حكاية " جابتلك بالك "

قالك فمّا راجل ماتت زوجته و تركت وليّد صغير، كانت أمّه لاهية بيه و كيف ما يقولوا ساهرة عليه ليالي و بايعة النوم غالي و الوليّد ماشاء الله عليه، نظيف و شباب، لكن وقت ماتت أمّه، الولد ضاع، الجوع و الشر و الوسخ ( حاشاكم ) عامل فيه.
هيّا سي الراجل قال لازمني نعرّس من جديد منها نلقى مرأة تتلاهالي و تردّ بالها على ولدي و منها أا ما نقعدش وحدي هجّال، هيّا يا سيدي مختصر الكلام الراجل عرّس بمرأة و أصبح عروس..
لكن زوجته كانت تكره هاك الوليد الصغير و تبخر بريحتو، و خاصة وقت جابت 2 صغار، كانت تتلاهى بيهم، توكلهم و تلبسهم و تغسللهم و في الليل تتفقدهم و تغطيهم على البرد، لكن الولد كان مسكين لا تدور بيه و لا تتفقدو و كانت فالحة كانت تخدّم فيه، جيبلي، أعمل كذا و جيب كذا..

نهار المرأة فدّت و قالت ما يساعدنيش يُقعد هالولد هذا في الدار، لازم نعملو عملة يهمل و ما عادش يرجع للدار. قعدت تخمم تخمم أش باش تعمل..
نهار قالتلو إيجا يا طفل، إسمعني هاو دينار و إمشي جيبلي " بالك " .. الولد مازال صغير و ما يعرفش مليح و عقلو مازال صغير إعتقد أنو " بالك " هذا قضية أو حاجة .. قالها لله يباركو و خرج الصغير..
هيّا وصل للعطّار الأول قالو أعطيني " بالك " ، العطّار بدأ يضحك و قال لا لا ما عنديش إمشي شوف أحد أخر يا وليدي.. هيّا مشى للعطار الأخر و نفس الشيء.. الوليّد الحانوت يلّي يدخلو و يقولو أعطيني " بالك " يبدأ يضحك و يقولو لا ما عنديش إمشي شوف أحد أخر.. و سي الولد تعب و دارها من حانوت لحانوت و من زنقة لزنقة و من حومة لحومة.. حفات ساقيه و تعب و لكن خايف ما ينجمش يرجع للدار من غير ما يجيب أش قاتلو زوجة أبوه..
حتى عشّات العشية و الدنيا بدات تظلام.. و الصغير مازال يدور و يسأل.. حتى وصل لزنقة يشوف في أولاد صغار يلعبوا، و يسمع فيهم يقولوا " بالك " "ردّ بالك " و يجروا يهربوا و يعاودوا يصيحوا " بالك" بالك " ..
قال أخيرا لقيت " بالك " و مشالهم قُرب منهم يلقاهم ملمومين و يخزروا للأرض و فمّا حاجة تمشي و هازة حاجة الفوق و هوما يقولو " بالك تمسّها " " بالك هاني قريبة منك ردّ بالك ".. قال هذه هيّ " بالك " و قالهم نعطيكم دينار و تعطوهالي ؟ في هاك الوقت دينار يجيب شبعة حلوى و قطانيا و شكلاطة.. قالولوا باهي و حاطوهالو في كاغط و قالولا هاك و ردّ بالك..
مشى هاك الوليّد يجري فرحان روّح للدار، يلقى زوجة أبوه، قالها هاو لقيتلك " بالك " خوذ ..
المرأة أخذت الكاغط من عند الولد و ما فيبالهاش يلّي فيه " عقرب " و هيّ حلاتو و هاك العقرب تقولها هاو متاعك، لسعتها لسعة جابتها مطيشة، قام الصياح، جاء الراجل يجري، ما وصل إلا ما ماتت المرأة ..

و كيف ما قال سي البشير باباي من إخوانّا في أكودة : " جِبتلك بالك و بفلوسك شريتهالك، فاعل الخير يعيش متهنّي و فاعل الشر يموت هالك " ..
وفات الحكاية

ﺣﻜﺎﻳﺔ " ﺑﻨﺖ ﺍﻟﺴﻠﻄﺎﻥ ﻭ ﺍﻟﻤﻜﺘﻮﺏ

ﺤﻜﻴﻮ ﻋﻠﻰ ﺳﻠﻄﺎﻥ، ﻭ ﻣﺎ ﺳﻠﻄﺎﻥ ﺇﻻ ﺍﻟﻠﻪ، ﻋﻨﺪﻭ ﺑﻨﺘﻮ ﺇﻻ ﻫﻲ،ﻫﺎﻙ ﺍﻟﻄﻔﻠﺔ ﻛﺒﺮﺕ ﻭ ﺻﺎﺭ ﻭﻗﺖ ﺯﻭﺍﺟﻬﺎ، ﻟﻜﻦ ﻣﺎ ﺧﻄﺒﻬﺎ ﺣﺘﻰ ﺃﺣﺪﻭ ﻣﺎ ﺧﺰﺭﻟﻬﺎ ﺣﺘﻰ ﺃﺣﺪ، ﺣﺘﻰ ﺣﺎﺭ ﺍﻟﺴﻠﻄﺎﻥ ﻭ ﻗﺎﻝ ﻻ ﺃﻣﺮﺍﺀ ﻭ ﻻﺃﻭﻻﺩ ﻭﺯﺭﺍﺀ ﻭ ﻻ ﺃﻭﻻﺩ ﺃﻋﻴﺎﻥ ﻭ ﻻ ﺃﻭﻻﺩ ﺗﺠّﺎﺭ ﺗﻘﻮﻝ ﻣﺎ ﻳﻌﺮﻓﻮﺵﻳﻠّﻲ ﻋﻨﺪﻱ ﻃﻔﻠﺔ ﻣﺎﺷﺎﺀ ﺍﻟﻠﻪ ﻋﻠﻴﻬﺎ .. ﻭ ﻗﺎﻝ ﺣﺘﻰ ﻣﻦ ﺍﻟﻮﺯﻳﺮﻣﺘﺎﻋﻲ ﻣﺎﻋﻨﺪﻭﺵ ﺃﻭﻻﺩ ﺍﻟﻌﺰّﺍ ﻭ ﺇﻻ ﻧﻠﺰﻣﻮ ﺑﻴﻬﺎ ﻟﻮﺍﺣﺪ ﻣﻦ ﺃﻭﻻﺩﻩ ..ﻧﻬﺎﺭ ﻗﺎﻝ ﺍﻟﺴﻠﻄﺎﻥ ﻟﻠﻮﺯﻳﺮ : ﻳﺎ ﻭﺯﻳﺮ ﺩﺑّﺮ ﻋﻠﻴﺎ ﺃﺵ ﻧﻌﻤﻞ ﺑﻨﺘﻲﻛﺒﺮﺕ ﻭ ﻛﻞ ﺃﻧﺪﺍﺩﻫﺎ ﻣﺘﺰﻭﺟﻴﻦ ﻭ ﺃﻧﺎ ﻣﺎ ﺣﺐ ﺣﺘﻰ ﺃﺣﺪ ﻳﺠﻲﻳﺨﻄﺒﻨﻲ ﻓﻴﻬﺎ ؟ﻗﺎﻝ ﺍﻟﻮﺯﻳﺮ : ﻳﺎ ﺳﻴﺪﻱ ﺍﻟﺴﻠﻄﺎﻥ ﺗﻲ ﻣﺎ ﺗﺨﺎﻓﺶ ﺃﻛﻴﺪ ﻣﻜﺘﻮﺑﻬﺎﻣﺎﺯﺍﻝ .. ﻗﺎﻝ ﺍﻟﺴﻠﻄﺎﻥ : ﺗﻲ ﻳﺰّﻱ ﻣﻦ ﺧﺮﺍﻳﻒ ﺍﻟﻌﺰﺍﻳﺰ ﻗﺎﻟﻮﻣﻜﺘﻮﺏ ﻣﺘﺎﻋﻚ ..ﻫﻴﺎ ﻳﺎ ﺳﻴﺪﻱ ﻛﻞ ﻳﻮﻡ ﻭﻱ، ﺍﻟﺴﻠﻄﺎﻥ ﻳﺠﺒﺪ ﺍﻟﺤﻜﺎﻳﺔ ﻟﻠﻮﺯﻳﺮ ، ﺍﻟﻮﺯﻳﺮﻳﻘﻮﻝ ﻳﺎ ﺳﻴﺪﻱ ﻣﻜﺘﻮﺑﻬﺎ ﻣﺎﺯﺍﻝ ﻣﺎﺟﺎﺵ .. ﺣﺘﻰ ﻫﺎﻙ ﺍﻟﺴﻠﻄﺎﻥ ﺑﺪﺃﻳﺮﺟﻌﻠﻮ ﺷﺎﻫﺪ ﺍﻟﻌﻘﻞ ﻭ ﻳﺼﺪﻕ ﻓﻲ ﺍﻟﻮﺯﻳﺮ ﻭ ﻧﻬﺎﺭ ﻗﺎﻝ : ﻳﺎ ﻭﺯﻳﺮﻫﻴﺎ ﺑﺎﺵ ﻧﻤﺸﻲ ﻧﻔﺘﺶ ﻧﺒﺤﺚ ﻋﻠﻰ ﻣﻜﺘﻮﺏ ﺑﻨﺘﻲ .. ﺍﻟﻮﺯﻳﺮ ﺣﺎﺭ ﻭﻗﺎﻝ : ﻛﻴﻔﺎﻩ ﻳﺎ ﺳﻴﺪﻱ ﻫﻮ ﻳﺠﻲ ﻣﻨّﻮ ﻭﺍﺣﺪ ﻳﻤﺸﻲ ﻳﻠﻮّﺝ ﻋﻠﻰﻣﻜﺘﻮﺏ ؟ﻟﻜﻦ ﺳﻠﻄﺎﻥ ﻛﻲ ﻳﻘﻮﻝ ﻛﻠﻤﺔ ﻣﺎﻋﺎﺩﺵ ﻓﻴﻬﺎ، ﻭ ﺭﻛﺒﻮ ﻋﻠﻰ ﺍﻟﺨﻴﻞ ﻭﺷﺪّﻭ ﺍﻟﺜﻨﻴﺔ .. ﻣﺎﺷﻴﻦ ﻣﺎﺷﻴﻦ ﺳﺎﻳﺮﻳﻦ ﻋﻠﻰ ﺍﻷﺭﺽ ﻏﺎﻳﺮﻳﻦ .. ﺣﺘﻰﻟﻴﻦ ﻭﺻﻠﻮ ﻟﺘﺤﺖ ﺟﺒﻞ ﻳﺸﻮﻓﻮ ﻓﻲ ﺭﺍﺟﻞ ﻋﺠﻮﺯ ﻟﺤﻴﺘﻮ ﻓﻮﻕ ﺻﺪﺭﻭﻛﻴﻒ ﺳﺒﺎﻳﻚ ﺍﻟﻔﻀﺔ ﻭ ﻓﻲ ﺇﻯﺪﻭ ﻗﻠﻢ ﻭ ﻋﻨﺪﻭ ﺃﻭﺭﺍﻕ ﻳﻘﺺ ﺍﻟﻮﺭﻗﺔﻭ ﻳﻜﺘﺐ ﻓﻮﻗﻬﺎ ﻛﻠﻤﺘﻴﻦ ﻭ ﻳﻘﻮﻝ ﻫﺬﺍ ﻣﻜﺘﻮﺏ ﻓﻼﻧﺔ ﺑﻨﺖ ﻓﻼﻥ ﻭﺑﻴﻨﻔﺦ ﻋﻠﻴﻬﺎ ﺇﻳﻄﻴﺮﻫﺎ، ﻭ ﻳﺎﺧﺬ ﻭﺭﻗﺔ ﺃﺧﺮﻯ ﻭ ﻧﻔﺲ ﺍﻟﺸﻲﺀ ﻭ ﻳﻘﻮﻝﻫﺬﺍ ﻣﻜﺘﻮﺏ ﻓﻼﻧﺔ ﺑﻨﺖ ﻓﻼﻥ ﻭ ﻳﻨﻔﺦ ﻋﻠﻴﻬﺎ ﺇﻳﻄﻴﺮﻫﺎ ..ﻭﻗﻒ ﺍﻟﺴﻠﻄﺎﻥ ﻭ ﻗﺎﻝ ﻟﻠﻮﺯﻳﺮ : ﺇﻣﺸﻲ ﺇﺳﺄﻟﻮ ﻋﻠﻰ ﻣﻜﺘﻮﺏ ﺑﻨﺘﻲﻗﻮﻟﻮ ﻓﻼﻧﺔ ﺑﻨﺖ ﺍﻟﺴﻠﻄﺎﻥ ﺍﻟﻔﻼﻧﻲ .. ﻫﺒﻂ ﺍﻟﻮﺯﻳﺮ ﻣﻦ ﻓﻮﻕ ﺍﻟﺤﺼﺎﻥﻭ ﻣﺸﻰ ﻟﻬﺎﻙ ﺍﻟﺮﺍﺟﻞ ﺍﻟﻌﺠﻮﺯ ﻭ ﻗﺎﻟﻮ ﺑﺮﺑﻲ ﻣﻜﺘﻮﺏ ﻓﻼﻧﺔ ﺑﻨﺖﺍﻟﺴﻠﻄﺎﻥ ﺍﻟﻔﻼﻧﻲ ؟ﻫﺰ ﺍﻟﺸﺎﻳﺐ ﺭﺍﺳﻮ ﺍﻟﻔﻮﻕ ﻟﻠﺠﺒﻞ ﻭ ﻗﺎﻟﻮ ﺭﻳﺖ ﻫﺎﻙ ﺍﻟﻤﺮﺃﺓ ﺍﻟﻌﺮﺑﻴﺔﻳﻠّﻲ ﺗﺠﻤﻊ ﻓﻲ ﺍﻟﺤﻄﺐ ﻫﺎﺫﻳﻜﺎ ﺑﺎﺵ ﺗﻮﻟﺪ ﻭ ﻳﻠّﻲ ﺑﺎﺵ ﺗﻮﻟﺪﻭ ﺑﺎﺵﻳﺎﺧﺬ ﺑﻨﺖ ﺍﻟﺴﻠﻄﺎﻥ ..ﺭﺟﻊ ﺍﻟﻮﺯﻳﺮ ﻟﻠﺴﻠﻄﺎﻥ ﻭ ﻗﺎﻟﻮ ﻳﺎ ﺳﻴﺪﻱ ﺭﺍﻫﻮ ﻗﺎﻝ ﻫﺎﻙ ﺍﻟﻤﺮﺃﺓ ﻳﻠﻲﺗﺠﻤﻊ ﻓﻲ ﺍﻟﺤﻄﺐ ﺑﺎﺵ ﺗﻮﻟﺪ ﻭ ﻭﻟﺪﻫﺎ ﺑﺎﺵ ﻳﺘﺰﻭﺝ ﺑﻨﺘﻚ، ﺣﻤﺎﺭﺕﻋﻴﻨﻴﻦ ﺍﻟﺴﻠﻄﺎﻥ ﻭ ﻋﺮﻕ ﺍﻟﻐﻀﺐ ﻧﺰﻝ ﺑﻴﻦ ﻋﻴﻨﻴﻪ ﻭ ﻗﺎﻝ ﺷﻨﻮﺍ ﺃﻧﺎﺍﻟﺴﻠﻄﺎﻥ ﺍﻟﻔﻼﻧﻲ ﻭ ﻣﺎ ﺃﺩﺭﺍﻙ ﺑﻨﺘﻲ ﻳﺎﺧﺬﻫﺎ ﻭﻟﺪ ﻣﺮﺃﺓ ﻋﺮﺑﻴﺔ ﺗﺠﻤﻊﻓﻲ ﺍﻟﺤﻄﺐ ﻓﻲ ﺍﻟﺠﺒﻞ ؟ ﻗﺎﻝ ﺍﻟﻮﺯﻳﺮ : ﻳﺎ ﺳﻴﺪﻱ ﻣﻜﺘﻮﺏ، ﻗﺎﻝﺍﻟﺴﻠﻄﺎﻥ ﻳﺎ ﻭﺯﻳﺮ ﺍﻣﺸﻲ ﺃﺧﻠﻂ ﻋﻠﻴﻬﺎ ﻫﺎﻙ ﺍﻟﻤﺮﺃﺓ ﻭ ﻗﺼﻮﻟﻬﺎ ﺭﺃﺳﻬﺎﺑﺎﺵ ﺗﻤﻮﺕ ﻭ ﻧﺮﺗﺎﺡ ﻣﻦ ﻫﺎﻟﻤﺼﻴﺒﺔ ﻳﻠّﻲ ﺑﺎﺵ ﺗﺠﻴﺒﻮ ﻭ ﺑﺎﺵ ﻳﺎﺧﺬﺑﻨﺘﻲ ﻭ ﺃﺧﻠﻂ ﻋﻠﻴﺎ ﻭ ﺇﻧﻄﻠﻖ ﺍﻟﺴﻠﻄﺎﻥ ﻓﻲ ﺇﺗﺠﺎﻩ ﺍﻟﻘﺼﺮ، ﻭ ﺃﻣﺮﺍﻟﺴﻼﻃﻴﻦ ﻃﺎﻋﺔ ﻭ ﻫﺎﻙ ﺍﻟﻮﺯﻳﺮ ﻃﻠﻊ ﻟﻠﺠﺒﻞ ﻭ ﻭﺻﻞ ﻟﻠﻤﺮﺃﺓ ﻟﻘﺎﻫﺎﺗﺠﻤﻊ ﻓﻲ ﺍﻟﺤﻄﺐ ﻳﺠﺪ ﺍﻟﺴﻴﻒ ﻣﺘﺎﻋﻮ ﻭ ﻳﻀﺮﺑﻬﺎ ﺿﺮﺑﺔ ﻳﻘﺼﻠﻬﺎﺭﺃﺳﻬﺎ ﻣﺎﺗﺖ، ﺑﻌﺪ ﻣﺎ ﻣﺸﻰ ﺍﻟﻮﺯﻳﺮ ﺷﻮﻱ ﻭ ﻣﻨﻬﺎ ﻗﺎﻝ ﺍﻟﻮﺯﻳﺮ ﺑﻴﻨﻮﻭ ﺑﻴﻦ ﻧﻔﺴﻮ ﺍﻟﻠﻪ ﻏﺎﻟﺐ ﺍﻟﺴﻠﻄﺎﻥ ﺣﻜﻢ ﻭ ﺃﻧﺎ ﻣﺎ ﻧﺠﻤﺶ ﻧﺮﻓﺾ ﻭﻗﺎﻝ ﻫﺎﻟﻤﺴﻜﻴﻨﺔ ﻳﻠﻲ ﻣﺎﺗﺖ ﻣﻦ ﻏﻴﺮ ﺫﻧﺐ ﻋﻠﻰ ﺍﻷﻗﻞ ﻧﺪﻓﻨﻬﺎ ﺑﺎﺵﻣﺎ ﺗﺎﻛﻠﻬﺎﺵ ﺍﻟﺬﺋﺎﺏ ﻭ ﺍﻟﻀﺒﺎﻉ ﻓﻲ ﺍﻟﺠﺒﻞ، ﻭ ﻭﻟّﻲ ﺩﻭّﺭ ﺣﺼﺎﻥﻣﺘﺎﻋﻮ ﻭ ﺭﺟﻌﻠﻬﺎ ﻭ ﻫﻮ ﻭﺻﻞ ﺣﺬﺍﻫﺎ ﻭ ﻧﺤّﻰ ﺍﻟﺒﺮﻧﻮﺱ ﻣﺘﺎﻋﻮ ﺑﺎﺵﻳﻠﻔّﻬﺎ ﻓﻴﻪ ﻣﺜﻞ ﺍﻟﻜﻔﻦ ﻭ ﻳﻠﻘﻰ ﻭﻟﺪ ﺻﻐﻴﺮ ﺗﺤﺘﻬﺎ ﻳﺒﻜﻲ، ﻗﺪﺭﺓ ﺭﺑّﻲﻓﻲ ﻫﺎﻙ ﺍﻟﻐﺼﺮﺓ ﻣﺘﺎﻉ ﺍﻟﻤﻮﺕ ﺍﻟﻤﺮﺃﺓ ﺣﻀﺮ ﺭﺑّﻲ ﻭ ﺍﻟﻤﻼﺋﻜﺔ ﻭ ﻫﺎﻙﺍﻟﺼﻐﻴﺮ ﺧﺮﺝ ﻣﻦ ﺍﻟﻤﺮﺃﺓ، ﻗﺎﻝ ﺍﻟﻮﺯﻳﺮ ﺳﺒﺤﺎﻧﻚ ﻳﺎ ﺭﺑّﻲ ﻣﺎ ﺃﻋﻈﻢﺷﺎﻧﻚ، ﻭ ﺣﻔﺮ ﻗﺒﺮ ﺩﻓﻦ ﻓﻴﻪ ﻫﺎﻙ ﺍﻟﻤﺮﺃﺓ ﻭ ﻟﻒّ ﻫﺎﻙ ﺍﻟﻮﻟﻴّﺪ ﺗﺤﺖﺫﺭﺍﻋﻪ ﻭ ﺭﻛﺐ ﻋﻠﻰ ﺍﻟﺤﺼﺎﻥ ﻭ ﺇﻧﻄﻠﻖ ﻓﻲ ﺇﺗﺠﺎﻩ ﺍﻟﻤﺪﻳﻨﺔ، ﻭ ﺭﻭّﺡﻟﻠﺪﺍﺭ ﻣﺘﺎﻋﻮ ﻭ ﺩﺧﻞ ﻟﻠﻤﺮﺃﺓ ﻣﺘﺎﻋﻮ ( ﻫﻲ ﺯﻭﺟﺘﻮ ﻣﺎ ﺗﺠﻴﺒﺶﺻﻐﺎﺭ ) ﻭ ﻗﺎﻝ ﺍﻟﻮﺯﻳﺮ : ﻳﺎ ﻣﺮﺍ ﺻﻴﺢ ﻭ ﻗﻮﻝ ﻳﺎ ﺭﺳﻮﻝ ﺍﻟﻠﻪ، ﻗﺎﺗﻠﻮﻛﻴﻔﺎﻩ ؟ ﻗﺎﻟﻬﺎ ﺑﺴﺮﻋﺔ ﺃﻃﻠﻊ ﻓﻮﻕ ﺍﻟﻔﺮﺵ ﻭ ﺻﻴﺢ ﻭ ﻧﺎﺩﻯ ﻟﻠﺨﺪّﺍﻡ ﻭﻗﺎﻟﻬﻢ ﺇﻣﺸﻮ ﺟﻴﺒﻮ ﺍﻟﻘﺎﺑﻠﺔ ﺯﻭﺟﺘﻲ ﺑﺎﺵ ﺗﻮﻟﺪ، ﻭ ﺣﻂ ﺑﺎﻟﺴﺮﻗﺔ ﻫﺎﻙﺍﻟﻮﻟﻴﺪ ﺍﻟﺼﻐﻴﺮ ﺑﺠﻨﺐ ﺯﻭﺟﺘﻪ ﻭ ﻗﺎﻣﺖ ﺍﻟﻤﺘﻔﺮﺣﺎﺕ ﻭ ﺍﻟﻨﺎﺱ ﺍﻟﻜﻞﺟﺎﺕ ﺳﺒﺤﺎﻥ ﺍﻟﺨﺎﻟﻖ ﺑﻌﺪ ﺳﻨﻴﻦ ﺯﻭﺟﺔ ﺍﻟﻮﺯﻳﺮ ﻭﻟﺪﺕ ﻭ ﺃﻧﺠﺒﺖﺻﻐﻴﺮ، ﻭ ﺍﻟﺤﺪﻳﺚ ﻋﻠﻰ ﻟﺴﺎﻥ ﺍﻟﻜﺒﻴﺮ ﻭ ﺍﻟﺼﻐﻴﺮ ..

