺔ ﻣﺘﺎﻉ ﺍﻟﻘﺼﺮﺟﻴﺒﻮﻫﻮﻟﻲ، ﻫﻮ ﻳﻌﺮﻑ ﻓﻲ ﺍﻟﻀﻴﻌﺔ ﻣﺘﺎﻉ ﺍﻟﻘﺼﺮ ﻓﻤّﺎ ﺩﺟﺎﺝ ﻋﻠﻰ ﻛﻞﻟﻮﻥ .. ﻭ ﺃﻣﺮ ﺍﻟﺴﻠﻄﺎﻥ ﺍﻟﺤﺮﺍﺱ، ﻫﻴّﺎ ﻳﺎ ﺳﻴﺪﻱ ﺟﺎﺀ ﺳﺮﺩﻭﻙ ﺃﻛﺤﻞﻗﺪﺍﻡ ﺍﻟﻌﺼﻔﻮﺭ ﻭ ﺍﻟﻨﺎﺱ ﺍﻟﻜﻞ ﺗﺘﻔﺮﺝ ﺍﻟﺴﻠﻄﺎﻥ ﻭ ﺍﻟﻮﺯﻳﺮ ﻭ ﺍﻟﺤﺠﺎﺏﻭ ﺍﻟﺠﻨﻮﺩ ﻭ ﻗﺎﻡ ﺳﻲ ﺍﻟﻌﺼﻔﻮﺭ ﺑﺪﺃ ﻳﺘﻤﺘﻢ ﻭ ﺣﺎﺳﺐ ﺭﻭﺣﻪ ﻳﻘﻮﻝﻓﻲ ﻛﻼﻡ ﻭ ﻳﺮﻋﺶ ﻭ ﻗﺎﻝ ﻭ ﺻﺎﺡ ﺍﻟﺨﺎﺗـــــﻢ ﻣﻮﺟﻮﺩ ! ﺇﻱ ﻧﻌﻢ ﻭﺷﺪ ﺍﻟﺴﺮﺩﻭﻙ ﻭ ﻓﻲ ﻏﻔﻠﺔ ﻣﻦ ﺍﻟﻨﺎﺱ ﺍﻟﻜﻞ ﻭﻫﻮ ﻳﻘﺮﺃ ﻭ ﻳﺘﻤﺘﻢ ﻭﻳﺪﺧﻞ ﺃﻙ ﺍﻟﺨﺎﺗﻢ ﻓﻲ ﺣﻠﻖ ﺍﻟﺴﺮﺩﻭﻙ ﺣﺘﻰ ﺑﻠﻌﻪ، ﻭ ﻗﺎﻝ ﺟﻴﺒﻮﻟﻲﺳﻜﻴﻨﺔ، ﻭ ﻗﺎﻡ ﺫﺑﺢ ﺍﻟﺴﺮﺩﻭﻙ ﻭ ﺣﻠﻮ ﻛﺮﺷﻮ ﻭ ﺧﺮﺝ ﺍﻟﺨﺎﺗﻤﻮ ﻭﻗﺎﻝﻳﺎ ﻣﻮﻻﻧﺎ ﺍﻟﺴﻠﻄﺎﻥ ﻫﺬﺍ ﺍﻟﺨﺘﺎﻡ ﻣﺘﺎﻋﻚ، ﻭﻗﺖ ﺇﻧﺖ ﺗﺄﻛﻞ ﻓﻲ ﺍﻟﻌﺸﺎﺀﻧﺤﻴﺘﻮ ﻭ ﺣﻄﻴﺘﻮ ﻓﻮﻕ ﺍﻟﻄﺎﻭﻟﺔ ﻭ ﻋﻠﻰ ﻏﻔﻠﺔ ﻃﺎﺡ ﻣﻊ ﺍﻟﻔﺘﺎﺕ ﻣﻊﺍﻟﻄﻌﺎﻡ ﻭ ﻣﻊ ﺍﻟﺨﺒﺰ ﻭ ﺍﻟﺨﺪّﺍﻡ ﻃﻴﺤﻮﻩ ﻭ ﻋﻄﺎﻭﻩ ﻟﻠﺪﺟﺎﺝ ﻣﻊ ﺍﻟﺨﺒﺰﻣﻦ ﻏﻴﺮ ﻣﺎ ﻳﺸﻮﻓﻮﻩ ﻭ ﺟﺎﺀ ﻫﺎﻟﺴﺮﺩﻭﻙ ﻭ ﺃﻛﻠﻪ ..ﻗﺎﻡ ﺍﻟﺴﻠﻄﺎﻥ ﻳﺼﻴﺢ ﺍﻟﻠﻪ ﺍﻟﻠﻪ ﻳﺎ ﺣﻜﻴﻢ ﺍﻟﺰﻣﺎﻥ !! ﺷﻨﻮﺍ ﻫﺬﺍ !!! ﻭﺃﻣﺮ ﺍﻟﻮﺯﻳﺮ ﻭ ﻗﺎﻝ ﺃﻋﻄﻴﻪ 10 ﺃﻻﻑ ﺩﻳﻨﺎﺭ !!ﺗﺨﻴﻠﻮﺍ ﻭﺣﺪﻛﻢ ﻋﺎﺩ ﺳﻲ ﺍﻟﻌﺼﻔﻮﺭ ﻛﻴﻔﺎﻩ ﺑﺎﺵ ﺗﻜﻮﻥ ﻓﺮﺣﺘﻪ ؟ﻫﻬﻬﻪ

