ﺣﻜﺎﻳﺔ ﺍﻟﺼﻴﺎﺩ ﻭ ﺍﻟﺤﻮﺗﺔ ﻭ ﺍﻟﻈﺎﻟﻢ

ﻗﺎﻟﻚ ﻓﻤّﺎ ﺭﺍﺟﻞ ﺑﻮ ﺻﻐﻴﺮﺍﺕ، ﺧﺪّﺍﻡ، ﺯﻭﺍﻟﻲ، ﺻﻴــﺎﺩ ﻧﻬﺎﺭ ﻛﺎﻣﻞﻓﻲ ﺍﻟﺒﺤﺮ ﻳﺼﻄﺎﺩ ﺑﺎﺵ ﻳﺼﺮﻑ ﻋﻠﻰ ﺯﻭﺟﺘﻪ ﻭ ﺃﻭﻻﺩﻩ، ﻛﺎﻥ ﻧﻬﺎﺭ ﻣﺎﺇﺻﻄﺎﺩ ﺣﺘﻰ ﺷﻲﺀ ﺃﻭﻻﺩﻩ ﻭ ﺯﻭﺟﺘﻪ ﻳﺒﺎﺗﻮﺍ ﻣﻦ ﻏﻴﺮ ﻋﺸﺎﺀ، ﻧﻬﺎﺭﻫﺒﻂ ﻟﻠﺒﺤﺮ ﻳﺼﻄﺎﺩ، ﺣﺘﻰ ﺇﺻﻄﺎﺩ ﺣﻮﺗﺔ ﻛﺒﻴﺮﺓ ﺗﺒﺎﺭﻙ ﺍﻟﻠﻪ ﻓﻲﺧﻠﻘﻪ، ﺃﻭﻝ ﻣﺮﺓ ﻳﺼﻄﺎﺩ ﺣﻮﺗﺔ ﻛﻴﻒ ﻫﻜّﺎ ﻛﺒﻴﺮﺓ ﻳﺎﺳﺮ، ﻗﺎﻝ ﻫﺬﻩﻧﻬﺒﻂ ﺑﻴﻬﺎ ﻟﻠﺴﻮﻕ ﻧﺒﻴﻌﻬﺎ ﻧﻘﻮﻟﻮ ﺑــ 30 ﺩﻳﻨﺎﺭ ﻭ ﻓﻠﻮﺳﻬﺎ ﻧﺼﺮﻓﻬﻢﻋﻠﻰ ﺃﻭﻻﺩﻱ ﺟﻤﻌﺔ ﻛﺎﻣﻠﺔ، ﻗﻌﺪ ﻳﺤﻤﺪ ﻓﻲ ﺭﺑﻲ ﻭ ﻳﺸﻜﺮ ﺛﻨﻴﺔﻛﺎﻣﻠﺔ .ﻟﻜﻦ ﻫﻮ ﻗﺮﻳﺐ ﻳﻮﺻﻞ ﻟﻠﺴﻮﻕ، ﻋﺮﺿﻮ ﻭﺍﺣﺪ ﻣﻦ ﻛﺒﺎﺭ ﺍﻟﺒﻼﺩ، ﺭﺍﺟﻞﻏﻨﻲ، ﺍﻟﺨﺪﻡ ﻣﺘﺎﻋﻮ ﻳﺘﺒﻌﻮ ﻓﻴﻪ، ﻭ ﻫﻮ ﺭﺍﻛﺐ ﻓﻮﻕ ﺣﺼﺎﻥ .ﺳﻲ ﺍﻟﺼﻴﺎﺩ ﻓﺮﺡ ﻗﺎﻝ ﻓﻲ ﻧﻔﺴﻪ ﻫﺬﺍ ﺃﻛﻴﺪ ﺗﻮ ﻳﺸﺮﻳﻬﺎ ﻣﻨﻲ ﺑﻀﻌﻒﺍﻟﺜﻤﻦ، ﻇﺎﻫﺮ ﻓﻴﻪ ﻏﻨﻲ ﻭ ﻣﺎ ﻳﻌﺮﻓﺶ ﻃﺮﻑ ﺧﻼﻩ ﻭﻳﻦ . ﺣﺒَﺲ ﺳﻲﺍﻟﺮﺍﺟﻞ ﻭ ﻗﺎﻝ ﻟﻠﺼﻴﺎﺩ : ﺍﻩ ﺣﻮﺗﺔ ﺑﺎﻫﻴﺔ ﻫﺬﻩ !