ﺳﻤﻊ ﺍﻟﺴﻠﻄﺎﻥ ﺑﻌﺚ ﻧﺎﺩﻯ ﻟﻠﻮﺯﻳﺮ، ﻭ ﻗﺎﻝ : ﺷﻨﻮﺍ ﻳﺎ ﻭﺯﻳﺮ ﺑﺎﻟﺤﻖﺯﻭﺟﺘﻚ ﻭﻟﺪﺕ ؟ ﻣﺎ ﺳﻤﻌﻨﺎﺵ ﺑﻴﻬﺎ ﺣﺒﻠﺔ ؟ ﻗﺎﻝ ﺍﻟﻮﺯﻳﺮ : ﺇﻱ ﻧﻌﻢ ﻳﺎﺳﻴﺪﻱ ﻗﺪﺭﺓ ﺭﺑّﻲ ﻋﻈﻴﻤﺔ ﺑﻌﺪ ﻣﺎ ﻗﺮﻳﺐ ﻧﻴﺄﺳﻮ ﻣﻦ ﺃﻧﻪ ﺑﺎﺵ ﺇﻳﻮﻟﻲﻋﻨﺪﻧﺎ ﺻﻐﻴﺮ ﻭ ﻟﻜﻦ ﻓﻲ ﺍﻟﻤﺪﺓ ﺍﻷﺧﻴﺮﺓ ﻛﺮﺷﻬﺎ ﺑﺪﺍﺕ ﺗﻜﺒﺮ ﻟﻴﻦ ﻫﺎﻱﻭﻟﺪﺕ ﻭ ﻣﺎ ﻳﺼﻌﺐ ﻋﻠﻰ ﺭﺑّﻲ ﺷﻲﺀ ..ﻭ ﻣﺨﺘﺼﺮ ﺍﻟﻜﻼﻡ ﻳﺎ ﺃﺻﺤﺎﺑﻲ، ﻗﻌﺪ ﻫﺎﻙ ﺍﻟﻮﺯﻳﺮ ﻗﻌﺪ ﻳﺮﺑﻲ ﻓﻲﺍﻟﻮﻟﻴّﺪ ﻭ ﺣﺘﻰ ﻟﻴﻦ ﺇﺣﺒﻰ ﻭ ﺇﺩﺑﻰ ﻭ ﺷﺪ ﻋﻠﻰ ﺍﻟﺤﻴﻂ ﻭ ﺇﻣﺸﻰ ﻭ ﻛﺒﺮﻭ ﺟﺎﺑﻠﻮ ﺍﻟﻤﺪّﺏ ﻟﻠﺪﺍﺭ ﻭ ﻗﺮﻯ ﻭ ﺣﺘﻰ ﻟﻴﻦ ﻭﻟّﻰ ﺭﺍﺟﻞ ﺑﻠﻎ ﺍﻟﻌﺸﺮﻳﻦﺳﻨﺔ، ﻭ ﻧﻬﺎﺭ ﺍﻟﺴﻠﻄﺎﻥ ﺷﺎﻑ ﻭﻟﺪ ﺍﻟﻮﺯﻳﺮ ﻗﺎﻝ ﺗﺒﺎﺭﻙ ﺍﻟﻠﻪ ﺭﺑّﻲ ﺃﺵﻳﺨﻠﻖ ﻃﻔﻞ ﺳﻤﺢ ﺍﻟﺨﻠﻴﻘﺔ ﻭ ﺷﺒﺎﺏ ﻭ ﻗﺎﻝ ﺍﻟﺴﻠﻄﺎﻥ ﻧﺎﺩﻭﻟﻲﺍﻟﻮﺯﻳﺮ، ﻫﻴﺎ ﺟﺎﺀ ﺍﻟﻮﺯﻳﺮ ﻭ ﻗﺎﻝ ﺍﻟﺴﻠﻄﺎﻥ ﻫﻴﺎ ﺟﻴﺒﻮ ﺍﻟﻌﺪﻭﻝ ﻭ ﻗﺎﻝﻫﻴﺎ ﺇﻛﺘﺒﻮ ﺯﺩﺍﻕ ﻭﻟﺪ ﺍﻟﻮﺯﻳﺮ ﻋﻠﻰ ﺑﻨﺘﻲ .. ﻭ ﻳﺎ ﺳﻴﺪﻱ ﻟﻴﻠﺘﻬﺎ ﻣﺎﺑﺎﺗﻮ ﻛﺎﻥ ﻋﺮﻭﺱ ﻭ ﻋﺮﻭﺳﺔ ﻭ ﻣﺘﻔﺮﺣﺎﺕ ﻓﻲ ﺍﻟﻘﺼﺮ ﻭ ﻓﻲ ﺍﻟﺒﻼﺩﺍﻟﻜﻞ ..ﻭﻗﺘﻬﺎ ﺗﻠﻔﺖ ﺍﻟﻮﺯﻳﺮ ﻟﻠﺴﻠﻄﺎﻥ ﻭ ﻗﺎﻟﻮ ﻳﺎ ﺳﻴﺪﻱ ﻣﻜﺘﻮﺏ .. ﻗﺎﻝﺍﻟﺴﻠﻄﺎﻥ ﺷﻨﻮﺍ ﻣﻜﺘﻮﺏ ؟ ﻗﺎﻝ ﺍﻟﻮﺯﻳﺮ ﺗﺘﺬﻛﺮﺵ ﻫﺎﻙ ﺍﻟﻤﺮﺃﺓ ﺍﻟﻌﺮﺑﻴﺔﻳﻠﻲ ﻗﺎﻝ ﻋﻠﻴﻬﺎ ﺍﻟﺸﺎﻳﺐ ﻭ ﺇﻧﺖ ﻗﻮﺗﻠﻲ ﺃﻗﺘﻠﻬﺎ ﻭ ﺭﺍﻫﻮ ﺻﺎﺭ ﻫﻜﺎ ﻭﻫﻜﺎ ﻭ ﺣﻜﺎﻟﻮ ﺑﺘﻔﺎﺻﻴﻞ ﺍﻟﺤﻜﺎﻳﺔ ﺍﻟﻜﻞ ..ﻭ ﻫﺎﻙ ﺍﻟﺴﻠﻄﺎﻥ ﻗﻌﺪ ﺑﺎﻫﺖ ﻭ ﻗﺎﻝ ﺍﻟﻮﺯﻳﺮ : ﺍﻟﻤﻜﺘﻮﺏ ﻋﻠﻰ ﺍﻟﺠﺒﻴﻦﻻﺯﻡ ﺇﻳﺠﻲ ﻧﻬﺎﺭ ﻭ ﺗﺸﻮﻓﻮ ﺍﻟﻌﻴﻦ ..ﻭﻓﺎﺕ ﺍﻟﺤﻜﺎﻳﺔ ﺍﻥ ﺷﺎﺀ ﺍﻟﻠﻪ ﺗﻜﻮﻥ ﻋﺠﺒﺘﻜﻢ

 

ﺣﻜﺎﻳﺔ " ﺳﺎﻋﺔ ﻣﻦ ﺳﺎﻋﺎﺗﻮ ﺗِﻐﻨﻲ "

ﻳﺤﻜﻴﻮﺍ ﻓﻲ ﻗﺪﻳﻢ ﺍﻟﺰﻣﺎﻥ، ﻋﻠﻰ ﻭﺍﺣﺪ ﺧﺒّﺎﺯ، ﺍﻟﺨﺒّﺎﺯ ﺷﻨﻮﺍ ﺭﺍﺱﻣﺎﻟﻮ ﻓﻲ ﻫﺎﻙ ﺍﻟﺰﻣﺎﻥ ؟ ﻛﺎﺭﻱ ﺍﻟﻜﻮﺷﺔ، ﻭﻋﻨﺪﻭ ﻣﺨﺒﺰﻳﻦ ﻭ ﺍﻻﺛﻼﺛﺔ، ﻭﺳﺎﻋﺔ ﺳﺎﻋﺔ ﺣﻤﻞ ﺣﻄﺐ، ﻭﻳﻄﻴّﺐ ﻟﻠﻨﺎﺱ ﻓﻲ ﺧﺒﺰﻫﻢﺑﺎﻟﻜﺮﺍﺀ .ﻫﺎﻙ ﺍﻟﺨﺒّﺎﺯ ﻛﺎﻥ ﻓﻘﻴﺮ ﺣﺎﻝ، ﻳﻬﺰ ﺳﺎﻕ ﺗﻐﺮﻕ ﺳﺎﻕ، ﻻ ﺩﺍﺭ، ﻻﻣﺮﺃﺓ، ﻻ ﺻﻐﺎﺭ، ﺍﻟﻨﻬﺎﺭ ﺑﻄﻮﻟﻮ ﻳﺨﺪﻡ ﻓﻲ ﺍﻟﻜﻮﺷﺔ ﻭ ﻓﻲ ﺍﻟﻠﻴﻞﻳﺒﺎﺕ ﻳﺮﻗﺪ ﻓﻲ ﺍﻟﻜﻮﺷﺔ. ﻭ ﻫﺎﻙ ﺍﻟﺨﺒّﺎﺯ ﻋﻨﺪﻭ ﻃﻔﻞ ﺻﺎﻧﻊ ﻳﺨﺪﻡﻣﻌﺎﻩ ﻭ ﻛﻴﻔﻮ ﺯﺍﺩﻩ ﻫﻮ ﻣﺎ ﻋﻨﺪﻭ ﺣﺪ ﻓﻲ ﻫﺎﻟﺪﻧﻴﺎ، ﻭ ﺍﻟﺨﺒّﺎﺯ ﻭﺍﻟﺼﺎﻧﻊ ﺣﺎﻃﻴﻦ ﺍﻟﺮﻭﺱ ﻋﻠﻰ ﺑﻌﻀﻬﻢ .ﻛﻞ ﻧﻬﺎﺭ ﻛﻴﻒ ﻳﺠﻴﻮﺍ ﻳﺮﻣﻴﻮﺍ ﺍﻟﺨﺒﺰ، ﺍﻟﺼﺎﻧﻊ ﻳﺴﺘﻌﻮﺫ ﻣﻦ ﺍﻟﺸﻴﻄﺎﻥ،ﻋﻠﻰ ﺧﺎﻃﺮ ﺍﻟﺒﻼﻃﻪ ﺍﻟﻠﻲ ﻳﺴﺪﻭ ﺑﻴﻬﺎ ﺑﻴﺖ ﺍﻟﻨﺎﺭ ﺛﻘﻴﻠﺔ ﻋﻠﻴﻪ ﻭﻳﻘﻮﻝ : ﻳﺎ ﻋﺮﻓﻲ ﺃﺵ ﺧﺺ ﻟﻮ ﻛﺎﻥ ﻫﺬﻱ ﻭﺯﻧﻬﺎ ﺫﻫﺐ ؟ﻋﺮﻓﻮ ﻳﻌﻄﻴﻪ ﺑﺴﻄﺎﻛﺔ ﻋﻠﻰ ﺭﺍﺳﻮ ﻭ ﻳﻘﻮﻟﻮ : ﻣﺎ ﻃﻠﺒﺘﺶ ﺣﻔﻨﺔﺫﻫﺐ ﻭ ﺇﻻ ﺣﻔﻨﺘﻴﻦ ؟ ﺗﺤﺐ ﻭﺯﻥ ﺍﻟﺒﻼﻃﺔ ﺫﻫﺐ ؟ !ﻳﻘﻮﻟﻠﻮ: ﻳﺎ ﻋﺮﻓﻲ ﻳﻠﻲ ﻳﻄﻠﺐ ﺭﺑﻲ ﻳﻄﻠﺐ ﺑﺎﻟﻜﻤﺎﻝ. ﺭﺣﻤﺘﻮ ﻭﺍﺳﻌﺔ،ﻭﻣﺨﺎﺯﻧﻮ ﻣﻼﻳﺎ، ﻭ ﺳﺎﻋﺔ ﻣﻦ ﺳﺎﻋﺎﺗﻮ ﺗِﻐﻨﻲ، ﺃﺷﻜﻮﻥ ﻗﺎﻝ ﻟﻚ ﻳﻠﻲﻧﺤﻨﺎ ﺑﺎﺵ ﻧﻘﻌﺪﻭﺍ ﺩﻳﻤﺔ ﻓﻲ ﻫﺎ ﺍﻟﻬﺎﻧﺔ ﺍﻟﻔﻘﺮ ﻭ ﺍﻟﻤﻴﺰﻳﺮﻳﺎ ؟ ﺑﺎﻟﻚﻳﺠﻲ ﻧﻬﺎﺭ ﻭ ﺗﺘﻔﺮﻫﺪ ﺍﻻﺣﻮﺍﻝ. ﻛﻞ ﻧﻬﺎﺭ ﻓﻴﻦ ﻳﻌﺎﻭﺩ ﻫﺎﻟﻜﻼﻡ ﻳﺎﻛﻞﺍﺻﻄﺎﻛﺔ ﻣﻦ ﻋﻨﺪ ﻋﺮﻓﻮ

ﻳﺎ ﺳﻴﺪﻱ ﻫﺎﻙ ﺍﻟﺨﺒّﺎﺯ ﻣﺎ ﺗﻌﺪﺍﺗﺶ ﺍﻣﻮﺭﻭ ﻣﻠﻴﺢ ﻗﺪّﺭ ﻋﻠﻴﻪ ﺭﺑﻲﻓﻠﺲ، ﺳﻠّﻢ ﻓﻲ ﺍﻟﻜﻮﺷﺔ ﻭﺑﺎﻉ ﺍﻟﻤﺨﻴﺒﺰﺍﺕ، ﻭﻃﺮﻑ ﺍﻟﺤﺼﻴﺮﺓ ﺍﻟﻠﻲﻋﻨﺪﻭ، ﻭﺍﻟﺤﻄﺐ ﻳﻠﻲ ﺗﺒﻘﺎﻟﻮ ﻭ ﻗﺎﻝ: ﺇﺫﺍ ﻣﺎ ﻭﺍﺗﺎﺗﻜﺶ ﺑﻼﺩ ﺑﺪّﻝﺑﺄﺧﺘﻬﺎ ﻭﻟﻮ ﻛﺎﻥ ﺣﺠﺮﻫﺎ ﺯﻣﺮﺩ ﻭﻳﺎﻗﻮﺕ . ﻫﺎﻙ ﺍﻟﺼﺎﻧﻊ، ﻳﺎ ﻋﺮﻓﻲﻛﻴﻔﺎﺵ ﺗﻤﺸﻲ ﻋﻠﻲ؟ ﻟﺸﻜﻮﻥ ﺗﺨﻠﻴﻨﻲ؟ ﻗﺎﻝ ﻟﻮ: ﻭﻟﻴﺪﻱ ﻓﻴﻬﺎ ﻣﺪﺑّﺮﺣﻜﻴﻢ، ﻭﻳﻠﻲ ﻳﺨﻠﻖ ﻣﺎ ﻳﻀﻴّﻊ، ﻭﻋﻠﻰ ﻛﻞ ﺣﺎﻝ ﻣﺎﻙ ﺩﻳﻤﺎ ﺗﻘﻮﻝ :ﺳﺎﻋﺔ ﻣﻦ ﺳﺎﻋﺎﺗﻮ ﺗِﻐﻨﻲ، ﻟﻌﻞ ﻳﺠﻴﺒﻚ ﺭﺑﻲ ﻓﻲ ﺳﺎﻋﺔ ﺳﻌﻴﺪﺓ.ﺧﻼﻟﻮ ﻛﻴﻒ ﻣﺎ ﻧﻘﻮﻟﻮ ﺯﻭﺯ ﻓﺮﻧﻚ ﺑﺎﺵ ﻳﺪﺑﺮ ﺭﺍﺳﻮ ﺣﺘﻰ ﻳﻨﻮﺏ ﻋﻠﻴﻪﺭﺑﻲ ﺑﺨﺪﻣﺔ، ﻭﺷﺪ ﺍﻟﺜﻨﻴ