ﺭﻭّﺡ ﺳﻲ ﺍﻟﻌﺼﻔﻮﺭ ﻓﺮﺣﺎﻥ ﻭ ﻣﺴﺮﻭﺭ ﻭ ﻳﺼﻴﺢ ﻫﻮ ﻭ ﺍﻟﺠﺮﺍﺩﺓ ﻭﻳﻘﻮﻟﻬﺎ ﺍﻟﻠﻴﻠﺔ ﻋﻴﺪ ﺗﻲ ﺭﺍﻫﻢ 10 ﺃﻻﻑ ﺩﻳﻨﺎﺭ ﻭ ﺍﻟﻤﺮﺃﺓ ﻳﻠﻲ ﺟﺎﺑﺘﻠﻲﺍﻟﺨﺎﺗﻢ 1000 ﺩﻳﻨﺎﺭ !! ﻭ ﺧﺮﺝ ﺳﻲ ﺍﻟﻌﺼﻔﻮﺭ ﺷﺮﻯ ﻭ ﻗﻀﻰ ﻛﻞﺍﻟﺨﻴﺮﺍﺕ ﻭ ﻟﻴﻠﺘﻬﺎ ﻫﻮ ﻭ ﺍﻟﺠﺮﺍﺩﺓ ﻋﺎﻳﺸﻴﻦ ﻋﻴﺸﻪ ﺍﻟﻤﻠﻮﻙ .. ﻭ ﻫﻮﻳﻘﻮﻟﻬﺎ ﺯﺍﻳﺪ ﻣﻌﺎﻙ ﻳﺎ ﺟﺮﺍﺩﺗﻲ ﻭ ﻫﻲ ﺗﻘﻮﻟﻮ ﺍﻟﻠﻪ ﻻ ﻳﺤﺮﻣﻨﻲ ﻣﻨﻚ ﻳﺎﻋﺼﻔﻮﺭ ..ﻓﻲ ﺍﻟﻘﺼﺮ، ﺍﻟﻄﻔﻠﺔ ﺑﻨﺖ ﺍﻟﺴﻠﻄﺎﻥ ﺑﺎﺵ ﺗﻌﺮﺱ، ﻗﺎﻣﺖ ﻣﺎ ﻟﻘﺎﺗﺶﺍﻟﺬﻫﺐ ﻭ ﺍﻟﺼﻴﻐﺔ ﻣﺘﺎﻋﻬﺎ ﺍﻟﻜﻞ، ﺻﻨﺪﻭﻕ ﻛﺎﻣﻞ ﺫﻫﺐ ﻭ ﺃﻟﻤﺎﺱﺗﺴﺮﻕ ﻣﻦ ﺍﻟﻘﺼﺮ، ﺗﺒﻜﻲ ﻭ ﺗﺼﻴﺢ ﻭ ﻗﺎﻡ ﺍﻟﺴﻠﻄﺎﻥ ﻗﺎﻟﻬﺎ ﺃﺳﻜﺖ ﻳﺎﺑﻨﺘﻲ ﺗﻲ ﻣﺎﻫﻮ ﻋﻨﺪﺍ ﺍﻟﻌﺼﻔﻮﺭ ﻣﺘﺨﺎﻓﺶ ﺗﻮ ﻳﻄﻠﻌﻬﻢ ﻭﻳﻦ .. ﻭ ﻣﻦﺣﻴﻦ ﺃﻣﺮ ﺍﻟﺠﻨﻮﺩ ﻗﺎﻝ ﺟﻴﺒﻮﻟﻲ ﺍﻟﻌﺼﻔﻮﺭ ..ﻣﺸﻰ 4 ﺟﻨﻮﺩ ﻟﺪﺍﺭ ﺍﻟﻌﺼﻔﻮﺭ، ﻫﻴّﺎ ﻣﺨﺘﺼﺮ ﺍﻟﻜﻼﻡ ﻣﺸﻰ ﻣﻌﺎﻫﻢﻟﻠﻘﺼﺮ ﻭ ﻓﻲ ﺍﻟﻄﺮﻳﻖ ﻛﺎﻟﻌﺎﺩﺓ ﺳﺄﻟﻬﻢ ﻗﺎﻟﻮﻟﻮﺍ ﺻﻨﺪﻭﻕ ﺫﻫﺐ ﺗﺴﺮﻕﻣﻦ ﺍﻟﻘﺼﺮ، ﻗﺎﻝ ﻭﺣﺪﻩ ﻭﻭﻭﻩ ﺃﺵ ﺑﺎﺵ ﻧﻌﻤﻞ ﺍﻟﻤﺮﺓ ﻫﺎﺫﻱ ..ﻫﻴّﺎ ﺩﺧﻞ ﻟﻠﻘﺼﺮ ﻭ ﺃﻭﻝ ﻣﺎ ﻭﺻﻞ ﻗﺪﺍﻡ ﺍﻟﺴﻠﻄﺎﻥ ﻗﺎﻝ ﺳﺮﻗﺔﻫﺬﻩ ! ﺳﺮﻗﺔ ﻛﺒﻴﺮﺓ ﺯﺍﺩﺓ ! ﺻﻨﺪﻭﻕ ﺫﻫﺐ ﻛﺎﻣﻞ ﺗﺴﺮﻕ ﻣﻦ ﻗﺼﺮﻣﻮﻻﻧﺎ ﺍﻟﺴﻠﻄﺎﻥ !!!ﻗﺎﻡ ﺍﻟﺴﻠﻄﺎﻥ ﺑﺎﻫﺖ ﻭ ﻣﺴﺘﻐﺮﺏ ﻭ ﻗﺎﻝ ﺍﻟﻠﻪ ﺍﻟﻠﻪ ﺻﺤﻴﺢ ﻳﺎ ﺣﻜﻴﻢﺍﻟﺰﻣﺎﻥ ﻭ ﺃﻣﺮ ﺑﺎﺵ ﻳﻌﻄﻮﻩ 1000 ﺩﻳﻨﺎﺭ ﻟﻠﻌﺼﻔﻮﺭ