ﻗﺎﻝ ﺍﻟﺼﻴﺎﺩ : ﺇﻱ ﻧﻌﻢ ﻳﺎ ﺳﻴﺪﻱ ﻭ ﻇﺎﻫﺮ ﻓﻴﻬﺎ ﻛﺎﺗﺒﺔ ﻟﻴﻚﻗﺎﻝ ﺍﻟﺮﺍﺟﻞ : ﺑﻘﺪﺍﻩ ﻫﺎﻟﺤﻮﺗﺔ ؟ﻗﺎﻝ ﺍﻟﺼﻴﺎﺩ 30 : ﺩﻳﻨﺎﺭ ﻳﺎ ﺳﻴﺪﻱ ﻟﻴﻚ ﻓﻘﻂﻗﺎﻝ ﺍﻟﺮﺍﺟﻞ : ﺷﻨﻮﺍ ؟ 30 ﺩﻳﻨﺎﺭ ﻭﻟﻠﻪ ﻣﺎ ﺗﺤﺸﻤﻬﺎ !!ﻗﺎﻝ ﺍﻟﺼﻴﺎﺩ : ﺳﺎﻣﺤﻨﻲ ﺃﻣﺎ ﻫﺬﺍﻛﺎ ﺳﻮﻣﻬﺎﻗﺎﻝ ﺍﻟﺮﺍﺟﻞ ﻷﺣﺪ ﺍﻟﺨﺪّﺍﻡ ﻣﺘﺎﻋﻪ، ﺧﺎﺩﻡ ﺧﻮﺫ ﻣﻨﻪ ﺍﻟﺤﻮﺗﺔ ! ﻭﺑﺎﻟﻔﻌﻞ ﺃﺧﺬ ﺍﻟﺤﻮﺗﺔ ﻣﻦ ﻋﻨﺪ ﺍﻟﺼﺘﺎﺩ ﻭ ﺭﻣﺎﻫﺎ ﻓﻮﻕ ﻛﺘﻔﻪ .ﺳﻲ ﺍﻟﺼﻴﺎﺩ ﻗﻌﺪ ﻳﺴﺘﻨﻰ ﻭ ﻳﺨﺰﺭ ﻟﻠﺮﺍﺟﻞ ﻓﻲ ﺑﺎﻟﻪ ﺑﺎﺵ ﻳﺨﻠﺼﻪ .ﻗﺎﻝ ﺍﻟﺮﺍﺟﻞ : ﻫﻴّﺎ ﺇﺫﻫﺐ ﻣﻦ ﻗﺪﺍﻣﻲ ﻓﺎﺵ ﺗﺴﺘﻨﻰ ؟ﺍﻟﺼﻴﺎﺩ ﻗﺎﻝ : ﺧﻠﺼﻨﻲ ﻓﻲ ﺣﻖ ﺍﻟﺤﻮﺗﺔﺍﻟﺮﺍﺟﻞ ﻗﺎﻟﻪ : ﻭﻟﻠﻪ ﻣﺎ ﺗﺤﺸﻢ ﺇﻧﺖ . ﻫﺒﻂ ﺍﻟﺮﺍﺟﻞ ﻣﻦ ﻓﻮﻕﺍﻟﺤﺼﺎﻥ ﻭ ﻓﻲ ﺇﻳﺪﻩ ﻋﺼﻰ ﺿﺮﺏ ﺑﻴﻬﺎ ﺍﻟﺼﻴﺎﺩ ﺍﻟﻤﺴﻜﻴﻦ ﺧﻼﻩ ﻳﺼﻴﺢﻋﻠﻰ ﺍﻟﻘﺎﻋﺔ ﻭ ﻣﺸﻰ ﻭ ﺧﻼﻩ ..