ﻗﻌﺪ ﻫﺎﻙ ﺍﻟﻮﻟﺪ ﻭﺣﺪﻭﻳﺪﻭﺭ ﻣﻦ ﺳﻮﻕ ﻟﺴﻮﻕ، ﻭ ﻳﻔﺼّﻞ ﻓﻲﺍﻟﻨﻬﻮﺟﺎﺕ ﻭﻳﺨﻴّﻂ ﻓﻲ ﺍﻟﺰﻧﺎﻗﻲ . ﻭﻓﺎﺗﻠﻮ ﻫﺎﻙ ﺯﻭﺯ ﻓﺮﻧﻚ، ﻭﻗﻒ ﻓﻲﺑﺎﺏ ﺍﻟﺒﻼﺩ ﻳﺴﺘﻨﻰ ﺛﻤﺎﺷﻲ ﻣﺎ ﻳﺠﻲ ﺣﺪ ﻳﺨﺪﻣﻮ. ﺍﻟﻨﻬﺎﺭ ﺍﻻﻭﻝ،ﺍﻟﺜﺎﻧﻲ، ﺍﻟﺜﺎﻟﺚ، ﻧﻬﺎﺭ ﻫﻮ ﻭﺍﻗﻒ ﻭﻫﺎ ﺍﻟﺮﺍﺟﻞ ﻭﻗﻒ ﻋﻠﻴﻪ ﻗﺎﻝ :ﺗﺨﺪﻡ ﻳﺎ ﻭﻟﺪﻱ ؟ﻗﺎﻟﻮ : ﺑﻴﻦ ﻳﺪﻳﻚ ﻳﺎ ﺑﺎﺑﺎ . ﻗﺎﻟﻮ : ﺗﺒﻌﻨﻲ . ﺑﺪﺍ ﺍﻟﺮﺍﺟﻞ ﻣﺎﺷﻲ ﻭ ﻫﻮﻓﻲ ﺟﺮﺗﻮ، ﺷﻘﻮﺍ ﺑﺎﺏ ﺳﻮﻳﻘﺔ، ﺍﻟﻤﺪﻳﻨﺔ، ﻭﺻﻠﻮ ﻛﻴﻒ ﻣﺎ ﻧﻘﻮﻟﻮﻟﺒﻄﺤﺔ ﺭﻣﻀﺎﻥ ﺑﻲ، ﺩﺧﻠﻮﺍ ﻟﺰﻧﻘﺔ .ﻭﻗﻒ ﺍﻟﺮﺍﺟﻞ ﻗﺪﺍﻡ ﺩﺍﺭ ( ﺑﺎﺏ ﻛﺒﻴﺮ ﺑﺎﻟﻘﻤﺠﺔ، ﻇﺎﻫﺮﺓ ﺩﺍﺭ ﺃﻛﺎﺑﺮ)ﺟﺒﺪ ﺍﻟﻤﻔﺘﺎﺡ ﺣﻞ، ﻗﺎﻟﻮ ﺃﺩﺧﻞ ﻳﺎ ﻭﻟﺪﻱ، ﺩﺍﺭ ﻣﺘﺎﻉ ﺃﻛﺎﺑﺮ ﺟﻠﻴﺰ ﻭﻣﺮﻣﺮ ﻭ ﺭﺧﺎﻡ ﻭ ﺃﺑﻨﺎﻙ ﻭﺯﺭﺍﺑﻲ ﻣﺪﻗﻮﻗﺔ ﻓﻲ ﺍﻟﺤﻴﻮﻁ، ﺑﻴﻮﺕ ﺗﻘﻮﻝﺳﺮﺍﻳﺎ ﻣﺘﺎﻉ ﻗﺼﺮ. ﻫﻴﺎ ﻭﺻﻠﻮﺍ ﻟﻮﺳﻂ ﺍﻟﺪﺍﺭ : ﺧﺼّﺔ ﺗﻔﻴﻊ ﺑﺎﻟﻤﺎﺀ، ﻭﺑﻴﻮﺕ ﻣﺘﻨﺎﻇﺮﻳﻦ ﻭﺳﻂ ﺩﺍﺭ ﻃﺎﻭﻟﺔ ﻣﻨﺼﻮﺑﺔ. ﻗﺎﻝ ﺍﻟﺮﺍﺟﻞ: ﺍﻳﺠﻰ ﻳﺎﻭﻟﺪﻱ ﺍﻓﻄﺮ ﺍﻟﺴﺎﻋﺔ ﺣﻂ ﻟﻮ ﺍﻟﻔﻄﻮﺭ، ﻓﻄﺮ، ﺷﺒﻊ، ﺗﺤﻤﺪ ﻭﺗﺸﻜﺮ،ﻗﺎﻝ ﻟﻮ : ﺍﻳﺎ ﺗﻮﻩ ﻳﺎ ﻭﻟﺪﻱ : ﺧﺮﺟﻮ ﻟﻮﺳﻂ ﺍﻟﺪﺍﺭ، ﺛﻤﺔ ﺑﻼﻃﺔ،ﻗﺎﻟﻠﻮ: ﻫﺰﻫﺎ . ﻫﺰﻫﺎ ﺗﺤﺘﻬﺎ ﻣﻄﻤﻮﺭ، ﺑﻼﻃﺔ ﺍﺧﺮﻯ ﻟﻐﺎﺩﻱ ﻣﻨﻬﺎ ﻗﺎﻝﻟﻮ: ﻫﺰ ﻫﺬﻳﻜﺎ ﺯﺍﺩﺓ، ﻫﺰﻫﺎ : ﺍﻟﻤﻄﻤﻮﺭ ﺍﻷﻭﻻﻧﻲ ﻣﻠﻴﺎﻥ، ﻭ ﺍﻟﺜﺎﻧﻲﻓﺎﺭﻍ. ﺍﻟﻤﻠﻴﺎﻥ، ﻣﻠﻴﺎﻥ ﺑﺎﻟﺬﻫﺐ ﻭ ﺍﻟﻠﻮﻳﺰ ﻟﻠﻔﻢ ﻛﻴﻤﺎ ﻳﻌﻄﻴﻨﺎ ﻭ ﻳﻌﻄﻴﻜﻢﻣﻦ ﺭﺯﻕ ﺍﻟﺤﻼﻝ ﺍﻟﻄﻴﺐ ! ﻗﺎﻟﻮ ﺣﺘﻰ ﺣﺪ ﻣﺎ ﻳﻌﺮﻑ ﺑﻬﺎﻟﻤﻄﻤﻮﺭ ﻛﺎﻥﺇﻧﺖ ﺭﺩ ﺑﺎﻟﻚ ﺗﻌﺎﻭﺩ ﻟﺤﺪ . ﺟﺎﺑﻠﻮ ﺷﻜﺎﺭﺓ ﻧﺨﺎﻟﺔ ﺻﺒّﻬﺎ ﺑﺤﺬﺍﻩ ﻭﻗﺎﻟﻠﻮ : ﺇﺟﺒﺪ ﻣﻦ ﺛﻤﺔ، ﻭ ﺇﻣﺴﺢ ﺑﺎﻟﻨﺨﺎﻟﺔ، ﻭ ﺃﺭﻣﻲ ﻓﻲ ﻫﺎﻙ ﺍﻟﻔﺎﺭﻍﺣﺘﻰ ﻳﺘﻌﺒﻰ، ﻭﻓﻄﻮﺭﻙ ﻭﻋﺸﺎﻙ ﻭﻓﺮﺷﻚ ﻫﻮﻧﻲ، ﻭﻧﻬﺎﺭ ﻳﻠﻲ ﺗﻜﻤﻞﻧﻌﻄﻴﻚ ﻳﻠﻲ ﻳﺮﺿﻴﻚ .ﺗﻮﻛﻞ ﺑﺎﻟﻠﻪ ﺍﻟﻮﻟﺪ ﻳﺨﺪﻡ ﺍﻟﻨﻬﺎﺭ ﺍﻟﻜﻞ ﻭ ﻫﻮ ﻗﺎﻋﺪ ﻓﻲ ﺍﻟﻘﺎﻋﺔ ﻭﺣﺎﻟﻞﺳﺎﻗﻴﻪ، ﻳﻄﻠﻊ ﺑﺎﻟﻘﻔﺔ ﻭ ﻳﺼﺐ ﻗﺪﺍﻣﻮ ( ﻟﻮﻳﺰ ﺃﺧﻀﺮ ﻣﺨﺰﺯ ) ﻳﻤﺴﺢ ﻭﻳﺤﻚ ﺍﻟﻜﻌﺒﺔ ﻳﻠﻲ ﺗﻨﻈﺎﻑ ﻭﺗﻮﻟﻲ ﺗﺒﺮﻕ ﺑﺮﻳﻖ، ﻳﺸﻴّﻌﻬﺎ ﻓﻲ ﺍﻟﻤﻄﻤﻮﺭﺍﻻﺧﺮ ﻭ ﺍﻟﺪﺍﺭ ﻣﺴﻜﺮﺓ ﻭ ﺍﻟﺮﺍﺟﻞ ﺳﺎﻋﺔ ﺳﺎﻋﺔ ﺇﻳﺠﻲ ﻳﻄﻞ ﻋﻠﻴﻪ،ﻭﺍﻟﻔﻄﻮﺭ ﻭﺍﻟﻌﺸﺎﺀ ﺛﻤﻴﻜﺔ، ﺣﺘﻰ ﻭﻓﺎﺕ ﺍﻟﺨﺪﻣﺔ، ﺣﺎﺳﺒﻮ ﻭ ﺯﺍﺩﺃﺣﺴﻦ ﻟﻮ، ﻭﻣﺸﻰ ﻋﻠﻰ ﻧﻔﺴﻮ

ﺪﻯ ﻳﻘﺴﻂ ﻓﻲ ﻫﺎﻙ ﺍﻟﻔﻠﻴﺴﺎﺕ ﻭ ﻳﺪﺑّﺮ ﻓﻲ ﺭﺍﺳﻮ، ﻣﺮﺓ ﻳﺤﻤﻞﺣﻤﻴﻠﺔ، ﻭﻣﺮﺓ ﻳﺠﻴﺒﻮ ﺗﺎﺟﺮ ﻳﻜﻨﺴﻠﻮ ﺍﻟﺤﺎﻧﻮﺕ، ﻭﻣﺮﺓ ﻭﺍﺣﺪ ﻳﻘﻀﻴﻪﻗﻀﻴﺔ، ﺑﺮﻩ ﻳﺎ ﺯﻣﺎﻥ، ﻭﺍﻳﺠﺎ ﻳﺎ ﺯﻣﺎﻥ، ﻧﻬﺎﺭ ﺳﻤﻊ ﻓﻲ ﺍﻟﺪﻻﻝ ﻳﺪﻟﻞﻋﻠﻰ ﺩﺍﺭ، ﻗﺎﻝ ﺩﺍﺭ ﻓﻲ ﺍﻟﺤﻮﻣﺔ ﺍﻟﻔﻼﻧﻴﺔ. ﺟﺎﺀ ﻳﻨﺸﺪ ﻗﺎﻟﻮﺍ ﻟﻮ :ﻫﺬﻱ ﺩﺍﺭ ﺳﻲ ﻓﻼﻥ ﻣﺎﺕ ﻭﻣﺎ ﺧﻠﻰ ﺣﺪ , ﺳﻲ ﻓﻼﻥ ﻳﻠّﻲ ﺧﺪﻡ ﻋﻨﺪﻭ( ﻣﺘﺎﻉ ﺍﻟﻤﻄﻤﻮﺭ ﺍﻟﻤﻌﺒﻲ ﺑﺎﻟﺬﻫﺐ ) : ﺑﺎﺵ ﺗﺘﺒﺎﻉ ﻟﺒﻴﺖ ﺍﻟﻤﺎﻝ .ﻣﺎﺷﻴﻦ ﺍﻟﻨﺎﺱ ﻣﻊ ﺍﻟﺪﻻﻝ ﺑﺎﺵ ﻳﻘﻠﺒﻮﺍ ﻭﻳﺘﻔﺮﺟﻮﺍ ﻣﻦ ﺑﻴﺖ ﻟﺒﻴﺖ،ﺗﺨﻠّﻒ ﻫﻮ ﻓﻲ ﺑﻴﺖ، ﺧﺮﺟﻮﺍ ﺍﻟﻨﺎﺱ ﻗﻌﺪ ﺛﻤﻪ، . ﺑﺎﺏ ﺍﻟﺪﺍﺭ ﺗﺴﻜﺮ،ﻭﻫﻮ ﺧﺮﺝ ﻳﺠﺮﻱ ﻟﻬﺎﻙ ﺍﻟﻤﻄﻤﻮﺭ، ﻫﺰ ﺍﻟﺒﻼﻃﻪ ﻳﻠﻘﺎﻩ ﺑﺄﻣﺎﻧﺘﻮ. ﺑﺎﻟﻠﻮﻳﺰﻟﻠﻔﻢ ﻳﺨﻄﻒ ﺍﻻﻧﻈﺎﺭ.

ﻫﺰ ﺍﻟﺒﻼﻃﻪ ﻳﻠﻘﺎﻩ ﺑﺄﻣﺎﻧﺘﻮ ﺑﺎﻟﻠﻮﻳﺰ ﻟﻠﻔﻢ ﻳﺨﻄﻒ ﺍﻷﻧﻈﺎﺭ، ﻋﺒﻰﻣﻜﺎﺗﺒﻮ. ﺍﻟﺒﺎﺏ ﻣﺴﻜﺮ ﻣﺎ ﻳﻨﺠﻤﺶ ﻳﺨﺮﺝ، ﻗﻌﺪ ﺑﺎﺕ، ﻣﻦ ﻏﺪﻭﻳﻜﺎﺭﺟﻊ ﺍﻟﺪﻻﻝ ﺟﺎﻳﺐ ﻧﺎﺱ ﺍﺧﺮﻳﻨﺎ ﻳﻘﻠﺒﻮﺍ ﻓﻲ ﺍﻟﺪﺍﺭ، ﺩﺧﻞ ﻫﻮ ﻓﻲﻭﺳﻂ ﺍﻟﻨﺎﺱ. ﻗﺎﻝ ﺍﻟﺪﻻﻝ ﺑﺎﺏ ﺭﺑﻲ، ﺑﺪﺍﻭﺍ ﺍﻟﻨﺎﺱ ﻳﺘﺰﺍﻳﺪﻭﺍ، ﺗﻘﺪﻡﻫﺎﻭ ﻳﺰﻳﺪ ﻣﻌﺎﻫﻢ ﻃﺎﺡ ﻋﻠﻴﻪ ﺍﻟﺴﻮﻡ . ﺟﺒﺪ ﺍﻟﻔﻠﻮﺱ ﻭﺩﻓﻊ ﻭ ﺧﺬﺍﺍﻟﻤﻔﺎﺗﺢ، ﻭﺧﺮﺝ ﻣﻊ ﺍﻟﺪﻻﻝ، ﻗﻴّﺪ ﺍﻟﺪﻻّﻝ ﻋﻨﺪ ﺍﻟﻌﺪﻭﻝ : ﺻﺒﺤﺖﺍﻟﺪﺍﺭ ﻣﻠﻜﻮ ﻭ ﺭﺯﻗﻮ ﻭ ﺣﻼﻟﻮ. ﻣﺸﻰ ﻟﻠﺴﻮﻕ، ﺷﺮﻯ ﺳﺒﻌﻪ ﻭ ﺍﻻﺛﻤﺎﻧﻴﺔ ﺧﺰﻧﺎﺕ ﻣﻦ ﻫﺎﻙ ﺍﻟﺤﺪﻳﺪ ﻳﻠﻲ ﻣﺎ ﻳﺘﺤﻠﻮﺍ ﺍﻻ ﺑﺎﻟﺴﻜﺮﻳﺘﻮ،ﻭﻣﺴﺎﻣﺮﻫﻢ ﻗﺪ ﻋﻈﻤﺔ ﺍﻟﺪﺟﺎﺟﺔ ﻋﺒﺎﻫﻢ ﺑﻬﺎﻙ ﺍﻟﻠﻮﻳﺰ ﻭ ﺍﻟﺬﻫﺐ ﻭﺳﻜﺮ، ﺣﻞ ﺩﺍﺭﻭ ﻭﺟﺎﺏ ﺍﻟﺨﺪﺍﻡ . ﺷﺮﻯ ﺣﺎﻧﻮﺕ ﻓﻲ ﺳﻮﻕ ﺍﻟﺮﺑﻊﻭﻋﻤﺮﻭ ﺑﺎﻟﺴﻠﻌﺔ . ﺍﻟﻨﺎﺱ ﺗﺒﻴﻊ ﺑﻤﺎﺋﺔ، ﻭﻫﻮ ﻳﺒﻴﻊ ﺑﺨﻤﺴﻴﻦ ( ﻣﻦ ﻋﻨﺪﺭﺑﻲ ) ﺗﺸﻬﺮ ﻓﻲ ﻫﺎﻙ ﺍﻟﺒﻼﺩ، ﻭﻟﻰ ﺳﻲ ﻓﻼﻥ ﺍﻟﻔﻼﻧﻲ، ﺧﻄﺐﻃﻔﻠﺔ ﻣﻦ ﺃﻛﺒﺮ ﻛﺒﻴﺮﻫﺎ ﻭ ﺗﺰﻭﺝ ﻭﻻﺕ ﺩﺍﺭﻭ ﻣﻘﺼﻮﺩﺓ، ﻭﻋﺮﻣﺔ ﺗﺠﻴﻬﺎﺍﻟﻜﻴﺎﻟﺔ .ﻧﻬﺎﺭ ﺟﺎﺀ ﻃﺎﻟﺐ ﻋﻠﻰ ﺑﺎﺏ ﺍﻟﺪﺍﺭ: ﻳﺎ ﻛﺮﻳﻢ ﻣﺘﺎﻉ ﺍﻟﻠﻪ . ﻗﺎﻋﺪ ﻓﻲﺍﻟﺮﻭﺷﻦ ﻫﻮ ﻭ ﺍﻟﻌﺮﻭﺳﺔ ﻳﺴﻤﻊ ﻓﻲ ﺍﻟﺼﻮﺕ، ﻋﻘﻠﻮ ! ﻋﻘﻞ ﺻﻮﺕﻋﺮﻓﻮ. ﺍﻩ ﻗﺎﻝ: ﻋﺮﻓﻲ ﺣﻂ ﺑﻴﻪ ﺍﻟﺰﻣﺎﻥ ﺣﺘﻰ ﻭﻟﻰ ﻳﻄﻠﺐ؟ ﺯﻋﻤﺔﻫﻮ؟ ﺧﺮﺝ ﻳﺸﻮﻑ ﻓﻴﻪ : ﻳﻠﻘﺎﻩ ﻫﻮ .ﻟﻜﻦ ﻋﺮﻓﻮ ﻣﺎ ﻋﺮﻓﻮﺵ، ﻗﺎﻟﻮ ﺍﺗﻔﻀﻞ ﻳﺎ ﺑﺎﺑﺎ ﺍﺩﺧﻞ. ﺣﻄﻮﻟﻮﺍﻟﻔﻄﻮﺭ، ﻓﻄﺮ، ﺷﺒﻊ، ﺟﺎ ﻗﺎﻳﻢ ﺑﺎﺵ ﻳﻤﺸﻲ ﻋﻠﻰ ﻧﻔﺴﻮ ﻗﺎﻟﻠﻮ:ﺍﻗﻌﺪ ﺿﻴﻒ ﺭﺑﻲ .ﻳﺠﺒﺪﻫﺎ ﺛﻤﻴﻜﺔ ﺛﻼﺛﻪ ﺃﻳﺎﻡ: ﺍﻟﻤﺎﻛﻠﺔ ﻣﻨﻮ، ﻭﺍﻟﺮﻗﺎﺩ ﻋﻠﻴﻪ. ﻭ ﻣﻮﻟﻰﺍﻟﺪﺍﺭ ﻳﻔﻄﺮ ﻓﻴﻪ ﻭﻳﻌﺸﻲ ﻓﻴﻪ ﻣﻌﺎﻩ. ﻧﻬﺎﺭ ﺛﺎﻟﺚ ﻳﻮﻡ ﺑﺪﺍ ﻳﺤﻜﻲ ﻋﻠﻰﺍﻟﺨﺒّﺎﺯ، ﻭﻋﻠﻰ ﺻﺎﻧﻌﻮ، ﻭﻋﻠﻰ ﺍﻟﺒﻼﻃﺔ ﺍﻟﻠﻲ ﻭﺯﻧﻬﺎ ﺫﻫﺐ ﻭ ﻭﻋﻠﻰﺍﻟﺨﺒّﺎﺯ ﻛﻴﻔﺎﺵ ﻳﺼﻄﻚ ﻟﻠﺼﺎﻧﻊ .ﻗﺎﻟﻠﻮ: ﻳﺎ ﺳﻴﺪﻱ ﺇﻧﺖ ﻣﻨﻴﻦ ﺗﻌﺮﻑ ﻫﺎ ﺍﻟﻜﻮﺷﺔ ؟ ﻳﺎﺧﻲ ﻛﻨﺖ ﺗﺮﻣﻲﻋﻨﺪﻫﻢ ﻓﻲ ﺍﻟﺨﺒﺰ؟ ﻗﺎﻝ ﻟﻮ: ﻻ .ﻗﺎﻟﻠﻮ ﻋﻠﻰ ﺧﺎﻃﺮ ﺍﻟﺨﺒّﺎﺯ ﺍﻟﻠﻲ ﺗﺤﻜﻲ ﻋﻠﻴﻪ ﻫﻮ ﺃﻧﺎ. ﺣﻂ ﺑﻲ ﺍﻟﺰﻣﺎﻥ،ﻭﻫﺎﻧﻲ ﻭﻟﻴﺖ ﻧﻄﻠﺐ. ﻭﺑﺪﺍ ﻳﺒﻜﻲ. ﻗﺎﻝ ﻟﻮ: ﻭ ﺍﻟﺼﺎﻧﻊ ﻫﻮ ﺃﻧﺎ ! ﻗﺎﻝﻫﺎﻙ ﺍﻟﻌﺮﻑ : ﺍﻧﺖ ؟ﺃﻧﺎ ! ﺗﺮﻣﻰ ﻓﻲ ﺭﻗﺒﺘﻮ ﻭﺑﺪﺍ ﻳﺒﻮﺱ ﻭﻳﺒﻜﻲ . ﻗﺎﻝ ﻟﻮ : ﺷﻔﺘﻨﻲ ﻳﺎﻋﺮﻓﻲ ﻛﻴﻒ ﻛﻨﺖ ﺗﻌﻄﻴﻨﻲ ﺑﺎﻟﺼﻄﺎﻛﺔ ﻭﺗﻘﻮﻟﻲ : ﻣﺎ ﺗﻄﻠﺒﺶ ﺷﺊ ﻳﻠﻲﻣﺎ ﺗﻄﻮﻟﻮﺵ، ﻭ ﺃﻧﺎ ﻧﻘﻮﻟﻚ ﻳﻠﻲ ﻳﻄﻠﺐ ﻋﻠﻰ ﺭﺑﻲ ﻳﻄﻠﺐ ﺑﺎﻟﻜﻤﺎﻝ،ﻭﺳﺎﻋﻪ ﻣﻦ ﺳﺎﻋﺎﺗﻮ ﺗﻐﻨﻲ، ﺍﻳﺎ ﺍﻗﻌﺪ ﻋﻨﺪﻱ ﻭ ﺍﻟﺪﺍﺭ ﺩﺍﺭﻙ، ﻭ ﺍﻧﺖﺑﺎﺑﺎ ﻣﻦ ﺍﻟﺒﺎﺭﺡ ﻣﻮﺵ ﻣﻦ ﺍﻟﻴﻮﻡ . ﻭﻗﻌﺪ ﺑﺤﺬﺍﻩ ﻫﺎﻙ ﺍﻟﺸﺎﻳﺐ،ﻭﻋﺎﺷﻮﺍ ﻣﺘﻬﻨﻴﻦ، ﻭﻓﻲ ﺍﻟﻐﺎﻳﻪ ﻭﺍﻟﻨﻬﺎﻳﺔ ﻭ ﺳﺎﻋﺔ ﻣﻦ ﺳﺎﻋﺎﺗﻮﺗِﻐﻨﻲ ..ﻭﻓﺎﺕ ﺍﻟﺤﻜﺎﻳﺔ ﺇﻧﺸﺎﻟﻠﻪ ﺗﻜﻮﻥ ﻋﺠﺒﺘﻜﻢ