ﺳﻲ ﺍﻟﻌﺼﻔﻮﺭ ﻗﺎﻝ ﻓﻲ ﻧﻔﺴﻪ ﻣﻨﻴﻦ ﺑﺎﺵﻧﺠﻴﺒﻠﻮ ﺃﻧﺎ ﺻﺪﻭﻕ ﺍﻟﺬﻫﺐ ﻣﺘﺎﻋﻪ، ﺍﻟﻤﺮﺓ ﻫﺎﺫﻱ ﺇﺗﺨﺬﺕ ﻋﻠﻰ ﺭﺃﺳﻲ،ﺧﻠﻴﻨﻲ ﻧﻘﻮﻝ ﺍﻟﺤﻘﻴﻘﺔ ﻟﻠﻘﻠﻄﺎﻥ ﻳﻠّﻲ ﺃﻧﺎ ﻣﺎﻧﻴﺶ ﺗڨﺎﺯ ﻭ ﺍﻟﻜﻞ ﻣﻦﺍﻟﺠﺮﺍﺩﺓ ﺍﻟﻜﻠﺒﺔ ﻫﻲ ﻳﻠّﻲ ﺩﺑﺮﺕ ﻋﻠﻴّﺎ ﻫﺎﻟﺨﺪﻣﺔ، ﻟﻜﻦ ﻗﺎﻝ ﻻ ﺧﻠﻴﻨﻲﻧﻄﻠﺐ ﺃﺟﻞ ﻭ ﻧﻬﺮﺏ ﺑﺠﻠﺪﻱ ﻣﻦ ﻫﺎﻟﺒﻼﺩ ..ﻗﺎﻡ ﻭ ﻗﺎﻝ : ﻣﻮﻻﻧﺎ ﺍﻟﺴﻠﻄﺎﻥ ﺍﻟﺴﺮﻗﺔ ﻫﺎﺫﻩ ﻛﺒﻴﺮﺓ ﺑﺮﺷﺎ، ﻭ ﻟﻬﺬﺍﺑﺎﺵ ﻧﻄﻠﺐ ﻣﻨﻚ ﺃﺟﻞ 40 ﻳﻮﻡ ﻭ ﻧﺠﻴﺒﻠﻚ ﺷﻜﻮﻥ ﺳﺮﻕ ﺍﻟﺼﻨﺪﻭﻕﻣﺘﺎﻉ ﺍﻟﺬﻫﺐ.ﺍﻟﺴﻠﻄﺎﻥ ﻗﺎﻝ ﺍﻟﻠﻪ ﻳﺒﺎﺭﻙ ﻳﺎ ﺣﻜﻴﻢ ﺍﻟﺰﻣﺎﻥ ..ﺍﻟﻌﺼﻔﻮﺭ ﻗﺎﻝ : ﻣﻮﻟﻨﺎ ﺍﻟﺴﻠﻄﺎﻥ ﻻﺯﻣﻨﻲ 40 ﺳﺮﺩﻭﻙ ﻧﻬﺰﻫﻢ ﻣﻌﺎﻳﺎﻟﻠﺪﺍﺭ.. ﻟﻠﺨﺪﻣﺔ ﻭ ﺍﻟﻤﻌﺮﻓﺔ ﺭﺍﻫﻮﻡ !!ﻗﺎﻝ ﺍﻟﺴﻠﻄﺎﻥ : ﺍﻟﻠﻪ ﻳﺒﺎﺭﻙ ﺃﻋﻄﻮﻩ 40 ﺳﺮﺩﻭﻙ .؛ﺭﻭّﺡ ﺳﻲ ﺍﻟﻌﺼﻔﻮﺭ ﺩﺧﻞ ﻋﻠﻰ ﺍﻟﺠﺮﺍﺩﺓ ﻳﺼﻴﺢ ﻭ ﻳﺴﺐ ﻭ ﻳﻘﻮﻝﻣﻨﻴﻦ ﺑﺎﺵ ﻧﺠﻴﺐ ﺃﻧﺎ ﺻﻨﺪﻭﻕ ﺍﻟﺬﻫﺐ ﺍﻟﻤﺮﺓ ﻫﺬﻩ ﺍﻟﻜﻞ ﻣﻨﻚ ﻳﺎﻋﺰﻭﺯﺓ ﺍﻟﺴﺘﻮﺕ، ﺍﻟﺴﻠﻄﺎﻥ ﺑﺎﺵ ﻳﻘﻮﺻﻠﻲ ﺭﺃﺳﻲ ﻋﺎﺭﻓﻮ !! ﻭ ﻫﻲﺗﻘﻮﻟﻮ ﺗﻲ ﻣﺎ ﺗﺨﺎﻓﺶ ﻳﺪﺑﺮﻫﺎ ﻳﻠّﻲ ﻣﺎ ﻳﻨﺎﻡ ﺍﻟﻠﻴﻞ ﻭ ﻫﻮ ﻳﺴﺐ ﻭﻗﺎﻟﻬﺎ ﻻﺯﻡ ﻧﻬﺮﺑﻮ ﻣﻦ ﺍﻟﺒﻼﺩ ﻣﻌﺎﺩﺵ ﻓﻴﻬﺎ