ﺳﻲ ﺍﻟﺼﻴﺎﺩ ﺣﺲ ﺑﺎﻟﻈﻠﻢ ﻭ ﺍﻟﻘﻬﺮ ﺭﻓﻊ ﺇﻳﺪﻩ ﻟﻠﺮﺏ ﺍﻟﻌﺎﻟﻲ ﻭ ﻗﺎﻝ ﻳﺎﺭﺑﻲ ﻳﺎ ﺭﺑﻲ ﺭﺍﻙ ﺧﻠﻘﺘﻨﻲ ﺿﻌﻴﻒ ﻭ ﺧﻠﻘﺘﻪ ﻗﻮّﻱ، ﻳﺎ ﺭﺑﻲ ﺧﻠﺼﻠﻲﺣﻘّﻲ ﻣﻨﻪ ﺭﺍﻫﻮ ﻇﻠﻤﻨﻲ، ﻳﺎ ﺭﺑﻲ ﺧﻠﺼﻠﻲ ﺣﻘّﻲ ﻋﺎﺟﻼ ﻣﺎ ﻧﺠﻤﺶﻧﺴﺘﻨﻰ ﻟﻴﻮﻡ ﺍﻟﻘﻴﺎﻣﺔ ..ﻭ ﺭﻭّﺡ ﺳﻲ ﺍﻟﺼﻴﺎﺩ ﻟﺪﺍﺭﻩ ﻳﻠﻘﻰ ﺯﻭﺟﺘﻪ ﺗﺴﺘﻨﻰ ﻓﻴﻪ، ﻗﺎﻟﺖ : ﻭﻳﻨﻚﻳﺎ ﺭﺍﺟﻞ ﺍﻟﻮﻻﺩ ﻗﺘﻠﻬﻢ ﺍﻟﺠﻮﻉ

ﻗﺎﻟﻬﺎ ﺍﻟﻠﻪ ﻏﺎﻟﺐ ﻟﻴﻮﻡ ﻣﺎ ﺇﺻﺪﺕ ﺣﺘﻰ ﺷﻲﺀ ﻭ ﻃﻔﻄﻒ ﺍﻟﻬﻢ ﻋﻠﻰﻗﻠﺒﻪ ﻭ ﺩﺧﻞ ﺗﻜﺐ ﺭﻗﺪ . ﻭﻟّﺖ ﺃﻙ ﺍﻟﻤﺮﺃﺓ، ﻗﺎﻣﺖ ﻣﺴﻜﻴﻨﺔ ﻣﺎ ﻋﻨﺪﻫﺎﺣﺘﻰ ﺷﻲﺀ، ﺣﻄﺖ ﺷﻮﻱ ﻣﺎﺀ ﻓﻲ ﻃﻨﺠﺮﺓ ﻭ ﺣﻄﺘﻬﺎ ﻓﻮﻕ ﺍﻟﻨﺎﺭ .ﺍﻷﻭﻻﺩ : ﺃﻣﻲ ﻭﻳﻨﻮ ﺍﻟﻌﺸﺎﺀ ﺭﺍﻧﺎ ﺟﻴﻌﺎﻧﻴﻦ ﻭ ﻫﻲ ﻣﺴﻜﻴﻨﺔ ﺗﻘﻮﻟﻬﻢﻫﺎﻧﻮ ﻳﻄﻴﺐ ﻓﻮﻕ ﺍﻟﻨﺎﺭ، ﺃﻙ ﻟﻮﻻﺩ ﺇﺳﺘﻨﻮﺍ ﺇﺳﺘﻨﻮﺍ ﻟﺤﺪ ﻣﺎ ﻫﺰﻫﻢﺍﻟﻨﻮﻡ ﻭ ﺭﻗﺪﻭ ..