 

 

ﺣﻜﺎﻳﺔ " ﻳﺎ ﻗﺎﺗﻞ ﺍﻟﺮﻭﺡ"

ﻗﺎﻟﻚ ﻓﻲ ﻗﺪﻳﻢ ﺍﻟﺰﻣﺎﻥ ﻓﻤّﺎ ﺭﺍﺟﻞ ﻳﻌﻴﺶ ﻫﻮ ﻭ ﺯﻭﺟﺘﻪ ﻓﻲ ﻛﻮﺥﻓﻲ ﺍﻟﻘﺮﻳﺔ، ﺍﻟﺤﺎﻝ ﺷﺘﺎﺀ ﻭ ﺑﺮﺩ ﻭ ﺃﻣﻄﺎﺭ، ﻋﺸﻴّﺔ ﻣﻠﻘﺎﻭﺵ ﺣﻄﺐﺑﺎﺵ ﺇﻳﺸﻌﻠﻮﺍ ﺍﻟﻜﺎﻧﻮﻥ ﻭ ﻳﺪّﻓﻮﺍ ﻋﻠﻰ ﺍﻟﺒﺮﺩ، ﻗﺎﻟﺖ ﺍﻟﻤﺮﺃﺓ ﻳﺎ ﺭﺍﺟﻞﺇﻣﺸﻲ ﺃﺧﻄﻒ ﺭﻭﺣﻚ ﻟﻠﻐﺎﺑﺔ ﺗﻠﻘﺎﺵ ﺷﻮﻱ ﺣﻄﺐ ﻗﺒﻞ ﻣﺎ ﺇﻳﻄﻴﺢﺍﻟﻠﻴﻞ، ﻗﺎﻟﻬﺎ ﺍﻟﻠﻪ ﻳﺒﺎﺭﻙ، ﺧﺮﺝ ﻭ ﻫﺰّ ﻓﻮﻕ ﻛﺘﺎﻓﻮ ﺍﻟﻔﺄﺱ ﻭ ﻗﺼﺪﺭﺑّﻲ ﻟﻠﻐﺎﺑﺔ .. ﻫﺎﻭ ﻳﻤﺸﻲ ﻫﺎﻭ ﻳﻤﺸﻲ .. ﻭ ﺍﻟﻐﺎﺑﺔ ﺧﺎﻟﻴﺔ ﻛﺎﻥﺍﻟﺒﺮﺱ ﻭ ﺍﻟﺮﻳﺢ ﻳﺼﺮﻓﻖ ﻋﻠﻰ ﻳﻤﻴﻦ ﻭ ﻳﺴﺎﺭ، ﻭ ﻛﺎﻥ ﺃﺻﻮﺍﺕ ﺍﻟﺸﺠﺮﻳﺤﺮﻙ ﻓﻴﻬﺎ ﺍﻟﺮﻳﺢ .. ﺣﺘﻰ ﺗﻠﻔّﺖ ﺍﻟﺮﺍﺟﻞ ﻋﻠﻰ ﺟﻬﺔ ﻳﺸﻮﻑ ﻓﻲﺷﺠﺮﺓ ﻋﻨﺐ ﻃﺎﻟﻌﺔ ﺑﻴﻦ ﺍﻟﺸﺠﺮ ﺳﺒﺤﺎﻥ ﺍﻟﺨﺎﻟﻖ، ﺷﺠﺮﺓ ﻋﻨﺐ ﻓﻲﻗﻠﺐ ﺍﻟﺸﺘﺎﺀ ﻭ ﻓﻴﻬﺎ ﻋﻨﺎﻗﻴﺪ ﻋﻨﺐ ﺳﺒﺤﺎﻥ ﺍﻟﺨﺎﻟﻖ، ﺇﻧﻮﺩﻛﻢ ﻭ ﻻﺇﻧﺸﻬﻴﻜﻢ .. ﻫﻴّﺎ ﻣﺸﻰ ﻟﻠﺸﺠﺮﺓ ﺗﺎﻉ ﺍﻟﻌﻨﺐ ﻭ ﻧﺤّﻰ ﻣﻨﻬﺎ ﻋﻨﻘﻮﺩ ﻭﺣﻄّﻪ ﻓﻲ ﺳﺎﻙ ﻣﻦ ﻛﺎﻏﻂ ﻭ ﻗﺎﻝ ﻫﺬﺍ ﻧﺮﻭّﺡ ﺑﻴﻪ ﻟﻠﻤﺮﺃﺓ ﺗﻔﺮﺡ ﺑﻴﻪ ﻭﻓﻴﺴﻊ ﺟﻤﻊ ﺷﻮﻱ ﺣﻄﺐ ﻭ ﺭﻭّﺡ ﻟﻠﺪﺍﺭ ..ﻫﻴﺎ ﻭﺻﻞ ﻟﻠﺪﺍﺭ، ﻗﺎﻟﻬﺎ ﻳﺎ ﻣﺮﻯ ﺷﻮﻑ ﺃﺵ ﻟﻘﻴﺖ ﻋﻨﻘﻮﺩ ﻋﻨﺐ ﻓﻲﻓﺼﻞ ﺍﻟﺸﺘﺎﺀ، ﻗﺎﺗﻠﻮ ﺳﺒﺤﺎﻥ ﺭﺑﻲ ﺃﺵ ﻳﺨﻠﻖ، ﻗﺎﺗﻠﻮ ﻳﺎ ﺭﺍﺟﻞ ﺃﺵﻗﻮﻟﻚ ﺗﻬﺰﻭ ﻫﺪﻳﺔ ﻟﻠﺴﻠﻄﺎﻥ، ﺃﺗﻮ ﻳﻜﺎﻓﻴﻚ ﺑﻌﺾ ﺍﻟﺪﻧﺎﻧﻴﺮ ﻧﺼﺮﻓﻮﻫﻢﻓﻲ ﻫﺎﻟﺸﺘﺎﺀ ﻭ ﺗﺘﺤﺴﻦ ﻭﺿﻌﻴﺘﻨﺎ ﺷﻮﻱ ..ﻗﺎﻟﻬﺎ ﺍﻟﻠﻪ ﻳﺒﺎﺭﻙ ﻭﻟﻠﻪ ﻓﻜﺮﺓ ﺑﺎﻫﻴﺔ .ﺃﻳﺎ ﻣﻦ ﺣﻴﻨﻮ ﻫﺰ ﺃﻙ ﻋﻨﻘﻮﺩ ﺍﻟﻌﻨﺐ ﻓﻲ ﺍﻟﺴﺎﻙ ﺍﻟﻜﺎﻏﻂ " ﻣﻌﻨﺎﻫﺎ ﻣﺎﻳﻨﺠﻤﺶ ﺣﺘﻰ ﺣﺪ ﻳﺸﻮﻑ ﺃﺵ ﻓﻤﺎ ﻭﺳﻂ ﺍﻟﺴﺎﻙ ﺧﺎﻃﺮﻭ ﻣﻦ ﻛﺎﻏﻂ "ﻭ ﻣﺸﻰ ﻟﻠﻘﺼﺮ ﻃﻮﻝ، ﻟﻘﻰ ﺍﻟﺤﺮّﺍﺱ ﻗﺎﻟﻮﻟﻮﺍ ﻣﺮﺣﺒﺎ ﻳﺎ ﺑﺎﺑﺎ ﺗﻔﻀﻞﺷﻜﺎﻳﺔ ﻭ ﺇﻻ ﻫﺪﻳﺔ ؟ ﻗﺎﻟﻬﻢ ﻋﻨﺪﻱ ﻫﺪﻳﺔ ﻟﻤﻮﻻﻧﺎ ﺍﻟﺴﻠﻄﺎﻥ، ﻫﻴّﺎﻣﺨﺘﺼﺮ ﺍﻟﻜﻼﻡ ﺷﺎﻭﺭﻭﺍ ﻋﻠﻴﻪ، ﺣﺘﻰ ﺩﺧﻞ ﻟﻠﺴﻠﻄﺎﻥ، ﻳﻠﻘﺎﻩ ﻗﺎﻋﻬﺪ ﻭﺟﻨﺒﻮ ﺍﻟﺤﺎﺷﻴﺔ ﻭ ﺍﻟﻮﺯﺭﺍﺀ ﻭ ﺍﻟﻜُﺘّﺎﺏ ﻭ ﺍﻟﺴﻴّﺎﻑ ..ﻗﺎﻝ ﺍﻟﺴﻠﻄﺎﻥ : ﺇﺗﻔﻀﻞ ﻳﺎ ﺑﺎﺑﺎ ..ﻗﺎﻝ ﺍﻟﺮﺍﺟﻞ : ﻳﺎ ﺳﻴﺪﻱ ﺍﻟﺴﻠﻄﺎﻥ ﻣﺎﻧﻲ ﺍﻟﻴﻮﻡ ﺧﺮﺟﺖ ﻟﻠﻐﺎﺑﺔ ﻧﺠﻤﻊﻓﻲ ﺷﻮﻱ ﺣﻄﺐ، ﻧﻠﻘﻰ ﺷﺠﺮﺓ ﻋﻨﺐ ﻣﻦ ﻏﻴﺮ ﻓﺼﻞ، ﻭ ﻟﻘﻴﺖ ﻓﻴﻬﺎﻫﺎﻟﻌﻨﻘﻮﺩ ﻣﺘﺎﻉ ﺍﻟﻌﻨﺐ ﻭ ﻗﻮﻟﺖ ﻣﻮﻻﻧﺎ ﺍﻟﺴﻠﻄﺎﻥ ﻳﺴﺘﺤﻖ ﻫﺎﻟﻬﺪﻳﺔ ﻭﻣﺪّ ﺍﻟﺴﺎﻙ ﻣﻦ ﻛﺎﻏﻂ ﻟﻠﺴﻠﻄﺎﻥ ..ﺍﻟﺴﻠﻄﺎﻥ ﺩﺧﻞ ﺇﻳﺪﻳﻮ ﻟﻠﺴﺎﻙ ﻳﺤﺲ ﻓﻲ ﺣﺎﺟﺔ ﻏﺮﻳﺒﺔ، ﻗﺎﻝ ﻣﺘﺄﻛﺪﻫﺬﺍ ﻋﻨﺐ ؟؟ ﻗﺎﻝ ﺍﻟﺮﺍﺟﻞ ﺍﻱ ﺑﻄﺒﻴﻌﺔ ﻳﺎ ﻣﻮﻻﻱ ﺍﻟﺴﻠﻄﺎﻥ، ﻗﺎﻝﺍﻟﺴﻠﻄﺎﻥ : ﻳﺎ ﻭﻟﺪﻱ ﺑﺎﻟﻚ ﻭ ﺍﻧﺖ ﺟﺎﻱ ﻓﻲ ﺍﻟﺜﻨﻴﺔ ﻭﺍﺣﺪ ﺑﺪﻟﻚﺍﻟﺴﺎﻙ ؟ ﻗﺎﻝ ﺍﻟﺮﺍﺟﻞ ﻳﺎ ﺳﻴﺪﻱ ﻣﻦ ﻭﻗﺖ ﻧﺤﻴﺖ ﻋﻨﻘﻮﺩ ﺍﻟﻌﻨﺐﻟﻠﺨﻄﺔ ﻫﺬﻩ ﻭ ﺍﻟﺴﺎﻙ ﻓﻲ ﺇﻳﺪﻱ !ﻗﺎﻝ ﺍﻟﺴﻠﻄﺎﻥ ﺍﻳﺠﺎ ﺷﺪ ﺍﻟﺴﺎﻙ ﻭ ﺧﺮﺝ ﺍﻧﺘﻲ ﻋﻨﻘﻮﺩ ﺍﻟﻌﻨﺐ ! ،ﺍﻟﺮﺍﺟﻞ ﺃﺧﺬ ﺍﻟﺴﺎﻙ ﻭ ﺩﺧﻞ ﺇﻳﺪﻭ ﻟﻠﺪﺍﺧﻞ ﻭ ﺣﺲ ﺣﺎﺟﺔ ﻏﺮﻳﺒﺔ،ﻭﺟﻬﻮ ﺻﻔﺎﺭ ﻭ ﺗﻘﻠﺐ ﻭ ﺧﺮﺝ ﺍﻳﺪﻳﻮ ﻳﻠﻘﻰ ﺭﺃﺱ ﺇﻧﺴﺎﻥ ﻣﻘﺼﻮﺹﻓﻲ ﻭﺳﻂ ﺍﻟﺴﺎﻙ، ﺃﻩ ﺷﻨﻮﺍ ﻫﺬﺍ !! ﺗﻔﺠﻊ ﻭ ﻣﺸﻰ ﻭﺟﻪ ﺍﻟﺪﻧﻴﺎ ﻭﺟﺎﺀ ﻭﺟﻪ ﺍﻷﺧﺮﺓ، ﺻﻔﺎﺭ، ﺇﺣﻤﺎﺭ، ﻗﺎﻝ ﻭﻟﻠﻪ ﻋﻨﺐ ﻭﻳﻦ ﻣﺸﻰ ؟ ﻭﺷﻜﻮﻥ ﺣﻄﻠﻲ ﻫﺎﻟﺮﺃﺱ ﻣﺘﺎﻉ ﺍﺑﻦ ﺃﺩﻡ ؟

ﺍﻟﺴﻠﻄﺎﻥ ﻗﺎﻝ ﺟﻴﺐ ﺍﻟﺤﻖ ﻳﺎ ﻭﻟﺪﻱ ﺧﻴﺮ ﻣﺎ ﻧﻘﻮﺻﻠﻚ ﺭﺍﺳﻚ، ﻭ ﻫﺎﻙﺍﻟﺮﺍﺟﻞ ﻳﺤﻠﻒ ﻭ ﻳﺘﺤﻠﻒ ﻭﻟﻠﻪ ﻣﺎ ﻧﻌﺮﻑ، ﻭﻟﻠﻪ ﻣﺎ ﻧﻌﺮﻓﺶ ﻛﻴﻔﺎﻩﺟﺎﺀ ﻟﻠﺴﺎﻙ ﻓﻲ ﺑﺎﻟﻲ ﻋﻨﻘﻮﺩ ﻋﻨﺐ، ﻭﻟﻠﻪ ﻳﺎ ﺳﻴﺪﻱ ﺍﻟﺴﻠﻄﺎﻥ ..ﺃﻣﺮ ﺍﻟﺴﻠﻄﺎﻥ ﺍﻟﺤﺮّﺍﺱ ﺷﺪﻭﺍ ﺍﻟﺮﺍﺟﻞ ﻭ ﻛﻼﻭﻩ ﺑﺎﻟﻀﺮﺏ ﻭ ﻳﻘﻮﻟﻮﻝڨﺮ ڨﺮ ﻣﻴﻦ ﻫﺎﻟﺮﺃﺱ ﻣﺘﺎﻉ ﺍﻹﻧﺴﺎﻥ ؟ ﻭﺍﻟﺮﺍﺟﻞ ﺩﺍﺥ ﻣﻦ ﺍﻟﻀﺮﺏ ﻭﺍﻟﻔﺠﻌﺔ، ﻭ ﺭﻣﺎﻭ ﻓﻮﻗﻮ ﺍﻟﻤﺎﺀ ﻓﺎﻕ ﻭ ﻋﺎﻭﺩﻭﺍ ﺑﺪﺍﻭ ﻳﻀﺮﺑﻮ ﻓﻴﻪ ﻭﻗﺎﻝ ﺍﻟﺴﻠﻄﺎﻥ ﻫﻴﺎ ﻗﻮﻝ ﺍﻟﺤﻘﻴﻘﺔ ﻣﺎ ﻛﺎﻧﺶ ﺑﺎﺵ ﺑﻌﺪﻳﻚ ﻟﻠﻤﺸﻨﻘﺔﺍﻷﻥ، ﻭ ﻫﺎﻙ ﺍﻟﺮﺍﺟﻞ ﻛﻞ ﻣﺮﺓ ﻳﻮﺧﺬ ﺭﺃﺱ ﺍﻻﻧﺴﺎﻥ ﺍﻟﻤﻘﺼﻮﺹ ﻭﻳﺜﺒﺖ ﻓﻴﻪ ﻭ ﻳﻌﺎﻭﺩ ﻳﺪﻭﺥ ﻭ ﻳﻔﻴﻘﻮﻩ ﻭ ﻳﺎﻛﻠﻮﻩ ﺑﺎﻟﻀﺮﺏ ﻭ ﻳﻌﺎﻭﺩﻳﺪﻭﺥ .. ﺣﺘﻰ ﻟﻴﻦ ﺻﺎﺡ ﺑﺎﻫﻲ ﺑﺎﻫﻲ ﻫﺎﻧﻲ ﺑﺎﺵ ﻧﺤﻜﻴﻠﻜﻢ ﺑﻌﺪ ﻣﺎﻗﻌﺪ ﻳﺜﺒﺖ ﻓﻲ ﺭﺃﺱ ﺍﻟﻤﻘﺼﻮﺹ ﺑﺎﻟﺒﺎﻫﻲ .. ﻗﺎﻝ ﺍﻟﺴﻠﻄﺎﻥ ﻳﻼﺃﺣﻜﻲﺎﻝ ﺍﻟﺮﺍﺟﻞ : ﻛﺎﻥ ﺍﻟﻜﺬﺏ ﻳﻨﺠﻲ، ﺍﻟﺼﺪﻕ ﺃﻧﺠﻰ ﻭ ﺃﻧﺠﻰ، ﻳﺎﺳﻴﺪﻱ ﺍﻟﺴﻠﻄﺎﻥ ﺃﻧﺎ ﻋﻨﺪﻱ ﺃﺭﺽ ﺻﻐﻴﺮﺓ ﻛﻞ ﻋﺎﻡ ﻧﺰﺭﻉ ﻓﻴﻬﺎ ﺷﻮﻱﻗﻤﺢ ﻭ ﺇﻻ ﺷﻌﻴﺮ ﻭ ﺇﻻ ﻓﺎﺭﻳﻨﺔ .. ﻓﻤّﺎ ﻧﻬﺎﺭ ﺟﺎﺭﻱ ﻳﻠﻲ ﻋﻨﺪﻩ ﺃﺭﺽﻻﺳﻘﺔ ﻷﺭﺿﻲ ﺗﻨﺎﺯﻋﺖ ﺃﻧﺎ ﻭﺍﻳﺎﻩ ﻭ ﻣﺸﻴﻨﺎ ﻟﻠﻘﺎﺿﻲ ﺣﻜُﻢ ﻟﺼﺎﻟﺢﺟﺎﺭﻱ ﻭ ﺃﺧﺬﻟﻲ ﻗﺪﺍﻩ ﻣﻦ ﻣﻴﺘﺮﻭ ﻣﻦ ﺃﺭﺿﻲ ﻭ ﺃﻋﻄﺎﻫﺎ ﻟﻠﺠﺎﺭﻱ، ﺃﻧﺎﺣﻘﺪﺕ ﻋﻠﻴﻪ ﻭ ﻧﻘﻤﺖ ﻋﻠﻴﻪ، ﻳﺨّﻲ ﻧﻬﺎﺭ ﻭ ﺃﻧﺎ ﻧﻤﺸﻲ ﻭﺳﻂ ﺍﻟﻐﺎﺑﺔﻟﻘﻴﺖ ﻭﻟﺪ ﺟﺎﺭﻱ ﻳﻠﻌﺐ ﻭﺣﺪﻭ، ﻃﻔﻞ ﺻﻐﻴﺮ، ﻗﻮﻟﺖ ﻫﺬﻩ ﺍﻟﻔﺮﺻﺔﺑﺎﺵ ﻧﺄﺧﺬ ﻣﻦ ﺑﺜﺄﺭﻱ، ﻭ ﺷﺪﻳﺘﻮ ﻭ ﻗﻮﺗﻠﻮ ﺑﺎﺵ ﻧﻮﻗﺘﻠﻚ ﺍﻷﻥ، ﻗﺎﻟﻲﻫﺎﻙ ﺍﻟﻮﻟﺪ ﺍﻟﺼﻐﻴﺮ " ﻣﺎﻧﻲ ﻧﺸﻜﻲ ﺑﻴﻚ " ﻗﻮﺗﻠﻮ ﺗﻲ ﺃﻧﺎ ﺑﺎﺵﻧﻮﻗﺘﻠﻚ ﺍﻷﻥ ﻭ ﺣﺘﻰ ﺣﺪ ﻣﺎﻫﻮ ﺑﺎﺵ ﻳﻌﺮﻑ، ﻗﺎﻟﻲ ﺍﻟﻮﻟﺪ ﺍﻟﺼﻐﻴﺮ "ﺃﻧﺎ ﻧﺸﻜﻲ ﺑﻴﻚ ﻟﻠﻤﻠﻚ ﺍﻟﻜﺒﻴﺮ ﻭ ﺍﻟﻤﻠﻚ ﺍﻟﻜﺒﻴﺮ ﻳﻘﻮﻝ ﺑﻴﻚ ﻟﻠﻤﻠﻚﺍﻟﺼﻐﻴﺮ ﻭ ﻫﻮ ﻳﺄﺧﺬﻟﻲ ﺣﻘﻲ ﻣﻨﻚ " .. ﻭ ﻟﻜﻦ ﺃﻧﺎ ﻣﺎ ﻓﻬﻤﺘﺶ ﻛﻼﻣﻮﻭ ﺗﺮﻣﻴﺖ ﻋﻠﻴﻪ ﻗﺘﻠﺘﻮ ﻭ ﺣﻔﺮﺗﻠﻮ ﻭ ﺩﻓﻨﺘﻮ ﻭﺳﻂ ﺍﻟﻐﺎﺑﺔ ﻭ ﻣﻦ ﻏﻴﺮ ﻣﺎﻧﻌﺮﻑ ﺑﻌﺪ ﺳﻨﻮﺁﺁﺍﺕ ﻓﻲ ﻧﻔﺲ ﺍﻟﺒﻼﺳﺔ ﻳﻠﻲ ﺩﻓﻨﺖ ﻓﻴﻬﺎ ﺍﻟﻄﻔﻞﺍﻟﺼﻐﻴﺮ ﻃﻠﻌﺖ ﻫﺎﻟﺸﺠﺮﺓ ﺍﻟﻌﻨﺐ ﻭ ﺃﻧﺎ ﺗﻮﺍ ﻭﻳﻦ ﺗﺬﻛﺮﺕ ..ﻗﺎﻝ ﺍﻟﺴﻠﻄﺎﻥ " ﺳﻴّﺎﻑ ﻗﺼﻠﻮ ﺭﺍﺳﻮ ﻫﺎﻟﻜﻠﺐ " .. ﻭﻓﺎﺕ ﺍﻟﺤﻜﺎﻳﺔﻭ ﻳﺎ ﻗﺎﺗﻞ ﺍﻟﺮﻭﺡ ﻭﻳﻦ ﺗﺮﻭﺡ ..

حكاية "ﺯﻭﺯ ﻓﺮﺳﺎﻥ ﻋﺎﺑﺮﻳﻦ"

ﻓﻤﺎ ﺯﻭﺯ ﻓﺮﺳﺎﻥ ﻋﺎﺑﺮﻳﻦ ﺳﺒﻴﻞ، ﻓﻲ ﺍﻟﺰﻣﺎﻥ ﺍﻟﺴﺎﺑﻖ ﻻ ﻛﺎﻥﻓﻤّﺎﻛﺮﺍﻫﺐ ﻭ ﻻ ﻃﻴﺎﺭﺍﺕ، ﺭﺍﻛﺒﻴﻦ ﻋﻠﻰ ﺍﻟﺨﻴﻞ ﺯﻭﺯ ﺃﺻﺤﺎﺏ ﻧﻬﺎﺭﻛﺎﻣﻞﻭ ﻫﻮﻣﺎ ﺳﺎﻳﺮﻳﻦ ﻋﻠﻰ ﺍﻷﺭﺽ ﻏﺎﻳﺮﻳﻦ، ﻣﻊ ﻏﺮﻭﺏ ﺍﻟﺸﻤﺲﻳﺸﻮﻓﻮﻓﻲ ﺑﻴﺖ ﺷﻌﺮ " ﺧﻴﻤﺔ " ﻋﻠﻰ ﺑﻌﻴﺪ، ﻓﻲ ﺍﻟﻮﻗﺖ ﻫﺬﺍﻛﺎ ﻣﺎﻛﺎﻥﺣﺘﻰ ﺃﺣﺪ ﻳﺒﺎﺕ ﺍﻟﺒﺮّﺓ ﻷﻥ ﺍﻹﻧﺴﺎﻥ ﺇﺫﺍ ﻣﻨﻊ ﻣﻦ ﺍﻟﺴﺮّﺍﻕ ﻭﺍﻟﻘﻄﻌﻴّﺔﻣﺎ ﻳﻤﻨﻌﺶ ﻣﻦ ﺍﻟﻬﻮﺍﻳﺶ ﺍﻟﺬﺋﺎﺏ ﻭ ﺍﻷﻓﺎﻋﻲ ..ﻫﻴﺎ ﻣﺸﺎﻭﻟﻠﺒﻴﺖ ﻫﺎﺫﻳﻜﺎ، ﻭ ﻣﻦ ﺑﻌﻴﺪ ﻳﺸﻮﻓﻮ ﻓﻲ ﺣﺮﻛﺔ ﻛﺒﻴﺮﺓﺧﺪّﺍﻡ ﻭ ﺣﺮﻛﺔ،ﺑﻴﺖ ﺷﻌﺮ ﻣﺘﺎﻉ ﻧﺎﺱ ﻣﺒﺎﺳﻴﻂ ﺯﺭﺍﺑﻲ ﻭ ﺣﺮﻳﺮ ﻭﺭﻳﺤﺔ ﻋﻨﺒﺮ ﻫﻴﺎﻭﺻﻠﻮﺍ ﻗﺎﻟﻮ ﺿﻴﺎﻑ ﺭﺑﻲ، ﻗﺎﻟﻮﻟﻬﻢ ﻣﺮﺣﺒﺎ ﺑﻴﻜﻢﺗﻔﻀﻠﻮﺍ، ﻭ ﺯﻭﺯ ﺧﺪّﺍﻡﺷﺪ ﻛﻞ ﻭﺍﺣﺪ ﺣﺼﺎﻥ ﻧﺤﺎﻟﻮ ﺳﺮﺟﻮ ﻭ ﺣﻄﻠﻮﺍﻟﻤﺎﺀ ﻭ ﺍﻟﻌﻠﻔﺔ ﻭ ﺩﺧﻠﻮﺍﻟﺰﻭﺯ ﺭﺟﺎﻝ ﻟﻠﺒﻴﺖ ﺍﻟﺸﻌﺮ ﻏﺴﻠﻮ ﺍﻳﺪﻳﻬﻢ ﻭﺷﺮﺑﻮﺍ ﺍﻟﻤﺎﺀ ﻭ ﺧﺎﺩﻡﺟﺎﻳﺐ ﻟﺒﻦ ﺑﺎﺭﺩ ﻭ ﺧﺎﺩﻡ ﺟﺎﻳﺐ ﻣﻨﺸﻔﺔ ﻭﻳﺸﻮﻓﻮﺍ ﻓﻲ ﺯﻭﺯ ﺧﺪّﺍﻡﺃﺧﺮﻳﻦ ﺧﺮﺟﻮﺍ ﻛﺒﺶ ﻭ ﺗﻜّﻮﻩ ﻳﺬﺑﺤﻮﺍ ﻓﻴﻪﻓﻬﻤﻮ ﻳﻠﻲ ﻫﺬﺍﻛﺎ ﻟﻠﻌﺸﺎﺀ، ﻭﺟﺎﺀ ﺍﻟﻠﻴﻞ ﺣﻀﺮ ﺍﻟﻌﺸﺎﺀ ﻭ ﺗﺤﻄﺖﺍﻟﻄﺎﻭﻟﺔ ﻛﺴﻜﻲ ﺑﺎﻟﻠﺤﻢ ﺗﺸﻮﻑﺑﻌﻴﻨﻚ ﺗﺸﺒﻊ ..ﻟﻜﻦ ﻗﺎﻡ ﻭﺍﺣﺪ ﻣﻦ ﺍﻟﺰﻭﺯ ﻓﺮﺳﺎﻥ ﻭ ﻗﺎﻝ ﻟﻠﺨﺪّﺍﻡ :ﺗﻲ ﻭﻳﻨﻮ ﻣﻮﻟﻰﺍﻟﺪﺍﺭ ؟ ﻣﺎ ﻳﻨﺠﻤﺶ ﻳﺠﻲ ﻳﺘﻌﺸﻰ ﻣﻌﺎﻧﺎ ؟ ﻗﺎﻟﻮﻟﻬﻢﺳﻴﺪﻧﺎﻣﺎﻳﻨﺠﻤﺶ ..ﻫﻴﺎ ﺗﻌﺸﻮ ﻫﺎﻙ ﺍﻟﺰﻭﺯ ﻓﺮﺳﺎﻥ ﻭ ﺗﺤﻤﺪﻭﺍ ﺭﺑﻲ ﻭﺷﻜﺮﻭﻩ ﻭ ﺣﻀﺮﺕﺳﻴﻨﻴﺔ ﺍﻟﺘﺎﻱ ﺷﺮﺑﻮﺍ ﻭ ﺳﺎﻫﺮﻳﻦ ﻳﺤﻜﻴﻮ .. ﻫﻴﺎ ﺟﺎﺀﻭﻗﺖ ﺍﻟﻨﻮﻡ ﻗﺎﻟﻮﺍﺍﻟﺰﻭﺯ ﻓﺮﺳﺎﻥ : ﺗﻲ ﻭﻳﻨﻮ ﻣﻮﻟﻰ ﺑﻴﺖ ﺍﻟﺸﻌﺮ ﻣﺎﻳﻨﺠﻤﺶ ﻳﺠﻲ ﻳﻘﻌﺪﺣﺬﺍﻧﺎ ﺷﻮﻱ ﻭ ﻧﺸﻜﺮﻭﻩ ﻋﻠﻰ ﻓﻀﻠﻮ ﻭ ﺣﺴﻦﺿﻴﺎﻓﺘﻮ ؟ﻗﺎﻟﻮﺍ ﺍﻟﺨﺪّﺍﻡ : ﺳﻴﺪﻧﺎ ﻣﺎ ﻳﻨﺠﻤﺶ ﻳﺠﻲ .. ﻫﻴﺎ ﻭﻟّﺎﻭ ﻫﺎﻙﺍﻟﺰﻭﺯﻓﺮﺳﺎﻥ ﺭﻗﺪﻭﺍ، ﻗﺎﻣﻮ ﺍﻟﺼﺒﺎﺡ ﻳﻠﻘﺎﻭ ﻓﻄﺎﻳﺮ ﻭ ﺯﺑﺪﺓ ﻭ ﻋﺴﻞ ﻭﺯﻳﺖﻭ ﻓﻄﻮﺭ ﺳﻼﻃﻴﻦ ﺣﺎﺿﺮ ﻛﻼﻭ ﻭ ﺷﺒﻌﻮﺍ ﻭ ﻃﻠﻌﻮ ﻣﻦ ﺍﻟﺨﻴﻤﺔ ﻭﺟﺎﻭﺑﺎﺵ ﻳﺮﻛﺒﻮ ﻋﻠﻰ ﺍﻟﻜﻴﻞ ﻣﺘﺎﻋﻬﻢ، ﻗﺎﻟﻮﺍ : ﺗﻲ ﻣﺎ ﻧﺠﻤﻮﺵﻧﺸﻮﻓﻮﺻﺎﺣﺐ ﺍﻟﺨﻴﻤﺔ ﻭ ﻧﺸﻜﺮﻭﻩ ﻋﻠﻰ ﺣﺴﻦ ﺍﻟﻀﻴﺎﻓﺔ ؟ ﻗﺎﻟﻮﺍﺍﻟﺨﺪﺍﻡﺳﻴﺪﻧﺎ ﻣﺎ ﻳﻨﺠﻤﺶ ﺃﻣﺎ ﺗﻮ ﻧﻘﻮﻟﻮﻟﻮ ﻣﺎ ﻳﻬﻤﻜﻤﺶ ..

ﻫﻴﺎ ﺭﻛﺒﻮﺍ ﻫﺎﻙ ﺍﻟﺰﻭﺯ ﻓﺮﺳﺎﻥ ﻋﻠﻰ ﺍﻟﺨﻴﻞ ﻭ ﻗﺼﺪﻭﺍ ﺭﺑﻲ ﻧﻬﺎﺭﻛﺎﻣﻞ ﻣﻦ ﺑﺮ ﻟﺒﺮ ﻭ ﻫﻮﻣﺎ ﺳﺎﻳﺮﻳﻦ ﻓﻮﻕ ﺍﻷﺭﺽ ﻏﺎﻳﺮﻳﻦ، ﺣﺘﻰ ﻟﻴﻦﻋﺸّﺎﺕ ﺍﻟﻌﺸﻴﺔ ﻭ ﻳﺸﻮﻓﻮ ﻣﻦ ﺑﻌﻴﺪ ﻓﻲ ﺧﻴﻤﺔ ﺟﺎﻳﺔ ﻓﻮﻕ ﺍﻟﺠﺒﻞ ..ﻗﺎﻟﻮﺍ ﺍﻟﻠﻴﻠﺔ ﻧﺒﺎﺗﻮﺍ ﻫﻨﺎ ﻫﻴﺎ ﻭﺻﻠﻮﺍ ﻟﻠﺨﻴﻤﺔ ﻳﻠﻘﺎﻭ ﺍﻟﺮﻳﻖ ﻳﺼﺮﻓﻖ ﻓﻴﻬﺎﻭ ﺍﻟﺮﻗﻊ ﺗﺤﺴﺐ ﺗﻐﻠﻂ ﻭ ﺧﺮﺟﺖ ﻣﺮﺃﺓ ﻋﺠﻮﺯﺓ ﻗﺎﻟﺖ ﻳﺎ ﻣﺮﺣﺒﺎ ﺑﻴﻜﻢﺃﻭﻻﺩﻱ، ﻗﺎﻟﻮﻟﻬﺎ ﺿﻴﺎﻑ ﺭﺑﻲ، ﻗﺎﻟﺘﻠﻬﻢ ﻣﺮﺣﺒﺎ ﺗﻔﻀﻠﻮﺍ ﻭ ﺭﺑﻂ ﻛﻞﻭﺍﺣﺪ ﺍﻟﺤﺼﺎﻥ ﻣﺘﺎﻋﻮ ﻓﻲ ﺟﺬﻉ ﺷﺠﺮﺓ ﻭ ﻣﺪﺗﻠﻬﻢ ﺍﻟﻤﺎﺀ ﻏﺴﻠﻮﺍﺇﻳﺪﻳﻬﻢ ﻭ ﺑﺮﺩّﻭﺍ ﺣﺎﻟﺘﻬﻢ، ﻭ ﺩﺧﻠﻮﺍ ﺍﻟﺪﺍﺧﻞ، ﻫﻮﻣﺎ ﻫﺎﻛﺎﻛﺎ ﻭ ﺟﺎﺀﻫﺎﻟﺮﺍﺟﻞ ﺍﻟﻌﺠﻮﺯ ﻳﺸﻮﻑ ﻓﻲ ﺯﻭﺯ ﻓﺮﺳﺎﻥ ﻣﺮﺑﻮﻃﺔ ﻗﺎﻝ ﻳﺎ ﻣﺮﺃﺓﻟﺸﻜﻮﻥ ﻫﺎﻟﺨﻴﻞ ؟ ﻗﺎﻟﺖ : ﺿﻴﺎﻑ ﺯﻭﺯ ﺭﺟﺎﻝ ، ﻗﺎﻟﻬﺎ ﻫﺎﻟﻨﻬﺎﺭﺍﻟﺴﻌﻴﺪ ﻭ ﺩﺧﻞ ﻳﺠﺮﻱ ﻳﺎ ﻣﺮﺣﺒﺎ ﺑﺄﻭﻻﺩﻱ ﻭ ﻳﺴﺄﻝ ﻭ ﻳﺴﻠّﻢ، ﻭ ﺟﺎﺏﻣﻌﺎﻩ ﺷﻮﻱ " ﺧﺒﻴﺰﺓ " ( ﻧﺒﺘﺔ ﺇﻳﻄﻴﺒﻮﻫﺎ ﺍﻟﻨﺎﺱ ﺍﻟﻘﻼﻟﺔ ﻳﻠّﻲ ﻣﺎﻋﻨﺪﻫﻤﺶ ﺧﻀﺮﺓ ) ﻭ ﻗﺎﻝ ﻟﻠﻌﺠﻮﺯﺓ ﻫﻴﺎ ﻳﺎ ﻣﺮﺃﺓ ﻃﻴﺐ ﺍﻟﻌﺸﺎﺀﺑﻬﺎﻟﺨﺒﻴﺰﺓ ﻗﺎﻟﺖ ﻳﺎ ﺭﺍﺟﻞ ﺗﻰ ﺣﺘﻰ ﺍﻟﺰﻳﺖ ﻣﺎ ﻋﻨﺪﻳﺶ، ﻗﺎﻟﻬﺎ ﺗﻲﻃﻴﺐ ﺑﺮﻛﺎ ﺑﺎﻟﻤﻮﺟﻮﺩ ﻛﺎﻥ ﺟﺎﺀ ﻋﻨﺪﻱ ﺭﺍﻧﻲ ﺫﺑﺤﺘﻠﻬﻢ، ﻫﻴﺎ ﺑﺪﺍﺕﻟﻌﺰﻭﺯﺓ ﺇﺗﻯﺐ ﻓﻲ ﻃﺮﻑ ﺩﻗﻴﻖ ﻣﺘﺎﻉ ﺷﻌﻴﺮ ﻭ ﺷﻮﻱ ﺧﺒﻴﺰﺓ ﻭﺍﻟﺸﺎﻳﺐ ﺩﺧﻞ ﺣﺬﺍ ﺍﻟﺰﻭﺯ ﻓﺮﺳﺎﻥ ﻭ ﻳﺤﻜﻰ ﻣﻌﺎﻫﻢ ﻭ ﻣﻦ ﺃﻧﻮ ﺑﺮ ؟ ﻭﺃﺵ ﺟﺎﺑﻜﻢ ﻟﻬﺎﻟﺒﺮ ؟ ﻭ ﺗﻌﺮﻓﻮ ﺳﻲ ﻓﻼﻥ ؟ ﻭ ﺳﻲ ﻓﻼﻥ ؟ ﻭ ﺣﺪﻳﺚﻳﺠﺒﺪ ﺣﺪﻳﺚ ﺣﺘﻰ ﻟﻴﻦ ﺣﻀﺮ ﺍﻟﻌﺸﺎﺀ، ﺗﺤﻄﺖ ﺍﻟﻄﺎﻭﻟﺔ ﻭ ﺑﺪﺃﻭ ﻳﺄﻛﻠﻮﺍﻛﺴﻜﻲ ﺷﻌﻴﺮ ﻭ ﺑﺎﻟﺨﺒﻴﺰﺓ ﻳﺠﺮﺡ ﺍﻟڨﺮﺟﻮﻣﺔ ﻭﻟﻜﻦ ﺍﻟﺰﻭﺯ ﻓﺮﺳﺎﻥﻳﺄﻛﻠﻮﺍ ﻭ ﻋﺎﻣﻠﻴﻦ ﻛﻴﻔﻔﻒ ﻭ ﺣﺪﻳﺚ ﻫﺎﻙ ﺍﻟﺸﺎﻳﺐ ﻣﻨﺴﻴﻬﻢ ﻓﻲﺍﻟﺨﺒﻴﺰﺓ ﻭ ﻛﺴﻜﺴﻲ ﺍﻟﺸﻌﻴﺮ ﻭ ﻫﻮﻣﺎ ﺷﺎﻳﺨﻴﻦ ﻭ ﻋﺎﻣﻠﻴﻦ ﺟﻮ، ﻭﺑﻌﺲ ﺣﻤﺪﻭﺍ ﺭﺑﻲ ﻭ ﺷﻜﺮﻭﻩ ﻭ ﻗﺎﻟﻬﺎ ﻳﺎ ﻣﺮﺃﺓ ﻫﺎﺕ ﺍﻟﺘﺎﻱ ، ﻗﺎﺗﻠﻮﺍﻳﺎ ﺣﺴﺮﺓ ﻋﻠﻰ ﺍﻟﺘﺎﻱ ﺗﻲ ﻋﻨﺪﻱ ﺣﻔﻨﺔ ﺻﻐﻴﺮﺓ ﻣﺎ ﺇﺗﻄﻴﺒﺶ ﻛﺎﺱ،ﻗﺎﻟﻬﺎ ﺗﻲ ﻃﻴﺐ ﻭﻛﺎﻥ ﻣﺎ ﺟﺎﺵ ﺑﻨﻴﻦ ﻳﺠﻲ ﺑﺎﻫﻲ، ﻭ ﻋﻤﻠﺖ ﺍﻟﺘﺎﻱ ﻭﺷﺮﺑﻮ ﻭ ﻳﺤﻜﻴﻮ ﻭ ﻳﻀﺤﻜﻮ ﻭ ﻫﺎﻙ ﺍﻟﺸﺎﻳﺐ ﻳﺤﻜﻴﻠﻬﻢ ﻋﻠﻰ ﺻﻐﺮﻩ ﻭﻋﻠﻰ ﻣﻐﺎﻣﺮﺍﺗﻪ ﻭ ﻫﻮﻣﺎ ﻋﺎﻣﻠﻴﻦ ﺳﺘﺔ ﻭ ﺳﺘﻴﻦ ﻛﻴﻒ ﻭ ﺟﺎﺀ ﻭﻗﺖﺍﻟﻨﻮﻡ ﺭﻗﺪﻭﺍ .. ﻭ ﻓﻲ ﺍﻟﺼﺒﺎﺡ ﻭﻗﺖ ﻗﺎﻣﻮﺍ ﻫﺎﻙ ﺍﻟﺸﺎﻳﺐ ﻭ ﻟﻌﺰﻭﺯﺓﻣﺎ ﻋﻨﺪﻫﻢ ﺣﺘﻰ ﺷﻲﺀ ﺑﺎﺵ ﻳﻔﻄﺮﻭﻩ ﻟﻠﺰﻭﺯ ﻓﺮﺳﺎﻥ ﺣﺴﺒﻮﺍ ﺭﻭﺍﺣﻬﻢﻣﺴﺎﻛﻦ ﻣﺎ ﻳﻌﺮﻓﻮﺵ ﻳﻠﻲ ﺍﻟﻌﺒﺎﺩ ﺗﻔﻄﺮ ﺍﻟﺼﺒﺎﺡ ﻭ ﺍﻟﺰﻭﺯ ﻓﺮﺳﺎﻥﺯﺍﺩﺓ ﺣﺴﺒﻮ ﺭﻭﺍﺣﻢ ﻣﻮﺵ ﻣﺘﻌﻮﺩﻳﻦ ﻳﻔﻄﺮﻭﺍ ،ﻫﻴﺎ ﻳﺎ ﺳﻴﺪﻱ ﺑﻘﺎﻭﻫﻢﻋﻠﻰ ﺧﻴﺮ ﻭ ﻗﺎﻟﻮﻟﻬﻢ ﺑﺎﻟﻠﻪ ﺯﻭﺭﻭﻧﺎ ﻭ ﺗﺸﻜﺮﻭﺍ ﻓﻀﻠﻬﻢ ...ﺑﻌﺪ ﻣﺎ ﻣﺸﺎﻭ ﺷﻮﻳﺔ ﻗﺎﻡ ﻭﺍﺣﺪ ﻣﻦ ﺍﻟﺰﻭﺯ ﻓﺮﺳﺎﻥ ﻭ ﻗﺎﻝ :" ﺧﺒّﻴﺰﺓ ﻣﻦ ﻋﻨﺪ ﺑﺎﺷﺮ ﻭ ﻫﺬﺍﻛﺎ ﺣﺪ ﺍﻟﻨﻌﻴﻤﺔ ﻭ ﻻ ﻛﺒﺶ ﻣﻦ ﻋﻨﺪﻛﺎﺷﺮ ﻻ ﻳﻌﺮﻑ ﻟﻠﻨﺎﺱ ﻗﻴﻤﺔ "