ﺷﻜﻮﻥ ﻫﻮ ﻳﻠّﻲ ﺳﺮﻕ ﺻﻨﺪﻭﻕ ﺍﻟﺬﻫﺐ ؟ ﻫﻮﻣﺎ ﺍﻝ 40 ﺳﺎﺭﻗﻮﻛﺒﻴﺮﻫﻢ .. ﻫﺎﺫﻭﻡ ﺟﻤﺎﻋﺔ ﺳﺎﻛﻨﻴﻦ ﻓﻲ ﻛﻬﻒ ﻓﻲ ﺍﻟﺠﺒﻞ ﻭ ﻋﺎﻳﺸﻴﻦﻣﻦ ﺍﻟﺴﺮﻗﺔ، 40 ﺳﺎﺭﻕ ﻭ ﻣﻌﺎﻫﻢ ﺍﻟﻜﺒﻴﺮ ﻣﺘﺎﻋﻬﻢ، ﻫﻴّﺎ ﻛﻴﻒ ﺳﻤﻌﻮﺍﻳﻠّﻲ ﺍﻟﻌﺼﻔﻮﺭ ﺗﻜﻠّﻒ ﺑﺎﺵ ﻳﻄﻠﻊ ﺷﻜﻮﻥ ﻳﻠّﻲ ﺳﺮﻕ ﺍﻟﺼﻨﺪﻭﻕ ﺧﺎﻓﻮﺍ،ﻭﺍﺣﺪ ﻗﺎﻝ : ﻣﺸﻴﻨﺎ ﻳﺎ ﺟﻤﺎﻋﺔ ﺍﻟﻌﺼﻔﻮﺭ ﻫﺬﺍ ﻣﺎ ﻳﺨﻔﻰ ﻋﻠﻴﻪ ﺷﻲﺀ !ﺗﻲ ﺃﺧﺮ ﻣﺮﺓ ﺍﻟﺨﺎﺗﻢ ﻣﺘﺎﻉ ﺍﻟﺴﻠﻄﺎﻥ ﻃﻠّﻌﻮ ﻣﻦ ﻛﺮﺵ ﺳﺮﺩﻭﻙ، ﻭﺍﻟﺜﺎﻧﻲ ﻗﺎﻝ : ﺗﻲ ﺃﺧﻄﺎﻛﻢ ﺷﻜﻮﻥ ﻫﺬﺍ ﺍﻟﻌﺼﻔﻮﺭ ﻣﺤﺴﻮﺏ، ﻭ ﺍﻷﺧﺮﻗﺎﻝ ﺍﻟﻤﺮﺓ ﻫﺬﻩ ﻧﺘﺼﻮﺭ ﺍﻟﺴﻠﻄﺎﻥ ﺑﺎﺵ ﻳﺸﻨﻘﻨﺎ.. ﺃﺵ ﻧﻌﻤﻠﻮﺍ ؟ ﺃﺵﻧﻌﻤﻠﻮﺍ ؟ ﻗﺎﻟﻮ ﻧﻘﺘﻠﻮﺍ ﺍﻟﻌﺼﻔﻮﺭ ﻭ ﻧﺮﺗﺎﺣﻮ ..ﻫﻴّﺎ ﺇﺗﻔﻘﻮﺍ ﺍﻟﻜﻞ ﺇﻧﻬﻢ ﻳﻘﺘﻠﻮﺍ ﺍﻟﻌﺼﻔﻮﺭ، ﻓﻲ ﺍﻟﻨﻬﺎﺭ ﺍﻷﻭﻝ ﻗﺎﻝﻭﺍﺣﺪ ﺃﻧﺎ ﻧﻤﺸﻲ ﻧﻘﺘﻠﻮ، ﻭ ﺑﺎﻟﻔﻌﻞ ﻫﺒﻂ ﻟﻠﻤﺪﻳﻨﺔ ﻭ ﺑﺪﺃ ﻣﻦ ﺳﻄﺢﻟﺴﻄﺢ ﺣﺘﻰ ﻭﺻﻞ ﻟﺴﻄﺢ ﺩﺍﺭ ﺍﻟﻌﺼﻔﻮﺭ ﻭ ﻃﻞّ ﻣﻦ ﻓﻮﻕ ﺍﻟﺴﻄﺢ، ﻭﻣﺎﻫﻮ ﻗﻮﻟﻨﺎ ﺍﻟﻌﺼﻔﻮﺭ ﻃﻠﺐ 40 ﺳﺮﺩﻭﻙ ﻣﻦ ﻋﻨﺪ ﺍﻟﺴﻠﻄﺎﻥ، ﺍﻟﻨﻬﺎﺭﺍﻷﻭﻝ ﺫﺑﺢ ﺳﺮﺩﻭﻙ ﺍﻷﻭﻝ ﻭ ﻋﻤﻠﻮ ﺑﻴﻪ ﻣﻘﺮﻭﻧﺔ ﻭ ﻗﺎﻝ ﻟﻠﺠﺮﺍﺩﺓﻭﻗﺖ ﺍﻟﻌﺸﺎﺀ ﻭ ﻓﻲ ﻧﻔﺲ ﺍﻟﻮﻗﺖ ﺑﺎﻟﺼﺪﻓﺔ ﺃﻙ ﺍﻟﺮﺍﺟﻞ ﻳﻠّﻲ ﺟﺎﻱﺑﺎﺵ ﻳﻘﺘﻞ ﺍﻟﻌﺼﻔﻮﺭ ﻃﻞ ﻣﻦ ﻓﻮﻕ ﺍﻟﺴﻄﺢ، ﺍﻟﻌﺼﻔﻮﺭ ﻗﺎﻝ : ﻳﺎﺟﺮﺍﺩﺓ ﻫﺬﺍ ﻭﺍﺣﺪ ﻣﻦ ﺍﻝ 40 !! ﺇﺣﺴﺐ ﻋﻨﺪﻙ ( ﻫﻮ ﻳﻘﺼﺪ ﻋﻠﻰﺳﺮﺩﻭﻙ ﻣﻦ ﺍﻝ 40 ) ﻭ ﺍﻟﺮﺍﺟﻞ ﻛﻴﻒ ﺳﻤﻌﻮ ﻣﺸﻰ ﻓﻴﺒﺎﻟﻮ ﻳﻘﺼﺪﻋﻠﻴﻪ، ﻭ ﺭﺟﻊ ﻳﺠﺮﻱ ﻟﻠﻜﻬﻒ ﻭﺳﻂ ﺍﻟﺠﺒﻞ، ﺃﺻﺤﺎﺑﻪ ﻗﺎﻟﻮﺍ : ﺷﻨﻮﺍ ﻳﺎﻣﺤﻤﻮﺩ ﻗﺘﻠﺘﻮ ؟ ﺃﺷﺒﻴﻚ ﻭﺟﻬﻚ ﺃﺻﻔﺮ ﺃﺵ ﺻﺎﺭ ؟ﻗﺎﻟﻬﻢ : ﻳﺎ ﺟﻤﺎﻋﺔ ﺍﻟﺮﺍﺟﻞ ﻃﻠﻊ ﻓﻴﺒﺎﻟﻮ ﺑﻴﻨﺎ ﺍﻝ 40 ﺳﺮﻗﻨﺎﺍﻟﺼﻨﺪﻭﻕ، ﺗﻲ ﺃﻧﺎ ﻃﻠﻴﺖ ﻣﻦ ﻓﻮﻕ ﺍﻟﺴﻄﺢ ﻭ ﻫﻮ ﻻ ﺷﺎﻓﻲ ﻭ ﻻﺣﺘﻰ ﺷﻲﺀ ﻗﺎﻝ ﻫﺬﺍ ﻭﺍﺣﺪ ﻣﻦ ﺍﻝ 40 .

ﻗﺎ ﺭﺍﺟﻞ ﺗﺎ'ﻧﻲ ﻗﺎﻝ ﺃﻧﺎ ﻏﺪﻭﺓ ﻧﻤﺸﻲ ﻧﻘﺘﻠﻮ .. ﻣﻦ ﻏﺪﻭﺓ ﻛﺎﻟﻌﺎﺩﺓﻫﻮ ﻭﺻﻞ ﻟﺪﺍﺭ ﺍﻟﻌﺼﻔﻮﺭ ﻭ ﺳﻲ ﺍﻟﻌﺼﻔﻮﺭ ﻗﺎﻝ ﻟﺠﺮﺍﺩﺓ : ﺇﺣﺴﺐﻋﻨﺪ ﻫﺬﺍ ﺍﻟﺜﺎﻧﻲ ﻣﻦ ﺍﻷﺭﺑﻌﻴﻦ ( ﻫﻮ ﻳﻘﺼﺪ ﻋﻠﻰ ﺍﻟﺴﺮﺩﻭﻙ ﺍﻟﺜﺎﻧﻲ ﻣﻦﺍﻷﺭﺑﻌﻴﻦ ) ﻭ ﺳﻲ ﻭﺧﻴّﻨﺎ ﺧﺎﻑ ﻭ ﺭﺟﻊ ﻳﺠﺮﻱ ﻟﻠﺠﻤﺎﻋﺔ ﻭ ﻗﺎﻟﻬﻮﻡﻣﺸﻴﻨﺎ ﻓﻴﻬﺎ، ﺗﻲ ﺃﻧﺎ ﻃﻠﻴﺖ ﻣﻦ ﻓﻮﻕ ﺍﻟﺴﻄﺢ ﻭﻫﻮ ﻻ ﺷﺎﻓﻨﻲ ﻭ ﻻﺣﺘﻰ ﺷﻲﺀ ﻗﺎﻝ ﻫﺬﺍ ﺍﻟﺜﺎﻧﻲ ﻣﻦ ﺍﻷﺭﺑﻌﻴﻦ .. ﻗﺎﻡ ﺍﻟﻜﺒﻴﺮ ﻣﺘﺎﻉ ﺍﻝ40ﺳﺎﺭﻕ ﻳﻌﻨﻲ ﺍﻟﺴﻴﺪ ﻣﺘﺎﻋﻬﻢ ﻭ ﻗﺎﻝ ﺗﻲ ﺃﻧﺎ ﻏﺪﻭﺓ ﻧﻤﺸﻲ ﻧﻘﺘﻠﻮ ﻭ ﺗﻮﺗﺸﻮﻓﻮ ﻛﻴﻔﺎﻩ..ﻣﻦ ﻏﺪﻭﺓ ﺍﻟﻨﻬﺎﺭ ﺍﻟﺜﺎﻟﺚ ﻛﺎﻟﻌﺎﺩﺓ ﺍﻟﻜﺒﻴﺮ ﻣﺘﺎﻉ ﺍﻝ 40 ﺳﺎﺭﻕ ﻣﺸﻰﺑﺎﺵ ﻳﻘﺘﻞ ﺍﻟﻌﺼﻔﻮﺭ، ﻫﻴّﺎ ﻃﻠﻊ ﻣﻦ ﻗﻄﺢ ﻟﺴﻄﺢ ﺣﺘﻰ ﻭﺻﻞ ﻟﻠﺴﻄﺢﻣﺘﺎﻉ ﺍﻟﻌﺼﻔﻮﺭ، ﻭ ﺑﺎﻟﺼﺪﻓﺔ ﻟﻴﻠﺘﻬﺎ ﺍﻟﻌﺼﻔﻮﺭ ﻭ ﺟﺮﺍﺩﺓ ﺫﺑﺤﻮﺍﻟﺴﺮﺩﻭﻙ ﺍﻟﻜﺒﻴﺮ، ﺳﻲ ﻭﺧﻴّﻨﺎ ﻃﻞ ﻣﻦ ﺍﻟﺴﻄﺢ ﻭ ﺍﻟﻌﺼﻔﻮﺭ ﻗﺎﻝﻟﻠﺠﺮﺍﺩﺓ ﻳﻘﺼﺪ ﻋﻠﻰ ﺍﻟﺴﺮﺩﻭﻙ : ﻫﺬﺍ ﺍﻟﺜﺎﻟﺖ ﻣﻦ ﺍﻷﺭﺑﻌﻴﻦ، ﻫﺬﺍﻛﺒﻴﺮﻫﻢ !!!