ﻧﺮﺟﻌﻮ ﻟﺴﻲ ﺍﻟﺮﺍﺟﻞ ﻳﻠﻲ ﻓﻚ ﺍﻟﺤﻮﺗﺔ ﻣﻦ ﺍﻟﺼﻴﺎﺩ، ﺍﻟﺨﺪﻡ ﻋﻤﻠﻮﻟﻮﻋﺸﺎﺀ ﻣﺘﺎﻉ ﻣﻠﻮﻙ، ﺗﺤﻄﺖ ﺍﻟﻤﺎﺋﺪﺓ ﻭ ﺗﺤﻂ ﻓﻮﻗﻬﺎ ﻛﻞ ﺧﻴﺮ ﻭ ﺍﻟﺤﻮﺗﺔﻣﺸﻮﻳﺔ ﺑﺎﻹﻛﻠﻴﻞ ﻭ ﻓﻮﻗﻬﺎ ﻗﺎﺭﺹ ﻭ ﺳﻼﻳﻂ ﻭ ﻛﻞ ﺧﻴﺮ، ﺑﺪﺃ ﻳﺄﻛﻞ، ﻭﻓﺠﺄﺓ ﺷﻮﻛﺔ ﻣﻦ ﻣﺘﺎﻉ ﺍﻟﺤﻮﺗﺔ ﺩﻗّﺎﺗﻮ ﻓﻲ ﺻﺒﻊ ﺇﻳﺪﻩ، ﺻــــﺎﺡ ﺃﻱﺻﺒﻌﻲ ﻭ ﺣﺲّ ﺑﻮﺟﻴﻌﺔ ﺗﻘﺘﻞ ﻭ ﺑﺴﺮﻋﺔ ﺇﺻﺒﻊ ﻣﺘﺎﻋﻪ ﻭﻟّﻰ ﺃﺯﺭﻕ ﻭﻧﻔّﺦ ( ﻟﻄﻒ ﻋﻠﻴﻜﻢ ) ﻭ ﺑﺪﺃ ﻳﺼﻴﺢ ﻣﻦ ﺍﻟﻮﺟﻴﻌﺔ، ﺣﺘﻰ ﺟﺎﺀ ﺍﻟﻄﺒﻴﺐ،ﻗﺎﻝ ﻻﺯﻡ ﻧﻘﺼﻠﻚ ﺻﺒﻌﻚ ﺃﻭ ﺭﺍﻫﻮ ﺍﻷﻟﻢ ﻗﺎﺩﺭ ﻳﻄﻠﻊ ﻹﻳﺪﻙ ﻭﺗﺘﻘﺺ، ﻗﺎﻝ ﻛﻴﻔﺎﻩ ﺗﻘﻠﻲ ﺻﺒﻌﻲ ﻭ ﻳﺼﻴﺢ ﻭ ﻳﻌﻴّﻂ ﻣﻦ ﺍﻟﻮﺟﻴﻌﺔ،ﺣﺘﻰ ﻟﻠﺸﻲﺀ ﻭﻟّﻰ ﻳﺎﺳﺮ ﻗﻮﻱ ﻗﺎﻝ ﺑﺎﻫﻲ ﻗﺼﻠﻲ ﺻﺒﻌﻲ، ﻣﻦ ﺣﻴﻨﻪﻗﺒﻞ ﻣﺎ ﻛﺎﻧﺶ ﻻ ﺗﺒﻨﻴﺞ ﻭ ﻻ ﺣﺘﻰ ﺷﻲﺀ، ﻗﺺ ﺍﻟﻄﺒﻴﺐ ﺇﺻﺒﻊﺍﻟﺮﺍﺟﻞ ، ﻭ ﻟﻜﻦ ﺑﻌﺪ ﻣﺎ ﺗﻘﺺ ﺇﺻﺒﻌﻪ، ﺇﻳﺪﻩ ﺍﻟﻜﻞ ﻭﻻﺕ ﺯﺭﻗﺎﺀ ﻭﻣﻨﻔﻮﺧﺔ ﻭ ﺗﻮﺟﻌﻌﻌﻌﻊ ﻓﻴﻪ ﻋﻠﻰ ﺍﻷﺧﺮ ﺁﺁﺁﻩ ﺁﺁﺁﺁﻩ ﺇﻳﺪﻱ ﻳﺎ ﻃﺒﻴﺐ ﺃﺵﻧﻌﻤﻞ ﻗﺎﻝ ﺍﻟﻄﺒﻴﺐ ﻻﺯﻡ ﺗﺘﻘﺺ ﺯﺍﺩﺓ ﻣﺎﻛﺎﻧﺶ ﺍﻟﻤﺮﺽ ﺇﻳﻨﺠﻢ ﻳﻄﻠﻊﻟﺴﻤﻚ ﺍﻟﻜﻞ، ﻗﺎﻝ ﻻ ﻻ ﻛﻴﻔﺎﻩ ﺗﻘﺼﻠﻰ ﺇﻳﺪﻱ، ﻟﻜﻦ ﺷﻲﺀ ﺍﻟﻮﺟﻊ ﻭﺍﻷﻟﻢ ﻣﺎ ﻧﺠّﻢ ﻳﻌﻤﻞ ﺷﻲﺀ ﻭ ﻗﺎﻝ ﺑﺎﻫﻲ، ﻣﻦ ﺣﻴﻨﻪ ﺍﻟﻄﺒﻴﺐ ﻳﻘﺼﻠﻮﺇﻳﺪﻭ ﺍﻟﻜﻞ، ﻭﺳﻲ ﺍﻟﺮﺍﺟﻞ ﻭﻟّﻰ ﺍﻳﺪﻭﺥ ﻭ ﻳﻔﻴﻖ ﻭ ﻳﻌﺎﻭﺩ ﻳﺪﻭﺥﻭﻳﻔﻴﻖ، ﻭ ﺯﺍﺩ ﺍﻟﻮﺟﻴﻌﺔ ﻗﻮﺍﺕ ﺣﺘﻰ ﺑﻌﺪ ﻣﺎ ﺗﻘﺼﺖ ﺇﻳﺪﻩ ﻭ ﺍﻻﻟﻢﻣﺎﺯﺍﻝ ﻳﻘﻮﻯ، ﻭ ﻫﻮ ﺩﺍﺥ ﺇﻳﺸﻮﻑ ﻓﻲ ﺭﺍﺟﻞ ﻛﺒﻴﺮ ﺷﻴّﺦ ﻗﺎﻟﻪ " ﺑﺮّﺍﺇﻃﻠﺐ ﺍﻟﺴﻤﺎﺡ ﻣﻦ ﻳﻠّﻲ ﻇﻠﻤﺘﻪ " ﻗﺎﻟﻪ ﺷﻜﻮﻥ ﺃﻧﺎ ﻇﻠﻤﺖ ؟ ﻭ ﻓﺎﻕﻳﺤﺲّ ﻓﻲ ﺟﺴﻤﻪ ﺍﻟﻜﻞ ﻭﺟﻴﻌﻌﻌﺔ ﻭ ﺍﻷﻟﻢ ﻛﺒﻴـــــــﺮ ﻛﺒﻴــﺮ، ﻭﻋﺎﻭﺩ ﺩﺍﺥ ﺯﺍﺩﺓ ﻃﻠﻌﻠﻮ ﺍﻟﺮﺍﺟﻞ ﺍﻟﺸﻴّﺦ ﻭ ﻗﺎﻟﻮ " ﺍﻟﺼﻴﺎﺩ ﺍﻟﻴﻮﻡﺿﻠﻤﺘﻮ ﻭ ﺧﻠﻴﺘﻮ ﻭ ﺻﻐﺎﺭﻩ ﻣﻦ ﻏﻴﺮ ﻋﺸﺎﺀ ﺭﺍﻫﻮ ﺭﻓﻊ ﺇﻳﺪﻩ ﻟﻠﻪ ﻭﺷﻜﻰ ﺑﻴﻚ ﻋﻨﺪ ﺍﻟﻠﻪ، ﻗﺎﻟﻪ ﺑﺮّﻯ ﺃﻃﻠﺐ ﻣﻨﻪ ﺍﻟﺴﻤﺎﺡ "