حكاية ﺍﻟﻐﻮﻝ ﻭ ﺍﻝ 7 ﺻﻐﺎﺭ

ﻗﺎﻟﻚ ﻳﺎ ﺳﻴﺪﻱ ﻓﻲ ﻗﺪﻳﻢ ﺍﻟﺰﻣﺎﻥ، ﻓﻤّﺎ ﺭﺍﺟﻞ ﻋﻨﺪﻭ 7 ﺻﻐﺎﺭﻣﺎﺷﺎﻟﻠﻪ، ﻭ ﺃﻣﻬﻢ ﻣﺎﺗﺖ، ﻗﻌﺪ ﺃﺑﻮﻫﻢ ﻳﺨﺪﻡ ﻋﻠﻴﻬﻢ، ﺑﺎﺵ ﻳﺼﺮﻑﻋﻠﻴﻬﻢ ﻭ ﻳﺮﺑﻴﻬﻢ، ﻭ ﺳﺎﻛﻦ ﻓﻲ ﺩﺍﺭ ﺗﺤﺖ ﺍﻟﺠﺒﻞ ﺑﻌﺎﺩ ﻋّﻠﻰ ﺍﻟﻨﺎﺱ،ﻫﻴّﺎ ﻳﺎ ﺳﻴﺪﻱ ﺩﻳﻤﺎ ﻳﺠﻤﻊ ﻓﻲ ﺍﻟﺤﻄﺐ ﻭ ﻳﺒﻴﻊ ﻓﻲ ﺍﻟﺴﻮﻕ، ﻟﻜﻦﻧﻬﺎﺭ ﺷﻲﺀ ﻣﺎﻋﺎﺩﺵ ﻻﺣﻖ ﻋﻠﻰ ﻗﻀﻴﺎﺕ ﻷﻭﻻﺩﻭ ﻭ ﻫﻮ ﻛﻴﻒ ﻣﺎﻗﻮﻟﻨﺎ ﻋﻨﺪﻭ 7 ﺻﻐﺎﺭ، ﻭﻟّﻰ ﻗﺎﻟﻬﻢ ﺑﺎﺵ ﻧﻤﺸﻲ ﻟﻮﺳﻂ ﺍﻟﻤﺪﻳﻨﺔ ﻧﺨﺪﻡﺷﻬﺮ ﺗﻘﺮﻳﺒﺎ ﻭ ﻧﺪﺑﺮ ﻓﻠﻮﺱ ﻭ ﺗﻮ ﻧﺮﺟﻊ، ﻭ ﺷﺮﺍﻟﻬﻢ ﻛﻞ ﺷﻲﺀﻣﺎﻛﻠﺔ، ﻭ ﻣﺎﺀ، ﻭ ﻛﻞ ﺷﻲﺀ ..ﻣﻦ ﻏﺪﻭﺓ ﺍﻟﺼﺒﺎﺡ ﻗﺼﺪ ﺭﺑﻲ ﺃﺑﻮﻫﻢ ﻣﺸﻰ ﻟﻠﻤﺪﻳﻨﺔ، ﻗﻌﺪﻭﺍ ﺍﻷﻭﻻﺩﺍﻟﺴﺒﻌﺔ ﻭﺣﺪﻫﻢ، ﻗﺎﻡ ﺃﺧﻮﻫﻢ ﺍﻟﻜﺒﻴﺮ ﻋﻤﺮﻭ ﻛﻴﻒ ﻣﺎﻧﻘﻮﻟﻮ 16 ﺳﻨﺔﻭ ﺣﻀﺮ ﻷﺧﻮﺍﺗﻮ ﺍﻝ 6 ﺍﻟﻔﻄﻮﺭ ﻭ ﻛﻼﻭ ﻭ ﺣﻤﺪﻭ ﺭﺑﻲ ﻭ ﻗﻌﺪﻭﺍ ﻓﻲﺍﻟﺪﺍﺭ، ﻫﻴّﺎ ﻫﻮﻣﺎ ﻋﻨﺪﻫﻢ ﻗﻄﻮﺳﺔ ﺻﻐﻴﺮﺓ، ﺗﻠﻌﺐ ﻓﻲ ﺍﻟﺪﺍﺭ ﺩﺭﺍﻛﻴﻔﺎﻩ ﺟﺎﺕ ﻓﻲ ﺍﻟﻜﻮﺟﻴﻨﺔ ﻭ ﻃﻠﻌﺖ ﺍﻟﻔﻮﻕ ﻭ ﺑﺎﻟﺖ ( ﺣﺎﺷﺎﻛﻢ )ﻋﻠﻰ ﺍﻟﻮڨﻴﺪﺓ ( ﺃﻋﺮﺍﻑ ﺍﻟﻮﻗﻴﺪ ) ، ﻣﻊ ﺍﻟﻌﺸﻴﺔ ﺟﺎﻭ ﺍﻹﺧﻮﺓ ﺍﻟﺴﺒﻌﺔﺑﺎﺵ ﻳﺤﻀﺮﻭﺍ ﺍﻟﻌﺸﺎﺀ، ﻳﻠﻘﺎﻭ ﺍﻟﻮﻗﻴﺪﺓ ﻓﺎﺳﺪﺓ ﻭ ﻣﺒﻠﻮﻟﺔ ﻭ ﺗﻠﻔﺖﻣﺎﻋﺎﺩﺵ ﺗﺸﻌﻞ .. ﺣﺎﺭﻭﺍ ﺃﺵ ﺑﺎﺵ ﻳﻌﻤﻠﻮ ﻭ ﺍﻟﺪﻧﻴﺎ ﺑﺪﺍﺕ ﺗﻀﻼﻡ،ﻭﻟّﻰ ﻃﻠﻊ ﻭﺍﺣﺪ ﻣﻦ ﺍﻹﺧﻮﺓ ﻓﻮﻕ ﺍﻟﺴﻄﺢ ﻣﺘﺎﻉ ﺍﻟﺪﺍﺭ ﻗﺎﻝ ﻧﺸﻮﻓﺶﺩﺍﺭ ﻭ ﺇﻻ ﺃﺣﺪ ﻣﺸﻌﻞ ﻧﺎﺭ.. ﻫﺎﻭ ﻳﺨﺰﺭ ﻳﺨﺰﺭ .. ﺣﺘﻰ ﺷﺎﻑ ﻧﺎﺭﺗﺸﻌﻞ ﻓﻲ ﺍﻟﺠﺒﻞ ﺍﻟﻔﻮﻕ .. ﻫﺒﻂ ﻳﺠﺮﻱ ﻗﺎﻝ ﻹﺧﻮﺓ ﻣﺘﺎﻋﻮ، ﻫﺎﻧﻲﺷﻮﻓﺖ ﻧﺎﺭ ﻓﻲ ﺍﻟﺠﺒﻞ، ﺧﻠﻴﻨﻲ ﻧﻤﺸﻲ ﻧﺠﻴﺐ ﻣﻨﻬﺎ ﻭﻟﻌﺔ ﻭ ﻧﺠﻲ .. ﻭﻗﺎﻟﻬﻢ ﺍﺳﺘﻨﻮﻧﻲ

ﻣﺸﻰ ﻫﺎﻝ ﺍﻟﻮﻟﻴّﺪ ﻳﺘﺒﻊ ﻓﻲ ﻣﺼﺪﺭ ﺍﻟﻨﺎﺭ، ﻣﻦ ﻭﺍﺩ ﻟﻮﺍﺩ، ﻭ ﻫﺎﻭﻃﺎﻟﻊّ ﻃﺎﻟﻊ ﻭﺳﻂ ﺍﻟﺠﺒﻞ ﺣﺘﻰ ﻭﺻﻞ ﻟﻤﺼﺪﺭ ﺍﻟﻨﺎﺭ ﻭﺳﻂ ﻛﻬﻒ ﻓﻲﺍﻟﺠﺒﻞ ﻳﻠﻘﻰ " ﻏﻮﻝ " ﻳﻄﻴﺐ ﻓﻲ ﻋﺸﺎﻩ، ﺗﻔﺠﻊ ﻭ ﺧﺎﻑ ﻭ ﻟﻜﻦ ﻣﺎﻟﻘﻰ ﻣﺎ ﻳﻌﻤﻞ ﻗﺎﻟﻮ ﺃﻋﻄﻴﻨﻲ ﺑﺎﺵ ﻧﺠﻢ ﻧﺸﻌﻞ ﺍﻟﻨﺎﺭ ﻭ ﻧﻄﻴﺐ ﻋﺸﺎﺀﺇﺧﻮﺗﻲ .. ﻗﺎﻝ ﺍﻟﻐﻮﻝ : ﻋﻼﻩ ﺃﺑﻮﻙ ﻭ ﺃﻣﻚ ﻭﻳﻦ ؟ ﻗﺎﻝ ﻫﺎﻙ ﺍﻟﻄﻔﻞﺭﺍﻭ ﺃﻣﻲ ﺗﻮﻓﺎﺕ ﻭ ﺑﺎﺑﺎ ﻣﺸﻰ ﻳﺨﺪﻡ ﻓﻲ ﺍﻟﻤﺪﻳﻨﺔ ﻭ ﻧﺤﻨﺎ 7 ﺇﺧﻮﺓﺻﻐﺎﺭ ﻭﺣﺪﻧﺎ ﻓﻲ ﺍﻟﺪﺍﺭ ..ﺍﻟﻐﻮﻝ ﻗﺎﻝ ﻫﺬﻩ ﻓﺮﺻﺔ ﻣﺎ ﺗﻀﻴﻌﺶ، ﻫﻴّﺎ ﻗﺎﻝ ﺍﻟﻐﻮﻝ : ﺇﺳﻤﻌﻨﻲ ﻣﺎﻧﻌﻄﻴﻚ ﺍﻟﻨﺎﺭ ﺇﻻ ﻋﻠﻰ ﺷﺮﻁ ﻭﺍﺣﺪ !ﻗﺎﻝ ﺍﻟﻄﻔﻞ : ﺷﻨﻮﺍ ﺍﻟﺸﺮﻁ ؟ﻗﺎﻝ ﺍﻟﻐﻮﻝ : ﻻﺯﻡ ﻧﺠﺮﺣﻚ ﻣﻦ ﺇﻳﺪﻙ ( ﻭ ﻫﻮ ﺍﻟﻐﻮﻝ ﺑﻠﻌﺎﻧﻲ ﺣﺐﻳﺠﺮﺡ ﺍﻟﻮﻟﻴّﺪ ﺑﺎﺵ ﻭﻗﺖ ﻳﺮﻭﺡ ﻳﺒﺪﻯ ﺍﻟﺪﻡ ﻳﻘﻄﺮ ﻣﻨّﻮ ﻭ ﻫﻮ ﺑﻌﺪ ﻳﺘﺒﻊﻗﻄﺮﺍﺕ ﺍﻟﺪﻡ ﻭ ﻳﻌﺮﻑ ﺍﻷﻭﻻﺩ ﻭﻳﻦ ﺩﺍﺭﻫﻢ، ) ...ﺍﻟﻄﻔﻞ ﺍﻟﺼﻐﻴﺮ ﺍﻟﻠﻪ ﻏﺎﻟﺐ ﻟﻘﻰ ﺭﻭﺣﻮ ﻣﺠﺒﻮﺭ ﻋﻠﻰ ﻫﺎﻟﺸﻲﺀ ﻭ ﻣﺎﻓﻴﺒﺎﻟﻮﺵ ﻳﻠﻲ ﺍﻟﻐﻮﻝ ﻳﺤﺐ ﻳﺘﺒﻌﻮ .. ﻭ ﻗﺎﻟﻮ ﺑﺎﻫﻲ ..ﻭﻟّﻰ ﻫﺎﻙ ﺍﻟﻐﻮﻝ ﺟﺮﺡ ﺍﻟﻄﻔﻞ ﻣﻦ ﺇﻳﺪﻭ ﺟﺮﺡ ﻛﺒﻴﺮ ﻭ ﺃﻋﻄﺎﻩ ﺍﻟﻨﺎﺭ،ﻭ ﺟﺮﻯ ﻫﺎﻝ ﺍﻟﻄﻔﻞ ﻳﺒﻜﻲ ﻭ ﺍﻟﺪﻡ ﻳﻘﻄﺮ ﻣﻦ ﺇﻳﺪﻭ ﻭ ﺷﺎﺩ ﺍﻟﻨﺎﺭ ﻭﻣﺮّﻭّﺡ ﻳﺠﺮﻱ ﻟﻠﺪﺍﺭ، ﻭ ﺍﻟﺪﻡ ﻳﻘﻄﺮ .. ﻟﻜﻦ ﻓﻤّﺎ ﻋﺼﻔﻮﺭ ﻳﺘﺒﻊ ﻓﻲﻫﺎﻝ ﺍﻟﻮﻟﺪ ﻭ ﻳﻐﻄﻲ ﻓﻲ ﻗﻄﺮﺍﺕ ﺍﻟﺪﻡ ﺑﺠﻨﺎﺣﺎﺗﻮ ﻳﻐﻄﻲ ﻓﻴﻬﻢﺑﺎﻟﺘﺮﺍﺏ ..ﺍﻟﻐﻮﻝ ﻗﺎﻡ ﺣﺐ ﻳﺘﺒﻊ ﻗﻄﺮﺍﺕ ﺍﻟﺪﻡ ﻣﺎﻟﻘﻰ ﺣﺘﻰ ﺷﻲﺀ .. ﺣﺎﺭ ﺍﻟﻐﻮﻝﻭ ﺗﻐﺸﺶ ﻭ ﻗﺎﻝ ﺯﻋﻤﺎ ﻛﻴﻔﺎﻩ ! ﻭ ﻭﻳﻨﻮ ﺍﻟﺪﻡ .. ﻭ ﻣﺎﻟﻘﻰ ﻛﻴﻔﺎﻩﻭﻟّﻰ ﻗﻌﺪ ﻭ ﻣﺎ ﻋﺮﻓﺶ ﺍﻟﺜﻨﻴﺔ ﻣﺘﺎﻉ ﺩﺍﺭ ﺍﻷﻭﻻﺩ ﺍﻟﺴﺒﻌﺔ ..ﻫّﻴﺎ ﻳﺎ ﺳﻴﺪﻱ ﻣﻦ ﻏﺪﻭﺓ ﺍﻟﻌﺸﻴﺔ، ﺍﻷﻭﻻﺩ ﺣﺎﺟﺘﻬﻢ ﺑﺎﻟﻨﺎﺭﺑﺎﺵ ﻳﻄﻴﺒﻮﻋﺸﺎﻫﻢ، ﻭﻟﻰ ﺧﺮﺝ ﻃﻔﻞ ﺍﺀﺧﺮ ﻭ ﻣﺸﻰ ﻟﻠﻤﻜﺎﻥ ﻣﺘﺎﻉ ﺍﻟﻐﻮﻝ ﻭﺳﻂﺍﻟﺠﺒﻞ ﻭ ﻧﻔﺲ ﺍﻟﺸﻲﺀ ﺷﺮﻁ ﻋﻠﻴﻪ ﻳﺠﺮﺣﻮ ﻭ ﺑﺎﻟﻔﻌﻞ ﺍﻟﻐﻮﻝ ﺟﺮﺡﻫﺎﻙ ﺍﻟﻄﻔﻞ ﻭ ﻗﻌﺪ ﺍﻟﺪﻡ ﻳﻘﻄﺮ ﺛﻨﻴﺔ ﻛﺎﻣﻠﺔ ﻭ ﻛﺎﻟﻌﺎﺩﺓ ﺟﺎﺀ ﺍﻟﻌﺼﻔﻮﺭﻭ ﺑﺪﺃ ﻳﻐﻄﻲ ﻓﻲ ﻗﻄﺮﺍﺕ ﺍﻟﺪﻡ ..ﻓﻲ ﺍﻟﺼﺒﺎﺡ، ﻫﺎﻙ ﺍﻟﻌﺼﻔﻮﺭ ﺟﺎﻉ، ﻣﺸﻰ ﻟﻠﺪﺍﺭ ﻣﺘﺎﻉ ﺍﻟﺴﺒﻌﺔ ﺇﺧﻮﺓﻟﻘﺎﻫﻢ ﺣﺎﻃﻴﻦ ﺷﻮﻱ ﺧﺒﺰ ﻓﻲ ﺍﻟﺸﺒﺎﻙ ﻣﺘﺎﻉ ﺍﻟﺪﺍﺭ، ﺟﺎﺀ ﻫﺎﻙﺍﻟﻌﺼﻔﻮﺭ ﻭ ﺑﺪﺃ ﻳﺄﻛﻞ ﻣﻦ ﺍﻟﺨﺒﺰ، ﻭ ﻟﻜﻦ ﻣﺎ ﻳﻔﻴﻖ ﻛﺎﻥ ﺑﻔﺮﺩﺓﺍﻟﺸﻼﻛﺔ ﺗﺠﻴﻪ ﻃﺎﻳﺮﺓ ﻭ ﺿﺮﺑﻮﻩ ﻫﺎﻙ ﺍﻹﺧﻮﺓ ﺍﻟﺴﺒﻌﺔ ﻭ ﻫﻮﻣﺎ ﻣﺎﻓﻴﺒﺎﻟﻬﻮﻣﺶ ﻳﻠﻲ ﻫﺎﻙ ﺍﻟﻌﺼﻔﻮﺭ ﺃﻧﻘﺬﻫﻢ ﻣﻦ ﺍﻟﻐﻮﻝ، ﻭﺑﺪﺍﻭ ﻳﻨﺸﻮﻓﻴﻪ ﻭ ﻳﺠﺮﻭﺍ ﻭﺭﺍﻩ ﻭ ﻳﺴﺒﻮ ﻓﻴﻪ ﻭ ﻫﺎﻙ ﺍﻟﻌﺼﻔﻮﺭ ﻣﺎ ﻣﻨﻊ ﻣﻨﻬﻢ ﻛﺎﻥﺑﺎﻟﺮﻭﺡ