ﺳﻲ ﻻﺧﺮ ﻫﺮﺏ ﻳﺠﺮﻱ ﻭ ﺭﺟﻊ ﻟﻠﺠﻤﺎﻋﺔ ﻭ ﻗﺎﻟﻬﻢ ﺳﻲ ﺍﻟﻌﺼﻔﻮﺭﻋﺮﻓﻨﺎ ﻭﺍﺣﺪ ﻭﺍﺣﺪ ﺗﻲ ﺃﻧﺎ ﺩﻭﺏ ﻣﺎ ﻃﻠﻴﺖ ﻣﻦ ﺍﻟﺴﻄﺢ ﻭ ﻫﻮ ﻗﺎﻝﻫﺬﺍ ﺍﻟﺜﺎﻟﺚ ﻭ ﻫﺬﺍ ﻛﺒﻴﺮﻫﻢ، ﺗﻲ ﻋﺮﻓﻨﻲ ﺃﻧﺎ ﺍﻟﻜﺒﻴﺮ ﻣﺘﺎﻋﻜﻢ .. ﻭﺇﺗﻔﻘﻮﺍ ﻗﺎﻟﻮﺍ ﻣﻦ ﻏﺪﻭﺓ ﻳﻤﺸﻲ ﻭﻓﺪ ﻣﻦ 10 ﺭﺟﺎﻝ ﻭ ﻧﻌﻄﻮﻩﺻﻨﺪﻭﻕ ﺍﻟﺬﻫﺐ ﻣﺘﺎﻉ ﺍﻟﺴﻠﻄﺎﻥ ﻭ ﻧﻄﻠﺒﻮﺍ ﻣﻪ ﺍﻟﻌﻔﻮ ﻭ ﻳﺴﺘﺮﻧﺎ ..ﻣﻦ ﻏﺪﻭﺓ ﺩﻕ ﺍﻟﺒﺎﺏ، ﺳﻲ ﺍﻟﻌﺼﻔﻮﺭ ﻓﺘﺢ ﺍﻟﺒﺎﺏ، ﻭ ﺍﻟﺠﻤﺎﻋﺔ 10ﺭﺟﺎﻝ ﻳﺒﻜﻮﺍ ﻭ ﻳﻄﻠﺒﻮﺍ ﻓﻲ ﺍﻟﺴﻤﺎﺡ ﻭ ﻓﻲ ﺇﻳﺪﻫﻢ ﺻﻨﺪﻭﻕ، ﻳﺎ ﺳﻴﺪﻱﺍﻟﺸﻴﺦ ﺳﺎﻣﺤﻨﺎ، ﻭ ﻫﻮ ﻣﺎﻫﻮﺵ ﻓﺎﻫﻢ ﺣﺘﻰ ﺷﻲﺀ!!!!ﻗﺎﻟﻮﻟﻮﺍ ﺃﺣﻨﺎ ﻳﻠّﻲ ﺳﺮﻗﻨﺎ ﺍﻟﺼﻨﺪﻭﻕ ﻭ ﺟﻴﻨﺎﻙ ﻃﺎﻟﺒﻴﻦ ﺍﻟﻌﻔﻮ ﻭ ﺍﻧﻚﺗﺴﺘﺮﻧﺎ ﻣﺎ ﺗﻘﻮﻟﺶ ﻟﻠﺴﻠﻄﺎﻥ ﻳﻠّﻲ ﺃﺣﻨﺎ ﺳﺮﻗﻨﺎﻩ ﻫﺎﻙ ﻫﺎﻭ ﺍﻟﺼﻨﺪﻭﻕﻛﺎﻣﻞ ﻣﺘﺎﻉ ﺍﻟﺴﻠﻄﺎﻥ ﻭ ﻫﺎﻭ 5 ﺃﻻﻑ ﺩﻳﻨﺎﺭ ﻟﻴﻚ ﺇﻧﺖ ﻫﺪﻳﺔ ﻣﻦﻋﻨﺪﻧﺎ.. ﻭ ﺳﻲ ﺍﻟﻌﺼﻔﻮﺭ ﻃﺎﺭ ﻣﻦ ﺍﻟﻔﺮﺣﺔ ﻭ ﻭﻗﺎﻝ ﺗﻲ ﻣﺎﻫﻮ ﻓﻲﺑﺎﻟﻲ ﺑﻴﻜﻢ ﻭ ﻋﺮﻓﺘﻜﻢ ﻳﻠّﻲ ﺇﻧﺘﻮﻣﺎ ﺳﺮﻗﺘﻮﺍ ﺍﻟﺼﻨﺪﻭﻕ ﺣﺘﻰ ﻣﻦ ﻗﺒﻞﻣﺎ ﻳﻔﻴﻖ ﺍﻟﺴﻠﻄﺎﻥ ﻳﻠّﻲ ﺍﻟﺼﻨﺪﻭﻕ ﺗﺴﺮﻕ ﻭ ﻗﺎﻝ ﺇﻣﺸﻮﺍ ﻋﻠﻴﻜﻢ ﺃﻣﺎﻥﺍﻟﻠﻪ ﻣﺎ ﺗﺨﺎﻓﻮﺵ