ﻓﺎﻕ ﻗﺎﻝ ﻟﻠﻨﺎﺱ ﻳﻠّﻲ ﺩﺍﻳﺮﻳﻦ ﺑﻴﻪ ﻭ ﺍﻟﺨﺪﻡ ﻣﺘﺎﻋﻪ ﻗﺎﻟﻬﻢ ﻫﺰﻭﻧﻲ ﻟﺪﺍﺭﻓﻼﻥ ﺃﻙ ﺍﻟﺼﻴﺎﺩ، ﻗﺎﻟﻮﻟﻮ ﻋﺎﺩ ﺃﻗﻌﺪ ﻫﻮ ﻳﻠّﻲ ﻳﺠﻴﻚ ﻣﻮﺵ ﺇﻧﺖﺗﻤﺸﻴﻠﻮ .ﻗﺎﻟﻬﻢ ﻻ ﻧﻤﺸﻲ ﺃﻧﺎ !!! ﻫﻴّﺎ ﻳﺎ ﺳﻴﺪﻱ ﻃﻠﻊ ﺍﻟﺮﺍﺟﻞ ﻭ ﺩﻣﻪ ﻳﻘﻄﺮ ﻭﺯﻭﺯ ﺧﺪﻡ ﻭﺍﺣﺪ ﺷﺎﺩﻩ ﻣﻦ ﺍﻟﻴﺴﺎﺭ ﻭ ﻭﺍﺣﺪ ﻣﻦ ﺍﻟﻴﻤﻴﻦ، ﻭ ﺑﺪﺍﻭﻳﻤﺸﻮ ﻭ ﻳﺴﺄﻟﻮ ﻋﻠﻰ ﺩﺍﺭ ﺍﻟﺼﻴﺎﺩ ﻣﻦ ﺯﻧﻘﺔ ﻟﺰﻧﻘﺔ، ﻭ ﻫﻮ ﻳﺼﻴﺢ ﻣﻦﺍﻟﻮﺟﻴﻌﻌﻌﺔ .. ﺣﺘﻰ ﻟﻘﺎﻭ ﺩﺍﺭ ﺍﻟﺼﻴﺎﺩ .ﺩﻕ ﺍﻟﺒﺎﺏ، ﺧﺮﺝ ﺍﻟﺼﻴﺎﺩ .ﻭ ﻣﻦ ﺣﻴﻨﻪ ﻫﺒﻂ ﺍﻟﺮﺍﺟﻞ ﻭ ﺑﺪﺃ ﻳﺒﻮﺱ ﻓﻲ ﺳﺎﻕ ﺍﻟﺼﻴﺎﺩ ﻭ ﻳﻘﻮﻟﻮﺳﺎﻣﺤﻨﻲ ﺭﺍﻧﻲ ﻏﻠﻄﺖ ﻣﻌﺎﻙ ﺳﺎﻣﺤﻨﻲﻗﺎﻝ ﺍﻟﺼﻴﺎﺩ : ﻇﻠﻤﺘﻨﻲ ﺧﺎﻃﺮ ﺇﻧﺖ ﻗﻮﻱ ﻭ ﺃﻧﺎ ﺿﻌﻴﻒ ، ﺃﻣﺎ ﺭﺍﻫﻮﺭﺑّﻲ ﺃﻗﻮﻯ ﻣﻦ ﺍﻟﻜﻞ .. ﺑﺮّﺍ ﻫﺎﻧﻲ ﺳﺎﻣﺤﺘﻚ ﻣﻦ ﺩﺍﺭ ﺍﻟﺪﻧﻴﺎ ﻟﺪﺍﺭﺍﻷﺧﺮﺓ ..ﻭ ﺑﻘﺪﺭﺓ ﺭﺑﻲ ﻣﻦ ﺣﻴﻨﻮ ﺗﻮﻗﻒ ﺍﻷﻟﻢ ﻭ ﺍﻟﻮﺟﻴﻌﺔ .. ﻟﻜﻦ ﺇﻳﺪﻭ ﻗﻌﺪﺕﻣﻘﺼﻮﺻﺔ ﻋﺒﺮﺓ ﻟﻤﻦ ﻳﻌﺘﺒﺮ ﻭ ﻛﻴﻒ ﻣﺎ ﻗﺎﻟﻮ ﻧﺎﺱ ﺑﻜﺮﻱ ﻳﺎ ﻇﺎﻟﻢ ﻟﻴﻚﻧﻬﺎﺭ ..ﺍﻥ ﺷﺎﺀ ﺍﻟﻠﻪ ﺗﻜﻮﻥ ﻋﺠﺒﺘﻜﻢ