ﺗﻐﺸﺶ ﻫﺎﻙ ﺍﻟﻌﺼﻔﻮﺭ ﻭ ﻗﺎﻝ ﻭﻟﻠﻪ ﻣﺎ ﻧﻮﺭﻳﻬﻢ ﻛﻴﻔﺎﻩ ! ﻳﺒﺪﻯ ﺃﻧﺎﻣﻨﻌﺘﻬﻢ ﻣﻦ ﺍﻟﻐﻮﻝ ﻭ ﻫﻮﻣﺎ ﻋﻠﻰ ﻃﺮﻑ ﺧﺒﺰ ﻗﺮﻳﺐ ﻻ ﻗﺘﻠﻮﻧﻲ .. ﻭﻃﺎﺭ ﻳﺠﺮﻱ ﻟﻠﻘﻄﺮﺍﺕ ﺍﻟﺪﺍﻡ ﻭ ﻋﺮّﻯ ﻋﻠﻴﻬﻢ ﺍﻟﺘﺮﺍﺏ ﻭ ﺧﻼﻫﻢﻣﻜﺸﻮﻓﻴﻦ ...ﺧﺮﺝ ﺍﻟﻐﻮﻝ ﻗﺎﻝ ﺧﻠﻲ ﻧﺘﺒﻊ ﺍﻟﺪﻡ، ﻳﻠﻘﺎﻩ، ﺑﺪﺃ ﻳﻤﺸﻲ ﻳﻤﺸﻲ ﻭ ﻳﺘﺒﻊﻓﻲ ﻗﻄﺮﺍﺕ ﺍﻟﺪﻡ .. ﺣﺘﻰ ﻭﺻﻞ ﺍﻟﻐﻮﻝ ﻟﻠﺪﺍﺭ ﻣﺘﺎﻉ ﺍﻷﻭﻻﺩ ﺍﻟﺼﻐﺎﺭ،ﺍﺳﺘﻨﻰ ﻟﺤﺪ ﻣﺎ ﻃﺎﺡ ﺍﻟﻠﻴﻞ ﻭ ﺍﻷﻭﻻﺩ ﺭﻗﻮﺩﺍ ﻭ ﺩﺧﻞ ﻋﻠﻴﻬﻢ.. ﺃﻛﻞﺍﻟﻐﻮﻝ ﺻﻐﻴﺮ ﺍﻟﻠﻴﻠﺔ ﺍﻷﻭﻟﻰ،ﻭ ﺭﺟﻊ ﺍﻟﻠﻴﻠﺔ ﺍﻟﺜﺎﻧﻴﺔ ﻭ ﺃﻛﻞ ﻃﻔﻞ ﺃﺧﺮ،ﻭﻟﻰ ﻛﻞ ﻟﻴﻠﺔ ﻳﺠﻲ ﻳﺄﻛﻞ ﻃﻔﻞ .. ﺣﺘﻰ ﻗﻌﺪ ﻃﻔﻞ ﺍﻟﺼﻐﻴﺮ ﻓﻘﻂ،ﺧﺮﺝ ﻣﻦ ﺍﻟﺪﺍﺭ ﻭ ﺗﺨﺒﻰ ﻓﻮﻕ ﺍﻟﺴﻄﺢ، ﺟﺎﺀ ﺍﻟﻐﻮﻝ ﻟﻮّﺝ ﻟﻮّﺝ .. ﺷﻲﺀﻣﺎﻟﻘﺎﻫﻮﺵ ... ﻭ ﻣﻦ ﻏﺪﻭﺓ ﺯﺍﺩﺓ ﺭﺟﻊ ﺍﻟﻐﻮﻝ ﻟﻮّﺝ ﻟﻮّﺝ ﺷﻲﺀﻣﺎﻟﻘﺎﺵ

ﻫﻴّﺎ ﻫﺎﻝ ﺍﻟﻄﻔﻞ ﻣﺴﻜﻴﻦ ﻗﺎﻋﺪ ﻓﻲ ﺍﻟﺴﻄﺢ ﻭ ﺍﻟﺠﻮﻉ ﺑﺎﺵ ﻳﻘﺘﻠﻮ ﻭﺍﻟﺒﺮﺩ ﻭ ﺍﻟﺨﻮﻑ .. ﺣﺘﻰ ﻳﺸﻮﻑ ﻓﻲ ﺧﻴﺎﻝ ﺟﺎﻱ ﻣﻦ ﺑﻌﻴﺪ .. ﻗﺎﻝﻫﺬﺍ ﺍﻟﻐﻮﻝ ﺯﺍﺩﺓ ﺭﺟﻊ .. ﻟﻜﻦ ﻟﻘﺎﻩ ﺃﺑﻮﻩ ﺟﺎﺀ ﻣﻦ ﺍﻟﻤﺪﻳﻨﺔ ... ﻫﻴّﺎﻫﺒﻂ ﻳﺠﺮﻱ ﻭ ﻋﻨّّﻖ ﺃﺑﻮﻩ ﻭ ﺑﺪﺃ ﻳﺒﻜﻲ ﻭ ﺣﻜﺎﻟﻮ ﺍﻟﺤﻜﺎﻳﺔ ﺍﻟﻜﻞ ...ﻫﺎﻙ ﺍﻷﺏ ﺑﻜﻰ ﻋﻠﻰ ﺃﻭﻻﺩﻩ ﻭ ﻗﺎﻝ ﻭﻟﻠﻪ ﻣﺎ ﻧﻮﺭﻳﻪ ﻫﺎﻟﻐﻮﻝ .. ﺟﺎﺀﻗﺪﺍﻡ ﺑﺎﺏ ﺍﻟﺪﺍﺭ ﻭ ﺣﻔﺮ ﺣﻔﺮﺓ ﻛﺒﻴﺮﺭﺭﺭﺓ ﻭ ﻏﺎﺭﻗﺔ ﻭ ﺟﺎﺏ ﻓﻴﻬﺎﺍﻟﺤﻄﺐ ﻭ ﺣﻂ ﻓﻴﻪ ﺍﻟﻮﻗﻮﺩ ﻭ ﺧﻼﻩ ﻫﺎﻛﺎﻛﺎ ﻭ ﻏﻄّﺎﻫﺎ ﺑﺎﻟﻠﻮﺡﺍﻟﺨﻔﻴﻒ.. ﻳﻠﻲ ﻳﻌﻔﺲ ﻓﻮﻗﻬﺎ ﻳﻄﻴﺢ ﻭ ﻗﺎﻝ ﻹﺑﻨﻪ ﺃﻗﻌﺪ ﻓﻲ ﺍﻟﺪﺍﺭﺍﻟﺪﺍﺧﻞ ﻭ ﺍﻟﺒﺎﺏ ﻣﺤﻠﻮﻝ ﺑﺤﻴﺚ ﻳﻠﻲ ﻳﺨﺰﺭ ﻣﻦ ﺑﻌﻴﺪ ﻳﺸﻮﻑ ﺍﻟﻮﻟﺪﺩﺍﺧﻞ ﺍﻟﺪﺍﺭ ..ﻫﻴﺎ ﻫﺎﻝ ﺍﻟﻐﻮﻝ ﺟﺎﻉ ﻭ ﻗﺘﻠﻮ ﺍﻟﺸﺮ ﻗﺎﻝ ﺧﻠﻲ ﻧﺰﻳﺪ ﻧﺮﺟﻊ ﺑﺎﻟﻚ ﻧﻠﻘﻰﺍﻟﻄﻔﻞ ﺍﻟﺴﺎﺑﻊ .. ﻫﻮ ﻭﺻﻞ ﻟﻠﺪﺍﺭ ﻭ ﻳﺸﻮﻑ ﻓﻲ ﺍﻟﺒﺎﺏ ﻣﺤﻠﻮﻝ ﻭﺍﻟﻄﻔﻞ ﺍﻟﺪﺍﺧﻞ ﻓﻲ ﺍﻟﺪﺍﺭ، ﻗﺎﻝ ﺃﺧﻴﺮ ﻟﻘﻴﺘﻮ ﻭ ﻫﻮ ﺟﺎﺀ ﺩﺍﺧﻞ ﻟﻠﺪﺍﺭﻭ ﻳﻌﻔﺲ ﻓﻮﻕ ﺍﻟﺤﻔﺮﺓ ﻭ ﺇﻃﻴﺢ ﺑﻴﻪ ... ﺟﺎﺀ ﺍﻟﻐﻮﻝ ﻭﺳﻂ ﺍﻟﺤﻔﺮﺓﺍﻟﻐﺎﺭﻗﺔ ﻭ ﻛﻠﻬﺎ ﺣﻄﺐ ﻭ ﻭﻗﻮﺩ .. ﻭ ﺟﺎﺀ ﺍﻷﺏ ﻭ ﺇﺑﻨﻪ ﻓﻮﻕ ﻳﺘﻔﺮﺟﻮﻓﻲ ﺍﻟﻐﻮﻝ ﻭﺳﻂ ﺍﻟﺤﻔﺮﺓ .. ﻗﺎﻡ ﺍﻷﺏ ﻭ ﻋﻄﻰ ﻹﺑﻨﻪ ﺍﻟﺼﻐﻴﺮ ﻋﺮﻑﻭﻗﻴﺪ ﻭ ﻗﺎﻟﻮ ﺷﻌﻞ ﻭ ﺃﺭﻣﻴﻪ ﻓﻮﻗﻮ.. ﻫﺎﻙ ﺍﻟﻄﻔﻞ ﺍﻟﺼﻐﻴﺮ ﺷﻌﻞﺍﻟﻌﺮﻑ ﻣﺘﺎﻉ ﺍﻟﻮﻗﻴﺪ ﻭ ﺭﻣﺎﻩ ﻭﺳﻂ ﺍﻟﺤﻔﺮﺓ ﺷﻌﻌﻌﻌﻌﻠﺖ ﺍﻟﻨﺎﺭ ﻭ ﻫﺎﻙﺍﻟﻐﻮﻝ ﺗﺤﺮﻕ ﻭ ﻣﺎﺕ ..

 

 

 

ﻛﻴﺪ ﺍﻟﻨﺴﺎﺀ ﻛﻴﺪﻳﻦ

انا مغرومة بالحكايات وبالاخص الحكايات الي فيهم عبرة عاد قلت نلم حكايات عبد العزيز العروي كلها ان شاء الله تعجبكم
نبدا بسم الله اول حكاية هي حكاية " ﻛﻴﺪ ﺍﻟﻨﺴﺎﺀ ﻛﻴﺪﻳﻦ"

ﻳﺤﻜﻴﻮ ﻋﻠﻰ ﺭﺍﺟﻞ ﺗﺎﺟﺮ ﻣﺘﺰﻭﺝ، ﺭﺍﺟﻞ ﻣﺒﺴﻮﻁ ﻋﻨﺪﻭ ﻛﻞ ﺧﻴﺮ ﻭﺧﻤﻴﺮ، ﺃﻣﺎ ﺭﺑﻲ ﻣﻮﺵ ﻋﺎﻃﻴﻪ ﻋﻠﻰ ﻗﺪ ﻗﻠﺒﻮ ﺯﻭﺟﺘﻪ ﻃﻠﻌﺖ ﻣﻮﺵﻧﺎﺱ ﻣﻼﺡ، ﻣﻮﺵ ﺑﻦ ﺃﺻﻞ، ﻣﺎﻗﺎﻋﺪﺗﻠﻮ ﻛﺎﻥ ﻋﻠﻰ ﻫﺎﻙ ﺍﻟﺮﺯﻕ ﻭﺗﺘﻤﻨﻰ ﻳﻤﻮﺕ ﻭ ﺗﻮﺭﺛﻪ ﻭ ﺭﺑﻲ ﻣﺎ ﺭﺯﻗﻬﻤﺶ ﺃﻭﻻﺩ ﻭﻻﺕ ﺧﺎﻳﻔﺔ ﻧﻬﺎﺭﻳﻠﻲ ﻳﻤﻮﺕ ﺗﻘﻌﺪ ﻫﻲ ﻫﺎﻛﺎﻛﺎ ﻭ ﺗﺨﺮﺝ ﺍﻳﺪﻫﺎ ﻋﻠﻰ ﺭﺍﺳﻬﺎ ..ﻗﺎﺗﻠﻮ ﺍﺳﻤﻊ ﻳﺎ ﺭﺍﺟﻠﻲ ﻧﺤﻨﺎ ﻣﺎ ﺟﺒﻨﺎﺵ ﺻﻐﺎﺭ ﻭ ﻧﻬﺎﺭ ﻳﻠﻲ ﺗﻤﻮﺕﺩﺍﺭﻛﻢ ﻭ ﺃﻫﻠﻚ ﺍﻳﻘﻠﻘﻮﻧﻲ ﻋﻠﻰ ﺍﻟﺮﺯﻕ، ﺇﻛﺘﺒﻠﻲ ﺭﺯﻗﻚ ؟ ﻻ ﺣﺸﻤﺖﻭ ﻻ ﻗﺎﻟﺖ ﺑﻌﺪ ﻃﻮﻝ ﻋﻤﺮ ﻭ ﻻ ﻗﺪﺭ ﺍﻟﻠﻪ .. ﻫﻴﺎ ﻳﺎ ﺳﻴﺪﻱ ﻗﻌﺪﺕﻛﻞ ﻧﻬﺎﺭ ﻭ ﻫﻲ ﺗﻌﺎﻭﺩﻟﻮ ﻓﻲ ﻧﻔﺲ ﺍﻟﺤﻜﺎﻳﺔ، ﺣﺘﻰ ﻗﺎﻝ ﻧﻬﺎﺭ ﺗﻲ ﺃﻧﺎﺃﺵ ﺑﺎﺵ ﻧﺨﺴﺮ ﺧﻠﻲ ﻧﻜﺘﺒﻠﻬﺎ ﻭ ﻧﺮﺗﺎﺡ ﻭ ﻣﺸﻰ ﺟﺎﺏ ﺍﻟﻌﺪﻭﻝ ﻭﻛﺘﺒﻠﻬﺎ ﺍﻟﺮﺯﻕ ﺍﻟﻜﻞ ؛ ﺍﻟﺪﺍﺭ ﻭ ﺍﻟﻬﻨﺸﻴﺮ ﻭ ﺍﻟﺤﺎﻧﻮﺕ ﻭ ﺍﻟﺴﺎﻧﻴﺔﺍﻟﻔﻼﻧﻴﺔ ..ﻣﻊ ﺍﻟﻌﺸﻴﺔ ﺭﻭّﺡ ﺳﻲ ﻭﺧﻴﻨﺎ ﻟﻠﺪﺍﺭ، ﻳﻠﻘﻰ ﺍﻟﺒﺎﺏ ﻣﺴﻜﺮ، ﺩﻕ ﺍﻟﺒﺎﺏ،ﻗﺎﻟﺖ ﺷﻜﻮﻥ ﻭ ﺃﺵ ﺗﺤﺐ ؟ ﻗﺎﻟﻬﺎ : ﺷﻨﻮﺍ ﺷﻜﻮﻥ ﺗﻲ ﺭﺍﺟﻠﻚ ﺃﻧﺎ !ﻗﺎﺗﻠﻮ : ﺍﻣﺸﻲ ﻋﻠﻰ ﺭﻭﺣﻚ ﻣﺎ ﺗﻜﺴﺐ ﻣﻌﺎﻳﺎ ﺣﺘﻰ ﺷﻲﺀ ﻭ ﺍﻟﺪﺍﺭﻣﺘﺎﻋﻲ ﺃﻧﺎ ، ﻗﺎﻟﻬﺎ ﻋﺠﺎﻳﺐ ﻳﺎ ﺑﻨﺘﻲ ﺍﻟﻌﻦ ﺍﻟﺸﻴﻄﺎﻥ ﻭ ﻗﺎﺗﻠﻮ ﻻ ﻭﻫﺎﻧﻮ ﺍﻟﺤﺎﻛﻢ ﺑﻴﻨﺎﺗﻨﺎ ﻛﺎﻥ ﻋﻨﺪﻙ ﺣﻖ ﻣﻌﺎﻳﺎ، ﻗﺎﻟﻬﺎ ﻧﻤﺸﻴﻮ ﻟﻠﺤﺎﻛﻢ

ﺭﻣﺎﺕ ﺳﻔﺴﺎﺭﻳﻬﺎ ﻋﻠﻰ ﺭﺍﺳﻬﺎ ﻭ ﻣﺸﺎﻭ ﻟﻠﻤﺤﻜﻤﺔ ﻭ ﺃﻭﻝ ﻣﺎ ﺩﺧﻠﺖﺑﺪﺍﺕ ﺗﺼﻴﺢ ﻭ ﺗﺒﻜﻲ ﻭ ﺗﻘﻮﻝ ﻳﺎ ﺳﻴﺪﻱ ﺭﺍﻧﻲ ﻭﻟﻴّﺔ ﻭ ﻣﺎ ﻋﻨﺪﻱﺣﺘﻰ ﺃﺣﺪ ﺭﺍﻭ ﻫﺎﻟﺮﺍﺟﻞ ﻫﺎﻣﻞ ﻭ ﻳﺪﺧﻞ ﻳﻀﺮﺏ ﻭ ﻳﺨﺮﺝ ﻳﻀﺮﺏ ﻭ ﻻﻳﺼﺮﻑ ﻋﻠﻴﺎ ﻭ ﻻ ﺣﺘﻰ ﺷﻲﺀ ﻭ ﺍﻷﻥ ﺟﺎﻱ ﺇﻳﻘﻮﻝ ﺍﻟﺪﺍﺭ ﻣﺘﺎﻋﻮ ﻭﺍﻟﺮﺯﻕ ﻣﺘﺎﻋﻮ ، ﻗﺎﺗﻠﻮ : ﻳﺎ ﺳﻴﺪﻱ ﺍﻟﺤﺎﻛﻢ ﻃﻠﻘﻨﻲ ﻣﻨﻮ ..ﻗﺎﻝ ﺍﻟﻘﺎﺿﻲ : ﻛﻴﻔﺎﻩ ﻳﺎ ﺭﺍﺟﻞ ؟ﻗﺎﻝ ﺍﻟﺮﺍﺟﻞ : ﻳﺎ ﺳﻴﺪﻱ ﻣﻮﺵ ﺻﺤﻴﺢ ﺍﻟﺮﺯﻕ ﺍﻟﻜﻞ ﻣﺘﺎﻋﻲ ..ﻗﺎﻝ ﺍﻟﺤﺎﻛﻢ : ﻳﺎ ﻭﻟﺪﻱ ﺍﻟﺮﺯﻕ ﺍﻟﻜﻞ ﻣﻜﺘﻮﺏ ﺑﺈﺳﻤﻬﺎ ﻭ ﺍﻟﺸﺮﻉ ﻳﺤﻜﻢﺑﺎﻟﻈﺎﻫﺮ ، ﻫﻴﺎ ﻃﻠﻘﻬﺎ ﻭ ﺇﻻ ﺗﺪﺧﻞ ﺍﻟﺤﺒﺲ .ﻣﺴﻜﻴﻦ ﻣﺎ ﻋﻨﺪﻭ ﻣﺎ ﻳﻌﻤﻞ ﻃﻠﻘﻬﺎ ﻭ ﺧﺮﺝ، ﻭ ﺟﺎﺀ ﺗﺤﺖ ﺣﻴﻂ ﻭﻗﻌﺪﻭ ﺣﻂ ﻳﺪ ﻋﻠﻰ ﺧﺪﻭ ﻭ ﻗﻌﺪ ﺇﻳﺨﻤﻢ ﻋﻠﻰ ﻛﻴﺪ ﺍﻟﻨﺎﺱ ﻭ ﺣﻴﻠﻬﻢ ﻭ ﻋﻠﻰﻫﺒﺎﻟﻮ ﻳﻠﻰ ﻳﻌﻄﻲ ﺍﻷﻣﺎﻥ ﻟﻠﻤﺮﺃﺓ

.ﻫﻮ ﻗﺎﻫﺪ ﻭ ﺗﻌﺪّﻯ ﺭﺍﺟﻞ ﻛﺒﻴﺮ ﻣﻦ ﻣﺸﺎﻳﺦ ﺍﻟﺒﻼﺩ ﻛﺎﻥ ﻳﻌﺮﻑﺍﻟﻤﺮﺣﻮﻡ ﺃﺑﻮﻩ ﺃﻳﺎﻡ ﺯﻣﺎﻥ، ﻗﺎﻟﻮ : ﻳﺎ ﻭﻟﺪ ﺳﻲ ﻓﻼﻥ ﺷﺒﻴﻚ ﻓﻲﻫﺎﻟﺤﺎﻟﺔ ؟ ﻗﺎﻟﻮ ﻳﺎ ﺑﺎﺑﺎ ﺭﺍﻫﻮ ﻫﻜﺎ ﻣﺎ ﺟﺮﻯ ﻭ ﻣﺎ ﺟﺮﻯ ﻭ ﺍﻟﺤﺎﻛﻢﺣﻜﻢ ﻋﻠﻴﺎ ﻧﻄﻠﻘﻬﺎ ﻭ ﻧﺴﻠﻢ ﻓﻲ ﻛﻞ ﺷﻲﺀ، ﻭ ﺃﻧﺎ ﻣﺎ ﻧﺠﻤﺶ ﻧﻠﻮﻡﻋﻠﻴﻪ ﺍﻟﻘﺎﺿﻲ ﺧﺎﻃﺮ ﺃﻧﺎ ﻋﻤﺎﻟﻲ ﺭﺑﻲ ﺑﺼﻴﺮﺗﻲ ﻭ ﻛﺘﺒﺖ ﻛﻞ ﻣﺎ ﻧﻤﻠﻚﻟﻤﺮﺗﻲ ﻭ ﺍﻟﺸﺮﻉ ﻳﺤﻜﻢ ﺑﺎﻟﻈﺎﻫﺮ، ﻳﺎ ﺑﺎﺑﺎ ﺩﺑﺮ ﻋﻠﻴﺎ ﻛﻴﻔﺎﻩ ﻧﻔﻬﻢﺍﻟﻘﺎﺿﻲ ﻳﻠﻲ ﺃﻧﺎ ﻣﻈﻠﻮﻡ ؟ﺧﻤﻢ ﺍﻟﺮﺟﻞ ﺍﻟﻌﺠﻮﺯ ﺧﻤﻢ ﺧﻤﻢ ﻭ ﻗﺎﻝ : ﻳﺎ ﻭﻟﺪﻱ ﻫﺎﺫﻱ ﻧﺎﺯﻟﺔ ﻧﺴﺎﺀﻭ ﻣﺎ ﻳﻨﺠﻤﻮﻫﺎ ﺍﻻ ﺍﻟﻨﺴﺎﺀ، ﺇﻣﺸﻲ ﻟﺰﻭﺟﺔ ﺍﻟﺤﺎﻛﻢ ﻳﻠﻲ ﻫﻜﻢ ﻓﻲﺍﻟﻘﻀﻴﺔ ﻭ ﺃﺣﻜﻴﻠﻬﺎ ﺍﻟﺤﻜﺎﻳﺔ ﻫﻲ ﺗﻌﺎﻭﻧﻚ .