ﻭ ﺳﻲ ﺍﻟﻌﺼﻔﻮﺭ ﻓﺮﺣﺎﻥ ﻭ ﻳﺼﻴﺢ ﻳﺎ ﺟﺮﻳّﺪﺓ ﻫﺎﻭ ﺍﻟﺼﻨﺪﻭﻕ ﻣﺘﺎﻉﺍﻟﺴﻠﻄﺎﻥ!!! ﻭ ﻫﻲ ﺗﺰﻏﺮﺩ ﻭ ﻓﺮﺣﺎﻧﻴﻦ !! ﺧﺮﺝ ﻓﻲ ﺍﻟﻌﺼﻔﻮﺭ ﻭﻣﺸﻰ ﻟﻠﻐﺎﺑﺔ ﺣﻔﺮ ﺣﻔﺮﺓ ﻭ ﺣﻂ ﺍﻟﺼﻨﺪﻭﻕ ﻏﺎﺩﻱ ﻭ ﻣﺸﻰ ﻟﻠﻘﺼﺮ،ﺍﻟﺴﻠﻄﺎﻥ ﻗﺎﻝ ﻣﺎﻫﻮ ﻻﺑﺎﺱ ﻳﺎ ﻋﺼﻔﻮﺭ ؟ ﺭﺍﻙ ﻃﻠﺒﺖ ﺃﺟﻞ 40 ﻳﻮﻡ !ﺟﺎﻳﻨﻲ ﻣﻦ ﺍﻟﻨﻬﺎﺭ ﺍﻟﺮﺍﺑﻊ !!!ﻗﺎﻝ ﺍﻟﻌﺼﻔﻮﺭ : ﻳﺎ ﺳﻴﺪﻱ ﻣﺎﻫﻮ ﻭﻗﺖ ﺇﻧﺖ ﺗﺒﺪﺍ ﺭﺍﻗﺪ، ﺃﻧﺎ ﻧﺒﺪﺍﺳﺎﻫﺮ ﻭ ﻧﻘﺮﻯ ﻭ ﻧﻌﺰّﻡ ﻭ ﻧﺒﺤﺚ .. ﻟﻮ ﺗﺴﻤﺢ ﺳﻴﺎﺩﺓ ﺍﻟﺴﻠﻄﺎﻥ ﺗﻨﺠّﻢﺗﻤﺸﻲ ﻣﻌﺎﻳﺎ ﻟﻮﺳﻂ ﺍﻟﻐﺎﺑﺔ .. ﻗﺎﻝ ﺍﻟﺴﻠﻄﺎﻥ ﺍﻟﻠﻪ ﻳﺒﺎﺭﻙ..ﻫﻴّﺎ ﻣﺸﻰ ﺍﻟﺴﻠﻄﺎﻥ ﻭ ﻣﻌﺎﻩ ﺍﻟﻮﺯﻳﺮ ﻭ 10 ﺟﻨﻮﺩ ﻭ ﺳﻲ ﺍﻟﻌﺼﻔﻮﺭﻳﻤﺸﻲ ﻗﺪﺍﻣﻬﻢ ﻭ ﺣﺎﺳﺐ ﺭﻭﺣﻪ ﻳﻌﺰّﻡ ﻭ ﻫﺎﻭ ﺩﺭﺍ ﻓﺎﺵ ﻳﻘﻮﻝ ﺣﺘﻰﻭﺻﻞ ﻟﻠﻤﻜﺎﻥ ﻳﻠّﻲ ﺣﻂ ﻓﻴﻪ ﺍﻟﺼﻨﺪﻭﻕ ﻭ ﻗﺎﻝ ﻫﻨﺎ ﻫﻨﺎ ﻣﻮﺟﻮﺩﺍﻟﺼﻨﺪﻭﻕ ﻭ ﺑﺪﺃ ﻳﺤﻔﺮ ﺣﺘﻰ ﻃﻠّﻊ ﺍﻟﺼﻨﺪﻭﻕ ﻭ ﺍﻟﺴﻠﻄﺎﻥ ﺑﺎﻫﺖ ﻭ ﻗﺎﻝﺷﻨﻮﺍ ﻫﺬﺍ !!!! ﻳﺎ ﻋﺼﻔﻮﺭ ﺃﻧﺖ ﺣﻜﻴﻢ ﻫﺬﺍ ﺍﻟﺰﻣﺎﻥ، ﻣﺎ ﺷﺎﺀ ﺍﻟﻠﻪ!ﺷﻨﻮﺍ ﻫﺎﻟﻌﻠﻢ !!! ﺗﺒﺎﺭﻙ ﺍﻟﻠﻪ ﻭ ﺃﻣﺮ ﻋﻄﺎﻭﻩ 20 ﺃﻟﻒ ﺩﻳﻨﺎﺭﻛﺎﻣﻠﺔ !!!!!!!ﺭﻭّﺡ ﺍﻟﻌﺼﻔﻮﺭ ﻃﺎﻳﺮ ﻣﻦ ﺍﻟﻔﺮﺣﺔ ﻭ ﻗﺎﻟﻬﺎ ﻳﺎ ﺟﺮﺍﺩﺓ ! ﻳﺎ ﺟﺮﺍﺩﺓ 20ﺃﻟﻒ ﺩﻳﻨﺎﺭ ﻛﺎﻣﻠﺔ ! ﻭ ﺻﺎﺭ ﺍﻟﻌﺼﻔﻮﺭ ﻋﺎﻳﺶ ﻣﻊ ﺍﻟﺠﺮﺍﺩﺓ ﻓﻲ ﺧﻴﺮﻛﻞ ﻧﻬﺎﺭ ﻟﺤﻢ ﻭ ﻏﻼﻝ ﻭ ﻫﻮ ﻧﺎﺻﺐ ﺳﺎﻕ ﻓﻮﻕ ﺳﺎﻕ ﻭ ﻳﺄﻛﻞ ﻭﻳﺸﺮﺏ ﻭ ﺭﺍﻗﺪ .

في القصر سي السلطان جاه سلطان صديق ليه ضيف عنده و حكالو على العصفور كيفاه تڨاز رهيب قدرته فاقت الخيال.. قام السلطان الأخر و قال أخطاك من هالحكايات الكلها تدجيل و كذب أنا بكل صراحة ما نصدقش و قال هيّا تحب نجربوه في حكاية ؟ قال أنا عندي سفينة جاية في الثنية إذا لو كان العصفور متاعك يعرف شنوا فوقها راهو تڨاز صحيح و عليه الكلام.. وكان ما عرفش راهو دجال و يستحق الموت ..
هيّا أمر السلطان جاء العصفور، و قال له : يا عصفور هذا صديقي سلطان البلاد الفلانية.. الأن عنده سفينة دخلت للميناء متاع مدينتنا نحبك تقول شنوا فيها ؟
ههه سي وخينا العصفور شهق و قال المرة هذه روحي باش تطلع ماعادش فيها .. الكل من الجرادة بنت الكلب.. آآآآاه مشيت فيها مني باش نطّلّع أنا شنوا موجود فيها السفينة و هذا يحبني توا نقولو ؟سي العصفور قال هذه نهايتي الأن، منين باش نعرف أنا شنوا موجود في السفينة، و قال خليني نقول للسلطان على الحقيقة يلّي أنا بعمري ما نعرف التڨازة راهي بنت الكلب اك الجرادة هي يلّي دبرت عليا و قاتلي إخدم تڨاز و قال سي العصفور :
مولانا السلطان الأولى " عسل " و الثانية " سْمَن " و الثالثة " زيت و قطران "
هو يقصد الأولى عسل معناها المرة الأولى " الخاتم متاع السلطان " عسل طلعها و تعدات على الخير و نفس الشيء بالنسبة للثانية " صندوق الذهب " " سْمَن " معناها تعدى على خير ، لكن المرة هذه " زيت و قطران " يعني سوداء مسودة على وجهي.. لكن السلطان الأخر صاح الله الله ماشاء الله فعلا صدقت يا سلطان هذا حكيم الزمان بصدق!! السفينة متاعي جايب فيها سلعة لبلادكم " عسل " و " سمن " و " زيت و قطران " ...
العصفور شاخ و قال ولله سلكت !!! و عطاه السلطان الأخر 30 ألف دينار و روّح سي العصفور فرحان و ليلة تعدات مع الجرادة من ألف ليلة و ليلة ...
هيّا يا سيدي نهار السلطان يحوس هو و الوزير في الجنينة متاع القصر، فجأة فمّا جرادة هاربة في الهواء و عصفور يجري ورائها و الجرادة تعدات من قدام وجه السلطان، السلطان من غير ما يفيق هز يديه الفوق يخّ شد العصفور في إيديه!و قال ههه يا وزير شوف هالعصفور كيفاه شديتو حصُل جاء في إيدي و الجرادة هربت في الهواء ..
سي الوزير جاته فكرة قال : مولانا السلطان أش قولك كان تحط العصفور هذاكا في جيبك و تعيّط للعصفور تطلب منه يطلّع أشنوا في جيبك.. وبالفعل السلطان قال حاجة هايلة هذهو أمر الجنود و قالهم جيبولي العصفور..

هيّا مختصر الكلام وصل العصفور قدام السلطان، قال السلطان ؛ يا عصفور طلّع شنوا عندي في جيبي أنا الأن ؟
العصفور قال في نفسه ايــــه شبيه هذا كل مرة باش يقعد يلعب عليا ؟! تي الموت أرتح من هالعذاب و الفجعات! و بدأ يسب و يلعن في الجرادة و في النهار يلّي عرفها.. قال نقول الحقيقة الأن و نرتاح..
قال العصفور:

مولانا السلطان الحقيقة .. راهي الجرادة منعت و العصفور تشد !! :((((
و هو يقصد " الجرادة " زوجته منعت و العصفور هو نفسه تشد !! ههههه يخّ السلطان خرج من جيبه العصفور و قال امشاء الله يا حكيم الزمان صحيح هاو عصفور في جيبي.. و عطاه 10 ألاف دينار..
سي العصفور قال توّا أنا باش نقعد كل مترة من فجعة لفجعة ؟ قال لازمني نلقى حل للحكاية هذه و قال يا وملانا السلطان بكل صدق راهو قلبي حنّ لزيارة قبر سيدنا النبي نحب نمشي نعمل حج .. قال السلطان الله يبارك امشي و ما تنساناش في فاتحة و دعاءك و أرجع عاد !!!
و سي العصفو روّح للجرادة و وقالها هيّا ماعادش عندنا ما نعملوا في هالبلاد، و لمّوا حوايجهم و هزّ العصفور الفلوس الكل و سافروا مشاو لمدينة أخرى ما يعرفهم حتى أحد و بطّ العصفور نهائيا خدمة التڨازة و قعد يصرف في الفلوس و عايش هو و الجرادة في خير و أمان ..
هذه هي حكاية العصفور و الجرادة..