 

ﻣﺸﻰ ﺳﻲ ﻭﺧﻴﻨﺎ ﻭ ﻗﺎﺑﻞ ﺯﻭﺟﺔ ﺍﻟﻘﺎﺿﻲ ﻭ ﺑﺪﺃ ﻳﺒﻜﻲ ﻣﻦﺍﻟﻘﻬﺮ ﻭ ﺣﻜﺎﻟﻬﺎ ﺑﺎﻟﺒﺎﺀ ﻭ ﺍﻟﺘﺎﺀ .. ﺑﻌﺪ ﻣﺎ ﻛﻤﻞ ﺍﻟﺤﻜﺎﻳﺔ ، ﻗﺎﺗﻠﻮﺍﻣﺸﻲ ﺟﻴﺒﻠﻲ 4 ﺩﻟّﺎﻋﺎﺕ ﻭ ﺇﺷﺮﻳﻠﻲ 4 ﺣﻮﺗﺎﺕ .. ﻭ ﻗﺎﺗﻠﻮ ﺃﻃﻠﻊﻟﺒﻴﺖ ﺍﻟﻌﻠﻲ " ﺍﻟﺴﻄﺢ " ﻭ ﺃﻗﻌﺪ ﻏﺎﺩﻱ ﻭ ﺇﺳﻤﻊ ﺃﺵ ﺑﺎﺷﻲﻳﺼﻴﺮ .. ﻭﺟﺒﺪﺕ ﻫﺎﻙ ﺍﻟـ 4 ﺩﻻﻋﺎﺕ ﻭ ﻗﻌﺮﺗﻬﻢ ﻭ ﻛﻞ ﺩﻻﻋﺔ ﺩﺧﻠﺖﻓﻴﻬﺎ ﺣﻮﺗﺔ ﻭ ﻋﺎﻭﺩﺕ ﺭﺟﻌﺖ ﻏﻄﺎﺀ ﺍﻟﺪﻻﻋﺔ، ﻫﻴﺎ ﺟﺎﺀ ﺍﻟﻘﺎﺿﻲ ﻣﻦﺍﻟﺨﺪﻣﺔ ﻗﺎﺗﻠﻮ ﻳﺎ ﺳﻴﺪﻱ ﺩﺭﺍ ﺷﻜﻮﻥ ﺟﺎﺏ 4 ﺩﻻﻋﺎﺕ ﻭ ﻗﺎﻝ ﻫﺪﻳﺔ،ﻗﺎﻝ ﻫﺎﺕ ﺍﻟﺴﻜﻴﻨﺔ ﻧﺸﻘﻮ ﺩﻻﻋﺔ ﻟﻠﻔﻄﻮﺭ، ﻫﻮ ﺷﻖ ﺍﻟﺪﻻﻋﺔ ﻭ ﻳﻠﻘﻰﻓﻴﻬﺎ ﺣﻮﺗﺔ، ﺇﺳﺘﻐﺮﺏ ﻣﻦ ﺃﻣﺮﻭ ﻭ ﻧﻔﺲ ﺍﻟﺤﻜﺎﻳﺔ ﺑﺎﻟﻨﺴﺒﺔ ﻟﻠﺪﻻﻋﺔﺍﻟﺜﺎﻧﻴﺔ، ﺍﻟﺜﺎﻟﺜﺔ

ﺑﻘﻰ ﻣﺘﻌﺠﺐ ﻭ ﻗﺎﻝ ﺷﻨﻮﺍ ﻫﺎﻟﻐﺮﻳﺒﺔ ﻭ ﻗﺎﻝ ﻳﺎﻣﺮﺍ ﻃﻴﺒﻠﻨﺎ ﻛﺴﻜﺴﻲ ﺑﺎﻟﺤﻮﺕ ﻭ ﻫﻮ ﺧﺮﺝ ﻭ ﻫﻲ ﻃﻴﺒﺖ ﻛﺴﻜﻲﺑﺎﻟﺤﻮﺕ ﻭ ﺧﺒﺎﺗﻮ ﻓﻲ ﺍﻟﺒﻴﺖ ﻭ ﻃﻴﺒﺖ ﻣﻘﺮﻭﻧﺔ ﻭ ﺟﺎﺀ ﻭﻗﺖ ﺍﻟﻌﺸﺎﺀﺗﺤﻄﺖ ﺍﻟﻄﺎﻭﻟﺔ ﻭ ﻓﻮﻗﻬﺎ ﻣﻘﺮﻭﻧﺔ، ﻗﺎﻝ ﺷﻨﻮﺍ ﻫﺬﺍ ؟ ﻗﺎﺗﻠﻮ ﻫﺎﻧﻮﻛﺴﻜﻲ ﺑﺎﻟﺤﻮﺕ، ﻗﺎﻟﻬﺎ ﻫﺬﺍ ﻛﺴﻜﻲ ﺑﺎﻟﺤﻮﺕ ؟ ﻗﺎﺗﻠﻮ ﺷﺒﻴﻚ ﻳﺎﺭﺍﺟﻞ ﻫﺒﻠﺖ ﻫﺎﻧﻮ ﻛﺴﻜﻲ ﺑﺎﻟﺤﻮﺕ ! ﻗﺎﻟﻬﺎ ﺃﻧﺎ ﻫﺒﻠﺖ ؟ ﺷﻨﻮﺍ ﻗﻠﺔﺍﻟﺤﻴﺎﺀ ﻫﺎﻧﻲ ﺑﺎﺵ ﻧﻤﺸﻲ ﺍﻧﺎﺩﻱ ﺃﺑﻮﻙ ﺗﻮ ﻳﺘﻔﺎﻫﻢ ﻣﻌﺎﻙ ، ﻫﻮ ﺧﺮﺝﻭ ﻫﻲ ﺗﺠﺮﻱ ﺗﺠﻴﺐ ﺍﻟﻜﺴﻜﻲ ﺑﺎﻟﺤﻮﺕ ﻭ ﺗﺤﻄﻮ ﻓﻮﻕ ﺍﻟﻄﺎﻭﻟﺔ ﻭﺗﺨﺒّﻲ ﺍﻟﻤﻘﺮﻭﻧﺔ . ﻫﻴﺎ ﺟﺎﺀ ﺍﻟﻘﺎﺿﻲ ﻭ ﺃﺏ ﺯﻭﺟﺘﻪ، ﻣﻦ ﻭﻗﺖ ﺩﺧﻞﺍﻟﺸﺎﻳﺐ ﺑﺪﺍ ﻳﺴﺐ ﻳﻠﻲ ﻣﺎ ﺗﺤﺸﻤﺶ ﺃﺣﻨﺎ ﻳﺨﺮﺝ ﻋﻠﻴﻨﺎ ﻫﺬﺍ ؟ ﻗﺎﺗﻠﻮ :ﻳﺎ ﺑﺎﺑﺎ ﻭﺭﺍﺳﻚ ﻣﻈﻠﻮﻣﺔ ﻫﺎﻧﻮ ﻛﺴﻜﻲ ﺑﺎﻟﺤﻮﺕ ﻭ ﻫﻮ ﻳﻘﻮﻟﻲﻣﻘﺮﻭﻧﺔ، ﺧﺰﺭ ﺃﺑﻮﻫﺎ ﻗﺎﻝ ﺗﻲ ﻫﺎﻭ ﻛﺴﻜﻲ ﺑﺎﻟﺤﻮﺕ ﺷﻨﻮﺍ ﺗﻮﺍ ﻳﺎﺭﺍﺟﻞ ﺑﻨﺘﻲ ؟ ﻣﻌﻘﻮﻝ ﻫﻜﺎ ؟ ﻋﻴﺐ ﻋﻠﻴﻚ ..ﻗﺎﻝ : ﻭﻟﻠﻪ ﺗﻮﺍ ﻛﺎﻥ ﻣﻘﺮﻭﻧﺔ . ﻗﺎﻝ ﻫﻴﺎ ﻣﺶ ﻣﺸﻜﻞ ﻭ ﺧﺮﺝ ﺍﻳﻮﺻﻞﻓﻴﻪ ﻟﺒﺎﺏ ﺍﻟﺪﺍﺭ ﻭ ﻫﻲ ﻓﻴﺴﻊ ﺗﺮﺟﻊ ﺻﺤﻦ ﺍﻟﻤﻘﺮﻭﻧﺔ ﻭ ﺗﺨﺒﻲ ﺻﺤﻦﺍﻟﻜﺴﻜﻲ ﺑﺎﻟﺤﻮﺕ

ﺭﺟﻊ ﻗﺎﻝ ﺍﻟﻤﻘﺮﻭﻧﺔ ﺭﺟﻌﺖ ﻭﻳﻨﻮ ﺍﻟﻜﺴﻜﻲ ؟؟ ﻗﺎﺗﻠﻮ ﻫﺬﺍﻛﺎ ﺷﻨﻮﺍﻣﻮﺵ ﻛﺴﻜﻲ ؟ ﺑﺪﺃ ﻳﺼﻴﺢ ﻳﺎ ﻣﺮﺍ ﺭﺍﻙ ﺑﺎﺵ ﺗﻬﺒﻠﻨﻲ ﺗﻮﺍ ﻫﺬﺍﻛﺴﻜﻲ ! ﺗﻲ ﻫﺎﻱ ﻣﻘﺮﻭﻧﺔ ... ﺑﺪﺍﻭ ﻛﻠﻤﺔ ﺑﻜﻠﻤﺔ ﻭ ﻫﻲ ﻓﻲ ﺍﻳﺪﻫﺎﻭﻟﻴﺪ ﺗﺮﺿﻊ ﻓﻴﻪ ﻭ ﻗﺎﻟﺖ ﺗﻲ ﺃﺵ ﺑﻴﻨﻲ ﻭ ﺑﻴﻨﻚ ﻭ ﺧﺮﺟﺖ ﺗﺠﺮﻱ ﺑﻴﻪﻟﻮﺳﻂ ﺍﻟﺪﺍﺭ ﻭ ﻫﻲ ﻋﻨﺪﻫﺎ ﻣﺨﺪﺓ ﻓﻲ ﺣﻀﻨﻬﺎ ﻣﻐﻄﻴﺘﻬﺎ ﻛﺄﻧﻮ ﻭﻟﻴّﺪﺻﻐﻴﺮ ﻭ ﺗﺮﻣﻲ ﻫﺎﻙ ﺍﻟﻤﺨﺪﺓ ﻓﻲ ﻗﺎﻉ ﺍﻟﻔﺴﻘﻴﺔ .. ﻣﺴﻜﻴﻦ ﻗﺎﻟﻮﺃﻭﻭﻭﻩ ﻣﺸﻰ ﻓﻴﺒﺎﻟﻮ ﻭﻟﺪﻭ ﻫﺒﻞ ﻭ ﺧﺮﺝ ﻳﺠﺮﻱ ﺟﺎﺏ ﺃﺑﻮﻫﺎ ﻭ ﺇﺧﻮﺗﻬﺎﻭ ﻗﺎﻟﻬﻢ ﻭﻟﺪﻱ ﺭﺍﻫﻲ ﺭﻣﺎﺗﻮ ﻓﻲ ﺍﻟﻔﺴﻘﻴﺔ .. ﺩﺧﻠﻮ ﻳﻠﻘﺎﻭ ﺍﻟﻤﺮﺃﺓﺷﺎﺩﺓ ﻭﻟﺪﻫﺎ ﺗﺮﺿﻊ ﻓﻴﻪ ﻭ ﺻﺤﻦ ﺍﻟﻜﺴﻜﻲ ﻓﻮﻕ ﺍﻟﻄﺎﻭﻟﺔ، ﻗﺎﻟﻮ ﺗﻲﻣﻮﺵ ﻗﻮﻟﺖ ﺭﻣﺎﺕ ﺍﻟﻮﻟﻴﺪ ﻓﻲ ﺍﻟﻔﺴﻘﻴﺔ ؟ ﻭ ﻫﻲ ﻗﺎﻣﺖ ﻭ ﺑﺪﺍﺕﺗﺒﻜﻲ ﻭ ﻗﺎﻟﺖ ﻳﺎﺑﺎﺑﺎ ﻳﺰﻳﻨﻲ ﻣﻨﻮ ﻣﺎﻧﻲ ﻛﺒﺪﺗﻚ ﺭﺍﻭ ﻫﺎﻟﺮﺍﺟﻞ ﻫﺒﻞﻫﺎﻧﻮ ﺍﻟﻜﺴﻜﻲ ﺑﺎﻟﺤﻮﺕ ﻭ ﻫﻮ ﻳﻘﻮﻝ ﻣﻘﺮﻭﻧﺔ ﻭ ﻫﺎﻭ ﺻﻐﻴﺮﻱ ﻓﻲﺣﻀﻨﻲ ﻭ ﻫﻮ ﻳﻘﻮﻝ ﺭﻣﻴﺘﻮ ﻓﻲ ﺍﻟﻔﺴﻘﻴﺔ ..ﻗﺎﻟﻮ ﺧﺴﺎﺭﺓ ﻫﺎﻟﺮﺍﺟﻞ ﻫﺒﻞ ﻭ ﺷﺪﻭﻩ ﻛﺘﻔﻮﻩ ﺑﺎﻟﺤﺒﻞ ﺭﺑﻄﻮﻩ ﻓﻲﺍﻟﺤﻴﻂ ﻭ ﺑﺎﺕ ﻫﺎﻙ ﺍﻟﻠﻴﻠﺔ ﻓﻲ ﻭﺳﻂ ﺍﻟﺪﺍﺭ ﻭ ﻫﻲ ﺧﺮﺟﺖ ﻃﺎﻭﻟﺔﻓﻮﻗﻬﺎ ﻛﺴﻜﻲ ﺑﺎﻟﺤﻮﺕ ﻭ ﻧﺎﺩﺕ ﻟﻠﺴﻲ ﻭﺧﻴّﻨﺎ ﻳﻠﻲ ﻓﻲ ﺑﻴﺖ ﺍﻟﺴﻄﺢﻭ ﻗﺎﻋﺪ ﻳﺘﻔﺮﺝ ﻓﻲ ﻋﺠﺐ ﺭﺑﻲ ﻭ ﻗﺎﺗﻠﻮ ﺃﻛﻞ ﺻﺤﺔ ﻭ ﺑﺎﻟﺸﻔﺎﺀ ﻭ ﺑﻌﺪﻣﺎ ﻛﻤﻞ ﺍﻟﻌﺸﺎﺀ ﺧﺮﺟﺎﺗﻮ ﻣﻦ ﺍﻟﺪﺍﺭ ﻭ ﻗﺎﺗﻠﻮ ﺑﺮﻯ ﻋﻠﻰ ﺭﻭﺣﻚ ﺍﻷﻥﻧﻬﺎﺭ ﻳﻠﻲ ﺗﺴﻤﻊ ﺑﻴﻪ ﺭﺟﻊ ﻟﻠﻤﺤﻜﻤﺔ ﺍﻣﺸﻴﻠﻮ

ﻣﻦ ﻏﺪﻭﺓ ﺍﻟﺼﺒﺎﺡ ﺟﺎﻭ ﺑﻮﻫﺎ ﻭ ﺇﺧﻮﺗﻬﺎ ﻳﻄﻠﻮ ﻋﻠﻴﻪ ﻗﺎﻟﻬﻢ ﺍﻟﺒﺎﺭﺡ ﺑﻌﺪﺍ ﺧﺮﺟﺘﻮ ﺟﺎﺀ ﺭﺍﺟﻞ ﻭ ﺗﻌﺸﻰ ﻛﺴﻜﻲ ﺑﺎﻟﺤﻮﺕ ﻓﻲ ﺩﺍﺭﻱ، ﻗﺎﻟﻮﻣﺴﻜﻴﻦ ﺗﻮ ﻫﺎﺫﻱ ﺣﻜﺎﻳﺔ ﺟﺪﻳﺪﺓ ﻃﺎﻟﻊ ﺑﻴﻬﺎ .. ﻛﻞ ﻧﻬﺎﺭ ﻃﺎﻟﻊﺑﺤﻜﺎﻳﺔ ..ﻗﻌﺪ ﺷﻬﺮ ﻣﺮﺑﻮﻁ ﻭ ﻟﻴﻦ ﻗﺎﻝ ﺗﻮﺍ ﻫﺎﺫﻡ ﻣﻮﺵ ﻣﺼﺪﻗﻴﻨﻲ ﻫﺎﺕ ﺧﻠﻲﻧﻌﻤﻞ ﺭﻭﺣﻲ ﻛﻨﺖ ﻣﻬﺒﻮﻝ ﺑﺎﻟﺤﻖ ﻭ ﺑﺮﻳﺖ .. ﻣﻦ ﻏﺪﻭﺓ ﺟﺎﻭ ﻳﻄﻠﻮﻋﻠﻴﻪ ﻗﺎﻟﻬﻢ ﻋﻼﻩ ﺭﺍﺑﻄﻴﻨﻲ ؟ ﻗﺎﻟﻮﻟﻮ ﻣﺎﻙ ﻣﺮﻳﺾ ؟ ﻗﺎﻟﻬﻢ ﻻﺑﺮﻳﺖ .. ﻗﺎﻟﻮﻟﻮ ﻣﻮﺵ ﻗﻮﻟﺖ ﻣﺮﺗﻚ ﺭﻣﺎﺕ ﺍﻟﻮﻟﺪ ﻓﻲ ﺍﻟﻔﺴﻘﻴﺔ ﻭﺣﻜﺎﻳﺔ ﺍﻟﻜﺴﻜﻲ ﻭ ﺍﻟﻤﻘﺮﻭﻧﺔ ﻭ ﺍﻟﺮﺍﺟﻞ ﻳﻞ ﺟﺎﺀ ﻳﺘﻌﺸﻰ ﻓﻲ ﺩﺍﺭﻙ ؟ﻗﺎﻝ ﻻ ﻣﻮﺵ ﺻﺤﻴﺢ ﻣﺮﺗﻲ ﻋﺎﻗﻠﺔ .. ﻗﺎﻟﻮ ﻫﻴﺎ ﺍﻟﺤﻤﺪﻟﻠﻪ ﻫﺎﻭ ﺑﺮﻯﻭ ﺭﺟﻌﻠﻮ ﻋﻘﻠﻮ ..ﻣﻦ ﻏﺪﻭﺓ ﺭﺟﻊ ﻟﻠﻤﺤﻜﻤﺔ ، ﻋﻠﻰ ﺍﻟﺼﺒﺎﺡ ﺳﻤﻊ ﺑﻴﻪ ﺳﻲ ﻭﺧﻴﻨﺎ ﺟﺎﻩﻳﺠﺮﻱ ﻳﺎ ﺳﻴﺪﻱ ﺍﻟﻘﺎﺿﻲ ﺭﺍﻭ ﻣﺮﺗﻲ ﻛﺘﺒﺘﻠﻬﺎ ﺭﺯﻕ ﺍﻟﻜﻞ ﻭ ﺩﺍﺭﺕﻋﻠﻴﺎ ، ﻗﺎﻝ ﺟﻴﺒﻮﻫﺎ ! ﺟﺎﺕ ، ﻗﺎﻝ ﻛﺘﻔﻮﻫﺎ ﻭ ﻗﺎﻝ ﻫﻴﺎ ﻗﻮﻝ ﺍﻟﺤﻖ ﻭﺇﻻ ﺧﻴﺮﻟﻚ ؟ ﻗﺎﻝ ﺇﺿﺮﺑﻮﻫﺎ ﺑﺎﻟﻌﺼﺎ ﻭ ﻋﻄﺎﻭﻫﺎ ﻓﻠﻘﺔ ﻧﺒﺎﺵ ﺍﻟﻘﺒﻮﺭﺣﺘﻰ ﻗﺎﻟﺖ ﻳﺎ ﺳﻴﺪﻱ ﺻﺤﻴﺢ ﺭﺍﻭ ﺭﺯﻗﻮ ﻭ ﺣﻜﺎﺕ ﻛﻞ ﺍﻟﺤﻜﺎﻳﺔ .. ﻭﺣﻜﻢ ﺍﻟﻘﺎﺿﻲ ﺑﺄﻥ ﺍﻟﺮﺍﺟﻞ ﻳﺮﺟﻌﻠﻮ ﺭﺯﻗﻮ ﺍﻟﻜﻠﻮﻭﻭ ﻭ ﺍﻟﻤﺮﺃﺓ ﺑﻘﺎﺕﻣﻄﻠﻘﺔ